💓 ആരതി കല്യാണം 💓 – 4 52അടിപൊളി  

 

 

 

അവനൊന്നും പറയാത്ത സ്ഥിതിക്ക് ഞാനായിട്ട് രണ്ട് പറയാൻ നാവെടുത്തു പുറത്തിട്ടതും നേരത്തെ കണ്ട പെണ്ണും അവള്ടെ പിന്നിലായി ഒരു ബ്ലാക്ക് സൈഡ് ഓപ്പൺ ആയിട്ടുള്ള ചുരിദാറും ഇട്ടോണ്ട് ആരതിയും അങ്ങോട്ട് വരുന്നത്… ശെയ്യ്…!! മൂഡ് പോയി…!!!

 

 

 

“” ആൽബി…!! ഇവന്മാര് പിന്നേം പ്രശ്നത്തിന് വന്നോ..!!”” ന്നുള്ള കല്യാണിടെ ചോദ്യം എനിക്കങ്ങ് പിടിച്ചില്ല…. മര്യാദക്ക് ഇവടെ ബോളും തട്ടിക്കൊണ്ടിരുന്ന ഞങ്ങൾക്കായോ ഇപ്പോ കുറ്റം..? ഇതെന്ത് പറി…!! അല്ലെങ്കിലും വന്നപാടെ ഇങ്ങനാണോ കാര്യം അന്വേഷിക്ക…?? രണ്ടുപേരുടേം ഭാഗം കേൾക്കണ്ടേ…! അല്ലെങ്കിലും ഈ പെണ്ണുങ്ങളൊക്കെ ഇങ്ങനെ തന്നെയാണ്…!! ഇനിയിപ്പോ അങ്ങോട്ട് കേറി ചൊറിഞ്ഞത് ഞങ്ങളാണെങ്കി കൂടി…!!

 

 

 

“” അത് കാര്യാക്കണ്ട കല്ലുസ്സേ… ഇവർക്കുള്ള പരിപുവടേം ചായേം ഞങ്ങളുകൊടുക്കുന്നുണ്ട്… സമയാവ്വട്ടെ…!! “” അമ്പോ, ഏട്ടൻ മാസ്സ് തന്നെ…!! ഇപ്പൊ തന്നെ പോയി രണ്ട് ചൂട് പരിപ്പുവട വാങ്ങി ഇവന്റെ തൊള്ളേലങ്ങു തിരികീയാലോ..? വെണ്ണേൽ കുറച്ച് തേളച്ച ചായേം കൂടി അവന്റണ്ണാക്കിലോഴിച്ചോടുക്കാം, തൊണ്ട പൊള്ളി ചാവട്ടെ മൈരൻ…!! അല്ലെങ്കിലും ഈ മൈരനേതാ..?? ഇതെല്ലാം കേട്ട് ആരതി അടുത്തുതന്നെ ഉണ്ടെന്ന് കണ്ടപ്പോ എന്തെങ്കിലൊക്കെയങ്ങു പറയാണ്ടിരിക്കാൻ പറ്റിയില്ല…

 

 

 

“” മോളെ കക്കൂസേ, നീ നിന്റെ ബോയ്ഫ്രണ്ട്സിനെ വിളിച്ചോണ്ടോന്ന് പോയെ…പോവുമ്പോ നിന്റെ ഒപ്പം വന്ന എടുക്കാചരക്കിനേംകൊണ്ടുപൊക്കോ… ഇവടെ ഞങ്ങക്ക് ഫുട്ബോളു കളിക്കാനൊള്ളതാ…!!”” ന്ന് ഞാൻ പറഞ്ഞതും കല്യാണിക്കും ഒപ്പം വന്ന കൊപ്പത്തിക്കും അതത്ര സുഖിച്ചിലാന്ന് അവറ്റകൾടെ മോറുകണ്ടപ്പോ മനസ്സിലായി…!! പ്രേത്യേകിച്ഛ് എടുക്കാചരക്കിനെ എടുക്കാചാരക്കെന്ന് വിളിച്ചത്…!!

 

 

 

“” അങ്ങനെ നീ പറയുമ്പോ അങ്ങ് പോവാൻ ഞങ്ങളാരാടാ നിന്റെ അടിമയോ..? നിനക്കിവടത്തെ ചെക്കന്മാരെ അറിയതോണ്ടാ അഭി…! പിന്നെ നിനക്കൊരു തോന്നലുണ്ട് നീ ഈ കോളേജിലെ വല്ല്യ രാജാവാണെന്ന്, അതിവരടെ തല്ലു കിട്ടുമ്പോ അങ്ങ് മാറിക്കൊള്ളും…!!”” ദേഷ്യകൊണ്ട് നിറഞ്ഞുതുള്ളി ആരതിയത് പറഞ്ഞപ്പോ അവള്ടെ ചെള്ള നോക്കി ഒന്ന് കൊടുക്കാനാ തോന്നിയെ… എന്നാൽ കോണയെ കോണകൊണ്ട് നേരിടണം എന്നെനിക്ക് ഇപ്പൊ ഒരു വാശി…!!

 

 

 

“” വല്ല്യ ഡയലോഗ് അടിക്കാണ്ട് എഴീച്ഛ് പോടീ…!! അവൾടെയൊരു കോപ്പിലെ കൊണ…”” ആരതിക്ക് നേരെ എന്റെ ഒച്ചപ്പോങ്ങിയതും ഞങ്ങക്ക് ചുറ്റും പിള്ളാര് കൂടാൻ തുടങ്ങി… അത് കണ്ടപ്പോ ഞാനൊന്നുംകൂടിയങ്ങു ഉഷാറായി പിന്നേം തുടർന്നു,

 

 

 

“” പിന്നെ നീയെന്താടി പറഞ്ഞെ, എനിക്ക് ഞാനിവടത്തെ രാജാവാന്നുള്ള തോന്നലുണ്ടെന്നോ…?? എന്ന നീ കേട്ടോ, ആദ്യത്തെ ദിവസം തന്നെ നിന്റെയീ വാണങ്ങളെ ക്ലാസ്സിൽ കേറി, അതും നിന്റെ മുന്നിലിട്ടെനിക്ക് തല്ലാരുന്നെങ്കി നീ എഴുതി വെച്ചോ, ഞാൻ തന്നെയാണീ കോളേജിലെ രാജാവ്… ‘ഒരേയൊരു രാജാവ്വ്…!!!”” ആരതിയെ നോക്കി ഞാനത് പറയുമ്പോ എന്റെയുള്ളിൽ അവളോടുള്ള ദേഷ്യം കൂടി കൂടി വരുന്നുണ്ടായിരുന്നു…

 

 

 

ഇത്രെങ്കിലും പറഞ്ഞില്ലെങ്കിൽ എനിക്കെന്റെ കടിമാറില്ലായിരുന്നു…! ആരതിനേം സന്ദീപിനേം ആൽബിയെയും ഒക്കെ ഒന്നുകൂടി നോക്കിയശേഷം ഞാനവന്മാരെ വിളിച്ഛ് തിരിച്ചുനടന്നു… ചുറ്റും ഒരുപാട്പേർ കാര്യമറിയാൻ വേണ്ടി കൂടിട്ടുണ്ട്…!!

 

 

 

തിരിച്ചു നടക്കുമ്പോ പലരും ഞങ്ങളെ നോക്കുന്നത് ഞാൻ അറിഞ്ഞിരുന്നു… ആരതിയോട് ഞാൻ ഇവിടത്തെ രാജാവാണെന്ന് പറഞ്ഞത് അവള്ടെ അന്നേരത്തെ വർത്താനം കേട്ടോണ്ട് മാത്രമാണ്… അല്ലെങ്കിലും ഞാൻ എല്ലാരെക്കാളും വലിയവനാണെന്ന് എനികുതോന്നീട്ടില്ല, എന്തിന് പറയുന്നു ഞങ്ങളാറ് പേരടെ കൂട്ടത്തിൽപോലും ഞാൻ വലിയ സംഭവമാണെന്നെനിക്ക് തോന്നണില്ല…!!