അമ്മു : ഇതെന്ത് കഷ്ടം എന്റെ ഭർത്താവിനോട് എനിക്ക് വാശി കാണിക്കാനും പറ്റില്ലേ
രാജീവ് : ശെരി നിങ്ങൾ ഇറങ്ങിക്കോ ഇപ്പോൾ തന്നെ വൈകിയില്ലേ
ഇത് കേട്ട അമ്മുവും അർജുനും കാറിലേക്ക് കയറി കാർ മുന്നോട് എടുത്തു
അവർ പോയ ശേഷം റാണിയും രാജീവും
രാജീവ് : എടി അർജുനെ കിട്ടിയത് നമ്മുടെ ഭാഗ്യമാ അവളെ തറയിൽ വെക്കാതെയല്ലേ അവൻ കൊണ്ടു നടക്കുന്നത്
റാണി : ശെരിയാ അമ്മുവിനും അവനെ നന്നായി ബോധിച്ചിട്ടുണ്ട് അർജുന്റെ കാര്യത്തിലൊക്കെ നല്ല ശ്രദ്ധിയാ അവളുടെ മുഖത്തെ സന്തോഷം ശ്രദ്ധിച്ചോ
രാജീവ് : അമ്മു ഭാഗ്യമുള്ളവളാ അജുകൊണ്ടാ ഇങ്ങനെയൊക്കെ നടന്നത് അന്ന് ഞാൻ ശേഖരനെ കണ്ട് മുട്ടിയില്ലായിരുന്നെങ്കിലോ ഇതിനാണ് വിധി എന്നൊക്കെ പറയുന്നത്
റാണി : പിന്നെ ചേട്ടാ…. നിങ്ങൾ അർജുനോട് അമ്മുവിന്റെ കാര്യം സൂചിപ്പിരുന്നോ
രാജീവ് : എന്ത് സൂചിപ്പിക്കാൻ നീ മിണ്ടാതിരുന്നേ റാണി അങ്ങനെ പറയാൻ മാത്രം എന്താ ഉള്ളത്
റാണി : അല്ല എങ്കിലും
രാജീവ് : ഒരു എങ്കിലും ഇല്ല നീ വന്നേ
ഇതേ സമയം അർജുനും അമ്മുവും കാറിൽ
അമ്മു : അജു നമ്മൾ എത്ര മണിക്കൂർ കൊണ്ട് മൂന്നാറെത്തും
അർജുൻ : ഒരു 6, 7 മണിക്കൂർ പിടിക്കും ചിലപ്പോൾ കൂടുതലുമാകും
അമ്മു : അത്രയുമാകുമോ അപ്പോൾ അവിടെ എത്തുബോൾ രാത്രിയാകില്ലേ
അർജുൻ : അതെ ആകും കുറച്ച് കൂടി നേരത്തെ ഇറങ്ങാം എന്ന് ഞാൻ പറഞ്ഞതല്ലേ ഉം ഇനിയിപ്പോൾ സാരമില്ല നമുക്ക് നാളെ എല്ലായിടവും ചുറ്റിക്കാണാം പക്ഷെ ഇന്ന് രാത്രി എന്ത് ചെയ്യുമെന്നാ ഞാൻ ആലോചിക്കുന്നെ 🙄
ഇത് കേട്ട അമ്മു അർജുനെ നോക്കി പതിയെ ചിരിച്ചു
” ഇന്നലെ വരെ സേഫ് ആയിരുന്നു ഇന്ന് മുതൽ അല്ല, അല്പം കഴിഞ്ഞു കുട്ടികൾ മതി എന്നല്ലേ അർജുൻ ഇന്നലെ പറഞ്ഞേ ( രാത്രിയിൽ അർജുൻ അമ്മുവിനോട് സംസാരിച്ചിരുന്നു )
അങ്ങനെയാണെങ്കിൽ ടാബ്ലെറ്റ്സോ മറ്റോ വാങ്ങേണ്ടിവരും ”
അർജുൻ : അമ്മു ഞാൻ അത് അല്ല ഉദ്ദേശിച്ചേ
അമ്മു : അയ്യോ പാവം ഒന്ന് പോയേ അജു
അല്പസമയത്തിന് ശേഷം
അമ്മു : ഇങ്ങനെ പോയാൽ നമ്മൾ അവിടെ എത്തുമ്പോൾ നാളെയാകും കുറച്ച് വേഗം പോ അജു ഇല്ലെങ്കിൽ കീ ഇങ്ങെടുക്ക് ഞാൻ ഓടിക്കാം 7 മണിക്കൂർ എന്നല്ലേ പറഞ്ഞത് ഒരു 5 മണിക്കൂർ കൊണ്ട് സ്ഥലത്തെത്തിക്കാം
അർജുൻ : മിണ്ടാതെ ഇരിക്കാൻ നോക്ക് അമ്മു നിന്നെക്കൊണ്ട് ഡ്രൈവ് ചെയ്യിക്കരുത് എന്ന് അങ്കിൾ പ്രത്തേകം പറഞ്ഞിരുന്നു നീ എന്താ എന്നോട് പറഞ്ഞത് ബൈക്ക് അമ്മ കാരണമാണ് കൊടുത്തത് എന്ന് അല്ലേ ഒരു കാറിൽ കൊണ്ടുപോയി ഇടിച്ചു കയറ്റിയ കാര്യമൊക്കെ അങ്കിൾ എന്നോട് പറഞ്ഞു
അമ്മു : അത് പിന്നെ… ഈ അച്ഛന്റെ ഒരു കാര്യം എല്ലാ കുറ്റവും അജൂനോട് പറഞ്ഞു അല്ലേ
അർജുൻ : കുറ്റമായി ഒന്നും പറഞ്ഞതല്ല അങ്ങനെ സംസാരത്തിനിടക്ക് പറഞ്ഞു അതുകൊണ്ട് ഡ്രൈവ് ചെയ്യാം എന്ന് കരുതണ്ട
ഇത്രയും പറഞ്ഞു അർജുൻ വണ്ടി അല്പം കൂടി സ്പീഡിൽ എടുത്തു
അവർ വീണ്ടും കുറേ ദൂരം മുന്നോട്ട് പോയി പെട്ടെന്നാണ് മഴ പെയ്യുവാൻ തുടങ്ങിയത് അത് വേഗം കനക്കുകയും ചെയ്തു
അർജുൻ : ഇതെന്താ പെട്ടെന്നൊരു മഴ
അർജുൻ പതിയെ കാർ സൈഡിലേക്ക് ഒതുക്കി നിർത്തി
അമ്മു : എന്തിനാ അജു നിർത്തിയത്
അർജുൻ : നല്ല മഴയുണ്ട് വ്യൂ വക്തമല്ല മഴ അല്പം കുറയട്ടെ എന്നിട്ട് എടുക്കാം
അമ്മു : അമ്മോ ഇങ്ങനെ ഒരു പേടിത്തൊണ്ടൻ
അർജുൻ : അതെ പേടിയാ എനിക്ക് എന്തെങ്കിലും പറ്റിയാലും കുഴപ്പമില്ല ഇതിപ്പോൾ നീ കൂടി ഉള്ളതല്ലേ
അമ്മു : ദേ അർജുനെ വേണ്ടാത്തത് പറഞ്ഞാൽ ഉണ്ടല്ലോ
അർജുൻ : ഓ അതിനിടയിൽ അജു വിളിയൊക്കെ പോയി അല്ലേ
അമ്മു : പിന്നെ വായിൽ തോന്നിയത് വിളിച്ചു പറഞ്ഞാൽ… ശെരി മഴ കുറഞ്ഞിട്ടു പോകാം ഇനി ഇങ്ങനെ ഒന്നും പറയരുത്
അർജുൻ : ശെരി പറയുന്നില്ല പോരെ അല്ല നിനക്ക് ഉച്ചക്ക് കഴിച്ച ബിരിയാണി ഇഷ്ടപ്പെട്ടോ