💞ആയിരം കണ്ണുമായി – 8 17

ശ്രുതി : എനിക്ക് അറിയാം

ലക്ഷ്മി : എന്നിട്ടാണോ നീ… ദോ കണ്ടോ അവൻ നല്ല ദേഷ്യത്തിലാ ഇരിക്കുന്നെ

ബെഞ്ചിൽ ഇരിക്കുന്ന അഖിലിനെ നോക്കി ലക്ഷ്മി പറഞ്ഞു

ശ്രുതി : എന്റെ ലക്ഷ്മി ഞാൻ ഇപ്പോൾ തടഞ്ഞില്ലായിരുന്നെങ്കിൽ അവൻ ഈ കോളേജിന് പുറത്ത് പോയെനെ.. എന്തെങ്കിലും ഒരു വഴി ഉണ്ടായിരുന്നെങ്കിൽ മിസ്സ്‌ ഇന്ന് അവന് ടിസി വാങ്ങി കൊടുത്തേനെ.. പരാതിയും മറ്റും ഒന്നും ഇല്ലാത്തത് കൊണ്ടാ അവൻ രക്ഷപ്പെട്ടെ…ഇപ്പോഴെങ്ങാനും അഖില് അവന്മാരെ തല്ലിയിരുന്നെങ്കിൽ അത് കാരണം അവനെ മിസ്സ്‌ പുറത്താക്കിയേനെ… അല്പം ദേഷ്യത്തോടെ പറഞ്ഞില്ലെങ്കിൽ അവൻ നിർത്തില്ല അതാ അങ്ങനെ അല്പം ഹാർടായി പറഞ്ഞെ… ഇന്റർവെൽ ആകുമ്പോൾ ഞാൻ പോയി സംസാരിച്ചോളാം എന്താ പോരെ

ലക്ഷ്മി : അങ്ങോട്ട് ചെന്ന് കൊടുക്ക് അവൻ നിന്നെ വച്ചേക്കില്ല… ഇനി ഒന്നിനും പോകണ്ട രണ്ട് ദിവസം കഴിയട്ടെ

ശ്രുതി : കുഴപ്പമൊന്നുമില്ലെടി… അവൻ ഒന്നും ചെയ്യില്ല…

ലക്ഷ്മി : ആ ചെയ്യില്ല എന്ന പറച്ചിലിൽ അത്ര കോൺഫിടൻസ് പോരല്ലോ മോളെ

ശ്രുതി : നീ പോയെ ലക്ഷ്മി

ലക്ഷ്മി : ഞാൻ പോകാം… പക്ഷെ അവന്മാരെ വെറുതെ വിടാനാണോ നിന്റെ ഉദ്ദേശം

ശ്രുതി : ആദ്യം കണ്ടപ്പോൾ സങ്കടം വന്നു… പിന്നെ ആലോചിച്ചപ്പോൾ ഇതൊന്നും മൈൻഡ് ചെയ്യുകേ വേണ്ട എന്ന് മസ്സിലായി… അവന്മാര് എന്ത് എഴുതിയാൽ എനിക്ക് എന്താ… അവരുടെ ചിലവിലാണോ ഞാൻ കഴിയുന്നെ… നമ്മൾ പ്രതികരിക്കാതിരിക്കുമ്പോൾ തനിയെ മടുത്ത് പൊക്കോളും… എന്നുകരുതി എല്ലാം കണ്ടില്ല എന്നൊന്നും നടിക്കില്ല… സഹികെട്ടാൽ നല്ല പണി ഞാൻ കൊടുക്കും

*************

വൈകുന്നേരത്തെ ഇന്റർവെൽ

ബെഞ്ചിൽ തന്നെ ഇരിക്കുന്ന അഖിലിനെ ശ്രുതി ഒന്ന് നോക്കി

ശ്രുതി : മൈൻഡ് ഇല്ലല്ലോ… അങ്ങോട്ട് ചെന്ന് നോക്കിയാലോ… വേണ്ട റിസ്ക് എടുക്കണ്ട ആദ്യം ഒന്ന് ചിരിച്ചു നോക്കാം പ്രതികരണം എന്താണെന്നു അറിയാലോ

ശ്രുതി പതിയെ അഖിലിനെ നോക്കി ചിരിച്ചു

അഖിൽ : ( കോപ്പത്തി ഓഞ്ഞ ചിരി ചിരിക്കുന്നുണ്ട് അങ്ങോട്ട് പോയി ഒന്ന് പൊട്ടിച്ചാലോ )

അഖിൽ അവളെ നോക്കി പല്ല് കടിച്ചു

ശ്രുതി : അമ്മോ… നല്ല കലിപ്പിലാണല്ലോ

ശ്രുതി പതിയെ എഴുനേറ്റ് ബെഞ്ചിനു പുറത്തേക്ക് ഇറങ്ങി അഖിലിന് നേരെ നടക്കാൻ തുടങ്ങി

അഖിൽ : ഇവൾ എന്റെ കയ്യിൽ നിന്ന് വാങ്ങാനുള്ള പുറപ്പാടാ

അഖിൽ അവളെ നോക്കി പല്ലുകടിച്ചുകൊണ്ട് ക്ലാസ്സിന് പുറത്തേക്ക് പോകാൻ ഇറങ്ങി

ശ്രുതി : നിക്ക്… നിക്ക്….

അഖിൽ : എന്താടി 😡 കണ്മുന്നിലൊന്നും വന്നു പെടാതെ മാറി നടക്കാൻ നോക്ക്

ശ്രുതി : ഞാൻ പറയുന്നത് ഒന്ന് കേൾക്കാവോ

അഖിൽ : മനസ്സില്ല… നീ നിന്റെ പണി നോക്കാൻ നോക്ക്…

ശ്രുതി :ശരി… എന്തായാലും നീ പുറത്തേക്ക് പോകുവല്ലേ എന്നെ കൂടി കൊണ്ടുപോ

അഖിൽ : നിന്നെ കൊണ്ടുപോകാൻ നീ എന്റെ ആരാടി ങ്ങേ… എനിക്ക് എന്റെ കാര്യം മാത്രം നോക്കിയാൽ മതി… നിനക്ക്‌ വേണമെങ്കിൽ നൊണ്ടി നൊണ്ടി പോകാൻ നോക്ക് 😡

ഇത്രയും പറഞ്ഞു അഖിൽ ദേഷ്യത്തോടെ നിന്നു

ശ്രുതി : ദേഷ്യം തീർന്നോ

അഖിൽ :😡

ശ്രുതി : അല്ല നേരത്തെ ഞാൻ പറഞ്ഞതിന് പകരം എന്നെ ഇപ്പോൾ പറഞ്ഞില്ലേ… അപ്പോൾ പിന്നെ ദേഷ്യം തീർന്നു കാണുമല്ലോ

അഖിൽ : എടി… നീ

ശ്രുതി : ഇത്രയും ദേഷ്യപ്പെടാൻ ഞാൻ ഒന്നും ചെയ്തില്ലല്ലോ…

അഖിൽ : നീ ചെയ്തില്ലെ… നിനക്ക് വേണ്ടി അവമ്മാരോട് സംസാരിച്ചപ്പോൾ എല്ലാവരുടെയും മുന്നിൽ നീ എന്നെ നാണം കെടുത്തിയില്ലേ

ശ്രുതി : അത് നീ അടിവെക്കാൻ പോയത് കൊണ്ടല്ലേ

അഖിൽ : പിന്നെ അവനൊക്കെയിട്ട് കൊടുക്കണ്ടാ എന്നാണോ നീ പറയുന്നെ

ശ്രുതി : കൊടുത്തിട്ട് പിന്നെ എന്ത് ചെയ്യും…

അഖിൽ : കൊടുത്തിട്ട്… അത് പിന്നെ…

ശ്രുതി : പറയ് കൊടുത്തിട്ട്… ഉത്തരമില്ലേ എന്നാൽ ഞാൻ പറയാം… കൊടുത്തിട്ട് ടിസിയും വാങ്ങി വീട്ടിൽ പോകും… ഇനി ഒരു പ്രശ്നം ഉണ്ടാക്കിയാൽ നിന്നെ ഇവിടെ വച്ച് പൊറുപ്പിക്കും എന്ന് തോന്നുണ്ടോ

അഖിൽ : പൊറുപ്പിക്കണ്ട… ടിസിയും വാങ്ങി ഞാൻ അന്തസ്സായി പോകും

ശ്രുതി : അപ്പോൾ പിന്നെ എന്റെ കാര്യമോ