💞ആയിരം കണ്ണുമായി – 8 17

വൈകുന്നേരം കോളേജ് ടൈമിന് ശേഷം അസാപ്പ് ക്ലാസ്സ്‌

കൊടുത്ത വർക്ക്‌ ചെയ്തു തീർത്ത ശേഷം അഖിൽ അടുത്തായി ഇരുന്ന് വർക്ക്‌ ചെയ്യുന്ന ശ്രുതിയെ നോക്കിയിരുന്നു

“ശ്രുതി ഇതുവരെ കഴിഞ്ഞില്ലേ ”

ശ്രുതി : ദാ ഇപ്പോൾ കഴിയും മിസ്സ്‌….( ഹോ ദൈവമേ…)

ശ്രുതി ശക്തിയിൽ കീകളിൽ പ്രെസ്സ് ചെയ്യാൻ തുടങ്ങി

അഖിൽ : അത് കുത്തിപ്പൊട്ടിക്കുവോ

ഇത് കേട്ട ശ്രുതി അഖിലിനെ ഒന്ന് ചിറഞ്ഞു നോക്കിയ ശേഷം വീണ്ടും കീബോഡിൽ കുത്താൻ തുടങ്ങി

അഖിൽ : ( ഒരുമണിക്കൂർ ആകാറായി അപ്പോൾ മിണ്ടില്ല എന്ന് കാര്യമായി തന്നെ പറഞ്ഞതാ…അങ്ങനെ വിട്ടാൽപറ്റില്ലല്ലോ)

അഖിൽ പതിയെ മൗസിന്റെ മേലിരുന്ന ശ്രുതിയുടെ കൈ എടുത്ത് മാറ്റി

അഖിൽ : ദാ നോക്കിക്കോ

അഖിൽ പതിയെ മൗസിൽ കൈ വച്ച് എന്തോ ചെയ്യാൻ ഒരുങ്ങി അടുത്ത നിമിഷം ശ്രുതി അഖിലിന്റെ കൈ തട്ടി മാറ്റി ശേഷം വീണ്ടും അവനെ തുറിച്ചു നോക്കി

അഖിൽ : എടി ഇങ്ങനെ അല്ല ചെയ്യേണ്ടേ… അവിടെ സേവ് ചെയ്യ് എന്നിട്ട് വേണം f3 കൊടുക്കാൻ… നോട്ടം കണ്ടില്ലേ…

ഇത് കേട്ട ശ്രുതി അഖിലിനെ ഒന്നു കൂടി നോക്കിയ ശേഷം വർക്ക്‌ ചെയ്‌തു

ക്ലാസ്സിനു ശേഷം

അഖിൽ : അതെ ഇങ്ങനെ മിണ്ടാതെ നടന്നെന്നുകരുതി സോറി പറയും എന്നൊന്നും കരുതണ്ട നിനക്ക്‌ വേണമെങ്കിൽ മിണ്ടിയാൽ മതി

എന്നാൽ ശ്രുതി ഒന്നും മിണ്ടാതെ മുന്നോട്ട് തന്നെ നടന്നു

അഖിൽ : എന്നാൽ ശരി ഞാൻ പോകുവാ നീ എന്തോ ചെയ്യ്

ഇത്രയും പറഞ്ഞു അഖിൽ വേഗത്തിൽ നടന്നു പോയി

കുറച്ച് സമയത്തിനു ശേഷം റോഡിൽ

റോണി : കോപ്പ് ആ ശ്രുതി എല്ലാം കുളമാക്കി

അജ്മൽ : പോ മൈരേ അവൻ എന്നെ ഇടിച്ചു സൂപ്പാക്കിയേനെ… എല്ലാം നോക്കിക്കോളാം എന്ന് പറഞ്ഞിട്ട് നോക്കിക്കൊണ്ട് നിന്നേക്കുന്നു

റോണി : അതിനവൻ തല്ലിയില്ലല്ലോ തല്ലിയെങ്കിലല്ലേ ഇടപെടാൻ പറ്റു

രോഹിത്ത് : തല്ലിയെങ്കിൽ നീ പിന്നെ ഉണ്ടാക്കിയേനെ… അജ്മലേ… അരുണേ ഇവൻ നമുക്ക് കൂടി നല്ലത് വാങ്ങി തരും കെട്ടോ…

അജ്മൽ : കോപ്പ് ദാ അവൻ വരുന്നുണ്ട്… ക്ലാസ്സിൽ വച്ച് തരാൻ പറ്റാത്തത് കൊണ്ട് ഇവിടെയിട്ട് തല്ലാനായിരിക്കും

അങ്ങോട്ടേക്ക് നടന്നു വരുന്ന അഖിലിനെ കണ്ട അജ്മൽ പറഞ്ഞു

അരുൺ : ഓടിയാലോ അളിയാ…

റോണി : എന്തിന് നീയൊക്കെ പേടിക്കാതെ നിൽക്ക്

അഖിൽ പതിയെ അവരുടെ അടുത്തേക്ക് എത്തി

അഖിൽ : എന്തൊക്കെയുണ്ട് രോഹിത്തെ

രോഹിത്തിന്റെ തോളിൽ കൈ ഇട്ട ശേഷം അഖിൽ ചോദിച്ചു

രോഹിത്ത് : ഞാൻ ഒന്നും ചെയ്തിട്ടില്ല…

അഖിൽ : എന്നാൽ നീ പൊക്കൊ…

ഇത് കേട്ട രോഹിത്ത് വേഗം മുന്നോട്ടേക് നടന്നു

അഖിൽ : നിന്നോടൊക്കെ ആരാടാ പോകാൻ പറഞ്ഞെ… അവൻ പൊക്കോട്ടെ നമുക്ക് അല്പം സംസാരിച്ചിട്ട് പോകാം

രോഹിത്തിനോടൊപ്പം പോകാൻ ഒരുങ്ങിയ ബാക്കിയുള്ളവരോടായി അഖിൽ പറഞ്ഞു

റോണി : അഖിലേ വെതെ റോഡിൽ കിടന്ന് ഗുണ്ടായിസം കാണിക്കരുത്

അഖിൽ : ഗുണ്ടായിസമോ… ഇത് ഗുണ്ടായിസമാണെങ്കിൽ യഥാർത്ഥ ഗുണ്ടായിസത്തെ നീ എന്ത് പറയും…

അരുൺ : എന്തെങ്കിലും ഉണ്ടെങ്കിൽ പറയാൻ നോക്ക് ഞങ്ങൾക്ക് പോകണം

അഖിൽ : നിങ്ങളിൽ ആരാ ബോർഡിൽ അങ്ങനെ എഴുതിയെ

റോണി : ഞങ്ങൾ അല്ല എന്ന് പറഞ്ഞില്ലേ

അഖിൽ : മൈരുകളെ നീയൊക്കെ എന്റെ കയ്യിൽ നിന്നും വാങ്ങിയിട്ടേ അടങ്ങു അല്ലേ..ടാ റോണി ഇത് നിന്റെ പണിയാണെന്ന് എനിക്ക് നന്നായി അറിയാം… ഇമ്മാതിരി ഐഡിയയൊക്കെ നിന്റെ തലയിലേ വരു…

ഇത്രയും പറഞ്ഞ ശേഷം അഖിൽ പതിയെ റോണിയുടെ അടുത്ത് നിന്ന അജ്മലിനെ കുത്തിന് പിടിച്ചു തന്റെ അടിത്തേക്ക് അടുപ്പിച്ചു

അഖിൽ : എഴുതിയത് നീയാണെന്ന് മനസ്സിലാക്കാൻ അധികം ബുദ്ധിയൊന്നും വേണ്ട മൈരേ… ഇവന്റെ ചാവേറ് നീയല്ലേ

റോണിയെ ഒന്നകൂടി നോക്കിയ ശേഷം അഖിൽ അജ്മലിനോടായി പറഞ്ഞു

അഖിൽ : ഞാൻ നിന്നെയൊക്കെ തല്ലി കോളേജിന് പുറത്തേക്ക് പോണം അല്ലെ… വല്ലാത്ത ബുദ്ധിയായി പോയി റോണി… എന്തായാലും അങ്ങനെ പുറത്തേക്ക് പോകാൻ ഞാൻ ഉദ്ദേശിച്ചിട്ടില്ല ഇനിയിപ്പോൾ ഞാൻ പുറത്തേക്ക് പോകുന്നുണ്ടെങ്കിൽ നിന്റെയൊക്കെ കയ്യും കാലും തല്ലിയൊടിച്ചിട്ടായിരിക്കും അങ്ങനെ ഞാൻ പോയ ശേഷം നീയൊന്നും ഇവിടെ കിടന്ന് സുഖിക്കാൻ ഞാൻ അനുവദിക്കില്ല ഒരു 5,6 മാസം നീയൊന്നും പിന്നെ കോളേജിൽ കയറില്ല ഭേദമാകുബോൾ ഞാൻ വീണ്ടും തരും അത് കോളേജിൽ കയറി ആയാലും കോളേജിനു പുറത്ത് വച്ചായാലും