💓 ആരതി കല്യാണം 💓 – 4 52അടിപൊളി  

കോളേജിന്റെ പുറത്തിറങ്ങി ഞങ്ങള് നേരെ ബസ്റ്റോപ്പിൽ ഇരുന്നു… വായന്നോട്ടംമാണ് അവരടെ ലക്ഷ്യമെങ്കിലും എന്റെ മനസ്സിൽ മൊത്തം ആരതിയെ എങ്ങനെ ഒതുക്കാമെന്നായിരുന്നു… കൊറേ മുമ്പുവരെ എനിക്കറിമായിരുന്ന ആരതി ഇങ്ങനെയൊന്നും ആരോടും പെരുമാറീട്ടില്ല, അവള്ടെ സംസാരവും ആളുകളോടുള്ള സമീപനവുമെല്ലാം ബാക്കിയുള്ളവരെ പോലെ എനിക്കും ഇഷ്ടായിരുന്നു… പക്ഷെ ഇപ്പൊ ഇവൾടെയീ കാട്ടിക്കൂട്ടൽ എനിക്കത്ര ദഹികണില്ല… അല്ലെങ്കിലും ചെലര് അങ്ങനെയാണ്, പുതിയ ആൾകാര് ജീവിതത്തിലേക്ക് വരുമ്പോ അവരുടെ സ്വഭാവം ഒക്കെയങ്ങുമാറും… എന്നുംപറഞ്ഞെന്റെ മേക്കെട്ടെങ്ങാനും കേറിയ അവള്ടെ നെറുംതല ഞാൻ പൊളിക്കും…!!

 

 

 

അന്ന് വൈകീട്ട് വരെ കോളേജ് ചുറ്റിപ്പറ്റി നേരംകളഞ്ഞു ഞങ്ങൾ തിരിച്ചുവീട്ടിലേക്ക് വിട്ടു… പിറ്റേന്നുള്ള രണ്ടുദിവസം കോളേജിൽ പറയാനും മാത്രം ഒന്നുമുണ്ടായില്ല…!

 

 

 

വെള്ളിയാഴ്ച കോളേജിലെത്തിയപ്പോഴാണ് ഇന്ന് ഫ്രഷേഴ്‌സ് ഡേ ആണെന്നുള്ള ബോധമേനിക്കുണ്ടായത്… മൈര് വരണ്ടായിരുന്നു ന്ന് തോന്നണു… അത് റാഗിംഗ് കിട്ടോന്ന് പേടിച്ചിട്ടല്ല, ഡാൻസ്ന്നും പറഞ്ഞ് ഓരോ വാണത്തരങ്ങള് കാണണോലോന്നാലോയിക്കുമ്പോ ഒരു മടി…! അല്ലെങ്കിലും നമ്മക്കിനിയെന്ത് റാഗിംഗ്…!

 

 

 

കുറച്ചുനേരം അവന്മാരുടെ കൂടെ കോളേജുമൊത്തം ഒന്നുകറങ്ങിയ ശേഷം ഞങ്ങള് നേരെ സ്റ്റേജിനെടുത്തേക്ക് വിട്ടു…! എങ്ങും തരുണിമണികളും തരുണിമണന്മാരും മാത്രം…! വായ്നോക്കൽ എന്റെ എത്തിക്സിൽ ഇല്ലെങ്കിലും വിച്ചൂന്റേം ആദർശിന്റേം എത്തിക്സിൽ അതെ ഒള്ളു…!! എനിക്കാണേൽ ദാഹിച്ചിട്ടു വയ്യ…! പുറത്തുപോയി ഒരു ജ്യൂസ്‌ വേടിച്ചുകൂടിച്ചാലോ…? എന്നാലങ്ങനെ ആവാം…!!

 

 

 

അവന്മാരെ ജ്യൂസ്‌ കുടിക്കാൻ വിളിച്ചെങ്കിലും ചെയ്യുന്ന ജോലിയോടുള്ള ആത്മാർത്ഥതകാരണം ആ നായിന്റെ മക്കള് വന്നില്ല…!! വേണെങ്കി വന്നമതീന്ന് മനസ്സിൽ പറഞ്ഞോണ്ട് ഞാൻ പുറത്തോട്ട് നടന്നു…

 

 

 

കോളേജിന്റെ പുറത്തിറങ്ങിയ ഞാൻ തൊട്ടടുത്തായി കണ്ട നേഹൽ ബേക്കറിയിൽ കേറി കൂൾഡ്രിങ്ക് വെച്ച ഫ്രിഡ്ജ് തുറന്നൊന്നു പരതി…! പത്തുരുപടെ ഫ്രൂട്ടി ചെറുതായോ…? ഈ ബൂർഷകളുടെ ഒരു കാര്യം…! അപ്പോഴാണ് അവടെ ഡെയിനിങ് ഏരിയയിൽ നിന്ന് പരിജയം ഉള്ളൊരു ശബ്ദം കേൾക്കണേ…!!തിരിഞ്ഞു നോക്കിയ ഞാൻ കണ്ടത് എന്റെ പിന്നിലായി തന്നെയുള്ള ഡെയിനിങ് ഏരിയയിൽ ആരതിയും കല്യാണിയും ഒപ്പം വേറെ ഒരു പെണ്ണും കൂടി ഇരുന്ന് ഷേക്ക്‌ കൂടിക്കുന്നു…! കടേടെ മൊതലാളി ആണെന്ന് തോന്നിക്കുന്ന ഒരു പെട്ടത്തലയൻ അവളുമാരുമായി വൻ കുറുകലിലാണ്…! ഈ നായിന്റെ മോള് എല്ലാടത്തുണ്ടല്ലോ…! ഇവൾക്കുവല്ല വെള്ളോം വാങ്ങിക്കുടിച്ചപോരെ…!

 

 

 

അവളേം കൂടെയുള്ളോരേം മാറി മാറി ഞാൻ നോക്കികൊണ്ടിരിക്കുമ്പോ ആരതി പെട്ടന്നെനിക്കു നേരെ നോക്കി…! എന്നെ അവടെ കണ്ടതവൾക്ക് തീരെ പിടിച്ചിട്ടിലാന്നവൾടെ മുഖം കണ്ടാലറിയാം…! ആ ഉണ്ടക്കണ്ണ് തുറുപ്പിച്ചെന്നെ നോക്കിയപ്പോ തിരിച്ചൊന്നു പുച്ഛിച്ചതല്ലാതെ ഞാനൊന്നും പറഞ്ഞില്ല…! എനിക്കാണേൽ നന്നായി ദാഹിന്നുമുണ്ട്… അവള്ടെ മുന്നിൽ ഈ ഫ്രൂട്ടി ആയിട്ടുപോയ നാണം കെടും… ഞാൻ ഫ്രിഡ്ജിന്റെയുള്ളിൽ തലയിട്ട് മുന്തിയ സാനം വല്ലോം ഉണ്ടോന്ന് നോക്കുമ്പോഴാണ് റെഡ്ബുൾ എന്റെ കണ്ണിൽ പെട്ടത്… ഒട്ടും കുറക്കണ്ട ഇത് തന്നെ ആവാം…! ഇതിന് അത്യാവിശ്യം വിലയുണ്ടെന്നുള്ള കാര്യം എനിക്കറിയ… പക്ഷെ കറക്റ്റ് അറിയാൻ വേണ്ടി അങ്ങേരോട് ചോദിക്കാം… അത് മാത്രല്ല, അയാളിതിന്റെ വില പറയുമ്പോ ആരതി അത് കേൾകുവേം ചെയ്യും…! കൊള്ളാം…! നല്ല ഐഡിയ…!

 

 

 

“”ചേട്ട… ഇതിനെത്രയാ റേറ്റ്…?”” അവള് കേൾക്കാൻ വേണ്ടി കുറച്ചുറക്കെ വിളിച്ചുപറഞ്ഞു ഞാൻ ആരതിയെ ഒന്ന് ഇടംകണ്ണിട്ട് നോക്കി… കക്ഷിയെന്നെ ദേഷ്യത്തോടെ നോക്കുന്നുണ്ട്… ആ നോക്കട്ടെ…!!