💫Evil on earth✨ – 1അടിപൊളി  

“ഓഹ്…”

ഒരു ദീർഘനിശ്വസം എടുത്തുകൊണ്ടു ദേവ് ഗിയർ ഡൌൺ ചെയ്തു വണ്ടിയുടെ വേഗത കുറച്ചു…പിന്നെ പ്ലേ ചെയ്തുകൊണ്ടിരുന്ന സോങ് ഓഫ്‌ ആക്കി വച്ചു സീറ്റിൽ ശാന്തനായി ഇരുന്നു

പതുകെയുള്ള വേഗതയിൽ നിലാവിന്റെ കിരണങ്ങൾ കൊണ്ടു പ്രകാശ പൂരിതമായ റോഡിലൂടെയുള്ള യാത്ര അവൻ പതിയെ ആസ്വദിച്ചു തുടങ്ങി

“ലെനസ്…”

വലിയൊരു വളവ് പിന്നീട്ടതും അവൻ വിളിച്ചു.. പക്ഷെ മറുപടിയൊന്നും വന്നില്ല

“സോറി ലെനസ്.. ഞാനിപ്പോ പതുക്കെയാണ് വണ്ടി ഓടിക്കുന്നത്…”

അവൻ വീണ്ടും പറഞ്ഞു.. എന്നിട്ടും ലെനസ് പ്രതികരിച്ചില്ല

——𝚕𝚎𝚗𝚊𝚜——

(ഭൂമിയിലെ മനുഷ്യനിർമ്മിതമായ സാങ്കേതികവിദ്യാകളെക്കാൾ ഒരുപാടാധികം മുന്നിട്ടു നിൽക്കുന്ന ഒരു AI ആണ് ലെനസ്…ദേവിന്റെ പേർസണൽ അസിസ്റ്റന്റ്….ലെനസ് എന്ന പേരിൽ അവന്റെ മാതാപിതാക്കൾ അവന്റെ സംരക്ഷണചുമതല ഏൽപ്പിച്ചിരിക്കുന്ന ഏലിയൻ ടെക്നോളജി ഉപയോഗിച്ച് നിർമ്മിച്ചിരിക്കുന്ന ഒരു മിനി സൂപ്പർ കമ്പ്യൂട്ടർ ആണിത്…ഇതിന്റെ ഉത്ഭവം എവിടെ നിന്നാണെന്നോ ആരിൽ നിന്നാണെന്നോ അറിയാവുന്നത് അവന്റെ മാതാപിതാക്കൾക്ക് മാത്രമാണ്…)

—————-𝙱𝚊𝚌𝚔 𝚝𝚘 𝙳𝚎𝚟————

ഒരുപാട് നേരം വിളിച്ചിട്ടും ലെനസ് ഇതുവരെ ആക്റ്റീവെറ്റ് ആയില്ലെന്ന് മനസിലാക്കിയ ദേവ് പതിയെ ചിരിച്ചു.. പിന്നെ അത് ഉച്ചത്തിലായി

അവൻ മനസ്സിൽ കൊറച്ചു കാര്യങ്ങൾ ചിന്തിച്ചു…..ലെനസ് ഒരുക്കലും മനുഷ്യരെപോലെ പെരുമാറുകയില്ലെന്ന് അവൾ തന്നെ പറഞ്ഞിരുന്നു..

കാരണം അവൾക്ക് മനുഷ്യസഹജമായ വികാരങ്ങളോ വിചാരങ്ങളോ ഉണ്ടാവുകയില്ല…പക്ഷെ താനവളുടെ വാക്കുകൾ അവഗണിച്ചപ്പോ തികച്ചും ഒരു മനുഷ്യസ്ത്രീയെ  പോലെ പിണങ്ങി മാറി നിൽക്കുകയാണവൾ ചെയ്തത്…

——ലെനസ് ആക്റ്റീവ്റ്റഡ്——

——ഒരിക്കലുമില്ല ദേവ്…ഞാൻ പിണങ്ങി പോയത് അല്ല…പിണക്കം.. ഇണക്കം എന്നിങ്ങനെയുള്ള വികാരങ്ങൾ മനുഷ്യർക്ക് മാത്രം ഉള്ളതാണ്…i am a super computer..——-

ദേവിന്റെ ചിന്തകൾക്കുള്ള മറുപടി ലെനസ് നൽകി…അവന്റെ ഉപബോധ  മനസ്സിനെ വരെയവൾ ഓരോ സെക്കന്റും നിരീക്ഷിച്ചുകൊണ്ടിക്കുകയായിരുന്നു…അതുകൊണ്ട് തന്നെ ദേവ് ചിന്തിക്കുന്ന കാര്യങ്ങൾ ലെനസിനും അറിയാൻ സാധിച്ചിരുന്നു

“കള്ളം…മനുഷ്യന്റെ മനസ്സ് വായിച്ചു വായിച്ചു ഒരു സൂപ്പർ കമ്പ്യൂട്ടർ ആയ നീ പോലും കള്ളം പറയാൻ പഠിച്ചു.. ”

ദേവ് അവളോട് തർക്കിച്ചു

—–No ദേവ്——

“Yes ലെനസ്…. ഞാൻ നിന്റെ വാക്ക് കേൾക്കാത്തത് കൊണ്ടാണ് നീ പിണങ്ങി പോയത്…അല്ലാതെ എന്റെ അറിവിൽ സ്വയമേദാ ഡിയാക്റ്റീവ് ആവാനുള്ള അവകാശം നിനക്കുള്ളതായി എനിക്ക് തോന്നുന്നില്ല…”

ദേവ് അവന്റെ മനസ്സിലുള്ള കാര്യം പറഞ്ഞിട്ടും ലെനസ് പ്രതികരിച്ചില്ല…അവളും തോൽവി സമ്മതിച്ചതായി അവനു തോന്നി

—–ദേവ്…നിന്റെ ശരീരത്തിൽ ഞാൻ ആക്റ്റീവ് ആയിട്ട് ഇരുപതിമൂന്ന് വർഷം പിന്നിടുന്നു…ജീവന്റെ കണിക ബാക്കി നിൽക്കുന്നയീ ഗൃഹത്തിൽ ഞാൻ വന്ന നിമിഷം മുതൽ ഈ ഒരു സെക്കൻഡ് വരെ എന്റെ സെർവറിൽ ഈ ഭൂമിയെ കുറിച്ചും മനുഷ്യരെ കുറിച്ചുമുള്ള കാര്യങ്ങൾ അപ്‌ലോഡ് ആയികൊണ്ടിരിക്കുകയാണ്…. അതിൽ ഏറ്റവും കൂടുതൽ നിന്നെക്കുറിച്ചും നിന്റെ ചിന്തകളെ കുറിച്ചും ആണ്—–

“അതുകൊണ്ട്…?

ഒരു സംശയഭാവത്തിൽ ദേവ് ചോദിച്ചു

—–എല്ലാത്തിനും പുറമെ മനുഷ്യരുടെ വികാരങ്ങളെ കുറിച്ചും ഞാൻ പഠനം നടത്തുന്നുണ്ട്…പ്രധാനമായും നിന്റെ വികാരങ്ങളെ പറ്റി…അവയിൽ ഉപകാരപ്രദമായവ ഓട്ടോമാറ്റിക്കലി എന്റെ ഡാറ്റയുമായി sync ആവും…നിന്റെ വാക്കുകൾ നിന്റെ വേണ്ടപ്പെട്ടവർ കേൾക്കാതിരിക്കുമ്പോൾ നിന്നിലുണ്ടാവുന്ന വികാരങ്ങൾ എന്റെ ഡാറ്റയിൽ ഉണ്ട്.. ചിലപ്പോഴൊക്കെ ഞാനും അതുപോലെ പെരുമാറിയെന്ന് വരും.. പക്ഷെ അത് ഞാൻ അറിഞ്ഞുകൊണ്ട് ആവില്ല..”

ലെനസ് പറഞ്ഞു.. പക്ഷെ ഒന്നും മനസിലാവാത്തവനെപ്പോലെ ദേവ് ഇരുന്നു.. അവന്റെ അപ്പോളാത്ത വികാരം മനസിലാക്കിയ ലെനസ് പതിയെ ചിരിച്ചു…. അവളുടെ ചിരിക്കുന്ന ശബ്ദം കേട്ട ദേവും പതിയെ ചിരിച്ചു

“അപ്പൊ വന്നു വന്നു നീയും മനുഷ്യസ്വഭാവം കാണിക്കാൻ തുടങ്ങിയല്ലേ…wonderful…എനിക്കൊരു സംശയം ലെനസ്…?

—–എന്താണത്—–

“നിനക്ക് കള്ളം പറയാനറിയുമോ…?

—–No…. നിനക്ക് ഉപകാരപ്രദമായ വികാരങ്ങൾ മാത്രമേ എന്റെ ഡേറ്റയുമായി sync ആവുകയുള്ളു…ഒരിക്കലും കള്ളം, ചതി, ദേഷ്യം പോലുള്ള വികാരങ്ങൾ sync ആവില്ല…അതെല്ലാം എന്റെ റൂൾസിന് എതിരാണ്—–

ലെനസ് അവന്റെ സംശയങ്ങൾ തീർത്തു കൊടുത്തു…

——ദേവ്…അവരുടെ ലൊക്കേഷൻ ട്രേസ് ചെയ്തിട്ടുണ്ട്—–

അവൾ പറഞ്ഞു തീർന്നതും കാറിനുള്ളിലെ LCD ഡിസ്പ്ലേയിൽ ഒരു റൂട്ട് മാപ്പ് ഓപ്പൺ ആയി…

അതിൽ നാലു കിലോമീറ്റർ മാത്രം അകലെയായി ഒരു ബിൽഡിങ് ടാർഗറ്റ് ചെയ്തു കാണിച്ചിരുന്നു….

തങ്ങളുടെ ലക്ഷ്യസ്ഥാനം അടുക്കുകയാണെന്ന് മനസിലാക്കിയ ദേവിന്റെ ഉള്ളിൽ ഒരു പ്രത്യേകതരം വികാരം രൂപപ്പെട്ടു…ലെനസിൻറെ സെർവറിൽ അത് റെക്കോർഡ് ചെയ്യപ്പെട്ടു ….

ചുടുചോര കുടിക്കാൻ പോകുന്ന ഒരു രക്ഷസ്സിന്റെ ഭാവം…ക്രൂരത എന്ന വികാരം

ക്രൂരതയുടെ വന്യതയിൽ അവൻറെ നീല കൃഷ്ണമണി ആ ഇരുട്ടിലുമൊന്ന് തിളങ്ങി

—————–

മെയിൻ റോഡിൽ നിന്നും നാലു കിലോമീറ്റർ മാറിയുള്ള ഒരതിർത്തി വനമേഖല…കൊടും കാടുകൾക്കിപ്പുറം ശാന്തമായി ഉറങ്ങുന്ന മിയാമി സിറ്റി

പൊടി മണ്ണു നിറഞ്ഞ റോഡവസാനിക്കുന്നത് valhalla യുടെ മെയിൻ ഗ്രൂപ്പിന്റെ രഹസ്യ താവളത്തിൽ..

ഒരു വർഷം മുൻപ് ഇസാന കയ്യേറിയ പണി തീരാറായ ഒരു റിസോർട്ട്…ഇന്നതൊരു ചൂതാട്ടെ കേന്ദ്രമാണ്…കൈ നിറയെ പണമായി രാത്രികളിൽ വിദേശികൾ വന്നിറങ്ങുന്ന സ്ഥലം…കൂട്ടിനു മദ്യവും കൂടെ കിടക്കാൻ വേശ്യകളും…

രണ്ടു ദിവസത്തിനു ശേഷമുള്ള പുതുവത്സരരാവിനെ വരവേൽക്കാനുള്ള ഒരുക്കങ്ങൾക്കായി valhalla ഇന്ന് നിശബ്ദതമാണ്…

എൻട്രൻസ് കഴിഞ്ഞു കാണുന്ന വലിയ കെട്ടിടത്തിൽ ഒഴിഞ്ഞു കിടക്കുന്ന കളിസ്ഥലങ്ങളും ഡാൻസ് ബാറും…

അവക്ക് പിറകിലെ കെട്ടിടത്തിൽ ആണ് ഇസാനയുടെ ലോകം…കരിയും നിറങ്ങളും കൊണ്ടു മുഷിഞ്ഞ ഭിത്തികൾ…അകത്തേക്കുള്ള പ്രവേശനം പ്രത്യേകം സ്ഥാനമാനങ്ങൾ ഉള്ളവർക്കും ഗാങ്കിൽ അംഗമായവർക്കും മാത്രം.. പിന്നെ ആഴ്ചകളിൽ വിരുന്നുകരായി എത്തുന്ന ഇരകൾക്കും

——

കെട്ടിടത്തിനുള്ളിൽ പണിത വിശാലമായ ഒരു മുറി…. ഭിത്തിയിൽ അശ്ലീലചിത്രങ്ങളുടെ വലിയൊരു ശേകരം തന്നെ…ചുവന്ന പ്രകാശം ആ മുറിയാകെ തിങ്ങി നിറഞ്ഞിരുന്നു

+4

0