റിയ :ടാ കോപ്പേ നീ എന്താ അസൈൻ മെന്റ് എഴുതാത്തെ ങ്ങെ അതുകൊണ്ടല്ലേ എനിക്ക് സത്യം പറയേണ്ടി വന്നത് നീ പണിഷ്മെന്റ് വാങ്ങുമ്പോൾ എനിക്ക് നീ തന്ന അസൈൻമെന്റും വെച്ചോണ്ട് ഇരിക്കാൻ പറ്റുവോ
സാം :അതുപിന്നെ ഞാൻ എഴുതി വെച്ചിരുന്നതല്ലേ നിനക്ക് തന്നത് പുതിയൊരെണ്ണം എഴുതാനും സമയം ഇല്ലായിരുന്നു
റിയ :പിന്നെ എന്തിനാ എനിക്കത് തന്നത്
സാം :നിനക്കത് അറിയില്ലേ
റിയ :അറിയാം നിനക്ക് വട്ട് ആയത് കൊണ്ട് നല്ല മുഴുത്ത വട്ട്.. ടാ സാമേ സാറ് പറഞ്ഞതുപോലെ നീ എന്റെ കൂടെ നടന്നു നശിക്കാൻ ഉള്ളവൻ അല്ല നിനക്കൊരു ഭാവിയുണ്ട് നീ നല്ല നിലയിൽ എത്തും അതുകൊണ്ട് ഇനി എന്റെ പുറകേ വരരുത്
സാം :നീ പറഞ്ഞത് ശരിയാ എനിക്ക് നല്ലൊരു ഭവിയുണ്ട് നല്ലനിലയിൽ എത്താനും പറ്റും അത് ഞാൻ ചെയ്തിട്ടുമുണ്ട് പക്ഷെ എന്ത് പ്രയോജനം എന്റെ ജീവിതം എങ്ങനെയായിരുന്നു എന്ന് നിനക്കറിയാമോ ഓരോ ദിവസവും ഞാൻ എങ്ങനെയാ തള്ളി നീക്കിയത് എന്നറിയാമോ
സാമിന്റെ ഒച്ച ഉയർന്നു അവന്റെ കണ്ണുകൾ നിറഞ്ഞു
റിയ :സാം എന്താ ഇത് നിനക്ക് എന്താ പ്രശ്നം നീ എന്താ ഇങ്ങനെയൊക്കെ പെരുമാറുന്നത്
സാം പെട്ടെന്ന് തന്നെ സ്വബോധത്തിലേക്ക് തിരിച്ചു വന്നു
സാം :സോറി റിയ ഞാൻ പെട്ടെന്ന് നീ എന്നോട് പോകാൻ പറഞ്ഞപ്പോൾ
റിയ :പറഞ്ഞാൽ പറഞ്ഞാൽ ഇപ്പോൾ എന്താ ഞാൻ ഇനിയും പറയും സാം ഞാൻ ഇപ്പോൾ സ്കൂൾ നിന്ന് പുറത്തേക്കു പോകുവാ എനിക്കൊരാളെ കാണാൻ ഉണ്ട് ദയവ് ചെയ്തു പുറകേ വരരുത് നീ ക്ലാസ്സിൽ കയറിക്കോ നമുക്ക് നാളെ സംസാരിക്കാം എനിക്ക് നിന്നോട് പിണക്കം ഒന്നുമില്ല
ഇത്രയും പറഞ്ഞു റിയ മുന്പോട്ട് നടന്നു സാം തിരിഞ്ഞും
കുറച്ചു ദൂരം ചെന്ന സാം ഇന്നലെ റിയ ഡയറിയിൽ എഴുതിയ വാക്കുകൾ ഓർത്തു
സാം :ഇനി റിയാ ഇപ്പോൾ പോകുന്നത് അരുണിനെ കാണാൻ ആണെങ്കിൽ അത് കാരണമാണ്.. ഇല്ല ഒന്നും സംഭവിക്കാൻ പാടില്ല ഇനി എന്റെ മുന്നിൽ അധികം ദിവസമില്ല സോറി റിയ എനിക്ക് നീ പറയുന്നത് കേൾക്കാൻ സാധിക്കില്ല അത് നിനക്ക് വേണ്ടി തന്നെയാണ് സാം തിരിഞ്ഞു ശേഷം റിയ പോയ വഴി ലക്ഷ്യമാക്കി നടക്കാൻ തുടങ്ങി
കുറച്ച് സമയത്തിനു ശേഷം റിയ ഒരു ഫുട്ബോൾ ഗ്രൗണ്ടിന് മുൻപിൽ
റിയ പതിയെ ചുറ്റും നോക്കി ശേഷം കളി കഴിഞ്ഞു പുറത്തേക്കു വരുന്ന പയ്യൻന്മാർക്കിടയിൽ ആരെയോ തിരഞ്ഞു
ഇതേ സമയം തന്നെ സാം അവിടേക്ക് എത്തിയിരുന്നു
സാം :ഇവൾ എന്താ ഇവിടെ റിയ ആരെയോ നോക്കുകയാണല്ലോ
പെട്ടെന്ന് തന്നെ റിയ കളി കഴിഞ്ഞു വരുന്ന പയ്യൻമാരിൽ ഒരാളുടെ അടുത്തേക്ക് ഓടി
റിയ : അരുൺ..
അവന്റെ അടുത്തേക്ക് എത്തിയ റിയ അവനെ വിളിച്ചു
സാം :അതാണോ അരുൺ ഇവൻ കാരണമാണോ റിയ
“അരുൺ.. ” റിയയുടെ വിളികേട്ട് അരുൺ പതിയെ പുറകോട്ട് തിരിഞ്ഞു എന്നാൽ റിയയെ കണ്ട ഉടൻ തന്നെ അവൻ മുഖം തിരിച്ചു നടന്നു
റിയ :അരുൺ ഒന്ന് നിൽക്ക് ഞാൻ പറയുന്നത് ഒന്ന് കേൾക്ക് ഒരു തവണ ഒരു തവണ മാത്രം
അരുൺ :നീ ഇവിടുന്ന് പോ റിയ വെറുതെ എന്റെ ക്ഷമ പരീക്ഷിക്കരുത് നിന്നോട് ഞാൻ പറഞ്ഞിട്ടില്ലേ എന്റെ അടുത്തേക്ക് വരരുതെന്ന്
റിയ :അരുൺ പ്ലീസ് ഒരു തവണ എന്റെ കൂടെ ഒന്ന് വാ ഞാൻ ഇനി ഒന്നും ആവശ്യപ്പെടില്ല
അരുൺ :പറ്റില്ലെന്ന് പറഞ്ഞില്ലേ എന്റെ സ്വഭാവം മാറ്റാതെ ഇവിടുന്നു പൊക്കോ
ഇത്രയും പറഞ്ഞു അരുൺ മുൻപോട്ട് നടന്നു
വേഗം തന്നെ റിയ വീണ്ടും അരുണിന്റെ മുന്നിലേക്ക് എത്തി ശേഷം അവന്റെ കയ്യിൽ പിടിച്ചു
റിയ :ഇല്ല നീ വരും നിന്നെയും കൊണ്ടേ ഞാൻ പോകു
റിയ അരുണിനോടായി പറഞ്ഞു
“നിന്നോട് മാറാൻ അല്ലെ പറഞ്ഞത്”
ഇത്രയും പറഞ്ഞു അരുൺ റിയയെ തള്ളി മാറ്റി തള്ളേറ്റ റിയ പതിയെ നിലത്തേക്ക് വീണു
“ടാ ” പെട്ടെന്നാണ് അരുൺ ആ അലർച്ച കേട്ടത് അത് കോപത്തോടെ അരുണിനടുത്തേക്ക് ഓടിയടുത്ത സാം ആയിരുന്നു അവിടെ എത്തിയ സാം ആദ്യം തന്നെ അരുണിന്റെ മുഖത്തേക്ക് ആഞ്ഞിടിച്ചു ഇടികൊണ്ട അരുൺ കോപത്തോടെ സാമിനെയും ഇടിച്ചു ഇരുവരും തമ്മിൽ നിമിഷനേരത്തിനുള്ളിൽ തന്നെ പൊരിഞ്ഞ അടിനടന്നു ഇതെല്ലാം കണ്ട് റിയ അവിടെ പകച്ചു നിന്നു ചുറ്റും കൂടിയ മറ്റുകുട്ടികൾ വേഗം തന്നെ ഇരുവരെയും പിടിച്ചു മാറ്റി