💞ആയിരം കണ്ണുമായി – 8 17

“നീ എന്താ കഥ പറയുവാണോ വരാൻ നോക്ക് ”

പുറത്തിറങ്ങിയ ശേഷം ശ്രുതി വിളിച്ചു പറഞ്ഞു

അഖിൽ പതിയെ ഫുഡ്‌ കയ്യിൽ വാങ്ങി

ലക്ഷ്മി : ആ സോറി അങ്ങ് പറഞ്ഞേക്ക്

അഖിൽ : അങ്ങനെ പറയുന്നില്ല… അവളുടെ വാശി ഞാനും ഒന്ന് കാണട്ടെ

ഇത്രയും പറഞ്ഞു അഖിലും ലക്ഷ്മിയോടൊപ്പം പുറത്തേക്ക് നടന്നു

ലക്ഷ്മി : നീ എങ്ങോട്ടാ

അഖിൽ : നിങ്ങൾ ക്യാൻറ്റീനിലോട്ടല്ലേ ഞാനും അങ്ങോട്ടാ

അവർ പതിയെ ശ്രുതിയുടെ അടുത്തേക്ക് എത്തി

കുറച്ച് സമയത്തിന് ശേഷം മൂന്നു പേരും ക്യാൻറ്റീനിൽ ഭക്ഷണം കഴിക്കുന്ന തിരക്കിൽ

അഖിൽ : ഹോ… ഇതെന്തൊരു ഉപ്പാ

ലക്ഷ്മി : ഉപ്പോ

അഖിൽ : ഈ കറിയിലൊക്കെ ഭയങ്കര ഉപ്പാ വായിൽ വക്കാൻ പറ്റുന്നില്ല

ഇത് കേട്ട ശ്രുതി ദേഷ്യത്തോടെ അഖിലിനെ നോക്കി

അഖിൽ : എന്താ നോക്കുന്നെ…

ശ്രുതി : വേണ്ടെങ്കിൽ കഴിക്കണ്ട എന്ന് പറ ലക്ഷ്മി

അഖിൽ : ഓസിനല്ല പൈസ തന്നാ വാങ്ങുന്നെ എന്ന് പറ ലക്ഷ്മി

ശ്രുതി : വലിച്ചും കുടിച്ചും നടക്കുന്നവർക്ക് രുചി അറിയാൻ പറ്റില്ല എന്ന് പറഞ്ഞു കൊടുക്ക് ലക്ഷ്മി

അഖിൽ : ടി നീ.. 😡…

ലക്ഷ്മി : കഴിച്ചു കഴിഞ്ഞെങ്കിൽ പോകാൻ പറ ലക്ഷ്മി ഉപ്പ് എന്ന് പറഞ്ഞിട്ട് പാത്രം കാലിയല്ലേ….

അഖിൽ : എന്തെങ്കിലും ഉണ്ടെങ്കിൽ മുഖത്ത് നോക്കി സംസാരിക്കെടി

ശ്രുതി : ലക്ഷ്മി…

ലക്ഷ്മി : മതിയാക്കിക്കേ എന്നോട് ഇനി ആരും ഒന്നും പറയണ്ട… നിങ്ങൾക്ക് പറയാനുള്ളത് കേൾക്കലല്ല എന്റെ പണി

ഇത് കേട്ട അഖിൽ അവിടെ നിന്നും ഇറങ്ങി പോയി

ലക്ഷ്മി : അല്പം കൂടുതലാ കേട്ടോ അവന് നിന്നോട് മിണ്ടണം എന്നുണ്ട്

ശ്രുതി : അങ്ങനെയാണെങ്കിൽ അവൻ സോറി പറയട്ടെ

ലക്ഷ്മി : ശെരിക്കും അവനെ വട്ട് കളിപ്പിക്കുന്നത് ആസ്വതിക്കുന്നുണ്ട് അല്ലേ..

ശ്രുതി : ചുമ്മാ ഒരു രസം ഞാൻ രണ്ട് ആഴ്ച നോക്കും അവൻ സോറി പറയുമോ എന്ന് അറിയാലോ

ലക്ഷ്മി : എടി നിനക്ക് അവനോട് പ്രേമം എങ്ങാനും ആണോ

ശ്രുതി : ദേ ലക്ഷ്മി ഇല്ലാത്തത് പറഞ്ഞാൽ ഉണ്ടല്ലോ

ലക്ഷ്മി : ഇല്ലാത്തത് അവനെ പറ്റിപറയുമ്പോൾ നീ നന്നായി ബ്ലഷ് ചെയ്യുന്നുണ്ട് അത് തന്നെ പ്രേമത്തിന്റെ അടയാളമാ

ശ്രുതി : നീ പോയേ.. ബ്ലഷ് പോലും…

*****

രണ്ട് ദിവസങ്ങൾക്ക് ശേഷം

അഖിൽ : ലക്ഷ്മി നീ അവളോട് ഒന്ന് സംസാരിക്ക്

ലക്ഷ്മി : എന്ത് സംസാരിക്കാൻ

അഖിൽ : എന്നോട് സംസാരിക്കാൻ

ലക്ഷ്മി : അതിന് ഞാൻ പറഞ്ഞാൽ അവള് കേൾക്കണ്ടേ

അഖിൽ : നീ നന്നായിട്ട് ഒന്ന് പറഞ്ഞാൽ മതി

ലക്ഷ്മി : എന്റെ അഖിലെ അവള് കേൾക്കില്ല… നീ സോറി പറയ് അടുത്ത നിമിഷം അവള് മിണ്ടും

അഖിൽ : അതെനിക്ക് നാണക്കേടാ… ഞാൻ അവളോട് മിണ്ടാൻ നടക്കുവാണെന്ന് ആവള് കരുതും

ലക്ഷ്മി : അതല്ലേ സത്യം

അഖിൽ : നിനക്ക് എന്താ പറഞ്ഞാൽ മനസ്സിലാകാത്തത്..

ലക്ഷ്മി : ഇത്രയും കഷ്ടപ്പെട്ട് എന്തിനാ അവളോട് മിണ്ടുന്നെ.. മിണ്ടണ്ടാ എന്ന് വെക്ക്

അഖിൽ : അത് പറ്റാത്തത് കൊണ്ടല്ലേ.. നിന്നോട് ഞാൻ സംസാരിക്കുന്നെ

ലക്ഷ്മി : അതെന്താ പറ്റാത്തെ ഞാൻ വരെ ഒരു മാസം മിണ്ടാതെ ഇരുന്നിട്ടുണ്ട് എന്നേക്കാൾ പരിചയമൊന്നും ഇല്ലല്ലോ നിനക്ക് അവളെ

അഖിൽ : നീ പറയണ്ട പോരെ…

ഇത്രയും പറഞ്ഞു അഖിൽ അവളുടെ അടുത്ത് നിന്നും പോയി

ലക്ഷ്മി പതിയെ ക്ലാസ്സിൽ ശ്രുതിയുടെ അടുത്തേക്ക് എത്തി

ലക്ഷ്മി : എന്റെ ശ്രുതി ആ അഖില് എന്നെ വഴി നടത്തുന്നില്ല കേട്ടോ

ശ്രുതി : എന്താ അവൻ വല്ലതും പറഞ്ഞോ

ലക്ഷ്മി : അവന്റെ അവസ്ഥ ഞാൻ ഇപ്പോൾ വേണമെങ്കിൽ രണ്ട് വരിയലൂടെ പാടിതരാം 🎶നമ്പിയാറെപോൽ ഇരുന്തെനെ എം ജി ആറെ പോൽ മാറ്റിട്ടാ 🎶🎶

ശ്രുതി : എന്ന് വച്ചാൽ എനിക്ക് പിടികിട്ടിയില്ല

ലക്ഷ്മി : വലിയ വില്ലനായിട്ട് നടന്നവനയാ നീ ഇപ്പോൾ കൊച്ചുകുട്ടികളെപോലെ കെഞ്ചുന്ന പരുവത്തിൽ ആക്കിയതെന്നു

ശ്രുതി : കെഞ്ചലോ.. എന്താടി പറയുന്നെ

ലക്ഷ്മി : ഒന്നുമില്ല… ഈ മൗന വൃതം അധിക നാള് പോവില്ല അത് മാത്രം മനസ്സിലാക്കിയാൽ മതി

*********

ശനിയാഴ്ച ശ്രുതി ബീച്ചിൽ

ശ്രുതി : അത് 20 രൂപ… ഇതാ ബാക്കി 30 ത്… ദൈവമേ ഇവൻ എന്താ ഇവിടെ

ദൂരെ നിന്ന് നടന്ന് വരുന്ന അഖിലിനെ കണ്ട് ശ്രുതി മനസ്സിൽ പറഞ്ഞു