അതുൽ കാറിൽ നിന്നിറങ്ങി അവളുടെ ഭാഗത്തെ ഡോർ തുറന്നു. “ഹായ് ചിത്ര,” അതുൽ ഒരു ചിരിയോടെ പറഞ്ഞു.. “പ്ലീസ്.” അവൻ കാറിനകത്തേക്ക് കൈ കാണിച്ച് ക്ഷണിച്ചു. അവന്റെ കണ്ണുകളിൽ ഒരുതരം കെണിയുടെ തിളക്കമുണ്ടായിരുന്നു
ചിത്ര ചെറുതായി ചിരിച്ചുകൊണ്ട് ഒരു താങ്ക്സ് പറഞ്ഞു കാറിൽ കയറി. യാത്രയിലുടനീളം അവർ സംസാരിച്ചുകൊണ്ടിരുന്നു. അതുൽ അവളുടെ ഡ്രസ്സിനെക്കുറിച്ചും ലുക്കിനെക്കുറിച്ചും അഭിനന്ദനങ്ങൾ ചൊരിഞ്ഞു.
“നിനക്ക് ഈ സ്റ്റൈൽ നന്നായി ചേരുന്നുണ്ട്. ഈ ടൈപ്പ് .. ഇങ്ങനെ നെറ്റ് പോലെ ഉള്ളതു കാണാൻ ഒരു പ്രത്യേക ഭംഗി ആണ്. മൈ ഫേവറൈറ്റ്” .. അവന്റെ ഓരോ വാക്കും ചിത്രയുടെ ആത്മവിശ്വാസം വർദ്ധിപ്പിച്ചു. അവൾക്ക് ചിരി നിർത്താനായില്ല.
അധികം വൈകാതെ അവരുടെ കാർ **”ദി ചില്ല് ഔട്ട് കഫേ”**യുടെ മുന്നിലെത്തി. അതുൽ കാർ പാർക്ക് ചെയ്ത് ചിത്രയോടൊപ്പം കഫേയിലേക്ക് നടന്നു. കഫേയുടെ വാതിൽക്കൽ വെച്ച് അവിടുത്തെ ജീവനക്കാരൻ അവരെ നിറഞ്ഞ ചിരിയോടെ സ്വാഗതം ചെയ്തു. “മിസ്റ്റർ ആൻഡ് മിസ്സിസ് അതുൽ, സ്വാഗതം! നിങ്ങളുടെ ടേബിൾ തയ്യാറാണ്.”
“മിസ്റ്റർ ആൻഡ് മിസ്സിസ് അതുലോ?” ചിത്ര ഞെട്ടിപ്പോയി. അവളുടെ കണ്ണുകൾ അതുലിലേക്ക് നീണ്ടു. അവളുടെ മുഖത്തെ ഭാവം കണ്ട അതുൽ ചിരിച്ചു.
“അതൊരു ട്രിക്ക് ആണ് ചിത്രേ,” അവൻ പതിഞ്ഞ സ്വരത്തിൽ പറഞ്ഞു. “കഫേയിലെ ഏറ്റവും നല്ല കാഴ്ചയുള്ള സീറ്റ് കിട്ടാൻ ഞാൻ അവരുമായി ഒരു ഡീൽ ഉണ്ടാക്കിയതാണ്. ഇവിടെ എപ്പോഴും തിരക്കാണ്.”
ചിത്രയുടെ ഉള്ളിലെ ഞെട്ടൽ ഒരു ചിരിയിൽ ഒതുങ്ങി. അവർ കഫേയുടെ ഏറ്റവും മനോഹരമായ കാഴ്ചയുള്ള സീറ്റിലിരുന്നു. താഴെ നഗരത്തിന്റെ തിരക്ക്, അകലെ മരങ്ങൾക്കിടയിലൂടെ വീശുന്ന കാറ്റ്… ആ കാഴ്ചയോടൊപ്പം അതുലുമായി സംസാരിച്ചുകൊണ്ടിരുന്നത് ചിത്രക്ക് പുതിയൊരു അനുഭവമായിരുന്നു.
സംസാരിക്കുന്നതിനിടയിൽ, അതുൽ പതിയെ ഓരോന്ന് പറഞ്ഞു അവളുടെ കൈകളിൽ സ്പർശിച്ചുകൊണ്ട് ഇരുന്നു. അവന്റെ വിരലുകൾ അവളുടെ കൈത്തണ്ടയിലൂടെ ഓടിനടന്നു. ചിത്രക്ക് ആദ്യം ചെറിയൊരു അസ്വസ്ഥത തോന്നി. അവൾ കൈ പിൻവലിക്കാൻ ശ്രമിച്ചു. ആ നിമിഷം ഗോകുലിനെ കുറിച്ച് പറയണമോ എന്ന് ഒരു നിമിഷം അവൾ ചിന്തിച്ചു. അവരുടെ വർഷങ്ങൾ നീണ്ട ബന്ധത്തെക്കുറിച്ച്, തന്റെ ജീവിതത്തിൽ അവനുള്ള സ്ഥാനത്തെക്കുറിച്ച്… പക്ഷേ, പാറുവിന്റെ വാക്കുകൾ അവളുടെ കാതുകളിൽ മുഴങ്ങി: “ഒരു കോഫി കുടിക്കുന്നത് കൊണ്ട് ആകാശം ഇടിഞ്ഞ് വീഴാൻ പോകുന്നില്ല…ഒരു കിസ് അടിച്ചിട്ട് വരൂ… ലൈഫ് ഒന്നേ ഉള്ളൂ.. ഗോകുലിനോട് പറയണ്ട..
ഈ പുതിയ അനുഭവത്തെ, ഈ നിമിഷത്തെ, നഷ്ടപ്പെടുത്താൻ അവൾ ഭയപ്പെട്ടു. അതുൽ അവളുടെ കൈ അയച്ചില്ല. അവന്റെ സ്പർശനം പതിയെ പതിയെ അവളെ കീഴടക്കി. കുറച്ച് നിമിഷങ്ങൾ കഴിഞ്ഞപ്പോൾ ചിത്രക്ക് അതിൽ സുഖം കണ്ടെത്താൻ തുടങ്ങി.
അവൾ അതുലുമായി കൂടുതൽ അടുത്തു. ഗൗതമിനോട് പോലും പറയാത്ത കാര്യങ്ങളും അവൾ അവനുമായി പങ്കുവെച്ചു. അതുലിന്റെ തുറന്ന സമീപനം അവളെ കൂടുതൽ കംഫർട്ടബിളാക്കി. അവൾക്ക് തോന്നി, അതുൽ തന്നെ ശരിക്കും മനസ്സിലാക്കുന്നുണ്ടെന്ന്. തനിക്കിപ്പോൾ ഗോകുലിനോട് തോന്നുന്നതിനേക്കാൾ കൂടുതൽ സ്വാതന്ത്ര്യം അതുലിനോട് തോന്നുന്നുണ്ടെന്ന് ചിത്രയുടെ മനസ്സ് മന്ത്രിച്ചു.
അങ്ങിനെ അവർ കോഫി കുടിച്ചും ചെറിയ സ്നാക്സ് കഴിച്ചും സമയം പോയതറിഞ്ഞില്ല. കോഫി ഷോപ്പിലെ മനോഹരമായ കാഴ്ചകളും അതുലിന്റെ കമ്പനിയും ചിത്രയെക് ഇഷ്ടപ്പെട്ടു. പതിവില്ലാത്തൊരു സന്തോഷവും സ്വാതന്ത്ര്യവും അവൾക്ക് തോന്നി. അവർ അവിടെ നിന്നും എഴുന്നേറ്റു വാഷ്റൂമിലേക്ക് നടന്നു.
“ഇപ്പോൾ കംഫർട്ടബിൾ ആണോ?” അതുൽ അവളുടെ കൈകളിൽ നിന്ന് പതിയെ കൈയെടുത്ത് ചോദിച്ചു. അവന്റെ കണ്ണുകളിൽ ആകാംഷയുണ്ടായിരുന്നു.
“അതെ, ഫൈൻ,” ചിത്ര ഒരു പുഞ്ചിരിയോടെ അവന്റെ തോളിൽ തട്ടി മറുപടി പറഞ്ഞു. അവളുടെ ശബ്ദത്തിൽ ആത്മവിശ്വാസമുണ്ടായിരുന്നു.
“എങ്കിൽ നമുക്കൊരു സെൽഫി എടുത്താലോ?” അതുൽ ഫോണെടുത്ത് വാഷ്റൂമിലെ കണ്ണാടിയിൽ നോക്കി ചോദിച്ചു. ചിത്ര സമ്മതിച്ചു. ചിത്ര അതുലിന്റെ അടുത്തേക്ക് ചെന്നു അവന്റെ കൈത്തണ്ടയിൽ പിടിച്ചു അവൾ അവനോട് ചേർന്നു നിന്ന് ചിരിച്ചു. അതുൽ ഒരു ചിത്രം എടുത്തു.