🚀🚀മഞ്ജിമ തുടക്കവും ഒടുക്കവും – 5🚀🚀 1അടിപൊളി  

അഭിയും മഞ്ജിമയും കാർ എടുത്തു നീങ്ങിയപ്പോൾ, ജ്യുവൽ പറഞ്ഞു ഫാത്തിമയോട് : അവര് എന്ത് മാച്ച് ആണല്ലേ ഇത്ത?.

ഫാത്തിമ ജ്യുവലിനോട് : ഞാനും ചിന്തിക്കാറുണ്ട്, അഭിയെ പോലെ ഒരുത്തനെ ഞാൻ കണ്ടിരുന്നെങ്കിൽ എന്ന്…. പണ്ടെങ്ങാനും……

ജ്യുവൽ പതിയെ കയ്യിൽ തട്ടി : ഇപ്പോഴും പ്രായം അധികം ഒന്നുമായിട്ടില്ല, അഭിയെ പോലെ, വേറെയും ഉണ്ടാവും ആളുകൾ. തിരഞ്ഞാൽ കിട്ടാതിരിക്കുമോ

 

ഫാത്തിമ : സംശയം ആണ്. അവൻ അവൾക്കു വേണ്ടിയും, അവൾ അവനു വേണ്ടിയും ജന്മം കണ്ടതാണ് എന്നാ എന്റെ വിശ്വാസം..

 

ജ്യുവൽ ചിന്തിച്ച് : മെയ്‌ ബി……….

………………………………………………………………..

സീരിയൽ കാണാറില്ലേങ്കിൽ കൂടി മഞ്ജിമ ജലജയുടെ അടുത്ത് തന്നെ ഇരുന്നു, ടീവിയിലേക്ക് നോക്കി.

കണ്ണുകൾ ടീവിയിൽ ആണെങ്കിലും മനസ്സ് വേറെ എവിടെയോ ആണ് എന്ന് ജലജ മഞ്ജിമയെ നോക്കി തിരിച്ചറിഞ്ഞു.

 

രണ്ട് പ്രാവശ്യം “മഞ്ജു” വിളിച്ച ശേഷം ആണ് മഞ്ജിമ ജലജയെ നോക്കുന്നത്.

 

ജലജ : എന്ത് പറ്റി വല്ല പ്രശ്നവും ഉണ്ടോ?.

 

മഞ്ജിമ : പ്രശ്നം ഒന്നുമില്ല അമ്മേ, ഞാൻ മുന്നോട്ട് ഉള്ള കാര്യങ്ങൾ ആലോചിച്ച് ഇരിക്കുകയായിരുന്നു.

 

ജലജ : എന്തെ?.

 

മഞ്ജിമ : നാളെ പോവുകയല്ലേ അഭി ബാംഗ്ലൂരിലേക്ക്.

 

ജലജ : അതിന്റെ സങ്കടം ആണോ?

 

മഞ്ജിമ : മ്മ്,,,,,…എനിക്ക് ആണെങ്കിൽ കൊച്ചി വിടാനും പറ്റില്ല . ഇത്ത എന്നെ എല്ലാം ഏൽപിച്ചു പതിയെ മാറി നിൽക്കാൻ തുടങ്ങുകയാണ്.

 

ജലജ കേട്ടിരുന്നു…..

 

മഞ്ജിമ : ഇത്രേം ദിവസത്തിനിടയിൽ ഞാൻ അഭിക്കു ബിസിനസ്സിൽ, വല്ല ഇന്റെരെസ്റ്റും ഉണ്ടോ എന്നറിയാൻ നോക്കി.

 

ജലജ ചിരിച്ച് : അഭിക്കോ, ബിസിനസ്സോ, എല്ലാം പൂട്ടി കെട്ടേണ്ടി വരും. പൈസ എങ്ങിനെ ചിലവാക്കണം എന്ന് ഒരു പിടിയും ഇല്ലാത്തവൻ ആണ് അവൻ. സേവിങ്സ് എന്ന ചിന്തയെ ഇല്ല. ഇത്‌ വരെ ഞാനാ നോക്കിയത്. ഇനി നിന്റെ കയ്യിലാണ്.

 

മഞ്ജു അൽപ്പം മുഖം താഴ്ത്തി നാണത്തോടെ : അതല്ല അമ്മേ,, എനിക്ക് അഭിയില്ലാതെ,, അവൻ ബാംഗ്ലൂർ, ഞാൻ കൊച്ചി, ദിവസവും പോയി വരാൻ പറ്റുന്ന ദൂരവുമല്ല, എന്റെ അവസ്ഥയിൽ ” വയറിൽ കൈ വച്ച് ” അത്ര റിസ്ക് എടുക്കാനും വയ്യ.

 

ജലജക്ക് പറയാൻ ഒന്നും ഉണ്ടായിരുന്നില്ല.

 

മഞ്ജിമ, ജലജയുടെ മുഖത്ത് നോക്കി ദയനീയമായി : കൊച്ചിയിലേക്ക് ട്രാൻസ്ഫറിന് നോക്കാൻ അഭിയോട് ഞാൻ പറഞ്ഞിട്ടുണ്ട്. അഭി സമ്മതിച്ചിട്ടും ഉണ്ട്. പക്ഷെ എങ്ങാനും ശരിയായില്ലെങ്കിൽ, കൊച്ചിയിലും ഉണ്ട് ഒരുപാട് ഓട്ടോമൊബൈൽ കമ്പനികൾ . അവിടെ പുതിയ ജോലിക്ക് നോക്കാൻ, അഭിയോട് പറയാൻ പറ്റുമോ അമ്മക്ക്?.

 

ജലജ : നീ പറഞ്ഞാൽ പോരെ? ഞാൻ എന്തിനാ നിങ്ങടെ ഇടയിൽ?..

 

മഞ്ജിമ : അമ്മടെ മോൻ അത്രയ്ക്ക് അങ്ങട് മെച്ചുവർ ആയി എന്ന് എനിക്ക് തോന്നുന്നില്ല.

 

ജലജ : അതെനിക്കും അറിയാം. അതൊക്കെ ഇനി മാറിക്കോളും.

 

മഞ്ജിമ : ഞാൻ പറഞ്ഞാൽ, അഭി, വേറെ ഏതേലും രീതിയിൽ എടുക്കുമോ, എന്നൊരു പേടി.

 

ജലജ : മനസ്സിലായി, ഈഗോ അല്ലെ?.

 

മഞ്ജിമ : മ്മ്, അത് മാത്രം അല്ല, അഭിക്ക് പ്രൊമോഷൻ ഒക്കെ കിട്ടി നിൽക്കുന്ന സമയം. ജോലി വിട്ട് വേറെ നോക്കാൻ ഞാൻ പറഞ്ഞാൽ?..

 

പിന്നെ, കൊച്ചിയിൽ നല്ല പിടിപാട് ഉണ്ട് ഇത്തക്ക്. അഭിക്ക് ഇഷ്ടമുള്ള കമ്പനിയിൽ തന്നെ ജോലി ശരിയാക്കാനും പറ്റും.

 

ജലജക്ക് അത് മനസ്സിൽ കൊണ്ടു, ജലജ പറഞ്ഞു : ആരും ശരിയാക്കി കൊടുക്കുക ഒന്നും വേണ്ട അവനു ജോലി. അതിനുള്ള കഴിവ് അവനുണ്ട്. പഠിച്ചു റാങ്കും വാങ്ങി തന്നെ ആണ് പാസ്സായതും.

 

” ജലജയുടെ ഭാവ മാറ്റം മഞ്ജിമയെ കുറച്ച് ഞെട്ടിച്ചു. പ്രത്യേകിച്ച് ഫാത്തിമയുടെ കാര്യം പറഞ്ഞപ്പോൾ. ഫാത്തിമ മഞ്ജിമയോട് പറഞ്ഞിരുന്നു, ജലജക്ക്, ഫാത്തിമയെ അത്ര പിടിച്ചിട്ടില്ല എന്ന് തോന്നുന്നു.

 

ജലജക്ക് കണ്ട മുതലേ പിടിച്ചിട്ടില്ല ഫാത്തിമയെ. വീട്ടിൽ വന്നു കയറി, കാലിന്റെ മുകളിൽ കാലും കയറ്റി വച്ച് ഇരുന്നു, മഞ്ജുവിന്റെ അമ്മ ഉഷയെ പറയാൻ പോലും വിടാതെ, മനസ്സിൽ ആദ്യമേ എല്ലാം പ്ലാൻ ചെയ്തു വന്ന, താൻ വലിയ ആൾ ആണ്, തനിക്ക് അറിയാത്ത ഒന്നുമില്ല, എന്ന ഭാവത്തിൽ എപ്പോഴും ഇരിക്കുന്ന സ്ത്രീ. പക്ഷെ മിണ്ടാതിരുന്നത് അങ്ങിനെ ഒരു സിറ്റുവേഷൻ ആയതു കൊണ്ടാണ്. അല്ലായിരുന്നു എങ്കിൽ കൊടുത്തേനെ കണക്കിന്, വാ കൊണ്ട് ”