🚀🚀മഞ്ജിമ തുടക്കവും ഒടുക്കവും – 5🚀🚀 1അടിപൊളി  

 

മഞ്ജിമ ഇടക്കിടക്ക് തന്റെ മുഖം തിരിച്ചു ജലജ നിൽക്കുന്ന സ്ഥലത്തേക്കും, ആരോടൊക്കെ സംസാരിക്കുന്നുണ്ട് എന്നൊക്കെ നോക്കി.

 

ഫാത്തിമ : ഒന്ന് ഒതുങ്ങി നിക്ക് മഞ്ജു.

 

മഞ്ജിമ : എങ്ങിനെ ഒതുങ്ങി ഇരിക്കും, അങ്ങിനെ ഒരു ബോംബ് അല്ലെ ഇത്ത ഇട്ടതു എന്റെ മനസ്സിൽ.

 

ഫാത്തിമ : ജലജ എന്തെങ്കിലും ആയിക്കോട്ടെ, അതിൽ നിനക്കെന്താ.

 

മഞ്ജിമ : അമ്മായി അമ്മ എന്നാൽ അമ്മ എന്നല്ലേ..

 

ഫാത്തിമ : നിനക്ക് കാണിച്ചു തരാം. രണ്ടാളെ ഇപ്പോൾ തന്നെ. കൂടുതൽ ചോദ്യങ്ങൾ എന്നോട് ചോദിക്കരുത്. എനിക്കറിയില്ല.

 

മഞ്ജിമ : മ്മ്.

 

ഫാത്തിമ : തിരിഞ്ഞു നോക്ക്, ഒരാളുമായി സംസാരിച്ചു നിൽപ്പുണ്ട് ജലജ.

 

മഞ്ജിമ തിരിഞ്ഞു നോക്കി. കുറച്ചു മാറി ജലജ ഒരാളോട് ഫാത്തിമ പറഞ്ഞപോലെ സംസാരിച്ചു നിൽക്കുന്നുണ്ടായിരുന്നു.

 

വെള്ളയും വെള്ളയും ഇട്ട് ഇരു നിറത്തിൽ, രാഷ്ട്രീയക്കാരനെ പോലെ തോന്നിക്കുന്ന, മുപ്പത്തഞ്ചു നാലപ്പത് വയസ്സ് തോന്നിക്കുന്ന ആൾ. അയാളുടെ മുന്നിൽ വളരെ കൂൾ ആയി നിന്ന് സംസാരിക്കുന്ന തന്റെ അമ്മായിഅമ്മ.

 

മഞ്ജിമയുടെ ചെവിയിൽ ഫാത്തിമ പതിയെ പറഞ്ഞു : അയാളെ ശ്രദ്ധിച്ചു നോക്ക്. അടങ്ങി ഒതുങ്ങി കൊച്ചു കുട്ടിയെ പോലെ നിൽക്കുന്നത്. ഉറപ്പാണ്, അയാൾ ജലജയുടെ പോക്കറ്റിൽ ആണ്, ഉറപ്പ്.

 

ഫാത്തിമ ചെവിയിൽ തന്നെ : വേറെ ഒരാളെ കാണണോ, തേർഡ് റോ ഫസ്റ്റ്. അയാളെ നോക്ക് കണ്ണുകൾ എങ്ങോട്ടാ പോകുന്നത് എന്ന്.

 

മഞ്ജിമ ശ്വാസം ഉള്ളിലേക്ക് വലിച്ചു കണ്ണുകൾ ഒന്ന് ഉരുട്ടി വിശ്വസിക്കാൻ ആവാതെ. ഫാത്തിമ പറഞ്ഞപോലെ കണ്ണുകൾ ഇടക്കിടക്ക് ജലജ നിൽക്കുന്നിടത്തേക്ക് പായിക്കുന്നുണ്ടായിരുന്നു. ജലജ തന്നെ ഒന്ന് നോക്കാൻ ആഗ്രഹിക്കുന്ന പോലെ, ജലജയെ കണ്ട് ഇരിപ്പുറക്കാത്ത പോലെ.

 

മഞ്ജിമ വേഗം തിരിഞ്ഞു നിന്ന് ഫാത്തിമയോട് പറഞ്ഞു ” അത് അഭിയുടെ മാനേജർ ആണ്, പേര് ജിന്റോ”.

 

ഫാത്തിമ ചിരിച്ചു കൊണ്ട് : ആരേലും ആവട്ടെ. പക്ഷെ ഒന്നുണ്ട്, പുലിയാണ് ജലജ. മോനെ മാത്രം അല്ല, ആരെയും വരച്ച വരയിൽ നിർത്തിക്കാൻ ഉള്ള കഴിവ് ഉണ്ട്. പട്ടിക്കാട്ടിൽ കിടന്നത് കൊണ്ടാണ്. അല്ലെങ്കിൽ ഈ ഫാത്തിമയെ വരെ പിന്നിലാക്കും ജലജ. ഒന്ന് കൂടണം ജലജയുമായി ഇതൊക്കെ ഒന്ന് കഴിഞ്ഞു ഫ്രീ ആയ ശേഷം.

 

മഞ്ജിമ മനസ്സിൽ അഭി പറഞ്ഞ കാര്യങ്ങൾ ഓർത്തു ” ജിന്റോ സർ ഉണ്ട്. കലിപ്പനാണ്, എന്നെ വലിയ കാര്യം ആണ്. എന്റെ പ്രൊഷനും സർ ആണ് റെഡി ആക്കി തന്നിരിക്കുന്നത് “.

 

ജ്യുവലുമായി സംസാരിച്ചു നിൽക്കുന്ന അഭിയെ മഞ്ജിമ ഇമ വെട്ടാതെ നോക്കി മനസ്സിൽ പറഞ്ഞു ” മോനെ, നിന്നെ അല്ല, നിന്റെ അമ്മയെ ആണ് നിന്റെ ജിന്റോ സാറിനു താല്പര്യം “.

 

അഭി തന്നെ തന്നെ നോക്കുന്ന മഞ്ജിമയോട് ആംഗ്യം കാണിച്ചു ചോദിച്ചു ” എന്താ ” എന്ന്.

 

ആക്കിയ ചിരി ചിരിച്ച്, മുഖം ആട്ടി മഞ്ജിമ സിഗ്നൽ കൊടുത്തു ” ഒന്നുമില്ല ” എന്ന്.

 

 

അഭി പതിയെ നടന്നു വന്നു മഞ്ജിമയുടെ അടുത്തേക്ക്.

 

ഫാത്തിമ : എന്താ അഭി, ക്ഷീണിച്ചോ?.

 

അഭി : ആ ഇത്ത. കുറെ നേരം ആയില്ലേ.

 

മഞ്ജിമ : അഭി അതാരാടാ, ആ നിൽക്കുന്നത്. എവിടെയോ കണ്ട് നല്ല പരിചയം ഉള്ള മുഖം.

 

അഭി സ്റ്റേജിനെ ഫേസ് ചെയ്ത് : ആര്?.

 

മഞ്ജിമ ചൂണ്ടി കാട്ടി : അമ്മായി സംസാരിച്ചു നിൽക്കുന്നില്ലേ അയാൾ?.

 

അഭി : അതോ, നാട്ടിലെ പേര് കേട്ട പാർട്ടി ക്കാരൻ ആണ്. അടുത്ത വട്ടം എം ൽ എ ആവും എന്നൊക്കെ കേൾക്കുന്നുണ്ട്.

 

അഭി പതിയെ ചെവിയിൽ : പാർട്ടി ഗുണ്ട ആണ്. പേര് കേട്ട ഗുണ്ട.

 

മഞ്ജിമ അയാളെ നോക്കി. ജലജയുടെ മുൻപിൽ തല കുമ്പിട്ട് , വിനീത വിധേയൻ ആയി നിൽക്കുക ആയിരുന്നു പേര് കേട്ട ഗുണ്ട.

 

മഞ്ജിമ മനസ്സിൽ ” ഉണ്ട ആണ്, ഉണ്ട, അമ്മായിടെ അടുത്ത് “.

 

 

ഫാത്തിമ മഞ്ജിമയെ തോണ്ടി കണ്ണുരുട്ടി. മഞ്ജിമ തിരിച്ചും.

 

ഫാത്തിമ : നിങ്ങൾ ചെല്ല് എന്നാൽ. ബാക്കി കൂടെ തീർക്കാൻ നോക്ക്.