അർജുൻ : നിനക്ക് അവരോടോന്നും ദേഷ്യമില്ലേ അമ്മു
അമ്മു : എന്റെ പഴയ സ്വഭാവം വച്ചാണെങ്കിൽ ഞാൻ ഇപ്പോൾ ഈ വീട് തന്നെ കത്തിച്ചേനെ…
അർജുൻ : എന്നിട്ടെന്താ കത്തിക്കാത്തെ
അമ്മു : ഞാൻ എന്ത് ചെയ്താലും അത് അജൂനെ കൂടി ബാധികില്ലേ ഇന്ന് തന്നെ കണ്ടില്ലേ അല്പനേരത്തെ എന്റെ ദേഷ്യം കാരണം അർജുന് എല്ലാവരുമായും വഴക്കിടേണ്ടി വന്നില്ലേ
അർജുൻ : അതൊക്കെ ഇടക്കിടെ ഉള്ളതാ ഇന്ന് പിണങ്ങും നാളെ മിണ്ടും അത്ര തന്നെ
അമ്മു : എന്നിട്ടാണോ മാറി താമസ്സിക്കാം എന്ന് പറഞ്ഞത് എനിക്ക് അറിയാം അജു അജൂന് അച്ഛനെയും അമ്മയേയും വിട്ട് മാറാൻ പറ്റില്ലെന്ന് എന്നിട്ടും എനിക്ക് വേണ്ടിയല്ലെ മാറാം എന്ന് പറഞ്ഞത് സത്യത്തിൽ ഞാനാ മാറേണ്ടത് എന്റെ ഈ നശിച്ച സ്വഭാവമാ മാറേണ്ടത്…. ഞാൻ എന്താ അജു ഇങ്ങനെയായി പോയത്
അമ്മുവിന്റെ കണ്ണുകൾ വീണ്ടും നിറഞ്ഞു
അർജുൻ : എങ്ങനെയായി പോയെന്ന് നിനക്ക് ഒരു കുഴപ്പവുമില്ല നീ മറ്റുള്ളവരെപോലെ ഉള്ളിലുള്ളത് മറച്ചുവെക്കുന്നില്ലല്ലോ തോന്നിയത് അപ്പോൾ തന്നെ പറയുന്നു അപ്പോൾ തന്നെ പ്രവർത്തിക്കുന്നു അതത്ര മോശം ശീലമൊന്നുമല്ല പക്ഷെ കുറച്ച് ശ്രദ്ധിവേണം ഇങ്ങനെ ചെയ്താൽ ഇങ്ങനെയുണ്ടാകും എന്ന് മനസ്സിലാക്കാൻ പറ്റണം
അമ്മു : ഇനി ഞാൻ ശ്രദ്ധിച്ചോളാം അജു… ഞാൻ എല്ലാവരോടും സോറി പറയാം അമ്മയോടും സാന്ദ്രയോടും എല്ലാവരരോടും എന്നിട്ട് നമുക്കവരെ കാര്യങ്ങൾ പറഞ്ഞു മനസ്സിലാക്കാം
അർജുൻ : കാര്യമൊക്കെ പറഞ്ഞു മനസ്സിലാക്കാം പക്ഷെ സോറി വേണ്ട അതിനുള്ള തെറ്റൊന്നും നീ ചെയ്തിട്ടില്ല
*****************
ഇതേ സമയം അമലും ശ്രുതിയും അവരുടെ റൂമിൽ
ശ്രുതി : ഇത്രയും പ്രശ്നം നടന്നിട്ടും ചേട്ടൻ എന്താ ഒന്നും മിണ്ടാതെ നിന്നെ
അമൽ : ഞാൻ എന്ത് പറയാനാ എന്തെങ്കിലും പറഞ്ഞാൽ ഒന്നുകിൽ അർജുനെ പിണക്കേണ്ടിവരും അല്ലെങ്കിൽ അമ്മയെ പിണക്കേണ്ടി വരും എന്തിനാ വെറുതെ
ശ്രുതി : അമലേട്ടാ ആ വിവേക് അമ്മുവിനെ കുറിച്ച് പറഞ്ഞതൊക്കെ കള്ളമാണെന്നാ എനിക്ക് തോന്നുന്നത്
അമൽ : അതെന്താ നീ അങ്ങനെ പറയുന്നെ
ശ്രുതി : അമ്മു അങ്ങനെ ഒരുത്തിയാണെന്ന് എനിക്ക് തോന്നിയിട്ടല്ല പിന്നെ ആ വിവേകിന്റെ മുഖത്ത് നല്ല കള്ള ലക്ഷണവും ഉണ്ടായിരുന്നു… എനിക്ക് ആദ്യം മുതലേ അവരുടെ കുടുംബം പിടിച്ചിട്ടില്ല
അമൽ : അവൾക്ക് അവനെ മാത്രം മതി എന്ന് പറഞ്ഞുകോണ്ട് നിന്നാൽ പിന്നെ എന്ത് ചെയ്യാൻ പറ്റും
ശ്രുതി : അല്ലെങ്കിലും നിങ്ങളുടെ പെങ്ങൾക്ക് അല്പം അഹങ്കാരം കൂടുതലാ എന്തായാലും ഇനി ഈ കല്യാണം നടക്കില്ലല്ലോ അത്രയും നല്ലത് നമുക്ക് വേറെ നല്ല ബന്ധം നോക്കാം
അമൽ : നിന്റെ ഓഞ്ഞ കുടുംബത്തിൽ നിന്ന് വല്ലതുമാണേൽ വേണ്ട
ശ്രുതി : ദേ എന്റെ കുടുംബത്തെ പറഞ്ഞാൽ ഉണ്ടല്ലോ…
അമൽ : പിന്നെ ശ്രുതി നീ ഇപ്പോൾ പറഞ്ഞത് പോലെ അമ്മയുടെയും സാന്ദ്രയുടെയും മുന്നിൽ പോയി പറയണ്ട ആരുടെയും പക്ഷം പിടിക്കാതിരിക്കുന്നതാ നമുക്ക് നല്ലത്
*************
3 ദിവസത്തിന് ശേഷം
അമ്മു : അജു ഓഫീസിൽ പോകുന്നില്ലേ
അർജുൻ : ഇല്ല ഇന്ന് കൂടി ലീവ് എടുക്കാം എന്ന് വച്ചു നിനക്ക് നല്ല സുഖമില്ലല്ലോ ഹോസ്പിറ്റലിൽ വിളിച്ചാൽ നീ വരത്തുമില്ല
അമ്മു : എനിക്ക് കുഴപ്പമൊന്നുമില്ല ചെറിയൊരു തല വേദന അത് ടാബ്ലറ്റ് കഴിച്ചാൽ മാറും അജു ഓഫിസിൽ പൊക്കൊ ഇപ്പോൾ 3 ദിവസമായില്ലെ
അർജുൻ : എനിക്ക് നല്ല മൂഡില്ലടോ
അമ്മു : ഒരുപാട് പെന്റിങ് വർക്ക് ഉണ്ടെന്ന് അർജുൻ തന്നെയല്ലെ പറഞ്ഞത് എനിക്കറിയാം എന്നെ ഒറ്റക്കാക്കാൻ മടിയായത് കൊണ്ടല്ലേ സാരമില്ല അജു ഇവിടെ എല്ലാവരും ഇല്ലേ പതിയെ ആണെങ്കിലും അവരെന്നോട് മിണ്ടികോളും ശ്രുതിയേച്ചി എന്നോട് സംസാരിക്കുന്നുണ്ട് പക്ഷെ അമ്മയും സാന്ദ്രയും ഇപ്പോഴും ഒഴിഞ്ഞു മാറുകയാ സാരമില്ല എല്ലാം ശെരിയാകും അജു റെഡിയാകാൻ നോക്ക് വെറുതെ ജോലി മുടക്കണ്ട
അർജുൻ : ശെരി നിന്റെ ഇഷ്ടം… പിന്നെ നിനക്ക് എന്തെങ്കിലും പഠിക്കാനോ മറ്റോ താല്പര്യമുണ്ടോ വീട്ടിൽ വെറുതെ ഇരിക്കേണ്ടല്ലോ