അർജുൻ : അങ്ങനെ ഒറ്റക്ക് വിടാൻ ഞാൻ ഉദ്ദേശിച്ചിട്ടില്ല
രാജീവ് : അർജുൻ പോകാൻ നോക്ക് ശേഖരൻ പറഞ്ഞത് പോലെ പണവും ആഭരണവും എല്ലാം തിരിച്ചു തന്നില്ലേ അതോടെ ഈ ബന്ധവും അവസാനിച്ചു
അമ്മു : മതി പോകണോ വേണ്ടേ എന്ന് ഞാൻ അല്ലേ തീരുമാനിക്കുന്നത് ഞാൻ അർജുന്റെ കൂടെ പോകും അർജുൻ എവിയാണോ അവിടെ ഞാനും ഉണ്ടാകും
റാണി : നിനക്ക് ഇനിയും മതിയായില്ലേ അമ്മു
അമ്മു : എല്ലാ തെറ്റും ചെയ്തത് നമ്മളല്ലേ എന്നിട്ടിപ്പോൾ എല്ലാം ക്ഷമിക്കാൻ തയ്യാറായ അജൂനെ വീണ്ടും വീണ്ടും വേദനിപ്പിക്കുന്നു എന്തിനാ അമ്മേ ഇങ്ങനെ സ്വാർത്ഥമായി പെരുമാറുന്നത്
അർജുൻ : അങ്കിളിപ്പോൾ പറഞ്ഞില്ലേ എല്ലാ ബന്ധവും അവസാനിച്ചു എന്ന് അതെങ്ങനെ ശെരിയാകും ഞങ്ങൾ തമ്മിലുള്ള ഏറ്റവും വലിയ ബന്ധത്തിന്റെ തെളിവ് ഇപ്പോഴും അവളുടെ കഴുത്തിൽ കിടപ്പുണ്ട് അത് ഉള്ളിടത്തോളം കാലം അമ്മുവിന്റെ മേൽ ഈ ലോകത്ത് ഏറ്റവും കൂടുതൽ അവകാശം എനിക്ക് തന്നെയാ പിന്നെ ഈ സ്വർണ്ണം തിരിച്ചു തന്നത് അതെനിക്ക് ആവശ്യമില്ലാത്തത് കൊണ്ടാ എനിക്ക് ഇവളെ മാത്രം മതി
ഇത്രയും പറഞ്ഞു അമ്മുവിന്റെ കയ്യിൽ പിടിച്ചുകൊണ്ട് അർജുൻ മുന്നോട്ട് നടന്നു
അല്പസമയത്തിന് ശേഷം അർജുനും അമ്മുവും ബൈക്കിൽ
അർജുൻ : വിഷമിക്കണ്ട നിന്നോടുള്ള സ്നേഹം കൊണ്ടാ അങ്കിളും ആന്റിയും എന്നോട് അങ്ങനെ പെരുമാറിയത് എനിക്കവരോട് പിണക്കമൊന്നുമില്ല കുറച്ച് നാൾ കഴിയുമ്പോൾ എല്ലാം ശെരിയായികോളും
അമ്മു : അജു വീട്ടിൽ ചെല്ലുമ്പോൾ അവരൊക്കെ എങ്ങനെ പ്രതികരിക്കും എന്നെ തിരികെ കൊണ്ടുവരാൻ പോകുകയാണെന്ന് നീ അവരോട് പറഞ്ഞിരുന്നോ
അർജുൻ : നീ പേടിക്കണ്ട ഞാൻ ഉള്ളപ്പോൾ ആരും നിന്നെ ഒന്നും പറയില്ല
അമ്മു : പേടിയല്ല അജു എനിക്ക് അവരുടെയൊക്കെ മുഖത്ത് നോക്കുവാനുള്ള ധൈര്യം ഇല്ല അത്രക്ക് വലിയ തെറ്റല്ലേ….
അർജുൻ : ഒരു തെറ്റുമില്ല… അസുഖമൊക്കെ എല്ലാവർക്കും വരുന്നതാ എനിക്ക് എന്തെങ്കിലും പ്രശ്നം ഉണ്ടായാൽ നീ വിട്ടിട്ട് പോകുമോ ഇല്ലല്ലോ അതുകൊണ്ട് വേറെ ഒന്നും ചിന്തിക്കണ്ട
അമ്മു : എന്നെ എന്തിനാ അജു ഇത്രയും സ്നേഹിക്കുന്നെ വേറെ ആരായിരുന്നെങ്കിലും… 😭 ഞാൻ നിന്റെ മനസ്സിലുള്ള പെണ്ണ് പോലുമായിരുന്നില്ല…
അർജുൻ : ഇത് പറയരുതെന്ന് 100 വട്ടം ഞാൻ പറഞ്ഞിട്ടുണ്ട് മനസ്സിലുള്ള തേങ്ങാ കുല… അമ്മു ഇന്ന് നിനക്ക് നല്ല വഴക്ക് കിട്ടിയോ എല്ലാവരും കൂടി കൊത്തി പറിച്ചുകാണും അല്ലേ
അമ്മു : ഉം.. കുറേ പറഞ്ഞു… ആദ്യമൊന്നും എനിക്ക് ഒന്നും മനസ്സിലായില്ല പിന്നെ ഇവർ എന്തൊക്കെയാ ഈ പറയുന്നത് എന്നായി തോന്നൽ കുറച്ച് കഴിഞ്ഞപ്പോൾ അച്ഛനും അമ്മയും എത്തി അതോടെ എനിക്ക് കാര്യങ്ങൾ ബോധ്യമായി…അച്ഛന്റെയും അമ്മയുടെയും മുന്നിൽ വച്ച് എന്നെ ഒരുപാട് പറഞ്ഞു ഒടുവിൽ എന്റെ താലി പൊട്ടിക്കാൻ നോക്കി അപ്പോഴാ ഞാൻ പ്രതികരിച്ചത് അജു വന്നിട്ട് പോയാൽ മതി എന്നുണ്ടായിരുന്നു പക്ഷെ നിന്റെ മുന്നിൽ നിൽക്കാനുള്ള ധൈര്യം എനിക്ക് ഉണ്ടായിരുന്നില്ല
അർജുൻ : സോറി അമ്മു..അമ്മ ഇങ്ങനെയൊന്നും ആയിരുന്നില്ല എന്താ നിന്നോട് മാത്രം ഇങ്ങനെയെന്ന് മനസ്സിലാകുന്നില്ല
അമ്മു : മനസ്സിലാക്കാൻ ഒന്നുമില്ല അജു അമ്മയുടെ മനസ്സിലുള്ള പോലെയൊരു പെണ്ണായിരിക്കില്ല ഞാൻ…
അല്പസമയത്തിനുള്ളിൽ തന്നെ അർജുനും അമ്മുവും അർജുന്റെ വീടിനു മുന്നിൽ എത്തി ചേർന്നു
അർജുൻ : വാ പേടിക്കണ്ട
അമ്മു : എനിക്ക് പേടിയൊന്നുമില്ല അർജുൻ കൂടെയുണ്ടല്ലോ
അവർ ഇരുവരും പതിയെ മുന്നോട്ട് നടന്നു അപ്പോഴേക്കും അർജുന്റെ ബൈക്കിന്റെ ശബ്ദം കേട്ട് വീട്ടിലുള്ളവരും പുറത്തേക്ക് വന്നിരുന്നു അർജുനോടൊപ്പം അമ്മുവിനെ കണ്ട അവരെല്ലാം ഒന്ന് നെട്ടി
ദേവി : ഇവളെന്താ നിന്റെ കൂടെ എന്താ അർജുനെ നിന്റെ ഉദ്ദേശം
അർജുൻ : എന്റെ ഭാര്യ എന്റെ കൂടെയല്ലാതെ പിന്നെ ആരുടെ കൂടെയാ അമ്മേ ഉണ്ടാകേണ്ടത്
ദേവി : നിനക്കെന്താ അർജുനെ ഞങ്ങൾ പറഞ്ഞതൊന്നും മനസ്സിലായില്ലേ ശേഖരേട്ടാ നിങ്ങൾ എന്താ ഒന്നും പറയാത്തത്