“… ഞാനും ജോലിക്ക് പോകുന്നുണ്ട്. അതോടൊപ്പം നിന്റെയും കല്ലുവിന്റെയും എല്ലാ കാര്യങ്ങളിലും ഇടപെടാൻ ഞാൻ സമയവും കണ്ടെത്താറുണ്ട്…”
“…നിങ്ങളുടെ സ്വന്തം ഷോപ്പ് അല്ലെ. അപ്പൊ തോന്നുമ്പോൾ പോയാൽ മതി അതുപോലെയാണോ എനിക്ക്…”
“… അത്ര ബുദ്ധിമുട്ടി എന്തിനാ പണിക്ക് പോണേ. നിനക്കും കുഞ്ഞിനും വേണ്ടത് എല്ലാം ഞാൻ വാങ്ങി തരുന്നില്ലേ 😡…”
“… ജോലിക്ക് പോവാതെ ഞാൻ എന്ത് ചെയ്യണം എന്നാ നിങ്ങൾ പറയുന്നേ. നിങ്ങളുടെ അടിമയായി ഇവിടെ കഴിയണം എന്നാണോ..? മുമ്പ് ഒരുത്തനും ഇതുപോലെ ആയിരുന്നു സമ്പാദ്യത്തിന് ഒന്നും ഒരു കുറവും ഇല്ലായിരുന്നു. എന്നാൽ എന്നെ ഒന്ന് തിരിയാനോ നിവരാനോ സമ്മതിക്കാതെ നാലുച്ചുവറുകൾക്ക് ഉള്ളിൽ ഇട്ട് പെടാപാട് പെടുത്തി. അവിടെന്ന് ഇറങ്ങുമ്പോൾ തീരുമാനിച്ചത ഇനി ഒരിക്കലും ഒരുത്തന്റെയും മുന്നിൽ പോയി കൈ നീട്ടില്ല എന്ന്. അതിന് വേണ്ടിയാ എന്ത് കഷ്ട്ടപാടും സഹിച്ച് ഈ നക്കാപിച്ച കാശിനു വേണ്ടി ഞാൻ പണിക്ക് പോണത്…”
“…ആദ്യം സ്വന്തം മോളെ നല്ലപോലെ നോക്ക് എന്നിട്ട് പണത്തിനു പിന്നാലെ ഓട്. കഴിഞ്ഞ ദിവസങ്ങളിൽ കല്ലുവിന്റെ സ്കൂൾ വിടുന്ന സമയങ്ങളിൽ ഇല്ലാത്ത സമയം ഉണ്ടാക്കി ഞാൻ ഇവിടെ അവളെ കൂട്ടാൻ ഇവിടെ ഉണ്ടായിരുന്നു. ഇന്ന് എനിക്ക് ആ സമയത്ത് എത്താൻ പറ്റിയില്ല എങ്കിലും നീ ഇവിടെ കാണും എന്നൊരു വിശ്വസം ഉള്ളത്കൊണ്ട് ഞാൻ വരാൻ ഇച്ചിരി ലേറ്റ് ആയി. ആ കുഞ്ഞ് ഈ ഇരുട്ടത്ത് ഇവിടെ പേടിച്ചിരുന്നു കരയായിരുന്നു. കരഞ്ഞു തളർന്ന കല്ലു ഉറങ്ങിയത്. എത്ര തവണ നിന്നെ ആ കൊച്ച് അന്വേഷിചെന്ന് അറിയോ. ഒന്നുമില്ലെങ്കിൽ അതൊരു പെൺകൊച്ച് അല്ലെ അതിനെ ഇങ്ങനെ ഒറ്റക്ക് ആക്കുന്നത് ശെരിയാണോ. കൊച്ചിനെ നോക്കാൻ അറിയില്ലെങ്കിൽ പിന്നെ എന്തിനാ ഉണ്ടാക്കാൻ നിക്കുന്നെ…” ദേഷ്യത്തിൽ അത്രയും പറഞ്ഞ് വീടിന്റെ ഡോർ വലിച്ചടച്ച് ബൈക്കും എടുത്ത് ഞാൻ ഷോപ്പിലേക്ക് പോയി.
“…ആശൻ എന്താ ഈ നേരത്ത്…” ഞാൻ ഷോപ്പിലേക്ക് എത്തുമ്പോൾ കിച്ചുവും വേറെ രണ്ട് പണിക്കാരും അവിടെ ഉണ്ടായിരുന്നു.
“… വർക്ക് തീർന്നില്ലെടാ…” ഞാൻ അവനോട് തിരക്കി.
“… ഇപ്പൊ കഴിഞ്ഞ് ഞങ്ങൾ ഇറങ്ങാൻ തുടങ്ങുമ്പോഴാ ആശാൻ വന്നേ…”
“… എന്നാ നിങ്ങൾ വിട്ടോ ഞാൻ കുറച്ചു കഴിഞ്ഞേ പോവുന്നുള്ളു…” കിച്ചുവിന്റെ കൈയിൽ നിന്നും ചാവി വാങ്ങി ഞാൻ പറഞ്ഞു
“…എന്താ ആശാനേ വീട്ടിൽ എന്തെങ്കിലും പ്രശ്നം ഉണ്ടോ…” കിച്ചു സംശയത്തോടെ എന്നെ നോക്കി.
“… ഏയ്യ് പ്രശ്നം ഒന്നും ഇല്ലടാ. നീ ചെല്ലാൻ നോക്ക്…” അതും പറഞ്ഞ് എല്ലാരേയും പറഞ്ഞയപ്പിച്ചു.
ഷോപ്പിൽ ഉച്ചക്ക് ഒന്ന് നടു നിവർത്താൻ ബെഡ് പോലൊരു സെറ്റപ്പ് ഞാൻ ചെയ്തിട്ടുണ്ടായിരുന്നു. ഞാൻ അവിടെ കിടന്ന് ദേവുവുമായി ഉണ്ടായ വഴക്കിനെ പറ്റി ഞാൻ ചിന്തിച്ചു അവിടെ കിടന്ന് ഉറങ്ങിപ്പോയി. പിറ്റേന്ന് കിച്ചു വന്ന് വിളിക്കുമ്പോഴാണ് ഞാൻ എഴുനേൽക്കുന്നത്.
“…ആശൻ ഇന്നലെ വീട്ടിൽ പോയില്ലേ…”
“… ഇല്ലടാ ഞാൻ ഇവിടെ കിടന്ന് ഉറങ്ങിപ്പോയി…”
“… എനിക്ക് തോന്നി. ആശൻ വീട്ടിൽ നിന്നും ഫോൺ എടുക്കാനും മറന്നല്ലേ. ഇന്നലെ ആശാനേ കാണാത്തതുകൊണ്ട് ചേച്ചി എന്നെ വിളിച്ചു. ഞാനാ പറഞ്ഞെ ഇവിടെ ഉണ്ടെന്നു…” കിച്ചു പറഞ്ഞപ്പോഴാ ഫോണിന്റെ കാര്യം ഞാൻ ആലോചിച്ചേ.
“… ഞാൻ എന്തായാലും വീട്ടിൽ പോയി റെഡി ആയിട്ട് വരാം. പിന്നെ ഞാൻ ഇന്നലെ ഇവിടെയാണ് കിടന്നത് എന്ന് മാമൻ അറിയണ്ട കേട്ടോ…” കിച്ചുവിനോട് ചട്ടം കെട്ടിയ ശേഷം ഞാൻ വീട്ടിലേക്ക് പോയി.
വീട്ടിൽ ചെല്ലുമ്പോൾ അവിടെ ആരും ഇല്ലായിരുന്നു. കല്ലു സ്കൂളിലും ദേവു ജോലിക്കും പോയിട്ടുണ്ടായിരുന്നു. നേരെപോയി പല്ലുതേച്ചു കുളിച്ച് ഷോപ്പിലേക്ക് തിരിച്ചു.