തറവാട്ടിലെ നിധി 1

Tharavattile Nidhi Part 1 | Author : Anali

[ Previous Part ] [ www.kambi.pw ]

പൊടിമണ്ണ് പറത്തി റോഡിലൂടെ മെല്ലെ ചലിക്കുന്ന മാരുതി 800ന്റെ പിൻ സീറ്റിൽ ഇരുന്ന് ഞാൻ പുറത്തേക്കു കണ്ണോടിച്ചു… പച്ച കരിമ്പടം പുതച്ചു കിടക്കുന്ന നെല്ല് വയലുകൾ കാറ്റിന്റെ പ്രഹരമേറ്റു ചുവടുവയ്ക്കുന്നു…

അവർ അറിയുന്നുണ്ടോ ഈ ചുവടുവയ്പ്പും സന്തോഷവും കൊയ്യ്ത്തു കാലം വരെ മാത്രമാണെന്ന്… ഒന്നോർത്താൽ ഒരു മാസം മുൻപ് വരെ ഞാനുമെന്ത് സന്തോഷത്തിലായിരുന്നു. അമ്മയും ഞാനും മാത്രമുള്ള വീട്, ഞാൻ ആഗ്രഹിച്ചതെലാം എന്നിക്കു വാങ്ങി തന്ന് എനിക്കു വേണ്ടി മാത്രം ജീവിച്ച എന്റെ അമ്മ…

എന്റെ ജീവിതത്തിലെ സൂര്യൻ, അത് അസ്തമിച്ചിട്ടു ഇന്ന് ഒരു മാസമായി… ഈ 20 വയസ്സിൽ തന്നെ ഞാൻ അനാഥൻ ആയിരിക്കുന്നു, അല്ലാ എന്ന് ആര് പറഞ്ഞാലും എന്റെ മനസ്സത് സമ്മതിച്ചു കൊടുക്കില്ലാ…

ഓർമ്മ വെച്ച നാൾ മുതൽ എനിക്കു അമ്മ മാത്രമായിരുന്നു ഉണ്ടായിരുന്നത്, അവരെ മാത്രമേ ഞാൻ സ്നേഹിക്കുകയും ബഹുമാനിക്കുകയും ചെയ്തിട്ടുള്ളു… എന്റെ മുന്നിലായി കാറിൽ ഇരിക്കുന്ന മനുഷ്യനെ ഞാൻ ഒരിക്കലും സ്നേഹിച്ചിട്ടില്ലാ… അമ്മ പറഞ്ഞു തന്ന കഥകളിൽ അയാൾക്കൊരു വില്ലൻ പരിവേഷം ഒന്നുമില്ലായിരുന്നു, പക്ഷെ എന്റെ മനസ്സിൽ അയാൾ ഒരു വില്ലൻ തന്നെ ആണ്…

എന്റെ അമ്മയെ ഒരുപാട് കണ്ണുനീർ കുടിപ്പിച്ച മനുഷ്യൻ, അമ്മയുടെ സ്വപ്നങ്ങൾക്ക് എല്ലാം നിഴൽ വീഴ്ത്തിയ വ്യക്തി… അമ്മയുടെ തറവാടും അത്യാവശ്യം പേരുകേട്ട തറവാട് തന്നെ ആയിരുന്നു… മമ്പഴശ്ശേരി, അവിടുത്തെ ഉണ്ണികൃഷ്ണന്റെയും മാലതിയുടെയും ഒരേ ഒരു മകൾ…

അമ്മയുടെ ഒരു ആഗ്രഹത്തിനും അമ്മാച്ഛനും അമ്മാമ്മയും എതിരു നിന്നിട്ടില്ല, പ്രീ ഡിഗ്രി കഴിഞ്ഞും അമ്മയെ പഠിപ്പിച്ചോളാം എന്ന വാക്കിന്റെ പുറത്താണ് ഒരു അകന്ന ബന്ധു വഴി വന്ന അച്ഛന്റെ വിവാഹ ആലോചനക്ക് അവർ സമ്മതം മൂളിയതും. അച്ഛന്റെ തറവാട് പ്രസിദ്ധമായിരുന്നു, ചിറ്റില്ലം…

അവിടെ ചെന്ന് കേറിയ എന്റെ അമ്മയുടെ ജീവിതം എല്ലാവരും കൂടെ ചേർന്ന് ദുഃഖപൂർണമാക്കി മാറ്റി, അമ്മയുടെ ആഗ്രഹങ്ങളെല്ലാം ആ നാലുകെട്ടിനു ഉള്ളിൽ ഒതുങ്ങി… ഞാൻ ജനിച്ചതിൽ പിന്നെ അമ്മ സമയം ചിലവഴിച്ചത് മുഴുവനും എനിക്കു വേണ്ടി ആണ്… അങ്ങനെ അച്ഛമ്മയുടെയും, നാത്തൂന്മാരുടെയും പോര് സഹിക്കാൻ പറ്റാത്തെ വന്നപ്പോൾ ആണ് എന്നേയും എടുത്ത് അമ്മ ഇറങ്ങിയത്…

വിവാഹമോചനത്തിന്റെ സമയത്തും എന്നെ കിട്ടുവാൻ അച്ഛൻ കുറേ കേസ് കളിച്ചു, അതൊന്നും എന്നോടുള്ള സ്നേഹം കൊണ്ടല്ലാ… ഞാൻ മാത്രം ആയിരുന്നു ഈ തലമുറയിൽ തറവാട്ടിൽ ആൺ തരിയായി ഉള്ളത്…

അച്ഛൻ പിന്നെയും വിവാഹം ചെയ്തെങ്കിലും ആ ബന്ധത്തിൽ പിള്ളേരൊന്നും ഉണ്ടായില്ല… ഞാൻ കാറിന്റെ വാതായനത്തിൽ തല ചായിച്ചു മുന്നിൽ ഇരിക്കുന്ന അച്ഛന്റെ മുഖത്തേക്ക് നോക്കി… വർഷങ്ങൾ കേസ് കളിച്ചിട്ട് കിട്ടാതിരുന്ന എന്നെ അമ്മയുടെ മരണത്തിലൂടെ കിട്ടി എന്നൊരു തോന്നൽ കാണുമോ അയാൾക്ക്‌…

നര കേറിയ മീശക്കും താടിക്കും ഇടയിൽ ഒരു മന്ദഹാസം അയാൾ ഒളിപ്പിച്ചു വെച്ചിട്ടുണ്ടോ… മരണ കിടക്കയിൽ വെച്ചു അമ്മക്കു കൊടുക്കേണ്ടി വന്ന ഒരു വാക്ക് ഓർത്തു മാത്രം ആണ് ഞാൻ ഇവർ വിളിച്ചപ്പോൾ ഇറങ്ങി വന്നത്, അച്ഛൻ വന്നു വിളിച്ചാൽ നീ കൂടെ പോവണം അല്ലേൽ എന്റെ കുഞ്ഞ് ഒറ്റക്കു ആയി പോവും അങ്ങനെ വന്നാൽ അമ്മക്കു ഒരിക്കലും മോക്ഷം കിട്ടില്ലാ എന്ന അമ്മയുടെ വാക്കുകൾ ഓർത്താണ് എന്റെ അമ്മയെ ദ്രോഹിച്ച ആ തറവാട്ടിലേക്കു ഞാൻ പോവുന്നത്…

ചിറ്റില്ലത്തിൽ ഇപ്പോഴും പെൺ ഭരണമാണെന്ന് അമ്മ കളി പറയുന്നത് കേട്ടിട്ടുണ്ട്, അവിടെ ചെന്നിട്ടു എന്നെ ഭരിക്കാൻ വെല്ലോം വന്നാൽ വിവരമറിയും എന്ന് ഞാൻ മനസ്സിൽ ഉറപ്പിച്ചു…

‘’ശ്രീ ഉറങ്ങിയോ…,‘’

വണ്ടി ഓടിക്കുന്ന ആൾ എന്നോട് ചോദിച്ചു,

‘’ഇല്ലാ…‘’

എന്ന് ഞാൻ മറുപടി കൊടുത്തു.

‘’മോൻ മടുത്തു കാണും അല്ലേ… നമ്മൾ എത്താറായി, ചെന്നിട്ടു നല്ല തണുത്ത വെള്ളത്തിൽ ഒന്ന് മുങ്ങി കുളിച്ചാൽ ക്ഷീണം എല്ലാം മാറും… ‘’