🚀🚀മഞ്ജിമ തുടക്കവും ഒടുക്കവും – 5🚀🚀 1അടിപൊളി  

 

 

മഞ്ജിമ തന്റെ വസ്ത്രങ്ങൾ അണിഞ്ഞു കൊണ്ട് പ്രാധമിക കൃത്യങ്ങൾ കഴിഞ്ഞ്, അഭിയുടെ കവിളിൽ അഭി അറിയാതെ തന്നെ ഉമ്മ കൊടുത്ത് റൂം വിട്ട് താഴേക്കു ഇറങ്ങി.

 

മഞ്ജിമയെ അത്ഭുതപെടുത്തി കൊണ്ട്, ജലജയുടെ റൂമിന്റെ വാതിലും അടഞ്ഞു കിടക്കുന്നതാ കണ്ടത്.

 

എത്ര സ്മാർട്ട്‌ ആയാലും പെണ്ണുങ്ങൾക്ക് ഒരു പ്രശ്നം ഉണ്ട്. എവിടെയെങ്കിലും അതി ബുദ്ധി കാണിക്കും.

 

അതെ പോലെ, മഞ്ജിമ ടീവി ഓൺ ചെയ്ത് ഭക്തി ഗാനം ചാനൽ പ്ലേ ചെയ്തു ടീവിയിൽ.

 

അധികം സമയം എടുക്കാതെ തന്നെ കാതിനു കുളിരേകുന്ന ഭക്തി ഗാനം ചെവിയിൽ മുഴങ്ങുന്നത് കേട്ട്, ജലജ പതിയെ കണ്ണുകൾ തുറന്നു മുടി കെട്ടി ഡോർ തുറന്നു പുറത്തു വന്നു.

 

മഞ്ജിമയുടെ ടീവി നോക്കി ഉള്ള ഇരിപ്പ് കണ്ട് ജലജ ഉള്ളിൽ ചിരിച്ച് മനസ്സിൽ പറഞ്ഞു ” എന്റെ മഞ്ചൂ, എന്നോട് വേണോ ഈ നാടകം, നിന്റെ “….

 

ഒന്നും മുഖത്ത് പോലും കാണിക്കാതെ ജലജ പറഞ്ഞു : മഞ്ജു ഇത്ര നേരത്തെ എഴുന്നേറ്റോ?..

മഞ്ജിമ വേഗം ചാടി എഴുന്നേറ്റ് പറഞ്ഞു : അമ്മായി, അല്ല അമ്മേ,,, അമ്മ ലേറ്റ് ആയി ഉണരൂ എന്നറിഞ്ഞില്ല.

ജലജ ഒന്ന് നടു നിവർത്തി : ഇവിടെ നേരത്തെ എഴുന്നേറ്റ് എന്ത് ചെയ്യാൻ ആണ്. മുകളിൽ ഉള്ളവൻ വീട്ടിൽ ഉണ്ടെങ്കിൽ തന്നെ പത്തു മണി കഴിഞ്ഞ് ചവിട്ടി നീപ്പിക്കാതെ കണ്ണ് തുറക്കില്ല.

ജലജ അടുക്കളയിലേക്ക് നടന്നു, പിന്നാലെ മഞ്ജിമയും.

മഞ്ജിമ നടന്നു കൊണ്ട് തന്നെ പറഞ്ഞു : നേരത്തെ എഴുന്നേൽക്കുന്നത് കുറെ കാലം ആയി ശീലം ആയി. രാവിലെ ജിമ്മിൽ പോയി വർക്ക്‌ ഔട്ട്‌ അല്ലെങ്കിൽ യോഗ, ഏതെങ്കിലും ഒന്ന് പതിവാണ്.

 

ജലജ തിരിഞ്ഞു നോക്കാതെ തന്നെ പറഞ്ഞു : ശരീരത്തിൽ കാണാൻ ഉണ്ട് അത്. യോഗ ആണ് ഞാൻ പതിവ്. പക്ഷെ മഞ്ജു എന്ന് വീട്ടിൽ വന്നോ അന്ന് മുതൽ ഇല്ല.

 

മഞ്ജിമ : അയ്യോ അതെന്താ?..

 

ജലജ : അമ്മാതിരി വാർത്തയും കൊണ്ടല്ലേ മഞ്ജു വീട്ടിലേക്കു ആദ്യമായി വന്നത്. ഇന്നലെ ആണ് അതൊന്നു അടങ്ങിയത്. ഉള്ളിലെ തീ..

 

മഞ്ജിമക്ക് പിന്നെ ചോദിക്കാൻ ഒന്നും ഉണ്ടായില്ല, അടുക്കളയിൽ ജലജയുടെ അരികെ തന്നെ നിന്നു.

 

ജലജ : രാവിലെ അവൻ എഴുന്നേറ്റാൽ, ചായ നിർബന്ധം ആണ്. അല്ലേൽ ചെക്കന് കക്കൂസിൽ പോവാൻ പറ്റില്ല.

 

മഞ്ജിമ വാ പൊത്തി ചിരിച്ചു.

 

സ്റ്റോവ് സിമ്മിൽ ഇട്ട്, ജലജ മഞ്ജിമക്ക് നേരെ തിരിഞ്ഞു നിന്നു. ഒന്നാലോചിച്ച ശേഷം പറഞ്ഞു : മഞ്ജു… 45 വയസ്സായി എനിക്ക്. ഒരുപാട് ലോകം കണ്ടതാ ഞാൻ. നീ വീട്ടിൽ വന്ന് കാര്യങ്ങൾ എന്നോട് പറഞ്ഞപ്പോൾ, എന്റെ തെണ്ടി ചെക്കൻ മിണ്ടാതെ നിന്ന് അതെല്ലാം സത്യം ആണ് എന്ന് എന്നോട് പറഞ്ഞപ്പോൾ, ഒന്നും ആലോചിക്കാതെ എടുത്ത തീരുമാനം ആണ് നിങ്ങടെ കല്യാണം.

 

മഞ്ജിമക്ക് മനസ്സിലായില്ല ജലജ എന്താ പറഞ്ഞ് കൊണ്ട് വരുന്നത് എന്ന്.

ജലജ : ഒരുപാട് സ്വപ്‌നങ്ങൾ കണ്ട് വളർത്തിയത് ആണ് ഞാൻ അവനെ. അവന്റെ ഉള്ളിൽ നീയും, നിന്റെ ഉള്ളിൽ ആവനും ഉണ്ട് എന്ന് എനിക്കറിയാം. നിങ്ങൾക്ക് പരസ്പരം ജീവൻ ആണെന്നും. പക്ഷെ, കഴിഞ്ഞ കുറച്ച് ദിവസങ്ങൾ കൊണ്ട് ഒന്ന് എനിക്കറിയാം, എന്റെ മുന്നിൽ വന്ന് നീ കരഞ്ഞത് അന്ന്, അഭിനയം ആണ് എന്ന്.

 

മഞ്ജിമ : അമ്മേ, ഞാൻ….എനിക്ക്..

 

ജലജ : അത് നിന്റെ മുഖവും കണ്ണും കണ്ടാൽ എനിക്കറിയാം, ഗർഭത്തിന്റെ കാര്യം നുണ അല്ല എന്ന്. ചോദിച്ചാൽ ഡി ൻ എ റിപ്പോർട്ട്‌ അടക്കം നീ എന്റെ മുന്നിൽ കൊണ്ടു വരും എന്ന് എനിക്കറിയാം.

 

മഞ്ജിമ ആകെ വിളറി വെളുത്തു….

 

ജലജ സ്റ്റോവിൽ നോക്കി പറഞ്ഞു : മഞ്ജു കഴിഞ്ഞത് എന്തോ , ഒരു കുഴിയും തോണ്ടാൻ വരുന്നില്ല ഞാൻ. പക്ഷെ ഞാൻ പൊട്ടി അല്ല. കഴിഞ്ഞ കുറച്ച് ദിവസങ്ങൾ മതി ഈ ജലജക്ക്, നിന്റെ പഴയ അമ്മായിക്ക് കുറെ കാര്യങ്ങൾ ചിന്തിച്ചു മനസിലാക്കാൻ.എന്റെ കയ്യിൽ കിടന്നല്ലേ നീ വളർന്നത്. നിന്നെ നീന്തൽ പഠിപ്പിച്ചത് ഈ ഞാനാണ്. കുളത്തിൽ….

 

മഞ്ജിമ ഒന്നും പറയാൻ ആവാതെ തരിച്ചു നിന്നു. വർഷങ്ങൾക്കു ശേഷം ആരുടെ എങ്കിൽ മുന്നിൽ ഇങ്ങനെ ഉത്തരം മുട്ടുന്നത് ആദ്യം.