തേജാത്മികം 12

Thejathmikam Part 12 | Author : Nishinoya

[ Previous Part ] [ www.kambi.pw ]

---

 

അടുക്കളയിലെ തട്ടും മുട്ടും കേട്ടാണ് ഞാൻ ഉറക്കം എഴുനേൽക്കുന്നത്. അമ്മ പോയതിന് ശേഷം ഇങ്ങനെയൊരു അലാറം ഞാൻ കേട്ടിട്ടില്ല. എന്റെ പഴയ ജീവിതം വീണ്ടും എന്നിലേക്ക് വന്നുചേരുന്ന പോലൊരു തോന്നൽ. മനസ്സിൽ വല്ലാത്തൊരു കുളിർമയോടെ അടുക്കളയിലേക്ക് ചെല്ലുമ്പോൾ കാണുന്നത് പാത്രങ്ങൾ പരിശോധിക്കുന്ന ദേവുവിനെ ആണ്.

 

 

 

“…എന്താ നോക്കുന്നത്…” എനിക്ക് എതിരെ നിന്ന് പാത്രങ്ങൾ തപ്പുന്ന ദേവു എന്റെ സൗണ്ട് കേട്ടതും ഞെട്ടിതിരിഞ്ഞ് എന്നെ നോക്കി.

 

 

 

“…കാപ്പി… കാപ്പി ഉണ്ടാക്കാൻ…” ഞെട്ടൽ മാറാതെ ദേവു പറഞ്ഞു.

 

 

 

“…ഓ അത് ഞാൻ മറന്നു. അമ്മ മരിച്ചതിൽ പിന്നെ ഇവിടെ അങ്ങനെ വലിയ വെപ്പും കുടിയൊന്നും ഇല്ല. കൂടുതലും മാമന്റെ വീട്ടിൽ നിന്ന പിന്നെ ഹോട്ടലും…” ഞാൻ പറഞ്ഞു.

 

 

 

“…ഞാൻ പോയി കുളിച്ചു റെഡി ആയി വരാം. നമുക്ക് പുറത്ത് പോയി ഇവിടത്തേക്ക് വേണ്ട സാധനങ്ങൾ വാങ്ങാം. ഒപ്പം മാമിയുടെ വീട്ടിൽ നിന്നും കല്ലുവിനെയും കൂട്ടാലോ..?എന്താ…” ഞാൻ ചോദിച്ചതിന് ദേവു സമ്മതം മൂളി.

 

 

 

അധികം വൈകിപ്പിക്കാതെ ഞാൻ പെട്ടെന്ന് തന്നെ പല്ലും തേച്ച് കുളിച്ചു വന്നു അപ്പോഴേക്കും ദേവൂവും റെഡി ആയിരുന്നു.

 

 

 

“…നമുക്ക് ഇറങ്ങാം…”ഞാൻ ചോദിച്ചതും ദേവു ചെറുതായി ചിരിച്ചു. ഞങ്ങൾ എന്റെ താർ റോക്ക്സിൽ കയറി മാമന്റെ വീട്ടിലേക്ക് തിരിച്ചു.

 

 

 

“…നമ്മൾ എന്താ ഇവിടെ…” മാമന്റെ വീട്ടിലേക്കുള്ള വഴിയിലെ ഹോട്ടലിൽ വണ്ടി നിർത്തിയതും ദേവു സംശയത്തോടെ എന്നോട് ചോദിച്ചു.

 

 

 

“…വാ ഇറങ്ങ്. രാവിലെ ഒന്നും കഴിച്ചില്ലല്ലോ… ” ചെറിയ പുഞ്ചിരിയോടെ ഞാൻ പറഞ്ഞു.

 

 

 

വണ്ടിയിൽ മടിച്ച് ഇരുന്ന ദേവുവിനെ ഇറക്കി കടയിൽ നിന്നും കാപ്പി വാങ്ങി കൊടുത്തു. മതി മതിയെന്ന് പറഞ്ഞെങ്കിലും ഞാൻ അവൾക്ക് പിന്നെയും ഫുഡ്‌ വാങ്ങി നൽകി. കാപ്പി കുടിയെല്ലാം കഴിഞ്ഞ് മാമന്റെ വീട്ടിൽ എത്തിയപ്പോഴേക്കും ഒരു സമയം ആയി.

 

 

 

“…അമ്മേ…” വണ്ടിയിൽ നിന്നും ഇറങ്ങിയതും കല്ലു ഓടി വന്ന് ദേവുവിനെ കെട്ടിപിടിച്ചു. ദേവൂവും കെട്ടിപ്പിടിച്ച് ചുംബനങ്ങൾ കൊണ്ട് മൂടി. അവരുടെ സ്നേഹം ഞാൻ നോക്കി നിന്നു.

 

 

 

“…നിങ്ങൾ എന്താ രാവിലെ തന്നെ…” ഞങ്ങളെ കണ്ട സന്തോഷത്തിൽ മാമി തിരക്കി.

 

 

 

“…അവിടെ ഞങ്ങൾ രണ്ടും ഒറ്റക്ക് എന്ത് ചെയ്യാനാ…” ഞാൻ മറുപടി നൽകി.

 

 

 

“…മക്കളെ നിങ്ങൾ എന്തെങ്കിലും കഴിച്ചായിരുന്നോ…” മാമൻ തിരക്കി.

 

 

 

“…ഞങ്ങൾ വരുന്ന വഴിക്ക് ഹോട്ടലിൽ നിന്നും കഴിച്ചു മാമ…” ഞാൻ മറുപടി നൽകി.

 

 

 

“…അല്ലെങ്കിലും വെച്ച് ഉണ്ടാക്കാൻ നീ അവിടെ സാധനങ്ങൾ ഒന്നും വാങ്ങി വച്ചിട്ടില്ലല്ലോ…” അതിനിടയിൽ കൂടി മാമി എനിക്കിട്ട് ഒന്ന് കുത്തി.

 

 

 

“…അതൊക്കെ പോട്ടെ. ഇവൾ നിങ്ങളെ ബുദ്ധിമുട്ടിച്ചൊന്നും ഇല്ലല്ലോ…” കല്ലുവിനെ ഇക്കിളി ഇട്ടുകൊണ്ട് ഞാൻ മമ്മിയോട് തിരക്കി.

 

 

 

“…ചെറിയ കുറുമ്പ് ഒക്കെ ഉണ്ടായിരുന്നു. പിള്ളേർ ആയാൽ അങ്ങനെ വേണമല്ലോ. ചെറുപ്പത്തിൽ നീ തന്നെ എന്തോരം കുരുത്തക്കെടാ കാണിച്ചു കൂടിയേ അത് വെച്ച് നോക്കുമ്പോൾ ഇവൾ കാണിക്കുന്നത് ഒന്നും അല്ല…”

 

 

 

“…ഭാര്യയുടെ മുന്നിൽ വെച്ചാണോ എന്നെ കളിയാക്കുന്നെ…” മാമിയുടെ കാതിൽ സ്വകാര്യം പറയുമ്പോലെ പറഞ്ഞ് ഞാൻ മാമിയുടെ കവിളിൽ കുത്തി.

 

 

 

“…അടങ്ങി നിക്കടാ ചെക്കാ…”കവിളിൽ തടവികൊണ്ട് മാമി എന്നെ ശാസിച്ചു.

 

 

 

“… എന്ന ഞങ്ങൾ ഇറങ്ങട്ടെ…” കുറച്ചു സമയം അവർക്ക് ഒപ്പം നിന്നിട്ട് ഞാൻ ചോദിച്ചു.