😈 അസുരന്റെ പെണ്ണ് ❤️ – 1
Asurante Pennu | Author : Mr. Malayal
ഒരുപാട് നാളായി ഇതിലെ വായനക്കാരൻ ആണ്. ആദ്യമായി ആണ് ഒരു കഥ എഴുതുന്നത് തെറ്റുകൾ ഉണ്ടാവും അത് അറിഞ്ഞുകൊണ്ട് തന്നെ എല്ലാവരും വായിക്കുക. പിന്നെ ഇത് തീർത്തും ഒരു ലവ് സ്റ്റോറി മാത്രമാണ് അതുകൊണ്ട് ഉടനെ ഒന്നും കമ്പി പ്രതീക്ഷിക്കണ്ട കേട്ടോ 😌
“ഗായൂ… വാശിപിടിക്കാതെ എന്റെ കൂടെ വന്ന് ബെഡിൽ കിടക്ക്… ” എന്നിൽ നിന്നും ഒരു പ്രതികരണവും ഇല്ലാത്തപ്പോൾ സോഫയിൽ കിടന്ന എന്നെ തൂക്കി എടുത്ത് കൊണ്ട് ബെഡിൽ കിടത്തി… എണീറ്റ് പോവാതെ ഇരിക്കാൻ വേണ്ടി ആ നെഞ്ചോട് മുഖം അമർത്തി ഇരുകൈകൾ കൊണ്ടും എന്നെ ഇറുക്കി പുണർന്നു…
എന്തിനാ മഹാദേവാ എന്നോട് ഇങ്ങനെ ഒക്കെ ചെയ്യണേ!!ഓർമ വെച്ച് കുറച്ച് നാൾ കഴിഞ്ഞതും ന്റെ അമ്മയേം അച്ഛനേം എന്നിൽ നിന്നും പിരിച്ചു!! പിന്നീട് എനിക്ക് അപ്പുവേട്ടൻ അല്ലായിരുന്നോ എല്ലാം കുഞ്ഞ് നാൾ മുതൽ ആ സ്നേഹം അറിഞ്ഞു കൊണ്ടല്ലേ ഞാൻ വളർന്നത്…. ഒന്ന് മാത്രമല്ലെ നിന്നോട് പ്രാർത്ഥിച്ചത് അപ്പുവേട്ടന്റെ പെണ്ണായി ആ നെഞ്ചിലെ ചൂടെറ്റ് മരിക്കുവോളം ജീവിക്കണം എന്ന്….. എന്നിട്ടും…. തോൽപ്പിച്ചു കളഞ്ഞില്ലേ നീ എന്നെ…
ഇന്ന് അപ്പുവേട്ടൻ തലയും താഴ്ത്തി അത്രയും ആളുകളുടെ മുന്നിൽ…. ആ കണ്ണിൽ നീർതിളക്കം ഞാൻ കണ്ടില്ലേ…. ന്റെ ദേവാ എന്തിനാ എന്നെ ഇങ്ങനെ പരീക്ഷിക്കുന്നേ…. ഈ അസുരന്റെ അടുത്ത്…. പരീക്ഷിച്ച് മടുത്തില്ലേ നിനക്ക് ഈ ജീവൻ ഒന്ന് എടുക്കുവോ വയ്യ എനിക്ക്….
ആദ്യരാത്രിയിൽ ഒരു പെണ്ണിന് ഉണ്ടാവേണ്ട നാണവും പരവേഷവും ഒന്നും അവളിൽ ഉണ്ടായിരുന്നില്ല… എന്നാൽ സിന്ദൂരം ചാർത്തിയവന്റെ താലിയിൽ അവൾക്ക് ദേഹമാസകലം ചുട്ടു പൊള്ളുന്നത് പോലെ തോന്നി…. അപ്പുവേട്ടന്റെ മുഖം ആലോചിക്കും തോറും ഉള്ളിൽ താലിചാർത്തിയവനോട് ദേഷ്യവും പകയും ആളിക്കത്തി കൊണ്ടിരുന്നു…
അരികിൽ അവളെ പുണർന്നു കൊണ്ട് ഉറങ്ങുന്ന *റോവിനെ* കണ്ടതും കണ്ണിൽ നിന്നും അനുസരണ ഇല്ലാതെ കണ്ണീർ ഒഴുകി കൊണ്ടിരുന്നു…. എത്ര ശ്രമിച്ചിട്ടും ആ ബലിഷ്ഠമായ കയ്യിൽ നിന്നും കുതറി മാറാൻ അവൾക്ക് കഴിഞ്ഞില്ല…. കല്യാണത്തിരക്കിന്റെ ക്ഷീണം കൊണ്ട് അവളും പെട്ടന്ന് തന്നെ മയങ്ങി പോയിരുന്നു….
രാവിലെ കണ്ണുകൾ തുറന്നതും കണ്ണുകൾ അടച്ച് തന്റെ നെഞ്ചോട് ചേർന്ന് കിടക്കുന്ന *ഗായത്രിയെ* കണ്ടതും നെറ്റിയിൽ അരുമയായി ഒരു മുത്തം നൽകി കൊണ്ട് അവൻ കൂടുതൽ അവളെ അവനിലേക്ക് ചേർത്ത് പിടിച്ചു… നെറ്റിയിൽ എന്തോ നനവ് തോന്നിയപ്പോൾ ആണ് ഗായു ഉറക്കം വിട്ട് ഉണരുന്നത്….
അവളെയും കെട്ടിപിടിച്ച് കിടക്കുന്ന റോവിനെ കണ്ടതും സർവ്വ ശക്തിയും എടുത്ത് കൊണ്ടവൾ അവനെ തള്ളി മാറ്റി മാറാൻ ഉള്ള വസ്ത്രവും എടുത്ത് കുളിക്കാൻ കയറി… അവളുടെ പ്രവർത്തി അവനിൽ ദേഷ്യം നിറച്ചെങ്കിലും ബെഡിൽ കൈ മുറുക്കി കൊണ്ടവൻ ദേഷ്യം നിയന്ത്രിച്ചു….
_______________________________❤️
ജോലികൾ എല്ലാം തീർത്ത് സുധചേച്ചി പോയതും ആ വല്യ വീട്ടിൽ അവളും റോവിനും ഒറ്റക്ക് ആയി… ഭക്ഷണം എല്ലാം ടേബിളിൽ വെച്ച് കൊണ്ടവൾ അവൻ കാണാതെ മാറി നിന്നു… ടേബിളിൽ വന്ന് ഇരുന്നതും അടുക്കളയിൽ പണി ഉള്ളത് പോലെ അഭിനയിക്കുന്ന ഗായത്രിയുടെ കയ്യിൽ പിടിച്ച് കൊണ്ടവൻ അവന്റെ ഒപ്പം ഇരുത്തി….
ദേഷ്യവും പകയും അവളിൽ നുരഞ്ഞ് പൊന്തുക ആയിരുന്നു അപ്പോൾ ഭക്ഷണം കഴിക്കാതെ എണീറ്റ് പോവാൻ നിന്ന അവളെ അവൻ കയ്യിൽ പിടിച്ച് നിർത്തിയതും അതുവരെ അടക്കി പിടിച്ചതെല്ലാം ഒരു സ്ഫോടനം കണക്കെ പൊട്ടിത്തെറിച്ചു….
“ആരാടോ താൻ എന്റെ കഴുത്തിൽ താലിയും നെറ്റിയിൽ കുറച്ച് കുങ്കുമവും ചാർത്തിയാൽ ഭർത്താവ് ആവില്ല… പെണ്ണിന്റെ മനസ്സ് അറിയണം അതെങ്ങെനെയാ തെമ്മാടിത്തരം കാണിച്ച് ആളുകളെ വിരട്ടാൻ അല്ലേ തനിക്ക് ഒക്കെ അറിയൂ…. പെണ്ണിന്റെ മഹത്വം അറിയണം വെറുതെ അല്ല തന്റെ അച്ഛൻ മരിച്ചിട്ട് നിങ്ങളെ അമ്മ വേറൊരുത്തന്റെ കൂടെ അഴിഞ്ഞാടി പോയതും പുഴയിൽ ശവം പൊങ്ങിയതും… “പറഞ്ഞ് തീരും മുന്നേ അവന്റെ ബലിഷ്ടമായ കൈകൾ അവളുടെ കവിളിൽ പതിച്ചിരുന്നു…
ആ നിമിഷം അവനിലെ യഥാർത്ഥ അസുരനെ അവൾ കാണുക ആയിരുന്നു… കണ്ണുകൾ ചുവന്ന് ഞരമ്പുകൾ പുറത്തേക്ക് തെളിഞ്ഞു കണ്ടു… പേടിച്ച് കൊണ്ടവൾ ഒന്ന് പിറകിലേക്ക് നീങ്ങിയതും അവന്റെ വലത് കൈ അവളുടെ കഴുത്തിൽ അമർന്നിരുന്നു…
“കൊന്ന് കളയും നായെ നിന്നെ… ന്റെ അമ്മച്ചിയെ പറഞ്ഞാൽ ഉണ്ടല്ലോ… അതേടി ഞാൻ തനി കൂതറ തന്നെയാ ആളുകളെ വിരട്ടാൻ മാത്രമേ എനിക്ക് അറിയൂ… പെണ്ണിന്റെ മനസ്സും അറിയാൻ ശ്രമിച്ചില്ല…. അത് കൊണ്ടാണല്ലോ പണ്ടെങ്ങോ തോന്നിയ ഒരു ഭ്രാന്തൻ സ്നേഹത്തിന്റെ പേരിൽ നിന്നെ രക്ഷിച്ച് ഒരു ജീവിതം നൽകിയത്…
ഇനി ഈ നാവിൽ നിന്നും ന്റെ അമ്മച്ചിയെ കുറിച്ച് വേണ്ടാതീനം പറഞ്ഞാൽ മിന്ന് കെട്ടിയ പെണ്ണാനൊന്നും നോക്കില്ല അരിഞ്ഞ് തള്ളും ഞാൻ ” കഴുത്തിന് പിടിച്ച കൈകൾ വിടുച്ച് കൊണ്ടവൻ അവളെ ആഞ്ഞു തള്ളി മുകളിലേക്ക് കയറി മുറിയുടെ വാതിൽ കൊട്ടി അടച്ചു…
എന്താ അയാൾ പറഞ്ഞത് ന്നോട് സ്നേഹം ആയിരുന്നെന്നോ!!! ജീവിതം തന്നു എന്നോ ആ കണ്ണുകൾ കണ്ടാൽ അറിയാം പറഞ്ഞത് സത്യം ആണെന്ന്!! എന്താ ദേവാ ഇതിന്റെ ഒക്കെ അർത്ഥം ഒന്നും മനസ്സിൽ ആവുന്നില്ലല്ലോ!!!!
പറഞ്ഞത് കൂടിപോയിരിക്കുന്നു… ഇതാണോ അച്ഛൻ പഠിപ്പിച്ചു തന്നത്… ഇന്ന് വരെ ഒരാളെയും വേദനിപ്പിച്ചിട്ടില്ല!! ഇന്ന് താൻ കാരണം… ഒരു നിമിഷം അപ്പുവേട്ടനെ ഓർമ്മ വന്നതും നിയന്ത്രണം നഷ്ട്ടപ്പെട്ടു പോയി…
പൊട്ടിക്കരഞ്ഞ് കൊണ്ടവൾ അവൻ പോയ വഴിയേ നോക്കി മുട്ടിൽ മുഖം ചേർത്ത് കരഞ്ഞു.
രാത്രി കിടക്കാൻ വേണ്ടിയാണ് ഗായത്രി റൂമിലേക്ക് കയറിയത്…റൂമിൽ ഉള്ള എല്ലാ വസ്തുക്കളും തകർന്ന് നിലത്ത് കിടക്കുന്നത് കണ്ടതും അവൾ റോവിനെ അവിടെ എല്ലാം നോക്കി ബാത്റൂമിൽ നിന്നും വെള്ളം വീഴുന്ന ശബ്ദം കേട്ടതും അരയിൽ സാരിയുടെ മുന്താണി കുത്തി കൊണ്ടവൾ എല്ലാം ക്ലീൻ ചെയ്തു കൊണ്ട് ബെഡിൽ ഇരുന്നു.
റോവിൻ കുളി കഴിഞ്ഞ് ഇറങ്ങിയതും ബെഡിൽ ഇരിക്കുന്ന ഗായുവിനെ കണ്ടതും തല തുവർത്തി കൊണ്ട് ബാൽക്കണിയിലേക്ക് പോയി… അവൻ പോയതും ഫ്രഷ് ആവാൻ വേണ്ടി ഗായത്രിയും ബാത്റൂമിലേക്ക് കയറി….
കഴിഞ്ഞ രാത്രിയിലെ പോലെ ബലം പ്രയോഗിച്ച് അവളെ അവൻ നെഞ്ചോട് ചേർത്തിരുന്നില്ല… അത് അവൾക്ക് കൂടുതൽ ആശ്വാസം നൽകിയതെ ഒള്ളു… ചില തീരുമാനങ്ങൾ എല്ലാം എടുത്ത് കൊണ്ട് അവൾ നിദ്രയിൽ ആണ്ടു….
__________________________________❤️
രാവിലെ എണീക്കുമ്പോൾ റോവിൻ അരികിൽ ഉണ്ടായിരുന്നില്ല… മുടികൾ എല്ലാം പിടിച്ച് നെറുകയിൽ കെട്ടി വെച്ച് കൊണ്ടവൾ ഫ്രഷ് ആയി അടുക്കളയിലേക്ക് ചെന്നു… അടുക്കളയിൽ പണികൾ ചെയ്തു കൊണ്ടിരിക്കുന്ന സുദേച്ചിക്ക് ഒന്ന് ചിരിച്ച് കൊടുത്ത് കൊണ്ടവൾ കപ്പിൽ ചായ പകർന്ന് കുടിച്ചു കൊണ്ടിരുന്നു…