💓 ആരതി കല്യാണം 💓 – 4 52അടിപൊളി  

 

 

 

ആ അടികിട്ടിയതും എനിക്ക് പ്രാന്തുപിടിച്ചപോലെയായി… ഒന്ന് വെച്ചുപോയ ഞാൻ സ്വയംഭോധം വീണ്ടെടുത്ത് ആൽബിയുടെ ഇടന്നെഞ്ച് നോക്കി ഒരു ഇടികൊടുത്തു, അതിൽ അവന് ശ്വാസം കിട്ടാൻ ബുദ്ധിമുട്ടുന്നത് കണ്ട ഞാൻ കുനിഞ്ഞു നിന്ന അവന്റെ തലക്കും ഷോൾഡറിനും ഇടയിലുള്ള കഴുത്തിന്റെ വലതു സൈഡിലായി ഒരു ചിവ്വിട്ടുകൊടുത്തു…

 

 

 

ചവിട്ട് കിട്ടിയ ആൽബി നിലത്തു വീണത്തിന് പിന്നാലെ ഞാൻ അവന്റെ മേലു കേറിയിരുന്ന് മുഖത്തേക്ക് തുടർച്ചയായി ഇടിച്ചുകൊണ്ടിരുന്നു…

 

 

 

പെട്ടന്ന് പിന്നിൽ നിന്ന് സന്ദീപ് എന്നെ ചവിട്ടി വീഴ്ത്തി… വീണിടത്തുനിന്ന് എണീക്കാൻ നോക്കിയെങ്കിലും അവൻ വീണ്ടും തലക്ക് ആഞ്ഞു ചവിട്ടിയതുകൊണ്ട് പറ്റിയില്ല… അവൻ എന്റെ അടുത്ത് വന്ന് കാലുകൊണ്ട് കവിൾ നിലത്തിട്ട് ചവിട്ടി ഞെരിച്ചു, നേരത്തെ കിട്ടിയ അടിയിൽ തന്നെ കവിള് പൊട്ടിയതുകൊണ്ട് അതെ സ്ഥലത്ത് വീണ്ടും സന്ദീപിന്റെ ചവിട്ട് കിട്ടിയതും എന്റെ വായിലൂടെ ചോര ഒലിക്കാൻ തുടങ്ങി…!

 

 

 

അവന്റെ കാലുപിടിച്ച് മാറ്റാൻ നോക്കിയെങ്കിലും അത്യാവിശ്യം ആരോഗ്യമുള്ള സന്ദീപിനെ ആ കിടന്നക്കിടപ്പിൽ എനിക്കൊന്നും ചെയാൻ പറ്റാത്ത അവസ്ഥയായി…! എന്നാൽ രണ്ടും കല്പിച്ഛ് ഞാൻ അവന്റെ മുട്ടുകാലിനു കൈയെത്തിച്ചൊരു ഇടികൊടുത്തതും അവൻ കാലെടുത്ത് ഒന്ന് വച്ചുപോയി… ഇനി കുറെ നേരത്തിനു അവന്റെ ആ കാലിന് ബലം കിട്ടില്ലാന്ന് മനസിലാക്കിയ ഞാൻ സന്ദീപിന്റെ കഴുത്ത് നോക്കി ഒരൊന്നൊന്നര കുത്ത് കൊടുത്തതും അവൻ കഴുത്തും പൊത്തി വേദനകൊണ്ട് പുളഞ്ഞു… ഇത് തന്നെ പറ്റിയ അവസരം എന്ന് തോന്നിയതും ഞാൻ ഫൈറ്റിങ് സ്റ്റാൻസിൽ നിന്ന് സന്ദീപിന് നേരെ ഒരു അപ്പർകട്ട് പായിച്ചതും കഴുത്തുപോത്തി ചെറുതായി കുനിഞ്ഞുനിന്നിരുന്ന അവന്റെ താടിക്ക് അടി കിട്ടുന്നതിന് പകരം അടി കിട്ടിയത് അവന്റെ മൂക്കിനായിരുന്നു… ഇതിൽ അവന്റെ മൂക്കിന്റെ പാലം പൊളിഞ്ഞിട്ടുണ്ടാവും എന്ന് ഉറപ്പാണ്… അടി കിട്ടി മലർന്നുവീണ സന്ദീപിന്റെ മേലുകേറി ഇരുന്ന ഞാൻ നേരത്തെ ആൽബിയെ ഇടിച്ചത് പോലെ അവനെയും ഇടിക്കാൻ തുടങ്ങി… ദേഷ്യം ഒട്ടും കുറയാത്ത ഞാൻ വീണ്ടും വീണ്ടും ഇടിച്ചുകൊണ്ടിരുന്നു… ഇങ്ങനെ പോയാൽ അവൻ ചാവുമെന്ന് ഉറപ്പാണ്, പക്ഷെ എന്നിട്ടും എനിക്ക് നിർത്താൻ തോന്നുന്നുണ്ടായിരുന്നില്ല…

 

 

 

ഒടുവിൽ ഏതൊക്കെയോ സാറുമാരും ടീച്ചറുമാരും വന്നേനെ പിടിച്ചു മാറ്റുകയായിരുന്നു… അവര് പിടിച്ചുമാറ്റാൻ നോക്കുമ്പോഴും ഞാൻ കുതറിമാറാൻ ശ്രേമിച്ചെങ്കിലും മൂന്ന്നാലു സാറുമ്മാരുണ്ടായൊണ്ട് നടന്നില്ല… ചുറ്റും നോക്കിയപ്പോ കണ്ടത് അധികമൊന്നും ഇല്ലെങ്കിലും ഏതാനും പിള്ളാരും ടീച്ചർമാരും എന്നെ നോക്കി നിൽക്കുന്നതാണ്, കൂടെ ആരതിയും ബാക്കി വാണങ്ങളും ആ കൂട്ടത്തിൽ ഉണ്ടായിരുന്നു… അവളുടെ മുഖം കാണുമ്പോ എനിക്ക് പിന്നേം പൊളിഞ്ഞു കേറിയെങ്കിലും നന്നായി ക്ഷീണിച്ച ഞാൻ സംയമനം പാലിച്ചു…! ഞെട്ടി കണ്ണുംതുറുപ്പിച്ച് നിന്നിരുന്ന ആരതിയെ വായിൽ നിറഞ്ഞ ചോര കാർക്കിച്ഛ് തുപ്പിക്കൊണ്ട് ഞാൻ നോക്കിയതും അവൾ മുഖം മാറ്റി കളഞ്ഞു…!

 

 

 

സന്ദീപിനും ആൽബിക്കും അത്യാവിശ്യം പരിക്കുകളുണ്ട്… പോരാത്തേന് രണ്ടുപേർക്കും ബോധവുമില്ല…! ഒരു വണ്ടിവിളിച്ഛ് അവരെ ഹോസ്പിറ്റലിലേക്ക് കൊണ്ടുപോയി, പക്ഷെ എന്നെ കൊണ്ടുപോയത് വൈസ് പ്രിൻസിപ്പലൂടെ റൂമിലേക്കായിരുന്നു… പ്രിൻസി ലീവ് ആയിരുന്നത്രെ…

 

 

 

അവിടെവച്ചവരെന്നെ പുറത്താകൂന്നും പോലീസിൽ കേസ്സ് കോടൂക്കുന്നൊക്കെ പറഞ്ഞതും ഞാൻ ശരത്തേട്ടനെ വിളിച്ചു… സംഭവമെല്ലാം കേട്ട ശരത്തേട്ടൻ കോളേജിന്റെ അടുത്തുള്ള അങ്ങേരുടെ കൂട്ടുകാരെ വിളിച്ഛ് കാര്യം പറഞ്ഞതും അര മണിക്കൂറിനുള്ളിൽ അവർ കോളേജിലെത്തി…!

 

 

 

ശരത്തേട്ടന്റെ കൂട്ടുകാര് സാറുമാരോട് കാര്യങ്ങൾ ചോദിച്ചപ്പോ എന്നോട് പറഞ്ഞപോലെ കേസുകൊടുക്കും പുറത്താക്കൂന്നൊക്കെ ഭീഷണിപ്പെടുത്തിയെങ്കിലും അതിലൊരു ചേട്ടൻ വക്കീലാന്നുള്ള കാര്യം അവർക്കറിയില്ലായിരുന്നു…!