അർജുൻ : അച്ഛനും ഇവരുടെയൊക്കെ വാക്ക് കേട്ട് തുള്ളുകയാണോ
ശ്രുതി : അർജുനെ….
അർജുൻ : ആരും ഒന്നും പറയണോന്നില്ല ഞാൻ കൂടി ഇവിടുന്ന് പോയിതരാം എന്താ
ദേവി : നിർത്ത് അർജുനെ എന്ത് അറിഞ്ഞിട്ടാ നീ ഈ കിടന്ന് തുള്ളുന്നത് അവളും കുടുംബവും നമ്മളെ മുഴുവൻ ചതിക്കുകയായിരുന്നു…
അർജുൻ : എന്ത് ചതി…. എങ്ങനെ ചതിച്ചെന്നാ അമ്മ ഈ പറയുന്നെ
ദേവി : അവളെപോലൊരു മച്ചിയെ ( പ്രസവിക്കാത്തവൾ )നിന്റെ തലയിൽ കെട്ടിവച്ചില്ലേ അതിനെക്കാൾ വലിയ എന്ത് ചതിയാടാ ഉള്ളത്
അർജുൻ : അമ്മേ….വെറുതെ ഓരോന്ന് പറയരുത്…
ശേഖരൻ : വെറുതെ അല്ല നീ ഇപ്പോൾ കേട്ടതൊക്കെ സത്യമാ രാജീവും കുടുംബവും നമ്മളെ വഞ്ചിക്കുകയായിരുന്നു അമ്മു ഒരിക്കലും ഒരു അമ്മയാകില്ല
അർജുൻ : എന്തൊക്കെയാ അച്ഛാ ഈ പറയുന്നേ
ശ്രുതി വേഗം തന്നെ അർജുന്റെ അടുത്തേക്ക് എത്തി അർജുനെ നീ വാ ഞാൻ പറയാം
അർജുൻ : എന്ത് പറയാൻ ഞാൻ ഇതൊന്നും വിശ്വസിക്കില്ല വെറുതെ അങ്ങ് ഓരോന്ന് പറയുവാ
അർജുൻ വല്ലാതെ അസ്വസ്തനായി
ശേഖരൻ : കള്ളം പറഞ്ഞിട്ട് ഞങ്ങൾക്ക് എന്ത് കിട്ടാനാടാ ഇന്ന് നിന്റെ അമ്മയുടെ മുട്ട് വേദന കാണിക്കാൻ ഒന്ന് സിറ്റി ഹോസ്പിറ്റൽ വരെ പോയി അവിടെ വച്ച് എന്റെ ഒരു പഴയ കൂട്ടുകാരനെ കണ്ടു dr ശിവരാജൻ കണ്ടിട്ട് ഒരുപാട് നാളായില്ലേ അതുകൊണ്ട് ഞങ്ങൾ അല്പനേരം ഒന്നിരുന്നു സംസാരിച്ചു അതിനിടയിൽ നിന്റെ കല്യാണകാര്യത്തെ പറ്റിയൊക്കെ പറഞ്ഞു അങ്ങനെ പറഞ്ഞു വന്നപ്പോൾ ശിവരാജന് അമ്മുവിനെയും കുടുംബത്തെയും അറിയാം ഒരു രണ്ട് വർഷം മുൻപ് അമ്മുവിനെ ഒരു ആക്സിഡന്റുമായി ബന്ധപ്പെട്ട് അവനായിരുന്നു ചികിത്സിച്ചത് ആ ആക്സിഡന്റിൽ അവളുടെ വയറിൽ നല്ല ക്ഷതം ഏറ്റിരുന്നു അവൾക്ക് ഇനി ഒരിക്കലും കുട്ടികൾ ഉണ്ടാകാൻ സാധ്യതയില്ലെന്നാ അവൻ പറഞ്ഞത് എന്റെ കാര്യമായത് കൊണ്ടു മാത്രമാ അവൻ ഇതൊക്കെ തുറന്നു പറഞ്ഞത്
ദേവി : ഇത് കേട്ടപ്പോൾ ഞങ്ങളുടെ അവസ്ഥ എന്തായിരുന്നു എന്ന് നിനക്കറിയാമോ
എല്ലാം കേട്ട അർജുൻ ഒന്നും പറയാനാകാതെ തളർന്ന് അടുത്ത് കണ്ട സോഫയിൽ ഇരുന്നു
സാന്ദ്ര : ഇപ്പോൾ ചേട്ടന് അവരുടെ തനി സ്വഭാവം പിടികിട്ടിയില്ലേ കള്ളിയാ ചേട്ടാ പേരും കള്ളി
ശേഖരൻ : ഞാനാ നിന്നെ ഈ ബന്ധത്തിലേക്ക് തള്ളിവിട്ടത് നീ എന്നോട് ക്ഷമിക്ക് അവരുടെ കയ്യിൽ നിന്നും വാങ്ങിയ മുഴുവൻ പൈസയും ഞാൻ തിരിച്ചയച്ച് കൊടുത്തിട്ടുണ്ട് കുറച്ച് കടം വാങ്ങേണ്ടി വന്നു സാരമില്ല അത് ഞാൻ വീട്ടികൊള്ളാം
ദേവി : എത്ര ചോദിച്ചിട്ടും അവളാ താലി ഊരി തന്നില്ല എത്രയും പെട്ടെന്ന് തന്നെ ഈ ബന്ധം അവസാനിപ്പിച്ച് അത് തിരിച്ചു വാങ്ങണം
ഇത് കേട്ട അർജുൻ വേഗം തന്റെ റൂമിലേക്ക് നടന്നു
ദേവി : അർജുനെ ടാ…
എന്നാൽ അർജുൻ അതൊന്നും ശ്രദ്ധിക്കാതെ റൂമിലേക്ക് കയറി ശേഷം അല്പസമയത്തിനുള്ളിൽ തന്നെ ഒരു ബാഗുമായി പുറത്തേക്ക് വന്നു
ശേഖരൻ : നീ ഇത് എങ്ങോട്ടാ ഇതെന്താ കയ്യിൽ
അർജുൻ : എനിക്ക് അവളെ കാണണം എന്നെ ചതിച്ചോന്ന് ചോദിക്കണം
ദേവി : എന്ത് ചോദിക്കാൻ ഈ രാത്രി ഇനി നീ ഒരിടത്തേക്കും പോകണ്ട
അർജുൻ : എനിക്ക് പോയേ പറ്റു ഇത് അവര് തന്ന സ്വർണ്ണവും മറ്റുമാ അവളോട് ചോദിക്കേണ്ടതൊക്കെ ചോദിച്ച ശേഷം ഇതും എനിക്ക് തിരിച്ചുകൊടുക്കണം
ദേവി : അപ്പോൾ അവളിതോന്നും എടുക്കാതെയാണോ പോയത് നാശം പിടിക്കാൻ നീ നിൽക്ക് അമല് വന്നിട്ട് അവന്റെ കൂടെ പോകാം
അർജുൻ : വേണ്ട ഞാൻ ഒറ്റക്ക് മതി
ഇത്രയും പറഞ്ഞു അർജുൻ പുറത്തേക്ക് നടന്നു
ഇതേ സമയം രാജീവിന്റെ വീട്ടിൽ
“അമ്മു മോളെ ഞാൻ പറയുന്നത് കേൾക്ക് ”
അമ്മു : വേണ്ട ഒന്നും പറയണ്ട
അമ്മു വീട്ടിലെ സാധങ്ങളൊക്കെ എറിഞ്ഞു പൊട്ടിക്കാൻ തുടങ്ങി
റാണി : മതി മോളെ ദയവ് ചെയ്ത് നിർത്ത്
അമ്മു : എന്ത് നിർത്താൻ…. എല്ലാവരുടെയും മുന്നിൽ എന്നെ കള്ളിയാക്കിയില്ലേ… ഇങ്ങനെ കള്ളം പറഞ്ഞു എന്തിനാ എന്റെ വിവാഹം നടത്തിയത് എന്നോടെങ്കിലും സത്യം പറഞ്ഞുകൂടായിരുന്നോ ഞാൻ നിങ്ങൾക്ക് അത്രയും വലിയ ഭാരമായിരുന്നോ
രാജീവ് : മോളെ നിന്റെ നല്ല ഭാവിക്ക് വേണ്ടി…