💫Evil on earth✨

Author : Jomon

കൊറച്ചു മാസങ്ങളായി മനസ്സിൽ കടന്നു കൂടിയ ഒരു ഫിക്ഷൻ സ്റ്റോറി ആണിത്…

ഇതിനിടയിൽ എഴുതി തുടങ്ങിയ പല കഥകൾക്കിടയിലും ഈ കഥയും കഥയിലെ കഥാപാത്രങ്ങളും വിലങ്ങു തടിയായി വന്നു.. അതുകൊണ്ട് തന്നെ അവയൊക്കെ നിർത്തിവച്ചിട്ട് ഈ കഥയെഴുതാൻ മുതിരുകയാണ്….

ഒരു ഫിക്ഷൻ സ്റ്റോറി ലൈൻ ആയതു കൊണ്ടു തന്നെ ഇതിൽ ലോജിക് എന്ന് പറയുന്ന സാധനം പലയിടത്തും മിസ്സ്‌ ആവാൻ സാധ്യതയുണ്ട്… .

NB: ഫ്ലാഷ് ബാക്ക് എഴുതാനും വായിക്കാനും താല്പര്യമില്ലാത്ത ഒരാളാണ് ഞാൻ… കൂടാതെ ക്‌ളീഷേ ആയി പൊതുവെ കഥകളിൽ വരുന്ന കഥാപാത്രങ്ങളും ആവശ്യമില്ലാതെ കയറി വന്നു നായകനെ തട്ടി എടുക്കാൻ നോക്കുന്ന മുറപ്പെണ്ണുങ്ങളും കുത്തും മുറിവാക്കുകളുമായി വരുന്ന അമ്മായിമാരും ഈ കഥയിൽ കാണില്ല….

കാരണം എനിക്ക് മെയിൻ വില്ലന്മാരെ മാത്രം മതി… ഇത്തിൾ കണ്ണികളായി മുളച്ചുവരുന്നവരെ ഇഷ്ടമല്ലാത്ത ഒരുത്തൻ ആണ് നായകൻ.. അതുകൊണ്ട് തന്നെ ഫ്ലാഷ് ബാക്ക് പരുപാടി പരമാവധി കുറച്ചു മാത്രമേ എഴുതു..

അതുകൊണ്ട് തന്നെ നായകന്റെ എൻട്രി വളരെ പതുക്കെ ആവും… അവനിപ്പോ ഒരു കൈകുഞ്ഞാണ്… ചെക്കൻ വളർന്നു വരട്ടെ….

——ꜱᴇᴏꜱᴏɴ 1 introduction

𝚁𝚎𝚊𝚟𝚎𝚕𝚒𝚗𝚐 𝚝𝚑𝚎 evil

ഭൂമി വളരെ പതിയെ കറങ്ങി കൊണ്ടിരുന്നു.. സൂര്യനും ചന്ദ്രനും ഒരുപോലെ ഭൂമീദേവിയെ വീക്ഷിച്ചുകൊണ്ടിരുന്നു… അതേ.. ഒരുപാതി പകലാണെങ്കിൽ മറുപാതി അന്ധകാരവും കൊണ്ടു നിറഞ്ഞിരുന്നു

ഇരുണ്ട അന്ധകാരത്തിൽ പോലും വർണങ്ങളാൽ പ്രകാശപൂരിതമായി തെളിഞ്ഞു നിൽക്കുന്ന ടോകിയോ നഗരം

ജപ്പാനിലെ തന്നെ ഏറ്റവും ശാന്തമായ ഒരു നഗരവീഥി ആണ് അവിടുത്തെ ജനങ്ങൾക്കെന്നും ടോകിയോ.. കാരണം ഒരു പരിധി വരെ കുറ്റകൃത്യങ്ങളും മാഫിയ ഗ്രൂപ്പുകളും അവിടേക്ക് കൈ കടത്തിയിരുന്നില്ല…

Because a great evil was born there…..

യാകുസ എന്ന വലിയൊരു മാഫിയാ വലയം 300 വർഷങ്ങൾക്ക് മുൻപേ തങ്ങളുടെ ആധിപത്യം ജപ്പാനിൽ നിലനിർത്തിയിരുന്നു…

യാകുസ ഫാമിലിയിലെ തന്നെ ഏറ്റവും വലിയ ദുഷ്ടശക്തി യാഗമിച്ചി ഷിനോദ്ധ ആയിരുന്നു…

അവനു കീഴിൽ മാത്രമായി 8000 ത്തോളം അംഗസംഖ്യ വരുന്ന ചാവേറുകൾ… കാലങ്ങൾ കഴിഞ്ഞു റിതുക്കൾ മാറിമാറി വന്നു.. കാലചക്രം തിരിയുന്നതനുസരിച്ചു യാകുസ ഫാമിലി വിഭാചിച്ചു..

പലപല ഗോത്രങ്ങൾ പോലെ അന്നത്തെ തലവൻ ആ ഭൂകണ്ടത്തെ തങ്ങളുടെ ഷിനോദ്ധ കുടുംബങ്ങൾക്കായി വിഭാചിച്ചു നൽകി…അങ്ങനവർ ഓരോരോ ചേരികളായി…

ഓരോ ഗ്രൂപ്പിനും ഓരോ തലവർ… അവർക്ക് നേരിട്ട് ഷിനോദ്ധ കുടുംബമായി ബന്ധമുണ്ടായിരുന്നു

വർഷങ്ങൾ കഴിയവേ 2020 ഓടെ പ്രധാനമായും യാകുസ ഫാമിലിയിലെ നാലുപേർക്ക് മാത്രമായി ഓരോ ഗ്രൂപ്പുകൾക്ക് മുകളിലുമുള്ള അധികാരം… അവരുടെ ഇഷ്ടപ്രകാരം ഗ്രൂപ്പുകൾക്ക് ഒരു മേൽനോട്ടക്കാരനെ അല്ലെങ്കിൽ ഒരു തലവനെ നൽകാം…

യാകുസ ഫാമിലിയിലെ നാലുപേരിൽ ഒരാളായിരുന്നു സുമിയോഷി ഷിനോദ്ധ

അയാൾ തന്റെ മകനായ ഇസാനാ ഷിയോദായ ടോക്യോ നഗരപരിധിയിലെ valhalla ഗ്രൂപ്പിലെ ഭരണം ഏൽപ്പിച്ചു..

എന്നാൽ മറ്റു ഗാങ്ങുകളിൽ നിന്നും അയാൾവെത്യാസത്തമായിരുന്നു … അതുപോലെ തന്നെ അയാളുടെ ബലഹീനതകളും

സ്ത്രീവിഷയങ്ങളിൽ ഇസാനയും അനുയായികളും വളരെയധികം താല്പര്യം കാണിച്ചിരുന്നു…

മറ്റുള്ളവർ പണത്തിനായും അധികാരത്തിനായും കൊലപാതകങ്ങളും അതിക്രമങ്ങളും കാണിച്ചു തുടങ്ങി എന്നാൽ valhalla ഗാങ് മാത്രം സ്ത്രീകളെ കരുക്കളാക്കി പദ്ധതികൾ പ്ലാൻ ചെയ്തു

ടോക്യോ നഗരം ഇസാനയുടെ അധികാരപരിധിയിൽ വന്നതോടെ ആ നാട്ടിലെ സ്ത്രീസുരക്ഷ കുറഞ്ഞു വന്നു… പ്രായഭേദമാന്യേ അവർക്കെതിരെയുള്ള അക്രമങ്ങൾ കൂടി… നിയമപാലകർ പോലും അവരുടെ പ്രവർത്തികളിൽ കണ്ണുകളടച്ചു  ഇരുട്ടാക്കി… കാരണം യാകുസ ഫാമിലി അത്രക്ക് ഭയാനകമായ ഒന്നായിരുന്നു

𝚃𝚒𝚖𝚎 13:24,2021

മഞ്ഞു പെയ്തു തുടങ്ങിയ ഡിസംബർ മാസം….പ്രധാന വീതികളലെല്ലാം മഞ്ഞു പെയ്തു തുടങ്ങി

നഗരമധ്യത്തിൽ നിന്നും വടക്കുമാറിയുള്ള  ആറുവരി പാതയിലൂടെ വില കൂടിയൊരു ആഡംബരകാർ വളരെ വേഗതയിൽ പാഞ്ഞു…ഈർപ്പം നിറഞ്ഞ വഴികളിൽ വണ്ടിയുടെ നിയന്ത്രണം നഷ്ടപ്പെടാൻ സാധ്യതയുണ്ടെന്നറിഞ്ഞിട്ടും ആ കാർ ഇരുന്നൂറിന് താഴെ പോകാതെ ഓടിക്കൊണ്ടിരുന്നു

കറുത്ത നിറത്തിൽ പൂർണ്ണമായും രൂപമാറ്റം വരുത്തിയ NissanGTR കാർ…മാരകമായ ടൂനിംഗിന് ശേഷം പ്രത്യേകമായി മാറ്റങ്ങൾ വരുത്തിയ ആ എഞ്ചിൻ തന്റെ യജമാനൻ പ്രീതിപ്പെടുത്താണെന്നവണ്ണം കൂടുതൽ ഉച്ചത്തിൽ മുരണ്ടുകൊണ്ടോടി..

പിറകിലെ എക്സ്സോസ്റ്റ് പൈപ്പിൽ നിന്നും രക്തവർണങ്ങളിൽ തീ തുപ്പി

ഹൈവേയിലൂടെ ചാട്ടുളി കണക്കെ പായുന്ന കാറിന് പിറകെ മറ്റു രണ്ടു BMW കാറുകളും ഓടിയെത്തി

വളരെ വേഗംതയിലായിരുന്നിട്ട് പോലും ആ കാറുകൾക്ക് മുൻപേ പാഞ്ഞുകൊണ്ടിരുന്ന GTR നെ തൊടാൻ സാധിച്ചിരുന്നില്ല…

സൈഡ് മിററിലൂടെ  തനിക്കൊപ്പം എത്താനായി പാഞ്ഞു വരുന്ന കാറുകളെ കണ്ട ദേവിന്റെ ചുണ്ടിൽ ചെറിയൊരു ചിരി മിന്നി മാഞ്ഞു

കാറിനുള്ളിൽ phonk മ്യൂസിക് വളരെ ശബ്ദതത്തിൽ മുഴങ്ങി കേട്ടിരുന്നു.. അതിന്റെ അവക്തമായ താളത്തിൽ ദേവ് മുഴുകിയിരുന്നു

പൊടുന്നനെ മ്യൂസികിന്റെ ശബ്ദം തനിയെ കുറഞ്ഞു വന്നു..

ഒടുക്കം മ്യൂസിക് സിസ്റ്റം താനേ ഓഫ്‌ ആയി

എന്താണ് സംഭവിച്ചതെന്ന് മനസിലാവാതിരുന്ന ദേവ് ഒരു സംശയത്തോടെ മുൻപിലെ മിററിൽ നോക്കി…തന്റെ കാതിൽ കിടക്കുന്ന ചെറിയ നീലക്കല്ല് പതിച്ച ഒറ്റക്കമ്മൽ ഒരുവട്ടം ചെറുതായി പ്രകാശിച്ചു

അത് മനസിലാക്കിയ ദേവ് ചെറു ചിരിയോടെ മ്യൂസിക് സിസ്റ്റം വീണ്ടും ഓണാക്കാൻ ശ്രമിച്ചു

—–ദേവ്…വണ്ടിയുടെ വേഗത വളരെ കൂടുതലാണ്….—–

പെട്ടന്ന് അവന്റെ ചെവിയിലൊരു സ്ത്രീശബ്ദം മുഴങ്ങി

എങ്കിലും അത് കാര്യമാക്കാതെ ദേവ് ആക്‌സിലേറ്ററിൽ കൂടുതൽ ശക്തിയോടെ കാലുകളമർത്തി

വല്ലാത്തൊരു ശബ്ദത്തോടെയാ വണ്ടി മുൻപോട്ടു പാഞ്ഞു

—–ഈ വണ്ടിയുടെ മാക്സിമം വേഗതയെത്തി ദേവ്…രണ്ടു കിലോമീറ്ററുകൾക്കപ്പുറം വലിയൊരു വളവുണ്ട്…ഈ വേഗതയിൽ  അവിടെനിന്നു വണ്ടി നിയന്ത്രിക്കാൻ പറ്റുയെന്ന് വരില്ല…—–

തനിക്കുള്ള അപകടസൂചന കിട്ടിയിട്ടും അവന്റെ ഭാവത്തിൽ മാറ്റങ്ങൾ വന്നില്ല…അത് മനസിലാക്കിയെന്നാവണം വീണ്ടും ആ ശബ്ദം അവന്റെ ചെവിയിൽ മുഴങ്ങി

—–Lenas deactivated..!—–

അതേ നിമിഷം തന്നെ ഓഫ്‌ ആയ മ്യൂസിക് സിസ്റ്റം പ്രവർത്തിച്ചു തുടങ്ങി

+4

0