🚀🚀മഞ്ജിമ തുടക്കവും ഒടുക്കവും – 5🚀🚀അടിപൊളി  

അഭി ആണ് കാർ എടുത്തത്. വണ്ടി വിട്ടു കൊച്ചിയിലേക്ക്.

കറുത്ത ഷർട്ടും, നീല ജീൻസും ഇട്ട് സുന്ദരനായി ഇരിക്കുന്ന അഭിയിൽ നിന്ന് തന്റെ കണ്ണ് വെട്ടിക്കാൻ മനസ്സ് തോന്നിയില്ല മഞ്ജിമക്ക്.

ഡോക്ടർ പറഞ്ഞു എങ്കിലും, മനസ്സിനുള്ളിലെ പേടി, അല്ലായിരുന്നു എങ്കിൽ വണ്ടി എവിടെയെങ്കിലും നിർത്തിച്ചു, ചാടി വീണേനെ അഭിയുടെ ദേഹത്ത് മഞ്ജിമ.

അഭി ആകട്ടെ, റോട്ടിൽ മാത്രം ആണ് കണ്ണുള്ളത്. വണ്ടി ഓടിക്കാൻ അറിയാം എങ്കിലും, ഇത്രയും വിലയുള്ള വണ്ടി ആദ്യമായി ആണ് റോഡിലൂടെ ഓടിക്കുന്നത്. ആദ്യ ദിവസം തന്നെ വല്ലതും സംഭവിച്ചു, വില കളയില്ല എന്നുള്ള ഉറച്ച തീരുമാനം ആയിരുന്നു അഭിയുടെ മനസ്സിൽ.

” മഞ്ജു, അഭി,, വെൽകം “… പറഞ്ഞ് ജ്യുവൽ ഉണ്ടായിരുന്നു കമ്പനിയിൽ. പിന്നാലെ തന്നെ കരഘോഷം മുഴക്കി ഒരുപാട് സ്റ്റാഫുകളും.

എല്ലാവരോടും അൽപ്പം കുമ്പിട്ട് കൊണ്ട് മഞ്ജു ഉറക്കെ പറഞ്ഞു : താങ്ക് യൂ ഓൾ, ഇതാണ് എന്റെ ആൾ. എല്ലാവരും കണ്ടിട്ടുണ്ട് വിശ്വസിക്കുന്നു.

എല്ലാവരും അവരവരുടേതായ പോസ്റ്റിലേക്ക് പോയപ്പോൾ, അഭി കണ്ടു മഞ്ജിമയുടെ പൊടുന്നനെ ഉള്ള മുഖം മാറ്റം.

വളരെ ഗൗരവത്തോടെ തന്നെ ജ്യുവലിനോട് പറഞ്ഞു : ഇത്ത എത്താൻ ലേറ്റ് ആവും. നമുക്ക് ആ ഡിസൈൻ ഫൈനൽ ചെയ്യാം.

ജ്യുവൽ :ആ പറഞ്ഞിരുന്നു.

അതിവേഗം മുന്നോട്ട് നടന്ന മഞ്ജിമ തിരിഞ്ഞ് നിന്ന് അഭിയോട് പറഞ്ഞ് : അഭി,,,, എല്ലാം നടന്നു കണ്ടോളു. എനിക്ക് കുറച്ച് പണിയുണ്ട്. മുകളിൽ ഓഫീസിൽ ഉണ്ടാവും ഞാൻ. അങ്ങോട്ട് വന്നാൽ മതി.

അഭിയെ തനിച്ചാക്കി ജ്യുവലിനോടൊപ്പം പാഞ്ഞു പോയി മഞ്ജിമ.

അഭി പറഞ്ഞ പോലെ തന്നെ ഫെക്ട്ടറിയുടെ മുക്കും മൂലയും നടന്നു കാണാൻ ആരംഭിച്ചു.

തുണികടയിൽ എന്ന പോലെ ഹാങ്ങെറുകളിൽ തൂക്കി ഇട്ടിരുന്ന വസ്ത്രങ്ങൾ, സ്ത്രീകളുടേത്‌ മാത്രം,, അഭി നോക്കി കണ്ടു നടന്നു.

തന്റെ ഓഫീസിൽ, വലിയ ടേബിളിന് പിറകിൽ, ചാരു കസേരയിൽ ചാരി ഇരുന്നു കൊണ്ട്, ചുവരിൽ ഉള്ള വലിയ, എൽ ഇ ഡി സ്‌ക്രീനിൽ ജ്യുവൽ കാണിച്ചു, വിവരിച്ചു കൊടുക്കുകയായിരുന്നു ഡിസൈനുകൾ. അതും മഞ്ജിമയുടെ തന്നെ പ്ലാനിൽ ഉള്ളത്.

ചുണ്ടിനു താഴെ എന്തോ തന്റെ വിരൽ കൊണ്ട് ചൊറിഞ്, എന്തെങ്കിലും മാറ്റങ്ങളെ പറ്റി ചിന്തിച്ചു കൊണ്ടിരിക്കുമ്പോൾ ആണ്, ജ്യുവലിന്റെ പിറകിൽ ആയി ഉള്ള, ഒരുപാട് സിസി ടീവി ദൃശ്യങ്ങളുടെ ലൈവ് ഫീഡിൽ, തന്റെ മുന്നിൽ ഇരിക്കുന്ന റിമോട്ട് എടുത്തു ഒരു ഫീഡ്, മാത്രം ബിഗ് സ്‌ക്രീനിൽ ആക്കിയത് മഞ്ജിമ.

സ്‌ക്രീനിൽ അഭി ആയിരുന്നു. ഒരു മൂലയിൽ, പ്രത്യേകം ഡിസൈൻ ചെയ്ത് വച്ചിരിക്കുന്ന, ലെറ്റക്സ് മെറ്റീരിയൽ കൊണ്ട് ഉണ്ടാക്കിയ മോഡേൺ വസ്ത്രങ്ങളിൽ തന്റെ കയ്യോടിച്ചു നോക്കുന്ന അഭിയെ.

ജ്യുവൽ തിരിഞ്ഞു നോക്കി സ്‌ക്രീനിൽ. എന്നിട്ട് പുഞ്ചിരിച്ചു ചോദിച്ചു : ബാംഗ്ലൂർ തന്നെ അല്ലെ ജോലി അഭിക്ക്.

മഞ്ജിമയും ചിരിച്ചു പറഞ്ഞു : അതോണ്ടൊന്നും ഒരു കാര്യവുമില്ല. ഒന്നും കണ്ടിട്ടില്ല ചെക്കൻ..

മഞ്ജിമക്ക് കുസൃതി തോന്നി. മഞ്ജിമ ജ്യുവലിനോട് മിണ്ടരുത് എന്ന് പറഞ്ഞ് തന്റെ ഫോൺ എടുത്തു അഭിയെ വിളിച്ച് ഫോൺ ലൗഡ് സ്പീക്കറിൽ ഇട്ടു.

സ്‌ക്രീനിൽ ജ്യുവലും കണ്ടു, അഭി ഫോൺ എടുക്കുന്നത്…

മഞ്ജിമ : എവിടെയാ?..

അങ്ങോട്ടും ഇങ്ങോട്ടും തിരിഞ്ഞു നോക്കി അഭി പറഞ്ഞു : അങ്ങിനെ ചോദിച്ചാൽ, എനിക്കറിയില്ല.

മഞ്ജിമ വാക്കുകൾ അൽപ്പം കടുപ്പിച്ച് : എന്നാൽ എനിക്കറിയാം, അത് വെറും വസ്ത്രം ആണ്. കണ്ണിൽ കണ്ടത് പോയി തൊട്ട് നോക്കുക ആണല്ലേ.

അഭി ഉടനെ രണ്ട് സ്റ്റെപ് പിന്നിലോട്ട് നീങ്ങി, പിന്നിലിരുന്ന ഹാങ്ങറിൽ തട്ടി, വീണു വീണില്ല എന്ന നിലയിൽ എത്തി.

ഒരുവിധം പിടിച്ച് നിന്ന് അഭി മുകളിലേക്ക് ചുറ്റുപാടും നോക്കി, അപ്പോൾ കണ്ടു തന്നെ നോക്കി ചുവന്ന ലൈറ്റ് കാണിച്ചു കൊണ്ടുള്ള സിസി ടീവി കാമറയെ.

അഭിയുടെ വാക്കുകൾ മുറിഞ്ഞു : അയ്യോ ഞാൻ, അതല്ല ഉദ്ദേശിച്ചത്?..

മഞ്ജിമ വിട്ടു കൊടുത്തില്ല : ഏതല്ല എന്ന്?

അഭി വിക്കി വിക്കി : ഞാൻ, ടീവിയിൽ മാത്രം കണ്ട്… അറിയാതെ….

മഞ്ജിമ : അതേതു ടീവി. ശരിയാക്കി തരുന്നുണ്ട് ഞാൻ. അവിടെ കിടന്ന് ഉരുണ്ട് കളിക്കാതെ എന്റെ ഓഫീസിൽ വാ…

അഭി : മ്മ്മ്…..

മഞ്ജിമ ഫോൺ കട്ട്‌ ചെയ്തു…..

എല്ലാം ചിരിച്ചു കണ്ടും കേട്ടും കൊണ്ടിരുന്ന ജ്യുവൽ പറഞ്ഞു : കഷ്ടം ഉണ്ട് ട്ടോ…

മഞ്ജിമ പുഞ്ചിരിച്ചു കൊണ്ട് : ഓ, എന്റെ ചെക്കൻ അല്ലെ, ഒരു പ്രശ്നവും ഇല്ല.

ജ്യുവൽ ഓഫീസ് ടേബിളിൽ വിരൽ കൊണ്ട് രണ്ട് താളം ഇട്ട ശേഷം ചോദിച്ചു : അഭി ഒറ്റ മോൻ അല്ലെ?. അനിയൻ ഒന്നും ഇല്ലല്ലോ?..

മഞ്ജിമ ചിരിച്ച് കൊണ്ട് : അതെ, ഒറ്റ പീസ് ആണ്. റെയർ പീസ്,,, എന്റെ മാത്രം പീസ്.

മഞ്ജിമയും, ജ്യുവലും സ്‌ക്രീനിൽ തന്നെ നോക്കി, അങ്ങോട്ടും ഇങ്ങോട്ടും നടന്ന്, വഴി മനസിലാവാതെ, കൺ മുന്നിൽ കണ്ട സ്റ്റാഫിനോട് വഴി ചോദിച്ച്, സ്റ്റാഫിന്റെ പിന്നാലെ നടന്ന് വരുന്ന അഭിയെ.

ഓഫീസിനു മുന്നിൽ, അടഞ്ഞു കിടക്കുന്ന ഡോറിൽ, പിങ്ക് നിറത്തിലുള്ള ബോർഡിൽ എഴുതിയ പേര് അഭി വായിച്ചു ” മഞ്ജിമ അഭിജിത്”.

വാതിൽ തുറന്ന അഭി ജ്യുവലിനെ കൂടെ കണ്ടതോടെ അൽപ്പം ചൂളി പോയി.

മഞ്ജിമ അഭിയോട് കുറച്ച് ഉച്ചത്തിൽ പറഞ്ഞു : എന്തായി, ജ്യുവലിന്റെ മുന്നിൽ എന്നെ നാണം കെടുത്തിയപ്പോൾ സമാധാനം ആയില്ലേ…

അഭി കണ്ണ് തുറിച്ചു പറഞ്ഞു ” ഞാൻ “,, പൂർത്തിയാക്കാൻ കഴിഞ്ഞില്ല വാചകം.

ജ്യുവൽ ആംഗ്യ ഭാഷയിൽ മഞ്ജുവിനോട് ചോദിച്ചു : എന്താ ഇത്?.

ജ്യുവലിനും കൊണ്ടു, മനസ്സിൽ, നന്നായി തന്നെ. അപ്പോൾ അഭിയുടെ കാര്യം പറയണോ, അഭി വിറളി വെളുത്തു. ഉള്ളിൽ അപമാനം നിറഞ്ഞു. അഭി തല താഴ്ത്തി നിന്ന നിൽപ് തുടർന്നു. ഒരടി പോലും ഇളകാൻ ആവാതെ.

മഞ്ജിമ സൈഡിൽ ഉള്ള സോഫ ചൂണ്ടി പറഞ്ഞു : നിക്കാതെ അവിടെ, ഇരി.

അഭി ഇളകിയില്ല. അതെ നിൽപ് തുടർന്നു.

മഞ്ജിമക്ക് ബോധ്യമായി, താൻ കൂടിപ്പോയി എന്ന്, കുറച്ചല്ല, കുറെ അധികം തന്നെ കൂടി പോയി എന്ന്.

ജ്യുവലിനോട് മഞ്ജു പറഞ്ഞു : 5 മിനിറ്റ്, ഞാൻ വിളിക്കാം.

ജ്യുവൽ ” ഓക്കേ ” പറഞ്ഞ് എഴുന്നേറ്റു. ജ്യുവലിനും അഭിയുടെ നിൽപ് കണ്ട് ഒന്നും പറയാൻ കഴിഞ്ഞില്ല.

മഞ്ജിമ എഴുന്നേറ്റു, അഭിയുടെ അടുത്തെത്തി. അഭിയുടെ കയ്യിൽ പിടിച്ചു നടത്തിച്ചു, കൊച്ചു കുട്ടിയെ പോലെ.

അഭിയെ സോഫയിൽ ഇരുത്തി, അഭിയുടെ തുടയുടെ ഇരുപുറവും തന്റെ മുട്ട് കുത്തി അഭിയുടെ മുന്നിൽ ആയി, അഭിയെ ചേർന്ന് മുഖത്തോട് മുഖം ചേർന്ന് ഇരുന്നു, അഭിയുടെ മുഖം തന്റെ കൈ വെള്ള കൊണ്ട് ഉയർത്തി പതിയെ പറഞ്ഞു : എന്റെ അഭിക്ക് ഇഷ്ടാണോ ആ ഡ്രസ്സ്‌?..

അഭി : ഞാൻ ഒന്നും ഉദ്ദേശിച്ചിട്ടില്ല, മനസ്സിൽ പോലും.

മഞ്ജിമ പുഞ്ചിരിച്ചു കൊണ്ട് അഭിയുടെ ചുണ്ടുകളിൽ മുത്തി,, ചോദിച്ചു : ടീവിയിൽ ഒക്കെ കാണണത് അല്ലെ. അപ്പോൾ ഇഷ്ടം ആവും ലോ?..

+93

0