💞ആയിരം കണ്ണുമായി – 8 17

റോണി : നീ എന്താ പേടിപ്പിക്കുവാണോ

അഖിൽ : അതേടാ കോപ്പേ..😡 നിനക്ക് എന്തെങ്കിലും ഉണ്ടാകാൻ ഉണ്ടോ… അന്ന് പറഞ്ഞത് ഞാൻ ഒരിക്കൽ കൂടി പറയുവാ എന്തെങ്കിലും ഉണ്ടെങ്കിൽ എന്നോട് തീർത്തോണം അല്ലാതെ ആ പെണ്ണിന്റെ മെക്കിട്ടെങ്ങാൻ ഇനി കയറിയാൽ ഇത്രയും സമാധാനത്തോടെ നിന്നോടൊന്നും ഞാൻ ഇനി സംസാരിക്കില്ല..പിന്നെ നിന്റെ കാര്യം നീ ബോഡിൽ എഴുതിയത് ക്ഷമിക്കാം എന്ന് വച്ചാലും നിന്റെ വായിൽ നിന്ന് വന്നതിന് നിനക്കിട്ട് ഒന്നു തന്നില്ലെങ്കിൽ എനിക്ക് സമാധാനത്തോടെ ഉറങ്ങാൻ പറ്റില്ല

ഇത്രയും പറഞ്ഞു അഖിൽ അജ്മലിന്റെ കരണത്ത്‌ ഒന്ന് പൊട്ടിച്ചു

അഖിൽ : ഇപ്പോൾ ഞാൻ ഒന്നിൽ നിർത്തുവാ ഇനി ഇതിന്റെ പേരിൽ എന്തെങ്കിലും ഉണ്ടാക്കികൊണ്ട് വന്നാൽ എന്റെ യഥാർത്ഥ സ്വഭാവം നീയൊക്കെ കാണും… ഞാൻ എല്ലാത്തിൽ നിന്നും മാറി നടക്കുവാൻ നോക്കുവാ വെറുതെ എന്നെ വീണ്ടും പഴയത് പോലെയാക്കരുത്… ഒരിക്കൽ കൂടി പറയുവാ അവളുടെ ഏഴയലത്ത് നിന്നെയൊന്നും ഇനി കണ്ടുപോകരുത്..ഞാൻ നിന്നെയൊക്കെക്കാൾ മോശമായിരുന്നെടാ നീയൊക്കെ ഓരോന്ന് ചെയ്യുമ്പോൾ എനിക്ക് എന്നെ തന്നെയാ ഓർമ്മ വരുന്നെ… ഞാൻ എത്ര മോശമായിരുന്നു എന്ന് നീയൊക്കെ ചെയ്യുന്ന പ്രവർത്തിയിലൂടെ തിരിച്ചറിഞ്ഞു കൊണ്ടിരിക്കുവാ…

ഇത്രയും പറഞ്ഞു അഖിൽ തിരിഞ്ഞു നടന്നു

അന്നേ ദിവസം രാത്രി..

അഖിൽ : അവള് കൂട്ടുകാരോടൊക്കെ ചോദിക്കാം എന്ന് പറഞ്ഞിട്ട് ഒരനക്കവുമില്ലല്ലോ..എന്തായലും മെസ്സേജ് അയച്ചേക്കാം മറന്ന് പോയെങ്കിൽ ഓർത്തോടെ

അഖിൽ പതിയെ ഫോൺ എടുത്ത് ശ്രുതിക്ക്‌ മെസ്സേജ് അയച്ചു

“ടി… അന്ന് പറഞ്ഞ കാര്യം എന്തായി കൂട്ടുകാരോട് ചോദിച്ചോ ”

അഖിൽ : ഓൺലൈനിൽ ഉണ്ടല്ലോ എന്നിട്ടെന്താ ഇവൾ നോക്കാത്തെ… ഉം.. കണ്ടു..

അല്പനേരത്തിനു ശേഷം

അഖിൽ : ഇവൾ എന്താ റിപ്ലൈ തരാത്തെ… മിണ്ടില്ല എന്ന് അവള് കാര്യമായി പറഞ്ഞതാണോ…

********

പിറ്റേന്ന് ക്ലാസ്സിലേക്ക് എത്തിയ അഖിൽ നേരെ ചെന്നത് ശ്രുതിയുടെ അടുത്തേക്ക് ആയിരുന്നു

അഖിൽ : ഇന്നലെ ഞാൻ മെസ്സേജ് ഇട്ടത് കണ്ടായിരുന്നോ

അഖിൽ ശ്രുതിയെ നോക്കി ചോദിച്ചു എന്നാൽ ശ്രുതി ഒന്നും മിണ്ടിയില്ല

അഖിൽ : എടി നീ കൂട്ടുകാരെ വിളിച്ചായിരുന്നോ…ശ്രുതി… ദേ കളിക്കല്ലേ

ഇത് കേട്ട ശ്രുതി അടുത്തിരുന്ന ലക്ഷ്മിയുടെ ചെവിൽ എന്തോ പറഞ്ഞു

ലക്ഷ്മി : മെസ്സേജ് കണ്ടു… നമ്പർ ഉണ്ടായിരുന്ന കുറച്ച് പേരെ വിളിച്ചു അവർക്ക് അറിയില്ല ഇനിയും കുറച്ച് പേരെ കൂടി വിളിക്കാൻ ഉണ്ട്..

അഖിൽ : അത് ഇവൾക്ക് ഇന്നലെ പറഞ്ഞാൽ എന്തായിരുന്നു..

ശ്രുതി വീണ്ടും ലക്ഷ്മിയുടെ ചെവിയിൽ എന്തോ പറഞ്ഞു

അഖിൽ : ഇവൾ എന്താ പറഞ്ഞെ

ലക്ഷ്മി : ബഹളം ഉണ്ടാക്കാതെ സീറ്റിൽ പോകാൻ

ഇത് കേട്ട അഖിൽ ശ്രുതിയെ തുറിച്ചു നോക്കി

അഖിൽ : നിനക്ക് എന്തിന്റെ കേടാടി…

ശ്രുതി വീണ്ടും ലക്ഷ്മിയോട് എന്തോ പറഞ്ഞു

അഖിൽ : ദേ എന്തെങ്കിലും ഉണ്ടെങ്കിൽ നേരിട്ട് പറയെടി… ഇവൾ ഇപ്പോൾ എന്താ പറഞ്ഞെ ങ്ങേ…

ലക്ഷ്മി : സോറി പറഞ്ഞാൽ സംസാരിക്കാം എന്ന്…

പെട്ടെന്ന് തന്നെ ശ്രുതി ലക്ഷ്മിയോട് വേറെ എന്തോ കൂടി പറഞ്ഞു

ലക്ഷ്മി : ഓഹ് ശെരി… അതെ വെറും സോറി പറ്റില്ല… സോറി ശ്രുതി എന്നോട് സംസാരിക്ക് എന്ന് പറയണം

അഖിൽ : കാത്തിരുന്നാൽ മതി…😡 നീ സംസാരിക്കണ്ട

ഇത്രയും പറഞ്ഞു അഖിൽ തന്റെ സീറ്റിലേക്ക് പോയി

അപ്പോഴേക്കും ശ്രുതി പതിയെ ചിരിക്കാൻ തുടങ്ങി

ലക്ഷ്മി : ഇത്തിരി ഓവറാ കേട്ടോ

ശ്രുതി : അവനും ഭയങ്കര ഓവറായിരുന്നു.. എന്നോട് മിണ്ടാൻ പറയട്ടെ എന്നിട്ട് മിണ്ടാം

ഉച്ചക്ക് ലഞ്ച് ടൈം

ശ്രുതി : ലക്ഷ്മി ഈ പാത്രം അവന് കൊണ്ട് കൊടുക്ക്

ലക്ഷ്മി : നീ കൊടുക്ക്

ശ്രുതി : ഞാൻ അവനോട് മിണ്ടില്ല എന്ന് അറിയില്ലേ.. നീ കൊടുത്താൽ മതി

ലക്ഷ്മി പാത്രവുമായി അഖിലിന്റെ അടിത്തേക്ക് എത്തി

“ഇതാ ശ്രുതി തന്നതാ ”

അഖിൽ : അവൾക്ക് എന്താ വട്ട് വല്ലതും ഉണ്ടോ…ഇന്നലെ പറഞ്ഞപ്പോൾ ഞാൻ കരുതി തമാശയായിരിക്കുമെന്ന്

ലക്ഷ്മി : ശരിയാ അവൾക്ക്‌ ചെറിയ വട്ടുണ്ട് പ്രത്യേകിച്ച് ഈ വക കാര്യങ്ങളിൽ.. വാശി എന്ന് വച്ചാൽ ഭയകര വാശിയാ എന്നോട് ഒരു മാസം മുഴുവൻ മിണ്ടാതെ ഇരുന്നിട്ടുണ്ട്