💫Evil on earth✨ – 1 Likeഅടിപൊളി  

“നിനക്ക് എന്തറിയാം… എന്നെപോലെ ഓരോ പത്രലേഖഖൻമാരും ഇപ്പൊ അനുഭവിക്കുന്ന പ്രഷർ അത് നീയീ പറഞ്ഞ മർഡർ കേസ് കൊണ്ടു മാത്രം ആണ്…വാൾട്ടർ ഷാ കേസ് ആണല്ലോ എപ്പോ എല്ലായിടത്തും…”

മുകളിൽ നിന്നുള്ള പ്രഷർ കൊണ്ടും തനിക്കൊന്നും കണ്ടുപിടിക്കാൻ പറ്റാത്തതിലുള്ള അമർഷവും അയാളുടെ വാക്കുകളിൽ നിഴലിച്ചിരുന്നു

“സർ അതിനെക്കുറിച്ചു പറയാനാണ് ഞാൻ വന്നത്…എനിക്കറിയാം അത് ചെയ്തത് ആരാണെന്ന്…”

ജോണിനെ നോക്കി എബി പറഞ്ഞു… അത് കേട്ടിട്ടും ജോണിന്റെ മുഖത്തെ പുച്ഛചിരി മാഞ്ഞിരുന്നില്ല

“ആണോ… എങ്കിൽ പറ ആരാണത് ചെയ്തത്….?

“സർ അവരെയെല്ലാം കൊന്നത് ഒരാളാ…”

“ഹ ഹ ഹ…impossible… വാൾട്ടർ ഷായെ പോലൊരു ചെകുത്താനെ കൊന്നത് ഒരാൾ ആണെന്നോ… ചിലപ്പോ ശെരിയായിരിക്കാം.. പക്ഷെ അവന്റെ കൂടെ ചത്തു മലച്ചു കിടന്നത് ഒന്നോ രണ്ടോ പേരല്ല… ഇരുപത്തിരണ്ടു പേരാണ്…. അതും അവന്റെ ഏറ്റവും അടുത്ത പടയാളികൾ… അവന്റെ വാൾട്ടർ ഗോഡ് ടീം…”

“ഞാൻ പറഞ്ഞത് നേരാണ് സർ… അവരെയെല്ലാം കൊന്നത് ഒരാൾ ആണ്….വാൾട്ടർ ഗോഡ് ടീമിനെ വേരോടെ പറിച്ചു കളഞ്ഞ റിയൽ ഡെവിൾ…”

ഒരാവേശത്തോടെ അവൻ പറഞ്ഞു നിർത്തി…. എങ്കിലും അവൻ പറഞ്ഞതൊന്നും വിശ്വസിക്കാതെ ചാരുകസേരയിൽ ചാരിയിരുന്നുകൊണ്ട് ജോൺ അവനെ നോക്കി ചോദിച്ചു

“തെളിവുണ്ടോ…?

“ഒണ്ട്…”

അതും പറഞ്ഞവൻ കയ്യിൽ പിടിച്ചിരുന്ന ഒരു ഐപാഡ് എടുത്തയാളെ കാണിച്ചു… ഇവനെപോലെ ഒരുത്തന്റെ കയ്യിൽ ലക്ഷങ്ങൾ വിലയുള്ള ഒരു ഗാഡ്ജറ്റ് കണ്ട ജോൺ ഒരു അവിശ്വാസതയോടെ അവനെ നോക്കി.. ശേഷം അവൻ കാണിച്ച ഐപാഡിലേക്കും നോക്കി

അതിൽ കണ്ട കാര്യങ്ങൾ ഒന്നും വിശ്വസിക്കാനാവാതെ അയാൾ ഇരുന്നിടത്തു നിന്നെണീറ്റു

“ഇതെങ്ങനെ നിനക്ക് കിട്ടി…?

“എങ്ങനെ കിട്ടി എന്നത് അവിടെ നിക്കട്ടെ… സമർത്ഥനായ ഒരു ഹാക്കർ ഉണ്ടെങ്കിൽ ഇന്റർപോളിന്റെ അല്ല ഉത്തര കൊറിയയിലെ മിസൈലിന്റെ എണ്ണം വരെ എടുക്കാൻ പറ്റും…”

വളരെ ആത്മവിശ്വാസത്തോടു കൂടിയുള്ള അവന്റെ വാക്കുകൾ അയാൾ കേട്ടിരുന്നു.. അല്ലാതെ അയാൾക്ക് വേറെ മാർഗങ്ങൾ ഒന്നുമില്ലായിരുന്നു

തനിക്ക് മുൻപിൽ കാണിച്ച രേഖകളും റിപ്പോർട്ടുകളും അയാളുടെ പല വിശ്വാസങ്ങളും തെറ്റിച്ചിരുന്നു

വാൾട്ടർ ഷാ..അവനെപ്പോലെയൊരു ചെകുത്താനെ തന്റെ ജീവിതത്തിൽ കണ്ടിട്ടില്ല.. എന്തിന് കേട്ടറിവുപോലുമില്ല… കുറഞ്ഞ വർഷങ്ങൾക്കൊണ്ടവൻ  ഈ രാജ്യത്ത്‌ ചെയ്ത് കൂട്ടിയ കൊലപാതകങ്ങൾക്ക് കണക്കുകളില്ല… FBI യും ഇന്റെർപോളും അവനെ തേടി നടക്കുമ്പോളുമവൻ വൈകുന്നേര സമയങ്ങളിൽ സൂര്യസ്തമയം കാണാൻ സാന്റിയാഗോ ബീച്ചിലൂടെ നടക്കാറുണ്ടെന്ന് കേട്ടിട്ടുണ്ട്… പക്ഷെ ആർക്കുമവന്റെ വിരലിൽ തൊടാൻ പോലും സാധിച്ചിരുന്നില്ല… അത്രക്ക് വലിയൊരു സൈന്യം അവനുചുറ്റും ഉണ്ടായിരുന്നു.. എന്നാൽ ഒരാഴ്ച മുൻപൊരു വാർത്ത കാട്ടുതീ പോലെ ഈ നഗരത്തിൽ പടർന്നു… നഗരതിർത്തിയിലുള്ള ഒരു ബാറിൽ നിന്ന് വാൾട്ടർ ഷായെയും അവന്റെ ബലവാൻമ്മാരായ സൈന്യത്തിന്റെയും ബോഡികൾ കണ്ടെത്തിയെന്ന്…

വാൾട്ടർ ഷായിൽ തന്നെ ജോണിന്റെ ചിന്തകൾ തങ്ങി നിൽക്കുമ്പോ എബി അയാളുടെ മുഖത്തിനു നേരെ വിരൽ ഞൊടിച്ചു

“വിശ്വസിക്കാനാവുന്നില്ല….”

പതിഞ്ഞ സ്വരത്തിൽ പറഞ്ഞുകൊണ്ട് ജോൺ തിരിച്ചു കസേരയിൽ ഇരുന്നു

“വിശ്വസിക്കണം സർ… ഇത് ചെയ്തത് ഒരാളാണ്… സാറിന് പേടിയുണ്ടോ..?

ഒരു തമാശ രീതിയിൽ അവൻ ചോദിച്ചു

“Yes… പേടിയുണ്ട്… അവനെപ്പോലെയൊരു ചെകുത്താനെ തീർക്കാൻ കെൽപ്പുള്ളവൻ കളത്തിലിറങ്ങുമ്പോ ആരായാലും ഒന്ന് പേടിച്ചു പോകും… നിനക്കറിയുമോ.. വാൾട്ടർ ഷാ ചെയ്ത കൊലപാതകങ്ങളുടെ തന്നെ ഒരു ലിസ്റ്റും അതിനെ പറ്റിയുള്ള റിപ്പോർട്ടും ഇവിടെ ഒണ്ട്… അവൻ പീഡിപ്പിച്ചു കൊന്ന സ്ത്രീകളുടെ യഥാർത്ഥ അവസ്ഥ ഒരിക്കലും ഞങ്ങൾ പുറത്ത് വിട്ടിരുന്നില്ല… അങ്ങനെ ചെയ്തിരുന്നേൽ മിനിട്ടുകൾ കൊണ്ടു ഞങ്ങളുടെ പത്രത്തിന്റെ റേറ്റിംഗ് കൂടിയേനെ.. അത്രക്ക് ക്രൂരതയോടെയാണവൻ ഓരോന്നും ചെയ്തിരുന്നത്… ജീവനോടെ അടിച്ചു തകർത്ത നാഭിയുള്ള പെണ്ണിനെ ഭോഗിക്കുന്നവൻ ആയിരുന്നവൻ… അത്രക്ക്… അത്രക്ക്…”

പറയാൻ വാക്കുകൾ കിട്ടാതെ ജോൺ തളർന്നിരുന്നു…ചത്തുപ്പോയഒരുത്തന്റെപ്രവർത്തികൾഅപ്പോഴുംഅയാളുടെകണ്ണുകളിൽഭയംനിറച്ചു.. അതെല്ലാം എബി കണ്ടുനിന്നു

“പേടിയായിരുന്നു അവനെ… ഓരോ കമ്പനികളും അവൻ വിലക്ക് വാങ്ങുമ്പോൾ പേടിയോടെയാണ് ഞാൻ അത് കണ്ടുനിന്നത്… എന്നെങ്കിലും ഒരിക്കൽ അവന്റെ കണ്ണുകൾ ഈ കമ്പനിക്ക് മുകളിൽ വീഴുമോ എന്ന്…

വിലക്ക് വാങ്ങുന്നതല്ല അവന്റെ രീതി… അവൻ വിലയിട്ടാൽ അവിടുത്തെയോരോ ജീവനക്കാർക്കും ചേർത്തേ അവൻ വില പറയു..”

“സർ പറഞ്ഞത് നേരാ… അവൻ പലർക്കും വിലയിട്ടിരുന്നു.. പക്ഷെ അവസാനമായി  വിലയിട്ട ആളെ അവൻ കുറച്ചു കണ്ടു… അവിടെയാണ് അവനു പിഴച്ചത്..”

എബി പറഞ്ഞു.. എന്നാൽ ആ വാക്കുകളുടെ അർത്ഥമെന്താണെന്ന് മനസിലാവാതെ ജോൺ അവനെ നോക്കി

അയാളുടെ നോട്ടത്തിന്റെ അർഥം മനസിലാക്കിയ എബി തന്റെ ഐപാടിൽ നിന്ന് മറ്റൊരു റിപ്പോർട്ട് അയാളെ കാണിച്ചു

“DK…”

അതിൽ കണ്ട പേരയാൾ വായിച്ചു

“അതേ.. DK..കോഴിക്കോടുകാരനായ ഡാനിയേൽ കുര്യൻ എന്ന നാലപ്പത്തഞ്ചുകാരന്റെ എക്സ്പോർട്ടിങ് കമ്പനി…”

“പക്ഷെ അയാളുമായി ഈ കേസിന് എന്ത് കണക്ഷൻ…?

“കണക്ഷൻ ഒണ്ട് സർ… WG എന്ന വാൾട്ടർ ഷാ പ്രധാനമായും കൈകാര്യം ചെയ്തിരുന്നത് ഡ്രെഗ്സ് നിർമ്മാണത്തിലും അതിന്റെ എക്സ്പോർട്ടിങ്കിലും ആയിരുന്നു..

അതായിരുന്നു അവന്റെ പ്രധാന വരുമാന മാർഗം… FBI അവന്റെ ബിസിനസിന് മുകളിൽ കൈകടത്താൻ ശ്രമിച്ചപ്പോൾ അവനവന്റെ ലഹരിമരുന്നുകൾ വെളി നാടുകളിലേക്ക് കടത്താൻ സുരക്ഷിതമായൊരു വഴി തേടികൊണ്ടിരുന്നു..

അങ്ങനെ ഒടുക്കം എത്തിയത് ഡാനിയേലിന്റെ കമ്പനിയിൽ ആയിരുന്നു… ഒരുപക്ഷെ അവൻ അയാളെ ഭീഷണിപ്പെടുത്തി കാണും….അതിന് അടുത്ത് തന്നെ ആയിരുന്നു ഡാനിയേലിന് നേരെ ഒരാക്രമണം ഉണ്ടായത്..

അത് നിങ്ങളുടെ പത്രം തന്നെ റിപ്പോർട്ട് ചെയ്തിരുന്നു…”

“പക്ഷെ അതൊരു ആക്‌സിഡന്റ് അല്ലായിരുന്നോ…

അത് മാത്രമല്ല അയാൾക്ക് അന്ന് കാര്യമായി ഒന്നും തന്നെ സംഭവിച്ചതുമില്ല…”

സാനിയേലിന്റെ കാര്യം ഓർത്തെടുത്തുകൊണ്ട് ജോൺ പറഞ്ഞു

“ശെരിയാണ്… അവിടെ WG ക്ക് ഒരു പിഴവ് സംഭവിച്ചു….ഡാനിയേൽ അന്നത്തെ അപകടത്തിൽ നിന്ന് തലനാഴിരക്ക് രക്ഷപെട്ടു..

പക്ഷെ ആ ഒരു പിഴവ് WG യുടെ തന്നെ തലയെടുക്കാൻ പാകത്തിന് ഉള്ളതായിരുന്നു..”