കോഫീ മെഷീന്റെ മുന്നിൽ നിന്നുകൊണ്ട് ഹരി ചോദിച്ചു..
കൈ കെട്ടി മുഖം വീർപ്പിച്ചു കൊണ്ട് വീണ ചോദിച്ചു : ഇമ്മാതിരി പരുപാടി കാണിക്കരുത് ഹരി. രാവിലെ കഷ്ടപ്പെട്ട് അണിഞ്ഞൊരുങ്ങി വന്നപ്പോൾ..
ഹരി ചിരിച്ചു കൊണ്ട് : അതിനെന്താ ഉണ്ടായത്, ഏതെങ്കിലും ഒരാൾ ഉണ്ടോ, ചേച്ചിയെ പുകഴ്ത്തതായി..
വീണ പല്ല് കടിച്ചു ഹരിയെ നോക്കി പറഞ്ഞു : നീയൊരക്ഷരം മിണ്ടിയില്ലല്ലോ..
ഹരി : ഇത്രേം പേർ പുകഴ്ത്തിയതല്ലേ ചേച്ചി, ഞാനും കൂടെ കൂടി, ഇനി കണ്ണ് തട്ടണ്ട വച്ചിട്ടാണ്..
വീണ ദേഷ്യം വന്നു തിരിഞ്ഞു നടക്കാൻ തുടങ്ങിയതും, ഹരി വീണയുടെ കയ്യിൽ പിടിച്ച് , തന്റെ നേരെ തിരിച്ചു നിർത്തി, നെഞ്ചിൽ തന്റെ കൈകൾ കൊണ്ട്, ലവ് ചിഹ്നം കാണിച്ചു കൊണ്ട് പതിയെ പാടി : മഞ്ഞളും, ചന്ദനവും, ഒത്തു ചേരും സന്ദൂർ……… സന്ദൂർ, സന്ദൂർ..
പാടി കഴിഞ്ഞതും, വീർപ്പിച്ചു വച്ചിരുന്ന വീണയുടെ കവിളിൽ ഒരു നുള്ള് കൊടുത്തു കൊണ്ട് ഹരി പറഞ്ഞു : എല്ലാവരുടെയും മുന്നിൽ വച്ച്, ഞാൻ ഇത് പാടിയിരുന്നേൽ എന്തായേനെ…
വീണയുടെ മുഖത്ത് ചിരി തെളിഞ്ഞു..
ഹരി : എന്റെ സന്തൂർ മമ്മിക്ക് ഓകെ ആണേൽ, എനിക്കും ഓകെ ആണ്.. ഞാൻ പാടി നടക്കാൻ പോവാണ്..
വീണ ഹരിയുടെ വയറ്റിൽ ഒരു കുത്ത് കുത്തി ചിരിച്ചു കൊണ്ട് പറഞ്ഞു : പോടാ അവിടുന്ന്..
ഹരി അൽപം മുന്നോട്ട് നീങ്ങി, തന്റെ മുഖം വീണയുടെ തോളിലേക്ക് കൊണ്ട് പോയി പതിയെ ചെവിയിൽ പറഞ്ഞു : സുന്ദരി ആയിട്ടുണ്ട്, എന്റെ സന്തൂർ മമ്മി..
ഹരിയുടെ നിശ്വാസം, ഒരു ഇക്കിളി സമ്മാനിച്ചു വീണക്ക്..
ഹരി പിന്നിലോട്ട് മാറി ചോദിച്ചു : ചായ, കോഫി.. പറഞ്ഞില്ലല്ലോ..
വീണ : ഒന്നും വേണ്ട.. ഫുഡ് കഴിക്കാറായില്ലേ..
ഹരി : സൈറ്റിൽ പോണം ചേച്ചി, മാടം ഇറങ്ങാൻ വേണ്ടി കാത്തിരിക്കാണ്. ഇന്നത്തെ ഉച്ചയൂണ് ഗോവിന്ദ.
വീണ: ഇടക്ക് കഴിച്ചൂടെ..
ഹരി : ഒലക്ക,, മാടം പ്രോപ്പർ ഡയറ്റ് പ്രകാരം അല്ലെ ഫുഡ് അടിക്കൂ.. നമ്മളെ പോലെ കിട്ടുന്നത് വാരി വലിച്ചു അടിക്കില്ലല്ലോ.. തിരിച്ചു വരുമ്പോൾ, തണുത്ത ഡാലും ചോറും നമുക്ക് ശരണം, ബാക്കി എല്ലാം തീർന്നിട്ടും ഉണ്ടാവും.
അപ്പോഴേക്കും അമൽ അങ്ങോട്ട് വന്നു..
അമൽ : കോഫീ ആണോടാ, ഒന്ന് എനിക്ക് കൂടെ..
വീണ അമലിന് നേരെ തിരിഞ്ഞ് : അതെന്താ നിനക്ക് കയ്യില്ലേ അമലേ..
അമലും ഹരിയും, ഷോക്ക് ആയി അത് കേട്ടപ്പോൾ..
ഹരി : മിഷിനിൽ, വിരൽ കൊണ്ട്, രണ്ടു കുത്തു കുത്തിയാൽ, വേണ്ടത് ആയി. അതിനെന്താ ചേച്ചി പ്രശനം.
വീണ : ഞാൻ ആയിഷയോട് പറയാം, നിന്റെ ഫുഡിന്റെ കാര്യം..
ഹരി തിരിഞ്ഞ് കോഫി ഉണ്ടാക്കാൻ വേണ്ടി ബട്ടനിൽ ഞെക്കി..
ഹരി : ചേച്ചിക്ക് എന്തിന്റെ കേടാ.. ഓഫീസ് ടൈമിൽ വർക്ക് ഫസ്റ്റ് ബാക്കി എന്തും സെക്കന്റ്.. അറിയാലോ മാമിന്റെ പൊളിസി.
ഹരി കോഫി കപ്പ് അമലിന് നേരെ നീട്ടി…
” ഡിംഗ് “….. ഹരിക്ക് പോകാനുള്ള സിഗ്നൽ വന്നു..
“അപ്പോൾ ശരി ചേച്ചി, പോയി വരാം, ചേച്ചി ഒന്നും പറയരുത് പ്ലീസ്, അതിനു തെറി കേൾക്കാൻ എനിക്ക് വയ്യ”… ഹരി ഇതും പറഞ് വേഗത്തിൽ നടന്നു, ആയിഷയുടെ ഓഫീസിലേക്ക്..
മൂന്നു മണി ആയി ഹരി തിരിച്ചു ഓഫീസിൽ എത്തിയപ്പോൾ. ബാഗ് വച്ച്, കാന്റീനിലെ തണുത്ത ഫുഡിനെ തേടി, ഹരി എഴുന്നേറ്റതും..
വീണ തന്റെ ബാഗ് ഹരിക്ക് നേരെ നീട്ടി പറഞ്ഞു : എടാ, ഇതിൽ എന്റെ ടിഫിൻ ഉണ്ട്.. ഓവനിൽ വച്ച് ഒന്ന് ചൂടാക്കിയാൽ മതി..
ഹരി : അപ്പോൾ ചേച്ചി..
വീണ : ഞാൻ ക്യാന്റീനിൽ നിന്നും കഴിച്ചു.
ഹരിക്ക് ഒരുപാട് സന്തോഷം ആയി അത് കേട്ടിട്ട്, ഒന്നും പറയാതെ, ഹരി, ബാഗും വാങ്ങി, ക്യാന്റീനിൽ പോകാതെ, കാഫെട്ടേറിയയിലേക്ക് നടന്നു.
ഹരി കാഫൈറ്ററിയയിൽ കയറിയതും, എല്ലാം കണ്ട് നോക്കി നിക്കുന്ന എല്ലാവരെയും നോക്കി എഴുന്നേറ്റ് നിന്ന് വീണ കലിപ്പിച്ചു പറഞ്ഞു: നമ്മുടെ കൂടെ ജോലി ചെയ്യുന്ന ഒരുത്തൻ ആണ് അവനും. നിങ്ങൾ ആരെങ്കിലും അവനെ കുറിച്ച് ശ്രദ്ധിക്കാറുണ്ടോ…