💓 ആരതി കല്യാണം 💓 – 4 52അടിപൊളി  

 

 

 

ഉച്ചവരെ എങ്ങനൊക്കെയോ തള്ളിനീകി എന്തേലും ഞെണാൻ വേണ്ടി പുറത്തിറങ്ങുമ്പോഴാണ് ഉച്ചക്ക് ശേഷം ക്ലാസ്സില്ലാന്ന് കേട്ടത്…! വെള്ളിയാഴ്ച ഫ്രഷേഴ്‌സ് ഡേ ആയോണ്ട് എല്ലാരുമതിന്റെ പ്രാക്ടിസിന് വേണ്ടി പോവാണത്രെ…!! ഓരോ പ്രഹസനങ്ങളെ…!

 

 

 

ഇപ്പൊത്തന്നെ വീട്ടിപോവാൻ മൂഡിലാത്തോണ്ട് ഞങ്ങള് ഫുഡും കഴിച്ഛ് നേരെ സ്റ്റേജിന്റങ്ങോട്ട് വിട്ടു…!! അവടേം ഇവിടെയൊക്കെയായി കൊറേ പുള്ളാര് എന്തൊക്കെയോ കാണിക്കുന്നുണ്ട്, ഡാൻസ് ആണെന്ന് തോന്നുന്നു…!! ഇവരടെ ഡാൻസ് കണ്ട് മടുത്തപ്പോ ഞങ്ങൾ അവിടെന്ന് മാറി പുറത്താരും ഇരിക്കാത്തൊരു ആൽമരത്തിന്റെ ചോട് പിടിച്ചു…!! നല്ല സ്പോട്ട്…!

 

 

 

പുതിയതായി ഞങ്ങടെ ഒപ്പം കൂടിയ ആദർശിന്റെ തള്ള് കേട്ട് പണ്ടാറടങ്ങിരികുമ്പോഴാണ് അത് വഴി പോയ കുറച്ചു പെണ്ണുങ്ങളുടെ അടുത്തേക്ക് എന്റെ നോട്ടം പോയതും അതിലൊരുത്തി ഞങ്ങളെ ഇടക്ക് തിരിഞ്ഞുനോക്കുന്നതും കണ്ടത്…! ഇവളെ ഞാൻ എവടെയോ കണ്ടിട്ടുണ്ടല്ലോ… ഇത് ആരതിടെ കൂട്ടുകാരിയല്ലേ..? പേരെന്തോ കല്യാണോ വീട് പാർക്കലോ അങ്ങനെയെന്തോ ആണ്…!! ഈ പെഴച്ചവൾക് നേരെ നോക്കി നടന്നൂടെ, എന്ത് പറിക്കാനാ ഞങ്ങളെ നോക്കണേ…?

 

 

 

അവള്ടെ ആ നോട്ടം കണ്ട് രണ്ട് തെറിപറഞ്ഞാലോ എന്ന് ഞാൻ അലോയിച്ചതാ, പെണ്ണല്ലേ ന്ന് വിചാരിച്ചോണ്ട് മാത്രം ഞാൻ ഒന്നും പറഞ്ഞില്ല…!! അല്ലെങ്കിൽ കാണായിരുന്നു..!

 

 

 

അവളുപ്പോയി കുറച്ചുകഴിമ്പഴേക്കും ഞങ്ങളുപ്പിന്നേം കറങ്ങി നടക്കാൻ തീരുമാനിച്ചു… നടന്നു ഗ്രൗണ്ടിലേത്തിയപ്പോഴാണ് അവടെ ഒരു ഫുട്ബോൾ കെടക്കുന്നത് കണ്ടത്…

 

 

 

“”എടാ നമ്മക്ക് വൺ ടച്ച്‌ കളിച്ചാലോ…??”” ബോൾ വെറുതെ തട്ടികൊണ്ട് ഞാനത് പറഞ്ഞതിന് എല്ലാരും സമ്മതം മൂളിയതും ഞാനും അവന്മാരും കളിതുടങ്ങി…!! ഹരിയും യദുവും അജയിയുമെല്ലാം വളരെ നന്നായി തന്നെ കളിക്കുന്നുണ്ട്… പക്ഷെ ആദർശിന് ഇതിനെ പറ്റി വലിയ ധാരണയിലാന്ന് അവന്റെ കളിക്കണ്ടപ്പോ തന്നെ മനസ്സിലായി…!!

 

 

 

അങ്ങനെ നല്ല രസത്തിൽ കളിച്ചോണ്ടിരിക്കുമ്പോഴാണ് മൂക്കിന്റെ മോളിൽ ബാൻഡ് എയ്ഡ് ഒട്ടിച്ചൊരുത്തനും വേറെ മൂന്നുപേരും ഗ്രൗണ്ടിലേക്ക് വരണ കണ്ടത്,

 

 

 

“”അളിയാ, ആ വരണ മോണ്ണേനെ കണ്ട… അവനാണ് ഞാൻ അന്ന് പറഞ്ഞ സന്ദീപ്…”” മൂക്കിൽ ബാൻഡ് എയ്ഡ് ഇട്ടവനെ ചൂണ്ടി യദു പറഞ്ഞതും ഞാൻ അവനെ തന്നെ നോക്കി നിന്നു… ഇനി പ്രതികാരം വീട്ടാൻ വരണതാവോ..??

 

 

 

ഞങ്ങളെ കണ്ടാൽ അവരിങ്ങോട്ട് വരും എന്ന് പ്രതീക്ഷിച്ചെങ്കിലും പക്ഷെ കുറച്ചുനേരം എന്നെയൊക്കെ ഒന്ന് നോക്കി അവന്മാരുതമ്മിൽ എന്തൊക്കെയോ പറഞ്ഞതല്ലാതെ ഞങ്ങടടുത്തേക്ക് വന്നില്ല… പേടിത്തൊണ്ടന്മാർ…!!

 

 

 

ഇനിയിപ്പോ ഇവിടെവച്ചൊരു പ്രശ്നം ഉണ്ടാവിലാന്ന് വിചാരിച്ചിരിക്കുമ്പോഴാണ് ഈ കാലമാടാൻ യദു സന്ദീപിന്റെ അടുത്തേക്ക് ചെല്ലുന്നത് കണ്ടത്… ഈശ്വര ഇവനിതെന്തിന്റെ കടിയാണാവോ… അവന്റെ പിന്നാലെ ഞങ്ങളും ചെന്നു… ഞങ്ങള് വരുന്നത് കണ്ടതോണ്ടാണെന്ന് തോന്നുന്നു തിരിച്ചുപോവാൻ നിന്ന അവന്മാരും ഞങ്ങക്ക് നേരെ വന്നത്…

 

 

 

 

“”അല്ലാരിത് സന്ദീപോ… എന്താ സന്ദീപേ മൂക്കിന് പറ്റിയെ…?? ആരോ നല്ല കുത്ത് കുത്തിയെ പോലണ്ടല്ലോ…!!”” അവനെ നോക്കി സൗണ്ട് തോമയിലെ ദിലീപിനെ പോലെ ശബ്ദം മാറ്റി യദു ചോദിച്ചതും ഞങ്ങക്ക് ചിരിപ്പൊട്ടി…

 

 

 

“” മോനെ യദൂട്ട, ഇപ്പൊ നീയൊക്കെ ഈ കാണിക്കണ പട്ടി ഷോണ്ടല്ലോ, അത് ഞാൻ മാറ്റിത്തരും… നോക്കിയിരുന്നോ നീ…!!”” ന്നുള്ള അവന്റെ ഭീഷണി കേട്ടതും എന്തോ പറയാൻ പോയ യദുവിനെ അജയ്യും ആദർശും കൂടി പിടിച്ചുവലിച്ചോണ്ടുപോയി…!! യദുവിനെ അജയ് കൊണ്ടുപോയെങ്കിലും ഞാനും വിച്ചൂവും ഹരിയും അവനെനോക്കി അവിടെത്തന്നെ നിന്നു… ഒന്നുകൂടി ഇവന്റെ മൂക്കിനിട്ടൊന്നു കൊടുത്താലോ… സന്ദീപാണെങ്കിൽ എന്നെയും വിച്ചൂനേം മാറി മാറി നോക്കുന്നുണ്ട്… അവനെന്തേലും പറഞ്ഞാൽ അണ്ണാക്കിൽ കൊടുക്കലോ എന്ന മൈൻഡ് ആയിരുന്നു എനിക്ക്…!! പറയടാ മൈരേ പറ, എന്തേലും പറ നീ…!!