💞ആയിരം കണ്ണുമായി – 8 17

അഖിൽ : നിന്റെ എന്ത് കാര്യം…

ശ്രുതി : നീ പോയി കഴിഞ്ഞാൽ അവമ്മാര് നീ തല്ലിയ ദേഷ്യം എന്റെ അടുത്ത് തീർക്കില്ലേ… ലീഡർ സ്ഥാനം ഇല്ലാത്തത് കൊണ്ട് അവമ്മാർക്ക് എന്നെ ഒരു പേടിയും കാണില്ല… പിന്നെ മിസ്സിനെ വെറുപ്പിച്ചത് കൊണ്ട് മിസ്സും സപ്പോർട്ട് ചെയ്യില്ല… ചുരുക്കി പറഞ്ഞാൽ എന്റെ കാര്യം പോക്കാവും..ഒരു പ്രശ്നം ഉണ്ടായപ്പോൾ ഞാൻ നിന്നെ പറ്റി ഓർത്തു അതുകൊണ്ടാ നിന്നെ ഡിഫെൻണ്ട് ചെയ്തു ഞാൻ സംസാരിച്ചെ… പക്ഷെ നീഎന്താ ചെയ്തെ എടുത്ത് ചാടാൻ പോയി ആരെ പറ്റിയും ചിന്തിച്ചില്ല

അഖിൽ : അങ്ങനെയാണെങ്കിൽ നിനക്ക് ഇതുപോലെ എന്നോട് പറഞ്ഞാൽ പോരായിരുന്നോ.. നീ മനഃപൂർവ്വമല്ലേ എന്നെ നാണം കെടുത്തിയെ….

ശ്രുതി : അതെ മനഃപൂർവ്വം തന്നെയാ അങ്ങനെ തന്നെ വച്ചോ…നാണം കെടുത്തി പോലും… ഞാൻ നാണം കെട്ട അത്രയൊന്നും വരില്ലല്ലോ… സമാധാനത്തിൽ പറഞ്ഞാൽ നീ കേൾക്കുവായിരുന്നോ…നിനക്ക് അറിയോ ഇന്നലെ എന്റെ അച്ഛൻ എന്നെ ആദ്യമായി തല്ലി..ഇന്ന് ആദ്യമായി ഞാൻ മിസ്സിന്റെ കയ്യിൽ നിന്നും വഴക്ക് കേട്ടു…ക്ലാസ്സിൽ ഉള്ള കുട്ടികൾ ഒക്കെ എന്നെ നോക്കി ചിരിക്കുവാ… പക്ഷെ ഇതൊന്നും എനിക്കൊരു പ്രശ്നമേ അല്ല എന്നാൽ ഇന്ന് നീ അവന്മാരെ തല്ലി പുറത്ത് പോയെങ്കിൽ ഞാൻ ഇതൊക്കെ സഹിച്ചത് വെറുതെ യാകില്ലേ.. അതെനിക്ക് ഉൾകൊള്ളാൻ പറ്റില്ല… അതുകൊണ്ടാ… അതുകൊണ്ട് മാത്രമാ നിന്നെ തടഞ്ഞെ… ഇനി എനിക്ക് ഒന്നും പറയാനില്ല ഇങ്ങനെ ദേഷ്യം കാണിച്ചോണ്ട് തന്നെ നിന്നോ

ഇത്രയും പറഞ്ഞു ശ്രുതി തന്റെ സീറ്റിലേക്ക് ചെന്നിരുന്നു അഖിൽ പതിയെ അവളുടെ അടുത്തേക്ക് എത്തി

അഖിൽ : നിനക്ക് പുറത്ത് പോകണ്ടേ

ശ്രുതി : വേണ്ട… നിന്നോട് സംസാരിക്കാൻ വേണ്ടിയാ കൂടെ കൊണ്ട് പോകാൻ പറഞ്ഞെ ഇപ്പോൾ എല്ലാം പറഞ്ഞു കഴിഞ്ഞു ഇനി പോകണമെന്നില്ല…

അഖിൽ പതിയെ ശ്രുതിയുടെ അടുത്തേക്ക് ഇരുന്നു

അഖിൽ : നീ ഉണ്ടല്ലോ… അല്ല തല്ല് കിട്ടിയ കാര്യം എന്താ എന്നോട് പറയാത്തെ

ശ്രുതി : പറഞ്ഞിട്ട് എന്തിനാ.. കിട്ടേണ്ടത് കിട്ടി അത്ര തന്നെ… ഇനി ഞാൻ പറയാത്തതിന്റെ പേരിൽ ദേഷ്യപ്പെടുവാൻ പോകുവാണോ

അഖിൽ : എടി… എനിക്ക് നിന്നോടല്ല എന്നോട് തന്നെയാ ദേഷ്യം… നീ ഉച്ചക്ക് ചോദിച്ചില്ലേ അവരുമായി പിണങ്ങിയില്ലായിരുന്നെങ്കിൽ നിന്നെ കളിയാക്കില്ലായിരുന്നോ എന്ന് ഉറപ്പായും ചെയ്തേനെ… കൂടുതൽ ചെയ്യുന്നത് ഞാനായിരുന്നേനെ.. ഞാൻ അങ്ങനെയുള്ള ഒരുത്തനാ ഒരുപാട് പേരെ ഇതുപോലെ അപമാനിച്ചിട്ടുണ്ട്… കഴിഞ്ഞ കോളേജിലെ പ്രശ്നത്തിന് കാരണവും അത് തന്നെയായിരുന്നു… പക്ഷെ ഇന്ന് ബോർഡിൽ അതൊക്കെ കണ്ടപ്പോൾ… എനിക്ക് എന്റെ പിടിവിട്ടു പോയി.. ഇത് ഇത്രയും വേദനിക്കും എന്ന് ഇപ്പോഴാ എനിക്ക് മസ്സിലായെ..ഞാൻ ചെയ്തത് ഓർത്ത് എനിക്ക് എന്നോട് തന്നെ കലി തോന്നുകയാ…അപ്പോഴാ നീ…ശെരി പോട്ടെ നീ അത് വിട്ടേക്ക്…

ശ്രുതി : എന്ത് വിടാൻ..നീ പറയുമ്പോൾ അങ്ങ് വിടണോ…

അഖിൽ : എന്നാൽ പിന്നെ വിടണ്ട

ശ്രുതി : ഞാൻ നിന്നോട് മിണ്ടാൻ വരുന്നത്കൊണ്ടല്ലേ നീ ഇത്രയും ജാഡ ഇടുന്നത്

അഖിൽ : ദേ ഇതാ എനിക്ക് പിടിക്കാത്തത് എന്നോട് മിണ്ടാൻ ഞാൻ നിന്നോട് പറഞ്ഞോ… എന്നോട് മിണ്ടരുത് എന്ന് ഞാൻ എത്ര തവണ പറഞ്ഞതാ ങ്ങേ… എന്നിട്ടും നീ തന്നെയല്ലേ

ശ്രുതി : ഇപ്പോഴും അങ്ങനെ തന്നെയാണോ

അഖിൽ : എങ്ങനെ തന്നെയാണോന്ന്

ശ്രുതി : ഞാൻ നിന്നോട് മിണ്ടണ്ട എന്ന് തന്നെയാണോ

അഖിൽ : അത്…

ശ്രുതി : പറയ്….എന്താ ബുദ്ധിമുട്ട്

അഖിൽ : എന്ത് ബുദ്ധിമുട്ട്… അങ്ങനെ തന്നെയാ നീ മിണ്ടണ്ടാ അതാ എനിക്കും നിനക്കും നല്ലത്

ശ്രുതി : ശെരി… ദാ ഇപ്പോൾ മുതൽ ഞാൻ നിന്നോട് മിണ്ടത്തില്ല… നീ മിണ്ടാൻ പറയുന്നത് വരെ ഒരു വാക്ക് പോലും നിന്നോട് സംസാരിക്കുകയുമില്ല…

അഖിൽ : ശെരി വലിയ ഉപകാരം

ശ്രുതി : ഇനി എങ്ങാൻ ഞാൻ നിന്നോട് മിണ്ടണമെങ്കിൽ നീ നിന്റെ വായകൊണ്ട് എന്നോട് സോറി ശ്രുതി എന്നോട് മിണ്ട് എന്ന് പറയണം

അഖിൽ : സോറി അല്ലെ കാത്തിരുന്നോ…

അപ്പോഴേക്കും ഇന്റർവൽ കഴിഞ്ഞു കുട്ടികൾ ക്ലാസ്സിലേക്ക് തിരികെ എത്താൻ തുടങ്ങി അഖിൽ അവിടെ നിന്നും എഴുനേറ്റ് തന്റെ സീറ്റിൽ ചെന്നിരുന്നു