ഭക്ഷണം ഒക്കെ കഴിഞ്ഞു ഏകദേശം 8:30 ഒക്കെ ആയപ്പോൾ ആണ് വണ്ടി അവിടെ നിന്നും എടുത്തത്. ഭക്ഷണത്തിനു മുൻപ് വരെ ഉണ്ടായിരുന്ന ആഘോഷങ്ങൾ ഒന്നും ഭക്ഷണത്തിനു ശേഷം വണ്ടിയിൽ ഉണ്ടായിരുന്നില്ല. അല്ലേലും ഫുഡ്‌ കഴിച്ചു കഴിഞ്ഞാൽ തുള്ളാനൊന്നും പറ്റില്ലല്ലോ. എല്ലാവരുമാവരവരുടെ സീറ്റുകളിൽ ആയി ഇരുന്ന് ഉറങ്ങാൻ തുടങ്ങിയെന്നു തോന്നുന്നു. ഓരോ സിഗ്ഗരറ്റും വലിച്ചുകൊണ്ട് ഞങ്ങളും പുറകിൽ അങ്ങനെ ഇരുന്നു. ബസിൽ അടിച്ചുപൊളി പാട്ടൊക്കെ മാറ്റി ഇപ്പോൾ കുറച്ചു ഫീൽ ഗുഡ് ആയിട്ടുള്ള സോങ്‌സ് ആണ് പ്ലേ ചെയ്യുന്നത് അതുപോലെ ലൈറ്റും ഒരു നീല വെളിച്ചം മാത്രം.
ഏകദേശം പത്തുമണിയോട് അടുത്തപ്പോൾ ഞാൻ അഞ്‌ജലിക്ക് മെസ്സേജ് അയച്ചു.
ഞാൻ : അഞ്ചു… ഉറങ്ങിയോ?
അഞ്ജലി : ഇല്ല ഉറക്കമൊന്നും വരുന്നില്ല.
ഞാൻ : എന്നാൽ ഇങ്ങോട്ട് വാ 😌
അഞ്ജലി : ഏട്ടാ അത് ആരേലും കണ്ടാൽ….
ഞാൻ : ആരും കാണില്ല എല്ലാവരും നല്ല ഉറക്കത്തിൽ ആണ്. നീ വാ പെണ്ണെ 😌
അഞ്ജലി : മ്മ് നോക്കട്ടെ. എനിക്ക് എന്തോ പേടി പോലെ
ഞാൻ : എന്തിന്.. ചുമ്മാ പേടിക്കണ്ട ഒന്നുമില്ലേലും നമ്മൾ lovers അല്ലെ കുരുപ്പേ 😌. ഇനി ആരേലും കണ്ടാലും പോവാൻ പറ
അഞ്ജലി : 😍 മ്മ്മ് വെയിറ്റ് ഞാൻ വരാം.
കുറച്ചു നേരം കഴിഞ്ഞപ്പോൾ അവൾ പതിയെ എഴുന്നേറ്റ് എനിക്ക് അരികിലേക്ക് വന്നു. ഞാൻ അവളെയും കൂട്ടി ഞങ്ങളുടെ രണ്ടു സീറ്റ്‌ മുന്നിൽ ഒഴിഞ്ഞു കിടന്ന സീറ്റിലേക്ക് ഇരുന്നു.അവൾ വിൻഡോ സൈഡിലും ഞാൻ അപ്പുറത്തും ആയിട്ടാണ് ഇരുന്നത്. ഇനി അവളെ അരികിൽ ഇരുത്തിയിട്ട് ആരേലും കണ്ടാലോ 😌
ആൾടെ മുഖത്ത് നല്ല പേടിയുണ്ട്. എന്തിനാണ് ഈ കൊച്ച് ഇങ്ങനെ പേടിക്കുന്നതെന്ന് എനിക്ക് ഇപ്പോഴും അറിയത്തില്ല കേട്ടോ.
ഞാൻ : നീ എന്തിനാ കൊച്ചേ ഇങ്ങനെ പേടിക്കുന്നത്?
അഞ്ജലി :അത് പിന്നെ ഏട്ടാ ആരേലും കണ്ടാൽ പിന്നെ അത് മതി.
എനിക്ക് എന്തോ വല്ലാത്ത ടെൻഷൻ
ഞാൻ : എന്തിനു? ഇനി ഇപ്പോൾ ആരേലും കണ്ടാൽ തന്നെ എന്താ ഞാനും എന്റെ പെണ്ണും ഒരുമിച്ച് ഇരിക്കുന്നു 😌 അതിനു ഇത്രക്ക് പേടിക്കാൻ ഒന്നുമില്ല കേട്ടോ 😊
അഞ്ജലി : എന്നാലും മേഘ മിസ്സ്‌ എങ്ങാനും കണ്ടാൽ….
മിസ്സിന്റെ കാര്യം പറഞ്ഞപ്പോൾ എനിക്കും ചെറിയ പേടി തോന്നി. വേറെ ഒന്നും കൊണ്ടല്ല കേട്ടോ പരസ്യമായുള്ള സംസാരവും ഇരുത്താവും ഒന്നും വേണ്ടന്നാണ് ഉത്തരവ് അതാണ് കാര്യം.
പക്ഷെ ആ പേടി പുറമെ കാണിക്കാതെ തന്നെ ഞാൻ അവളോട് സംസാരിച്ചു തുടങ്ങി.
ഞാൻ : ഏയ്യ് മിസ്സ്‌ കാണാതൊന്നുമില്ല നല്ല ഉറക്കത്തിൽ ആണ് 😊
അഞ്ജലി : എന്നാലും
ഞാൻ : ഒരു എന്നാലും ഇല്ല അവിടെ ഇരിക്ക് പെണ്ണെ 😌
അഞ്ജലി : 😊 അല്ല എന്തിനാ ഇപ്പോൾ എന്നോട് ഇങ്ങോട്ട് വന്നിരിക്കാൻ പറഞ്ഞെ?
ഞാൻ : ദേ ഇങ്ങനെ കെട്ടിപ്പിടിച് ഇരിക്കാൻ എന്തെ 😌❤️
അതും പറഞ്ഞുകൊണ്ട് അവളുടെ ഇടുപ്പിലൂടെ കൈകടത്തി എന്നോട് കൂടുതൽ ചേർത്തു കെട്ടിപ്പിടിച്ചിരുന്നു.ഒരു നിറഞ്ഞ പുഞ്ചിരി ആയിരുന്നു അതിനു അവളുടെ മറുപടി,എന്താണെന്ന് അറിയാത്ത ഒരു ഭവമായിരുന്നു അവളിൽ അപ്പോൾ പ്രകടമായത് സന്ദോഷമാണോ സ്നേഹമാണോ അതോ വാത്സല്യം ആണോ എന്ന് ഉറപ്പിച്ചു പറയാനാവാത്ത ഒരു ഭാവം അവളുടെ മുഖത്ത് നിറഞ്ഞു.
അവൾ എന്നോട് ചേർന്ന് എന്റെ തോളിൽ തലചായ്ച്ചു കിടന്നു. കാറ്റത്തു പറക്കുന്ന അവളുടെ മുടിയിഴകൾ എന്റെ മുഖത്ത് പടർന്നു കിടന്നു. എന്തോ ഒരു പ്രത്യേക സുഗന്ധം അവളുടെ മുടിയിൽ എനിക്ക് അനുഭവപ്പെടുന്നുണ്ടായിരുന്നു. ഒരു വശ്യത നിറഞ്ഞ സുഗന്ധം.
ബസിന്റെ അകത്തെ നീല വെളിച്ചത്തിൽ അവൾ കൂടുതൽ സുന്ദരിയായി കാണപ്പെട്ടു.
അവളുടെ മാൻമിഴി കണ്ണുകൾ ഒരു കാന്തിക വലയം തീർത്തുകൊണ്ട് എന്നെ അവയിലേക്ക് കൂടുതൽ ആകർഷിക്കുന്നപോലെ.
കണ്ണെടുക്കാതെ അവളെ തന്നെ നോക്കി കൊണ്ടിരിക്കുന്നത് കണ്ടിട്ടാവണം എന്താ കാര്യം എന്നറിയാൻ അവൾ കണ്ണുകൾ കൊണ്ട് തന്നെ എന്നോട് ആംഗ്യം കാണിച്ചു.
എന്റെ സാറേ ഇത്രയുമേ നേരം പിടിച്ചു നിന്ന എന്റെ മുഴുവൻ നിയന്ത്രണവും കളയും വിധമായിരുന്നു അവളുടെ കണ്ണുകൾ കൊണ്ടുള്ള ആ ചേഷ്ട 😌. വളരെ കഷ്ടപ്പെട്ടിട്ടാണ് എങ്കിലും ഞാൻ എന്നെ നിയന്ത്രിച്ചുകൊണ്ട് അവളോട് സംസാരിച്ചു തുടങ്ങി.
ഞാൻ : എന്നാ ഭംഗിയാണ് പെണ്ണെ നിന്നെ കാണാൻ 😊
അഞ്ജലി : അത്രയ്ക്കൊക്കെ ഉണ്ടോ 🙂
ഞാൻ : പിന്നില്ലാതെ എന്നെ അങ്ങ് വെളിച്ചെടുപ്പിക്കുവല്ലേ നിന്നിലേക്ക്. ഇപ്പോൾ തന്നെ എത്ര കഷ്ടപ്പെട്ടിട്ടാണ് ഞാൻ സ്വയം നിയന്ത്രിക്കുന്നത് എന്ന് നിനക്കറിയോ?
അഞ്ജലി : ഓഹോ അത്രയ്ക്ക് ഇഷ്ടാ എന്നെ? 🙂
ഞാൻ : പിന്നല്ലാതെ നീ എന്റെ ജീവനല്ലേ 😌❤️
അഞ്ജലി : 🥹 എന്നും ഉണ്ടാവോ എന്നോട് ഈ സ്നേഹം 🥹
ഞാൻ : പിന്നില്ലാതെ…. അയ്യേ എന്തിനാ ഇപ്പോൾ എന്റെ കുട്ടി കരയുന്നെ…. ശേ.. നിറുത്തിക്കെ വെറുതെ എന്നെ കൂടി ഇമോഷണൽ ആക്കല്ലേ.
അഞ്ജലി : സന്തോഷം കൊണ്ടാണ് ഏട്ടാ 🥹 എന്നെ സ്നേഹിക്കാൻ ആരേലും ഉണ്ടാവുമെന്ന് അറിയാമായിരുന്നു എങ്കിലും ഇങ്ങനെ ജീവനായി കാണുന്ന ഒരാൾ ഉണ്ടാവുമെന്ന് കരുതിയില്ല. എന്നെ തനിച്ചാക്കില്ലല്ലോ അല്ലെ 🥹
ഞാൻ : ഞാൻ എന്റെ പെണ്ണിനോട് പറഞ്ഞിട്ടില്ലേ ഈ ഹൃദയത്തിനു മിടിപ്പുള്ളടുത്തോളം കാലം ഞാൻ ആയിട്ട് ഒരിക്കലും എന്റെ കൊച്ചിനെ തനിച്ചാക്കില്ല കേട്ടോ ഇത് എന്റെ വാക്കാണ്.
അഞ്ജലി : ഏട്ടാ 🫂🫂🫂🫂🫂🫂🫂
അവളുടെ വീട്ടിലെ കഥകളൊക്കെ എന്നോട് പറഞ്ഞിട്ടുള്ളതുകൊണ്ടാവണം അവൾ അപ്പോൾ കരഞ്ഞതിന്റെ കാരണം എനിക്ക് പെട്ടന്ന് തന്നെ മനസ്സിലായത്. എന്നെ കെട്ടിപ്പിടിച്ചുകൊണ്ട് നെഞ്ചിൽ തലചായ്ച്ചു ഇരിക്കുന്ന അഞ്ജലിയുടെ മുടിയിലൂടെ വാത്സല്യ പൂർവ്വം ഞാൻ കൈ ചലിപ്പിച്ചുകൊണ്ടേ ഇരുന്നു. എന്നും എന്റെ മാറിൽ തലചായ്ച്ചു കിടക്കാൻ ഈ പെണ്ണിനെ എനിക്ക് തന്നെ തരണേ ദൈവമേ എന്ന് മാത്രമായിരുന്നു എന്റെ ഏക പ്രാർത്ഥന.
ഞാൻ : അല്ല ഇങ്ങനെ കിടന്നാൽ ആരേലും കാണുലെ?
അഞ്ജലി : കണ്ടാൽ ഇപ്പോൾ എന്താ എന്റെ ചെക്കന്റെ നെഞ്ചിലല്ലേ ഞാൻ തല വെച്ച് കിടക്കുന്നത്. 🥲
ഇത്രയും നേരം ആരേലും കാണുമെന്നു പറഞ്ഞു പേടിച്ചിരുന്ന പെണ്ണിന്റെ പെട്ടന്നുള്ള ഭാവമാറ്റം എന്നെ ശെരിക്കും അത്ഭുതപ്പെടുത്തി എങ്കിലും അവൾക്കിപ്പോൾ ഏറ്റവും സുരക്ഷിതമായി ഇരിക്കാൻ സാധിക്കുന്ന സ്ഥലം എന്റെ അരികിലാണ് എന്ന് തോന്നിയത് കൊണ്ടാവാം ആ മാറ്റം പ്രകടമായത് എന്ന് ഞാൻ ഊഹിച്ചിരുന്നു.
കാറ്റിലാടി ഉലയുന്ന അവളുടെ മുടിയിഴകൾ എന്നെ മത്തുപിടിപ്പിക്കുന്നതുപോലെ. ആ ഒരു നിമിഷം എന്റെ സകല നിയന്ത്രണങ്ങളും നഷ്ടമാവുന്നത് ഞാൻ അറിഞ്ഞു. എന്റെ മുകളിലേക്ക് തല ചായ്ച്ചു കിടക്കുന്ന അവളുടെ കഴുത്തിലേക്ക് ഞാൻ ഇബടെ മുഖം അമർത്തി അവിടെ ഒന്ന് ചുംബിച്ചു. പെട്ടന്നുള്ള എന്റെ ആ പ്രവർത്തിയിൽ അവൾ ഞെട്ടി പോയിരുന്നു. അവൾ എന്നിൽ നിന്നും വിട്ടുമാറി എന്നെ ഒന്ന് നോക്കി ദേഷ്യപ്പെടുമെന്നായിരുന്നു പ്രതീക്ഷിച്ചതെങ്കിലുംപ്രതീക്ഷിക്കാതെയുള്ള എന്റെ നീക്കത്തിൽ അവളുടെ മുഖത്ത് ഒരു ഞെട്ടൽ ഉണ്ടായിരുന്നു എങ്കിലും പ്രതീക്ഷിച്ചതിനു വിപരീതമായി ഒരു പുഞ്ചിരി ആയിരുന്നു അവളുടെ ചുണ്ടുകളിൽ തെളിഞ്ഞത്. ഒരുപക്ഷെ അവളും അതാഗ്രഹിച്ചിരിക്കണം. അത് പുറമെ കാണിക്കാനുള്ള ബുദ്ധിമുട്ട് കാരണമാവണം പെട്ടന്ന് തന്നെ പുഞ്ചിരി മാറ്റികൊണ്ട് ഒരു കപട ദേഷ്യം അവളുടെ മുഖത്ത് തെളിഞ്ഞത്.
