💓 ആരതി കല്യാണം 💓 – 4 52അടിപൊളി  

 

 

 

“” എന്റെ പൊന്ന് ചേച്ചി, കാസർഗോടൊരു ടൂർണമെന്റ് കളിക്കാൻ പോയത് സത്യ…!! എന്തായാലും അത് വരെ പോയതല്ലേ, എന്ന പിന്നെ ഗോവ ഒന്ന് കണ്ടിട്ട് വരാം ന്ന് കരുതി.. അല്ലെങ്കിലും ഇതൊക്കെ ഇപ്പോഴല്ലേ പറ്റു, പിന്നെ പറ്റിയില്ലെങ്കിലോ..!! അടുത്ത പ്രാവിശ്യം പോവുമ്പോ ഞാൻ ചേച്ചിയേം കൊണ്ടോവാ…!! അമ്മയോട് പറയല്ലേ പ്ലീസ്… “” ഞാൻവൾടെ കൈചേർത്ത് പിടിച്ച് കെഞ്ചി പറഞ്ഞതും എന്റെ മുഖഭാവം കണ്ടിട്ടാണെന്ന് തോന്നുന്നു പെട്ടന്നവൾടെ ചുണ്ടിൽ ഒരു ചിരി വന്നപോലെ തോന്നി…!! ഇത് തന്നെ പറ്റിയ അവസരം എന്ന് മനസിലാക്കിയ ഞാൻ എന്റെ പരമാവധി കെഞ്ചൽ പുറത്തെടുത്ത് അവളെ ഒരുവിതം പറഞ്ഞ് കോമ്പ്ളിമെന്റക്കി പറഞ്ഞുവിട്ടു…!!

 

 

 

അപ്പോഴും ചേച്ചിയെങ്ങനെ ഇതറിഞ്ഞു എന്നുള്ള ചിന്ത എന്റെയുള്ളിൽ നിറഞ്ഞിരുന്നു… എന്തായാലും വിച്ചു അത് പറയില്ലെന്നെനിക്ക് ഉറപ്പായിരുന്നു… പിന്നെ ഉള്ളത് ശരത്തേട്ടൻ, സംഭവം ആളൊരു മണ്ടനാണെങ്കിലും ഗോവക്ക് പോണകാര്യം ചേച്ചിയോട് പറയരുതെന്ന് മുൻപേ തന്നെ അങ്ങേരോട് ഞാൻ പറഞ്ഞിട്ടുണ്ടായിരുന്നു…!! പിന്നെ ആര്…??? ‘ആരതി’…!! അവളായിരിക്കോ…?? അവളാണെങ്കി അന്ന് ക്ലാസ്സിൽ വച്ചുണ്ടായതൊക്കെ അവൾ ചേച്ചിയോട് പറഞ്ഞിട്ടുണ്ടാവില്ലേ…?? ആങ്ങനെ വെച്ചുന്നോക്കുമ്പോ നേരത്തെ ചേച്ചി അതിനെ പറ്റി ചോദിക്കേണ്ടതുമാണ്…!! ആ എന്തേലും ആവട്ടെ മൈര്…!!!

 

 

 

ഓരോന്നാലോയിച്ചു കട്ടിലിൽ കെടന്ന് ഞാൻ കുറച്ച് നേരം ഇൻസ്റ്റയിൽ തോണ്ടി കളിച്ചോണ്ടിരിക്കെയാണ് ശരത്തേട്ടൻ എന്തോ സ്റ്റോറി ഇട്ടിരിക്കുന്നത് കണ്ടത്…! എന്തായിരിക്കും എന്നറിയാൻ അതോപ്പണാക്കിയ ഞാൻ തലയിൽ കൈവെച്ചുപോയി…!!! അങ്ങേരോരു പൊട്ടാനാന്ന് വീണ്ടും തെളിയിച്ചുകൊണ്ട് ഗോവയിൽ വെച്ചെടുത്ത ഫോട്ടോസ് എല്ലാം സ്റ്റോറി ഇട്ടിരിക്കുന്നു, പോരാത്തേന് ലൊക്കേഷനും കൊടുത്തിട്ടുണ്ട്…!! അപ്പൊ ഇത് കണ്ടാണ് ഇവളി ഷോ മൊത്തം കാണിച്ചേ…!! ഇങ്ങനൊരു ലോക മണ്ടനാണ് എന്റെ ചേച്ചിയെ കെട്ടാൻ പോണേന്നാലോയിച്ചപ്പോ ചേച്ചിയോടെനിക് സഹതാപം തോന്നാണ്ടിരുന്നില്ല, അവളുത്തന്നെ കണ്ടുപിടിച്ചതല്ലേ, അനുഭവിക്കട്ടെ…!!

 

 

 

പിറ്റേദിവസം പതിവുപോലെ കോളേജിൽ എത്തിയ ഞങ്ങൾ ക്ലാസ്സിന് കേറണോ വേണ്ടയോ എന്ന ചിന്തയിൽ ഇരിക്കുമ്പോഴാണ് ആദർശ് ഞങ്ങടെ അടുത്തേക്ക് വരുന്നത് കണ്ടത്…

 

 

 

“” നിങ്ങളൊക്കെ എവടായിരുന്നു ഇത്രേം ദിവസം…??? “” ഞങ്ങടെടുത്തെത്തിയ അവൻ വിച്ചൂന്റെ തൊള്ളിൽ കയ്യിട്ട് ചോദിച്ചു,

 

 

 

“” ഞങ്ങൾക്കൊരു ടൂർണമെന്റ് ണ്ടായിരുന്നു, ഒഴിവാക്കാൻ പറ്റാത്തോണ്ട് വരാൻ പറ്റിയില്ല… “” ട്രിപ്പ് പോയകാര്യം മനഃപൂർവ്വം അവനോട് ഞാൻ പറഞ്ഞില്ല, അവന് വേഷമായാലോ…!!

 

 

 

“” എന്തായാലും നിന്നെ തെരഞ്ഞ് ആ പെണ്ണ് വന്നിട്ടോണ്ടായിരുന്നു, എന്നിട്ടെന്നോട് നിങ്ങള്ടെവിടെന്നൊക്കെ ചോയ്ച്ചു…!!”” ആ പെണ്ണ് ആരാന്നുള്ള കാര്യം എനിക്കറിമായിരുന്നെങ്കിലും അതുറപ്പിക്കാൻ വേണ്ടി ഞാൻ അവനോട്,

 

 

 

“” ഏത് പെണ്ണ്…?? “” ന്ന് ചോദിച്ചതിന്,

 

 

“” എടാ അന്ന് വന്നില്ലേ, അവള്…!!””

 

 

“” ആര് ആരതിയോ…?? എന്നിട്ടവള് എന്ത് പറഞ്ഞു…?? “” അവളാണെന്ന് ഉറപ്പാക്കിയ ഞാൻ എന്ത് മൈരിന അവളെന്നെ തിരക്കി വന്നതെന്ന് ചോദിക്കാൻ നിന്നതാ, പക്ഷെ വേണ്ടാന്ന് വെച്ചു…

 

 

 

“” ആവോ…!! വന്നിട്ട് നീ എവടെന്നൊക്കെ അന്വേഷിച്ചു, എന്നോട് ചോദിച്ചപ്പോ എനിക്കറിയില്ലാന്നും പറഞ്ഞു…!!”” അവൾടെയീ കാട്ടിക്കൂട്ടലൊന്നും എനിക്ക് പിടിക്കുന്നുണ്ടാരുന്നില്ല, കാണാണ്ടാവുമ്പോ തെരക്കി വരാൻ അവളാര് എന്റെ കാമുകിയോ..?? കരിമ്പാറ പൊലയാടി മോള്…!! പോയി ചോദിച്ചാലോ..?? അല്ലെങ്കി വേണ്ട…!!

 

 

 

കൊറേ നേരം വായ്നോക്കി നടന്ന ഞങ്ങൾ ക്ലാസിനുകേറണോ എന്ന എറനേരത്തെ ആലോചനക്ക് ശേഷം കേറികളയാം എന്ന്തന്നെ തീരുമാനിച്ചു, ഇത്രേം ദേവസം കേറാതിരുന്നതല്ലേ ഇന്നൊന്ന് കേറിയേക്കാം…!!