💞ആയിരം കണ്ണുമായി – 8 17

ശ്രുതി : 9ൽ വച്ചാ ക്ലാസ്സിൽ ഒരു പയ്യൻ ഉണ്ടായിരുന്നു കാണാൻ നല്ല ഭംഗിയാ നന്നായിട്ട് പഠിക്കുകയും ചെയ്യും..എന്നോട് ഇടക്ക് സംസാരിക്കുകയൊക്കെ ചെയ്യും ഒരു തവണ ഡ്രോയിങ് മത്സരത്തിന് അവന്റെ സ്കെച്ച് എനിക്ക് കടം തന്നു.. ഇതൊക്കെ ആയപ്പോൾ എനിക്ക് അവനോട് ചെറിയ ഇഷ്ടം തോന്നി തുടങ്ങി…

അഖിലിന്റെ മുഖം പതിയെ മാറി

അഖിൽ : എന്നിട്ട്

ശ്രുതി : എന്നിട്ട് എന്താ… ഞാൻ അറിയാതെ ഒരു കുട്ടിയോട് അവനെ ഇഷ്ടമാണെന്ന് പറഞ്ഞുപോയി അവള് എല്ലാരോടും പറഞ്ഞു നടന്നു പിറ്റേന്ന് ഉച്ചക്ക് ഇത് അറിഞ്ഞു എല്ലാവരുടെയും മുന്നിൽ വച്ച് അവൻ എന്നോട് ദേഷ്യപ്പെട്ടു കാല് വയ്യാത്തതല്ലേ എന്ന് കരുതി സഹായിച്ചപ്പോൾ മനുഷ്യനെ നാണം കെടുത്തുന്നോ.. നിന്നെ എനിക്ക് ഇഷ്ടമാണെന്നാ എല്ലാരും പറയുന്നെ… വയ്യെങ്കിൽ മിണ്ടാതെ ഇരുന്നൂകൂടെ… ഇങ്ങനെയൊക്കെ പറഞ്ഞു ശരിക്കും നാണം കെട്ടുപോയി അതിന് ശേഷം ആരോടെങ്കിലും സഹായം ചോദിക്കാൻ ഒരു അറപ്പാ..ആരെങ്കിലും സഹായിച്ചാൽലും അങ്ങനെ തന്നെയാ.. നിന്റെയും ലക്ഷ്മിയുടെയും കാര്യം അല്ല കേട്ടോ… തെറ്റ് എന്റെ ഭാഗത്താ പഠിക്കാൻ പോയാൽ പഠിച്ചിട്ട് വരണം അല്ലാതെ…. അന്ന് തന്നെ പ്രമമൊക്കെ ഞാൻ പൂട്ടികെട്ടി എനിക്ക് ഇപ്പോൾ കേൾക്കുന്നതേ ഇഷ്ടമല്ല

ശ്രുതി തമാശപോലെ പറഞ്ഞതാണെങ്കിലും അവളുടെ കണ്ണുകൾ നിറഞ്ഞത് അഖിൽ ശ്രദ്ധിച്ചു

അഖിൽ : ഏതാ ആ കോപ്പൻ അവനെയൊക്കെ

ശ്രുതി : നിന്നെ പോലെ ഒരുത്തൻ തന്നെയാ.. നീ എന്നെ ആദ്യം എന്തൊക്കെ പറഞ്ഞിരിക്കുന്നു

അഖിൽ : കോപ്പാണ്… ദേ അവനുമായി എന്നെ കമ്പയർ ചെയ്താൽ ഉണ്ടല്ലോ ഞാൻ ആയിരുന്നെങ്കിൽ അവനെപോലെ പറയില്ല

ശ്രുതി : ശെരിക്കും പറയില്ലേ

അഖിൽ : ഇല്ല..ഒരിക്കലും പറയില്ല

ഇത് കേട്ട ശ്രുതി പതിയെ എഴുനേറ്റ് അവന്റെ അടുത്തേക്ക് വന്നു

ശ്രുതി : മാറ് ഇനി ഞാൻ വറുത്തോളം

*********************

അന്നേ ദിവസം രാത്രി അഖിൽ തന്റെ വീട്ടിൽ

പെട്ടെന്നാണ് അഖിലിന്റെ വാട്സാപ്പിൽ ശ്രുയുടെ ഒരു മെസ്സേജ് വന്നത് അവൻ അത് നോക്കി അതൊരു ഫോട്ടോ ആയിരുന്നു പഴയ ഒരു ക്ലാസ്സ്‌ ഫോട്ടോ ഫോട്ടോയുടെ നടുക്കായി അവന്റെ അമ്മ ഇരിപ്പുണ്ടായിരുന്നു അഖിൽ വേഗം ഫോട്ടോ സൂം ചെയ്ത് അവന്റെ അമ്മയെ നോക്കി അവന്റെ കണ്ണുകൾ പതിയെ നിറഞ്ഞു പെട്ടെന്നാണ് അമ്മയുടെ അടുത്ത് കാലിൽ സ്റ്റീൽ കൊണ്ടുള്ള എന്തോ ഘടിപ്പിച്ച ആ പെൺകുട്ടി ഇരിക്കുന്നത് അവൻ കണ്ടത് അവൻ അവളുടെ മുഖം സൂം ചെയ്തു

അഖിൽ : ഇത് അവളല്ലേ…

അഖിൽ ഫോട്ടോ നോക്കി പതിയെ ചിരിച്ചു

അപ്പോഴാണ് ശ്രുതിയുടെ മെസ്സേജ് വന്നത്

“അമ്മയെ കണ്ടോ”

അഖിൽ : കണ്ടു.. താങ്ക്സ്

“വേറെ എന്തെങ്കിലും കണ്ടോ”

അഖിൽ : അമ്മയുടെ അടുത്ത് ഒരു ചുണ്ടെലി ഇരിക്കുന്നത് കണ്ടു

ശ്രുതി : പോടാ…

ഇത്രയും പറഞ്ഞു അവൾ ചാറ്റ് നിർത്തി അഖിൽ പതിയെ ചിരിച്ചുകൊണ്ട് ബെഡിൽ കിടന്നു

അഖിൽ : ഞാൻ ഇപ്പോൾ ചുമ്മാ ചിരിക്കുവാണല്ലോ സത്യത്തിൽ എനിക്ക് എന്താ പറ്റിയെ.. 3 ദിവസമായി സിഗരറ്റ് തൊട്ടിട്ട് അതിന്റെ കാര്യം തന്നെ ഞാൻ വിട്ടുപോയി

“ശെരിക്കും പറയില്ലേ ”

പെട്ടെന്നാണ് ശ്രുതി വൈകുന്നേരം ചോദിച്ച കാര്യം അവന്റെ മനസ്സിലേക്ക് വന്നത്

അഖിൽ : അവൾ എന്ത് ഉദ്ദേശിച്ചാ എന്നോട് അങ്ങനെ ചോദിച്ചേ… അവള് ചോദിച്ചതിന് അർത്ഥം ഞാൻ എതിര് പറയില്ലല്ലോ എന്നല്ലേ

അഖിൽ വീണ്ടും ബെഡിൽ എഴുനേറ്റ് ഇരുന്നു

അഖിൽ : എന്നോട് ഇഷ്ടം എങ്ങാനും ഉണ്ടാകുമോ…

അഖിൽ പതിയെ ചിരിച്ചു

ഇതേ സമയം ശ്രുതി

ശ്രുതി : ഇല്ല ഒരിക്കലും പറയില്ല…എതിര് പറയില്ല എന്നല്ലേ അതിന്റെ അർത്ഥം… ഇനി എന്നെ ഇഷ്ടമാണോ

ശ്രുതി പതിയെ നഖം കടിച്ചുകൊണ്ട് ചിരിച്ചു

തുടരും…

ഇത്രയും വൈകിയിട്ടും കാര്യമായി ഒന്നും തരാത്ത ഒരു പാർട്ട്‌ ആയിരുന്നു ഇത് എന്ന് അറിയാം പല തിരക്കുകൾ ഉണ്ടായിരുന്നു… അടുത്തപാർട്ട്‌ കുറച്ചു കൂടി കാര്യങ്ങൾ ഉൾപെടുത്തിയ ഒന്നാക്കാം… 💙💙💙 ഒപ്പം നിങ്ങളെ നിരാശരാക്കിയതിന് പകരമായി എഴുതി വച്ചിരുന്ന മറ്റൊരു കഥ കൂടി അപ്‌ലോഡ് ചെയ്യുന്നു ഫേക്ക് ലവ് ഇതൊരു 3 പാർട്ട്‌ സ്റ്റോറി ആയിരിക്കും അതും വായിക്കുക.