Kambi Stories – Ormakalkkappuram Part 5 | Author : 32B | Previous Part
സപ്പോർട്ടിന് നന്ദി മക്കളേ ❤️ ഇത്തവണ പേജ് കുറച്ചൂടി കൂട്ടിട്ടുണ്ട്. അടുത്ത പാർട്ട് എഴുതി തുടങ്ങി, നല്ലൊരു ക്ലൈമാക്സിനു വേണ്ടിയുള്ള ആലോചനയിൽ ആണ്. പറ്റുവാണേൽ 2 പാർട്ട് കൂടെ കൊണ്ട് തീർക്കാൻ ശ്രമിക്കാം.###
ഓർമ്മകൾക്കപ്പുറം 5
കണ്ടത് ആരെയാണെന്ന് കൂടി അറിയില്ല പക്ഷേ വിവേകത്തിനു അപ്പുറം മനസ്സ് ചില സമയം ചില തീരുമാനങ്ങൾ എടുക്കും അത് തന്നെയാണ് ഇവിടെയും നടന്നത്.
ഒറ്റക്കുതിപ്പിന് അവൻ ആ കംപാർട്മെന്റിന്റെ പടിയിലേക്ക് ചാടി കയറി ഡോറിൽ അള്ളി പിടിച്ചു നിന്നു. അവൻ അത് തള്ളി നോക്കി എന്നാൽ അത് അകത്തുനിന്നും ലോക്ക് ചെയ്തിരുന്നു. അപ്പോഴേക്കും ട്രെയിൻ അവനെയും വലിച്ചുകൊണ്ട് പ്ലാറ്റ്ഫോം വിട്ടിരുന്നു.
“ഹേയ്…. ഹേയ്…. ഓപ്പൺ ദി ഡോർ…” അവൻ ആ നിഴലിൽ നോക്കി അലറിക്കൊണ്ട് ശക്തിയായി ഡോറിൽ മുട്ടി.
തുറന്നിട്ട ജനലിൽ കൂടെ ആ കൈകൾ അവന് നേരെ നീണ്ടു. എന്നാൽ ഡോറിൽ നിന്നുകൊണ്ട് അവന് ആ കയ്യിൽ പിടിക്കാൻ പറ്റിയില്ല. അവൻ വീണ്ടും അകത്തേക്ക് നോക്കി അലറിക്കൊണ്ടിരുന്നു.
ഒരു നിമിഷം അവനെ സ്തബ്ധനാക്കിക്കൊണ്ട് ആ നിഴലിനെ അകത്തുനിന്നും ആരോ ജനൽ കമ്പിയിൽ ചേർത്ത് അടിച്ചിട്ട് വലിച്ച് അകത്തേക്ക് ഇട്ടു. ആ ഷട്ടർ അവന് മുന്നിൽ കൊട്ടി അടക്കപ്പെട്ടു. അതിൽ നിന്നും ഒരു കാര്യം അവന് മനസിലായി ഈ കംപാർട്മെന്റിനുള്ളിൽ നടക്കുന്നത് നിഗൂഢമായ എന്തോ ഒന്നാണ് എന്ന്. എക്സ് ഭ്രാന്തെടുത്തപോലെ ഡോറിൽ ആഞ്ഞു അടിച്ചുകൊണ്ടേ ഇരുന്നു.
അല്പനേരം കഴിഞ്ഞ് അവൻ കുഴഞ്ഞു. ട്രെയിൻ അപ്പോഴേക്കും അതിന്റെ പൂർണ്ണ വേഗത്തിൽ എത്തിയിരുന്നു. പെട്ടന്ന് അവന് ആരോ ഉള്ളിൽ നിന്നും ഡോർ തുറക്കുന്ന പോലെ തോന്നി. അവൻ വേഗം തന്നെ ഡോറിന്റെ സൈഡിലെ കമ്പിയിൽ തൂങ്ങി ഒരു വശത്തേക്ക് ചരിഞ്ഞു എന്തിനും തയ്യാറായി നിന്നു.
ഡോർ തുറന്നു പുറത്തേക്കു ആദ്യം നീണ്ട് വന്നത് ഒരു വലിയ കത്തി ആണ്. ഡോറിനു മുന്നിൽ നിന്നും മാറിയത് നന്നായി എന്നവന് തോന്നി. അവൻ അനങ്ങാതെ ശ്വാസം പിടിച്ചു നിന്നു. കത്തിയുടെ പിന്നാലെ പുറത്തേക്കു ഒരു തല നീണ്ട് വന്നതും എക്സ് കമ്പിയിൽ മുറുകെ പിടിച്ചു ഒരു കാൽ പൊക്കി അവന്റെ മൂക്ക് പൊളിയുന്ന തരത്തിൽ ഒന്ന് കൊടുത്തു. അവൻ തെറിച്ചു അകത്തേക്ക് വീണു. കത്തി പുറത്ത് ട്രാക്കിലേക്കും. ഒറ്റ കുതിപ്പിന് അവൻ ഡോർ തുറന്ന് അകത്തേക്ക് കയറി.
ഉള്ളിൽ കടന്ന ഉടൻ താഴെ വീണ് എഴുന്നേക്കാൻ ശ്രമിക്കുന്നവന്റെ നെഞ്ചിൽ എക്സ് ആഞ്ഞു ചവിട്ടി. ആ ഒരു ചവിട്ടിൽ അയാൾ അവിടെ വീണുപോയി. അപ്പോഴേക്കും ഉള്ളിൽ നിന്നും ആരൊക്കെയോ ആക്രോശിച്ചു കൊണ്ട് പാഞ്ഞടുക്കുന്നത് അവൻ കണ്ടു.
“എന്റെ പ്രതീക്ഷ തെറ്റിയില്ല. ഈ കംപാർട്മെന്റിൽ എന്തോ ഒരു നിഗൂഢത നിറഞ്ഞു നിൽക്കുന്നുണ്ട്. എന്താണെങ്കിലും അത് കണ്ട് പിടിച്ചേ മതിയാവു.” നിമിഷങ്ങളുടെ വ്യത്യാസത്തിൽ ആണ് തന്റെ ജീവൻ നിലനിൽക്കുന്നത് എന്നുകണ്ട എക്സ് പൊടുന്നനെ ജാഗരൂകൻ ആയി.
അപ്പോഴേക്കും ഒരുവൻ അവന്റെ തൊട്ടടുത്ത് എത്തിയിരുന്നു. എക്സിന്റെ കഴുത്തിനു നേരെ നീണ്ട അവന്റെ കൈ തട്ടി അകറ്റിയിട്ട് വശംതിരിഞ്ഞു അയാളുടെ വയറിൽ മുട്ടുകാൽ കൊണ്ട് ഒരു തൊഴി തൊഴിച്ചു. അതിൽ അയാൾ കുനിഞ്ഞു നിന്നു പോയി.
അപ്പോഴും വെളിയിൽ നിന്നും വരുന്ന നേരിയ വെളിച്ചം മാത്രമാണ് ആ ബോഗിക്കുള്ളിൽ ഉണ്ടായിരുന്നത്. എക്സ് വേഗം തന്നെ അവനെ പുറകിലേക്ക് വലിച്ചിട്ട് ജനലിന്റെ അടുത്തുള്ള സ്വിച്ചിൽ കൈ അമർത്തി.
ഒരു നിരയിൽ വെളിച്ചം വീണതും ആദ്യം കണ്ടത് തന്റെ നെഞ്ചിനു നേരെ നീണ്ടുവരുന്ന ഒരു വലിയ കത്തി ആണ്. ഒരു നിമിഷം പോലും പാഴാക്കാതെ അവൻ പിന്നിലേക്ക് ഒന്ന് ചാടി ഒഴിഞ്ഞു മാറി. ആ കത്തി പിടിച്ചവന്റെ കഴുത്തിൽ മുഷ്ടി ചുരുട്ടി ആഞ്ഞിടിച്ചു. ആ ഒരിടിയിൽ ശ്വാസം കിട്ടാതെ അവൻ നിന്നുപോയി. അവനിൽ നിന്ന് കത്തി തട്ടിയെടുത്ത എക്സ് പുറകിലേക്ക് തെറിച്ചു വീണ രണ്ടാമന്റെ ഷൂസിൽ കലി കയറി ആഞ്ഞു കുത്തി.
അവന്റെ വായിൽ നിന്നും വന്ന അലർച്ച ആ കംപാർട്മെന്റിനുള്ളിൽ പ്രതിധ്വനിച്ചു. പാഞ്ഞടുത്ത നാലാമൻ എക്സിന്റെ മുതുകിൽ ആഞ്ഞു ചവിട്ടി. അവൻ തെറിച്ചു ഒന്നാമന്റെ മുന്നിൽ ചെന്ന് വീണു. മുഖം പൊത്തി ഒരിടി ഒന്നാമന്റെ വക എക്സിന് കിട്ടി. രണ്ടാമത്തെ അടിക്ക് അവൻ തയ്യാറാകുന്ന സമയം എക്സ് അവന്റെ കാല് രണ്ടിലും പിടിച്ചു മുന്നിലേക്ക് വലിച്ചു.
അടിതെറ്റി അവൻ മറിഞ്ഞു വീണു. എന്നാൽ നാലാമനും സമനില വീണ്ടെടുത്ത മൂന്നാമനും ചേർന്ന് വീണ്ടും എക്സിന്റെ മുതുകിൽ തന്നെ തൊഴിച്ചു. അന്നേരം കൊണ്ട് ആ ബോഗിയുടെ മറുതലക്കൽ നിന്നും അഞ്ചാമത് ഒരാൾ കൂടി ഊരി പിടിച്ച കത്തിയുമായി അവരുടെ അടുത്തേക്ക് വന്നുകൊണ്ടിരിന്നു.
ജീവൻ വീണ്ടും കൈ വിട്ട് പോകാൻ പോകുന്നു എന്നൊരു തോന്നൽ ഒരു മിന്നൽ പോലെ അവന്റെ ഉള്ളിൽ വീശിയടിച്ചു. മുന്നിൽ നിൽക്കുന്നവർ ആരാണെന്നു അറിയില്ല. എന്നാൽ അവരുടെ രണ്ട് പേരുടെയും ചുണ്ടിൽ ചിരി വിടരുന്നത് എക്സ് കണ്ടു.കമ്പിസ്റ്റോറീസ്.കോം അവരുടെ പിന്നിൽ അഞ്ചാമനും വന്നു നിന്നു.
“ആരാടാ നായെ നീ? പൊലീസോ? നിന്റെ വേഷോം ഭാവോം ഒക്കെ കണ്ടിട്ട് അങ്ങനെ തോന്നുന്നില്ലല്ലോ. എന്തിനാ നീ ഇതിൽ വലിഞ്ഞു കയറിയത്?” അഞ്ചാമൻ അവനു നേരെ ചീറിക്കൊണ്ട് ചോദിച്ചു.
“നാവിറങ്ങി പോയോട കള്ള കഴുവേർടെ മോനേ??” മൂന്നാമന്റെ മുഷ്ടി അവന്റെ മുഖം പൊളിക്കാൻ ആയി പാഞ്ഞു വന്നതും അവൻ ഒരു ആർത്തനാദത്തോടെ എക്സിന്റെ മുകളിൽ കൂടി തെറിച്ചു വീണതും ഒന്നിച്ചായിരുന്നു. എന്താണ് സംഭവിച്ചത് എന്നറിയാൻ തിരിഞ്ഞ അഞ്ചാമന്റെ അലർച്ച കേട്ട് എക്സും നാലാമനും ഒരുപോലെ നടുങ്ങി. ബോഗിയുടെ രണ്ട് വശത്തും ഉള്ള ബെർത്തിന്റെ കമ്പിയിൽ തൂങ്ങി അഞ്ചാമന്റെ നെഞ്ചിലും കഴുത്തിലും ഒരേപോലെ മാറി മാറി ചവിട്ടുന്ന ഒരു പെൺകുട്ടിയെ കണ്ട് എക്സ് ഞെട്ടി.
ഞൊടിയിടയിൽ സമനില വീണ്ടെടുത്ത എക്സ് അവൾക്ക് നേരെ തിരിഞ്ഞ നാലാമനെ പിന്നിൽ നിന്നും പിടിച്ച് ട്രെയിനിന്റെ ജനലിൽ തല ചേർത്ത് ഇടിച്ചു.
ഇടതടവില്ലാതെ ഉള്ള അവളുടെ പ്രഹരങ്ങൾ കൊണ്ട അഞ്ചാമൻ മൂക്കിൽ നിന്നും വായിൽ നിന്നും ചോര ഒലിപ്പിച്ചു നിലത്തേക്ക് വീണു. തികഞ്ഞ ഒരു അഭ്യാസിയുടെ മെയ്വഴക്കം ആയിരുന്നു അവളിൽ.
അപ്പോഴേക്കും പിടഞ്ഞെഴുനേറ്റ ഒന്നാമന്റെ തുടയിൽ രണ്ടാമന്റെ കാലിൽ നിന്നും ഊരിയെടുത്ത കത്തി അവൾ കയറ്റിയിരുന്നു. പച്ച മാംസത്തിൽ ഇരുമ്പ് ഉരഞ്ഞു കയറിയ സുഖം അയാൾ നല്ലോണം തന്നെ അനുഭവിച്ചു. നിമിഷ നേരം കൊണ്ട് അവർ രണ്ടുപേരും ചേർന്ന് അവന്മാരെ എല്ലാം കീഴ്പെടുത്തി. അവളുടെ മനസ്സാന്നിധ്യവും ആയോധന മികവും അവനെ ശെരിക്കും അത്ഭുതപെടുത്തി.