അമ്മു : നല്ല ഭാവിയോ എന്നിട്ടിപ്പോൾ എന്തായി… എന്നെ എന്തിനാ അജൂന്റെ തലയിൽ കെട്ടിവച്ചേ വിവാഹം നടന്നില്ലെങ്കിൽ എനിക്ക് ഇത്രയും വിഷമം ഉണ്ടാകില്ലായിരുന്നു ഇപ്പോൾ എനിക്ക് അജൂനെ മറക്കാൻ പറ്റാത്ത അവസ്ഥയാ എല്ലാത്തിനും കാരണം നിങ്ങൾ രണ്ടു പേരുമാ അമ്മ എന്താ അന്ന് പറഞ്ഞത് പെട്ടെന്ന് ഒരു പേര കുട്ടിയെ വേണമെന്ന് അല്ലെ… എല്ലാം അറിഞ്ഞു വച്ചിട്ട് എന്നെ വീണ്ടും വീണ്ടും പറ്റിക്കുകയായിരുന്നു അല്ലേ
റാണി : അല്ല മോളെ…
അമ്മു : ഒന്നും പറയണ്ട എന്നെ അങ്ങ് കൊന്ന് കളഞ്ഞുകൂടായിരുന്നോ എങ്കിൽ ഇത്രയും പ്രശ്നം ഉണ്ടാകില്ലായിരുന്നു എല്ലാവർക്കും ഭാരമായി എനിക്കിങ്ങനെ ജീവിക്കണ്ട
രാജീവ് : മതി അമ്മു നിർത്ത് എല്ലാത്തിനും കാരണം ഞങ്ങളാണോ ങ്ങേ… ബൈക്ക് എടുക്കരുത് എന്ന് പറഞ്ഞിട്ടും എടുത്തത് ആരാ ആക്സിഡന്റ് ഉണ്ടാക്കിയത് ആരാ ശെരിയാ ഞങ്ങൾ കള്ളം പറഞ്ഞു അത് നിനക്ക് വേണ്ടിയാ 10 % സാധ്യത ഇപ്പോഴും ഉണ്ടെന്നാ ഡോക്ടർ പറഞ്ഞത് ഞങ്ങൾക്ക് അതിൽ വിശ്വാസിക്കാനായിരുന്നു ഇഷ്ടം കല്യാണത്തിനു മുൻപ് അർജുനോട് മാത്രം പറയണം എന്ന് കരുതിയതാ പക്ഷെ നിന്റെ സന്തോഷം കണ്ടപ്പോൾ വേണ്ടെന്ന് വച്ചു ഇത് കാരണം വിവാഹം മുടങ്ങിയാൽ നീ സഹിക്കില്ലെന്ന് കരുതി
അമ്മു : മതി ഒരു ന്യായവും പറയണ്ട അന്ന് മരിച്ചാൽ മതിയായിരുന്നു ഞാൻ കാരണം അർജുന്റെ ജീവിതവും ഇല്ലാതായി ഞാൻ ഇനി അർജുനോട് എന്ത് പറയും അല്ല അവൻ ഇനി എന്നെ കാണാൻ വരുവോ നിങ്ങളോട് ഞാൻ ഒരിക്കലും ക്ഷമിക്കാൻ പോകുന്നില്ല
ഇത്രയും പറഞ്ഞു അമ്മു തന്റെ റൂമിൽ കയറി കതകടച്ചു
ഇത് കണ്ട രാജീവും റാണിയും എന്ത് ചെയ്യണം എന്നറിയാതെ അവിടെയുണ്ടായിരുന്ന സോഫയിൽ ഇരുന്നു അല്പനേരത്തിനുള്ളിൽ തന്നെ അർജുൻ തന്റെ ബൈക്കിൽ അവിടേക്ക് എത്തി ശേഷം അവൻ പതിയെ വീടിനുള്ളിലേക്ക് കയറി അപ്പോൾ അവൻ കണ്ടത് പലയിടത്തായി ചിന്നിചിതറി കിടക്കുന്ന പല തരം വസ്തുക്കളാണ്
അർജുനെ കണ്ടയുടനെ രാജീവും റാണിയും സോഫയിൽ നിന്നും എഴുനേറ്റു
അർജുൻ : ഞാൻ കുറച്ച് കാര്യങ്ങൾ കേട്ടു അതൊക്കെ ശെരിയാണോ
റാണി : മോനെ… അത്
അർജുൻ : ശെരിയാണോ അല്ലെ അത് മാത്രം പറഞ്ഞാൽ മതി
രാജീവ് : അതെ ശെരിയാ അവൾക്ക് കുഞ്ഞുങ്ങൾ ഉണ്ടാകാനുള്ള സാധ്യത കുറവാ അത് മറച്ചുവച്ചാ ഞങ്ങൾ വിവാഹം നടത്തിയത്
അർജുൻ : ശെരി ഇതാ അങ്കിള് അമ്മുവിന് കൊടുത്ത സ്വർണ്ണവും മറ്റുമാ
ഇത്രയും പറഞ്ഞു അർജുൻ കയ്യിൽ കൊണ്ടുവന്ന ബാഗ് ടേബിളിലേക്ക് വച്ചു
അർജുൻ : ഇതൊക്കെ അമ്മു ചെയ്താതാണോ അവളെവിടെ റൂമിലുണ്ടോ
താഴെ പൊട്ടികിടക്കുന്ന വസ്തുക്കൾ നോക്കിയ ശേഷം അർജുൻ അവരോട് ചോദിച്ചു
രാജീവ് : അർജുൻ പൊക്കൊ ആവളെ കാണണ്ട തെറ്റെല്ലാം ചെയ്തത് ഞങ്ങളാ ഇനി അർജുൻ കൂടി എന്തെങ്കിലും പറഞ്ഞാൽ അവൾ സഹിക്കില്ല
അർജുൻ : അങ്ങനെ അവളെ കാണതെ പോകാൻ പറ്റില്ല എനിക്ക് കണ്ടേ പറ്റു ഇത്രയും പറഞ്ഞു അർജുൻ റൂമിനടുത്തേക്ക് നടന്നു ശേഷം പതിയെ വാതിലിൽ മുട്ടി
“എനിക്കൊന്നും കേൾക്കണ്ട എന്നല്ലേ പറഞ്ഞത്… ”
മുറിക്കുള്ളിൽ നിന്നും അമ്മു വിളിച്ചു പറഞ്ഞു
“അമ്മു വാതിൽ തുറക്ക് ഞാനാ ”
അർജുന്റെ ശബ്ദം കേട്ടതും അമ്മു അല്പനേരം നിശബ്ദയായി ശേഷം അല്പനേരത്തിനുള്ളിൽ തന്നെ അർജുന് മുൻപിൽ ആ റൂമിന്റെ വാതിൽ തുറക്കപ്പെട്ടു അർജുൻ പതിയെ റൂമിലേക്ക് കയറി ഹാളിൽ നിന്നും വിപരീതമായിരുന്നില്ല റൂമിലെ അവസ്ഥ റൂമിലെ വസ്തുക്കളും അവിടവിടെയായി ചിതറി കിടക്കുകയായിരുന്നു അർജുൻ റൂമിൽ മുഴുവൻ കണ്ണോടിച്ച ശേഷം അമ്മുവിന്റെ മുഖത്തേക്ക് നോക്കി
അമ്മു : അജു ഞാൻ ഒന്നും ചെയ്തിട്ടില്ല… ആക്സിഡന്റിനെ പറ്റിയൊക്കെ ഞാൻ പറഞ്ഞിട്ടുള്ളതല്ലേ പക്ഷെ ഇക്കാര്യം എനിക്ക് അറിയില്ലായിരുന്നു അറിഞ്ഞിരുന്നെങ്കിൽ ഞാൻ ഒരിക്കലും ഈ വിവാഹത്തിന് സമ്മതിക്കില്ലായിരുന്നു…ഞാൻ നിന്നെ ചതിച്ചിട്ടില്ല അജു പ്ലീസ് എന്നെ വിശ്വസിക്ക്
അർജുൻ : നീ എന്താ വിളിച്ചിട്ട് ഫോൺ എടുക്കാത്തത്
അമ്മു : എടുത്തിട്ട് ഞാൻ നിന്നോട് എന്ത് പറയും… നിനക്ക് തരാനുള്ള ഉത്തരമൊന്നും എന്റെ കയ്യിൽ ഇല്ല അജു നീ എന്നെ കാണാൻ വരുമെന്ന് പോലും ഞാൻ കരുതിയില്ല