💞ആയിരം കണ്ണുമായി – 8 17

അഖിൽ പതിയെ കടയുടെ അടുത്തേക്ക്‌ എത്തി

അഖിൽ : ഒരു പൊതി കപ്പലണ്ടി എത്രയാ

ശ്രുതി ഒന്നും മിണ്ടിയില്ല

അഖിൽ : എന്താ ഇത് വിൽക്കാൻ അല്ലെ.. എത്രയാ പറ 😏

ശ്രുതി വേഗം ഒരു പൊതിയെടുത്ത്‌ അവന്റെ കയ്യിൽ കൊടുത്ത ശേഷം പോകാൻ ആംഗ്യം കാണിച്ചു

അഖിൽ : ഊമയാണോ

ശ്രുതി അഖിലിനെ നോക്കി കണ്ണുരുട്ടി അവൻ പതിയെ അവിടെ ഇട്ടിരുന്ന സ്റ്റൂളിൽ ഇരുന്നു

അഖിൽ : അതെ അധികം ഓവർ ആവല്ലേ കേട്ടോ..സോറി തേങ്ങ നിനക്ക് എന്താടി..

ഇത് കേട്ട ശ്രുതി ശക്തിയിൽ ചട്ടിയിൽ ചട്ടുകം കൊണ്ട് അടിക്കാൻ തുടങ്ങി

അഖിൽ : എടി… നിന്നെ ഉണ്ടല്ലോ.. ദേ ആ ചട്ടുകം പിടിച്ചുവാങ്ങി ഞാൻ ദൂരെ എറിയും..

ഇത് കേട്ട ശ്രുതി ദേഷ്യത്തോടെ അഖിലിന് നേരെ ചട്ടുകം ചൂണ്ടി

അഖിൽ : മാറ്റി പിടിക്ക്… മാറ്റി പിടിക്ക്…കോപ്പ് പൊള്ളുമെടി ”

ശ്രുതി ചട്ടുകം മാറ്റിയ ശേഷം വീണ്ടും കപ്പലണ്ടി വറുക്കാൻ തുടങ്ങി

അഖിൽ : ടി… എടി…😤 ശരി സോറി

ഇത് കേട്ട ശ്രുതി ചട്ടുകം കൊണ്ട് അത് പറ്റില്ല എന്ന് ആംഗ്യം കാണിച്ചു

അഖിൽ : ശരി… സോറി ശ്രുതി എന്നോട് മിണ്ട് എന്താ പോരെ…

ശ്രുതി : മതി… ഇത്രയും മതി.. ഇനി മേലാൽ ഞാൻ പറഞ്ഞോ മിണ്ടാൻ…. ഞാൻ പറഞ്ഞോ മിണ്ടാൻ ഇത് പറഞ്ഞു പോകരുത് ഇപ്പോൾ നീ പറഞ്ഞു മിണ്ടാൻ കേട്ടോ…

അഖിൽ : എനിക്ക്‌ പിളേളര് കളിച്ചു കളയാൻ സമയമില്ല അതാ തോറ്റു തന്നത്

ശ്രുതി : തോറ്റോ അത് മതി… പറയ് എന്തൊക്കെ ഉണ്ട് വിശേഷം ഒരാഴ്ച്ചത്തെ കാര്യം കാണുമല്ലോ

അഖിൽ : എന്ത് കാര്യം ഒന്നുമില്ല… മര്യാദക്ക്‌ സംസാരിക്കാൻ പോലും ആരും ഇല്ലായിരുന്നു

ശ്രുതി : അച്ചോടാ…ഞാൻ തിങ്കളാഴ് അങ്ങോട്ട് വന്നു മിണ്ടാൻ ഇരിക്കുവായിരുന്നു അപ്പോഴാ നീ വന്നു തോറ്റു തന്നെ

അഖിൽ : സത്യമാണോ

ശ്രുതി : പിന്നെ അല്ലാതെ

അഖിലും ശ്രുതിയും പിന്നെയും വാ തോരാതെ കുറേ നേരം സംസാരിച്ചു

അഖിൽ : നിനക്ക് വട്ടാണ് ശ്രുതി…

ശ്രുതി : വട്ട് നിനക്ക്

അഖിൽ : ശെരിയാ നിന്റെ കൂടെ നടന്ന് എനിക്കും വട്ടായെന്നാ തോന്നുന്നെ

രണ്ട് പേരും പരസ്പരം നോക്കി ചിരിക്കാൻ തുടങ്ങി

അഖിൽ : നിന്റെ ഈ വളവളാ ഉള്ള സംസാരം ഞാൻ നല്ല മിസ്സ്‌ ചെയ്തു കേട്ടോ

ശ്രുതി : നിന്റെ സംസാരം ഞാനും മിസ്സ്‌ ചെയ്തു പിന്നെ വാശി കേറിയാൽ ഞാൻ അങ്ങനെയാ പെട്ടെന്ന് ഒന്നും തോറ്റു തരില്ല… പിന്നെ അഖിലെ ആനി ടീച്ചറിനെ പറ്റി എനിക്ക് അറിയാവുന്ന എല്ലാവരോടും ഞാൻ ചോദിച്ചു അവർക്കാർക്കും ഒരു വിവരവും ഇല്ല

അഖിൽ : അത് വിട്ടേക്ക്… ഇനി കിട്ടാൻ ഒന്നും പോകുന്നില്ല

ശ്രുതി : അങ്ങനെ വിടത്തൊന്നുമില്ല ഞാൻ ശ്രമിച്ചുകൊണ്ടിരിക്കും എന്തെങ്കിലും വിവരം കിട്ടാതിരിക്കില്ല

സമയം കടന്നു പോയി

അഖിൽ : കപ്പലണ്ടി കഴിഞ്ഞോ

ശ്രുതി : കഴിഞ്ഞു വേറെ വറുക്കാണം ടാ നീ എന്നും വാ ഞാൻ അന്ന് പറഞ്ഞത് പോലെ നല്ല രാശിയാ

അഖിൽ : നീ ഒന്ന് പോയെ… അല്ല ഈ കപ്പലണ്ടി എങ്ങനെയാ വറുക്കുന്നെ

ശ്രുതി : പഠിക്കണോ

അഖിൽ : പഠിപ്പിക്കോ

ശ്രുതി :പിന്നെ എന്താ വാ… ദാ ഇങ്ങനെ പച്ച കപ്പലണ്ടി ചട്ടിയിലോട്ട് ഇടണം എന്നിട്ട് ഇങ്ങനെ ചട്ടുകം കൊണ്ട് ഇളക്കണം ദാ ഇളക്കിക്കെ

ശ്രുതി ചട്ടുകം അഖിലിന്റെ കയ്യിൽ കൊടുത്തു

ശ്രുതി : അങ്ങനെ തന്നെ ഇളക്കിക്കോ

അഖിൽ : എളുപ്പമാ അല്ലെ

ശ്രുതി : പിന്നേ നല്ല എളുപ്പമാ മോൻ ഇളക്കിക്കോ

ഇത്രയും പറഞ്ഞു ശ്രുതി കസേരയിൽ ചെന്നിരുന്നു

അഖിൽ : എടി എനിക്കിട്ട് പണിഞ്ഞു അല്ലെ

ശ്രുതി : ഇളക്കിക്കോ ഇളക്കിക്കോ ആഗ്രഹമൊക്കെ തീരട്ടെ

അഖിൽ പതിയെ ചിരിച്ചുകൊണ്ട് കപ്പണ്ടി വറുത്തു

ശ്രുതി : അഖിലെ ലക്ഷ്മി പറയുവാ നമ്മൾ തമ്മിൽ പ്രേമമാണെന്ന്

അഖിൽ : പ്രേമമോ അവൾക്കിത് എന്തിന്റെ കേടാ

ശ്രുതി : അതാ ഞാനും അവളോട് ചോദിച്ചെ ക്ലാസ്സില് വേറേം കുറേ എണ്ണം ഉണ്ട് ഓരോന്ന് അടിച്ചിറക്കുവാ

അഖിൽ :എല്ലാത്തിനും നല്ലത് കിട്ടാത്തതിന്റെയാ

ശ്രുതി : എനിക്ക് പ്രേമം എന്ന് കേൾക്കുന്നതേ ഇഷ്ടമല്ലാ എന്ന് അവർക്ക് ഒന്നും അറിയില്ലല്ലോ

അഖിൽ : ഇഷ്ടമല്ലേ… അതെന്താ

ശ്രുതി : അതൊരു കഥയാ

അഖിൽ : പറയ് എന്താണെന്ന് കേൾക്കട്ടെ