💓 ആരതി കല്യാണം 💓 – 4 52അടിപൊളി  

 

 

 

അധികം ലേഗാകാതെ ആരതിടെ ഡാൻസ് പകുതി ആയതും ഞാൻ കൂവലിന് തുടക്കമിട്ടു…!! അപ്പോ തന്നെ അവന്മാരും എന്റെകൂടെ കൂടി, ഒപ്പം അവടെ കൂടി നിന്ന എല്ലാവരും അങ്ങ് കൂവിയതോടെ ഞാൻ ചെറുതായി ഒന്ന് ഞെട്ടാതിരുന്നില്ല… എനിക്കിത്രേം പിന്തുണയോ…? അതോ ഇവൾക്കിനി ഞാനല്ലാതെ വേറെയും ശത്രുകളുണ്ടോ…? സ്റ്റേജിലേക്ക് നോക്കുമ്പോ ആരതിടെ മുഖമെല്ലാം മാറിട്ടുണ്ട്, എന്നാലും ഡാൻസ് അവളുമാര് നിർത്തിയില്ല… പെട്ടന്നെന്തോ ഒന്ന് സ്റ്റേജിലേക്ക് വീഴുന്നത് കണ്ടു… എന്താത് ജൂസിന്റെ കുപ്പിയോ…? എന്നാലോയിച്ചു നിക്കുമ്പോഴാണ് വേറെയും എന്തൊക്കെയോ സ്റ്റേജിലേക്ക് എറിയുന്നത് കണ്ടത്…! ഭാഗ്യത്തിന് ആരും ഇതുവരെ കല്ലൊന്നും എറിഞ്ഞിട്ടില്ല, കുപ്പികളും പെന്നും പേപ്പറുമാത്രേ ഞാൻ കണ്ടോള്ളൂ… അവന്മാരെ നോക്കിയപ്പോ അവരും അതെല്ലാം കണ്ടു ഞെട്ടിത്തരിച്ചു നിൽക്കുന്നുണ്ട്… പിന്നെയും കൂവലും അതിന്റെ കൂടെ സ്റ്റേജിലേക്ക് ഓരോന്നെറിയലും തുടർന്നുകൊണ്ടിരുന്നത് കാരണം അധികം താമസിക്കാതെ അവർക്ക് ഡാൻസ് നിർത്തേണ്ടി വന്നു… സ്റ്റേജിൽ നിന്നിറങ്ങാതെ അവര് എല്ലാരേം ഒന്ന് സസൂഷ്മം വീക്ഷിച്ചു… അതിലൊരുത്തി ഞാൻ കൂവലിന് തുടക്കമിട്ടത് എന്തായാലും കണ്ടിട്ടുണ്ട്… അപ്പൊ ഞാൻ കാരണമാണ് നാണംകെടേണ്ടി വന്നതെന്ന് ആരതി എന്തായാലും അറിയും…

 

 

 

അവൾ ആണെങ്കി ഇപ്പൊ കരയും എന്നവസ്ഥയിലായി… അത്യായിട്ടാണെന്ന് തോന്നുന്നു ബൂട്ടിക്വീനിനു എല്ലാരുടേം മുമ്പിൽ ഇങ്ങനെ നാണംകെടേണ്ടി വന്നത്…!! നന്ദി ദൈവങ്ങളെ നന്ദി…!!

 

 

 

ഡാൻസ് നിർത്തിയിട്ടും ആരും കൂവല് നിർത്തിയില്ല…! ആരൊക്കെയോ ഇറങ്ങിപ്പൊടി ന്നൊക്കെ പറയുന്നുണ്ട്… ഇത്രേം ആയപ്പോ ആരതിക്ക് പിടിച്ചു നില്കാനായില്ല… കണ്ണെല്ലാം നിറഞ്ഞുവന്നു അവസാനം വായും പൊത്തിപിടിച്ഛ് സ്റ്റേജിൽ നിന്ന് വേഗം ഇറങ്ങിപ്പോയി…! നീ നേരത്തെ അവടകിടന്ന് കിണിച്ചപ്പോതൊട്ട് ഞാൻ ഓങ്ങിവച്ചതാ…ആണുങ്ങളോട് കളിച്ചാൽ ഇങ്ങനിരികൂടി നായിന്റെ മോളെ… ഇനി ഇന്നെനിക്ക് സമാധാനയൊന്ന് ഒറങ്ങാം…!!

 

 

 

ആരതിയെ നാണംകെടുത്തിയ സന്തോഷം നന്നായിട്ടുണ്ടെങ്കിലും അവള്ടെ ആ കരഞ്ഞുകലങ്ങിയ മോന്ത കാണാനൊരു കൊതി… പിന്നൊന്നും നോക്കാതെ യദുനേം വിളിച്ഛ് ഞാൻ ആരതിടെ ക്ലാസ്സിന്റെ അടുത്തോട്ടു നടന്നു… ക്ലാസ്സിൽ കേറിച്ചെന്ന് കാണണം എന്നൊന്നും എനിക്കില്ല, പക്ഷെ ദൂരെനിന്നാണെങ്കിലും ഒന്ന് കണ്ടാമതി…!! ക്ലാസ്സിന്റെ മുന്നിലെത്തിയ ഞാൻ അകത്തേക്ക് നോക്കിയപ്പോ കൊറേ പേര് ആരതിടെ ചുറ്റുമായി നിൽക്കുന്നത് കണ്ടു… എല്ലാരുംകൂടി അതിനെ ഇങ്ങനെ സമാധാനിപ്പിക്കല്ലേ, പാവത്തിനെ ഒന്ന് കരയാൻ സമ്മതിക്ക്…! ആരതിടെ മുഖം എനിക്ക് ശെരിക്കുകാണാൻ പറ്റുന്നുണ്ട്… അവള്ടെ തൊട്ടാൽ ചോരപൊടിയണ മുഖമെല്ലാം ചുവന്നിട്ടുണ്ട്… കണ്മഷിയെല്ലാം പരന്നു കിടക്കുന്നു… ഇപ്പോഴും ചെറിയ തേങ്ങലുണ്ടവൾക്… അങ്ങ് കേറി ചെന്നാലോ…? ഞാൻ അടുത്ത് നിക്കണ യദുവിനെ ഒന്ന് നോക്കി,

 

 

 

“” അളിയ, നമ്മുക്ക് അകത്തേക്ക് കേറിയാലോ…? അവളെയൊന്ന് അടുത്ത് കാണാനാ…!!”” ന്ന് പറഞ്ഞതും അവൻ എന്നെയൊന്നു നോക്കിട്ട്,

 

 

 

“”യെസ് വൈ നോട്ട്…!!”” അവന്റെ ഭാഗത്ത് നിന്ന് പച്ചകോടി കിട്ടിയതോടെ ഞങ്ങള് രണ്ടും കൂടി അകത്തേക്ക് കേറി…

 

 

 

“”അഭിയേട്ടൻ വന്നു…!! “” എന്റെ ശബ്ദം കേട്ട് ആരതി ഉൾപ്പടെ എല്ലാരും എന്റെ നേരെ നോക്കി… അവിടെയാണേൽ ആൽബിയും സന്ദീപും കല്യാണിയും അങ്ങനെ കൊറേപ്പേരുണ്ടായിരുന്നു… എന്നെ കണ്ട ആരതിടെ മുഖം ദേഷ്യം കൊണ്ടു വിറച്ചു…! എന്നാൽ ഞാനതിനു പട്ടിവിലകൊടുത്തു…

 

 

 

“”എന്താ വാവേ കരയണേ…? ആൾകാരടെ മുന്നിൽ ചമ്മി നാറി പണ്ടാറടങ്ങിയോണ്ടാണോ…? മതി സാരല്യ, കരയണ്ട… ബാക്കി പിന്നെ കരയാം…!!”” ന്നും പറഞ്ഞ് അവളെയങ്ങു താങ്ങിയതും ആരതിയെന്നെ ഒന്ന് തുറിച്ചു നോക്കി… ആ കരഞ്ഞുകലങ്ങിയ കണ്ണുകൊണ്ട് എന്നെ അവൾ വലിച്ചുകിറുന്നത് എനിക്ക് കാണാം…!