🍃ദൂരങ്ങളിലേക്ക് 🍃- 7 23

അവൻ സ്റ്റിയറിംഗിൽ നിന്ന് കണ്ണ് മാറ്റാതെ ചോദിച്ചു “എന്താണ്?”

“നാളത്തെ കല്യാണത്തിന്… നിനക്കൊരു ഡ്രസ് എടുക്കണം.”

ഫിലിപ്പ് ഒന്ന് ചിരിച്ചു.

“എനിക്ക് ഉള്ളത് മതി സാറേ… വേറെ വേണ്ട.”

ജിനി ഉടനെ തിരിഞ്ഞു.

“ഓഹോ, എനിക്ക് ഉള്ളത് മതി സാറാ!, ചുമ്മാ ക്ലാസിക് ഡയലോഗ് അടിക്കല്ലേ! നീയിപ്പോ ഞങ്ങളെ ഫാമിലിയാണ്. അത് മറക്കേണ്ട.”

അവൾ ചിരിച്ചു. കൂടെ സാറയും.

“കല്യാണത്തിന് പോകുമ്പോൾ ഇത്രയും ലളിതമായാണോ?”

സാറ അല്പം സീരിയസായി പറഞ്ഞു

“ഇത് വെറും dress അല്ല, നമ്മളാവണം center of attraction.”

ഫിലിപ്പ് ഒരു നിമിഷം അവളെ നോക്കി. “നിനക്കിഷ്ടമുള്ള പോലെ എടുക്കാം… പക്ഷേ സിമ്പിൾ ആയിരിക്കണം,”

അവൻ ഒടുവിൽ പറഞ്ഞു.

“Deal!” ജിനി കൈയടിച്ചു.

കാർ ഒരു ടെക്സ്റ്റൈൽ ഷോപ്പിന്റെ മുന്നിൽ നിർത്തി.

അകത്ത് കയറുമ്പോൾ തന്നെ ഒരു തണുത്ത എയർകണ്ടീഷൻ കാറ്റ് മൂവരെയും തഴുകി. ലൈറ്റുകൾ, നിറങ്ങൾ, neatly arrange ചെയ്ത ഷർട്ടുകളും പാന്റുകളും. എല്ലാം ഒരു ചെറിയ ലോകം പോലെ.

“മെൻസ് സെക്ഷൻ എവിടെയാണ്?” ജിനി ഒരു സ്റ്റാഫിനോട് ചോദിച്ചു.

അവരെ മുകളിലെ ഫ്ലോറിലേക്ക് കൊണ്ടുപോയി. സാറ ഷെൽഫുകൾക്കിടയിൽ പതുക്കെ നടന്നു. ഓരോ ഷർട്ടും അവൾ ശ്രദ്ധിച്ചു നോക്കി. നിറങ്ങൾ, ഡിസൈൻ, ഫാബ്രിക്. ഒന്നും അവൾ എളുപ്പത്തിൽ തിരഞ്ഞെടുക്കുന്നില്ല.

ഫിലിപ്പ് ഒന്ന് പിന്നിൽ നിന്നു. “ഇത്ര analysis വേണോ ഒരു ഷർട്ടിന്?” അവൻ ചിരിച്ചു.

“നിനക്ക് വേണ്ടതല്ലേ… അതുകൊണ്ട് വേണം,” സാറ മറുപടി നൽകി.

അവൾ ഒരു ഷർട്ട് എടുത്തു. ഇളം മഞ്ഞ നിറം, അതിൽ ചെറിയ പച്ച ചെക്ക് ഡിസൈൻ.

“ഇത് എങ്ങനെയുണ്ട്?” അവൾ ചോദിച്ചു.

ജിനി അടുത്ത് വന്നു നോക്കി. “ഇത് Perfect, ഇത് ചേട്ടന് സൂപ്പറായി മാച്ച് ചെയ്യും.”

സാറ അത് ഫിലിപ്പിന്റെ മുന്നിലേക്ക് പിടിച്ചു. “Try ചെയ്യൂ.”

ഫിലിപ്പ് ഒന്ന് മടിച്ചു. “ഇവിടെന്നോ?”

“അതെ, ട്രയൽ റൂം ഉണ്ടല്ലോ,” ജിനി പറഞ്ഞു.

അവൻ ഷർട്ട് എടുത്ത് ട്രയൽ റൂമിലേക്ക് നടന്നു.

സാറ പുറത്തു നിന്നു. അവളുടെ കണ്ണുകളിൽ ചെറിയൊരു ആവേശം. ജിനി അത് ശ്രദ്ധിച്ചു.

“നീ ഒരുപാട് interested ആണല്ലോ…” അവൾ കുസൃതിയോടെ പറഞ്ഞു.

സാറ ചെറുതായി ചിരിച്ചു. “അവൻ നല്ലതായി കാണണം… അത്ര മാത്രം.”

 

“എന്നാൽ ഞാനും കൂടെ നല്ലതായാലോ”. ജിനി ചോദിച്ചു.

 

‘നീയിപ്പോൾ ഒരുപാട് നല്ലതായാൽ നമ്മുടെ ബഡ്ജറ്റ് ഉയരും” സാറ ചിരിച്ചു കൊണ്ടു തമാശയായി പറഞ്ഞു.

 

“ഒരെണ്ണം സാറാ.” ജിനി കെഞ്ചി.

 

‘ശെരി, ഒന്നിൽ കൂടരുത്’

സാറ പറഞ്ഞു.

 

Okay, Understood. നീ ചേട്ടനെ ശ്രെദ്ധിക്ക്, ഞാൻ താഴെ ഉണ്ടാവും. ജിനി അതും പറഞ്ഞൂ പോയി.

 

കുറച്ച് നിമിഷങ്ങൾക്കകം ഫിലിപ്പ് പുറത്തിറങ്ങി.

ഷർട്ട് ധരിച്ചപ്പോൾ… അവൻ തന്നെ കുറച്ചു മാറിയപോലെ.

സാറ ഒരു നിമിഷം മിണ്ടാതെ നിന്നു.

ആ മഞ്ഞ നിറം… അവന്റെ സ്കിൻ ടോണിനോട് perfectly match ചെയ്തു. ചെറിയ പച്ച ചെക്കുകൾ… അവനെ കൂടുതൽ ഭംഗിയുള്ളവനാക്കി.

സാറ ഒന്നും പറഞ്ഞില്ല. അവൾ നോക്കികൊണ്ടിരുന്നു.

“എങ്ങനെയുണ്ട്?” ഫിലിപ്പ് ചോദിച്ചു.

അവൾ പതുക്കെ അടുത്തേക്ക് നടന്നു. ഷർട്ടിന്റെ കോളർ ഒന്ന് ശരിയാക്കി.

“ഇതാണ്. നിനക്ക് മാച്ച്” അവൾ പറഞ്ഞു. പിന്നെ പാന്റ് സെക്ഷനിലേക്ക് പോയി.

“Dark grey bootcut formal pant വേണം,. ലിനെൻ ടച്ച്‌ ബീയ്ജ് പാന്റും.” സാറ പറഞ്ഞു.

സെയിൽസ്മാൻ രണ്ടും കൊടുത്തു.

ഫിലിപ്പ് ട്രൈ ചെയ്യാൻ പോയി. പിന്നാലെ അവളും. ട്രയൽ റൂം അറ്റെന്റർ നമ്പർ 2 ടാഗ് കയ്യിൽ കൊടുത്തു. അവൾ അത് വാങ്ങി ഫിലിപ്പിന്റെ കൂടെ കയറി.

ആ ഒരു നീക്കം അവന് ഒട്ടും പ്രധീക്ഷിച്ചിരുന്നില്ല.

“സാറാ, പുറത്തു പോ. ആരേലും കണ്ടാൽ പ്രശ്നമാകും” അവൻ പറഞ്ഞു.

“പിന്നേ, ഇവിടെ ഉള്ളവർക്ക് നമ്മൾ ആരാണെണെന്ന് പോലും അറിയൂല, husband and wife എന്ന് കരുതിക്കോളും” സാറ മറുപടി പറഞ്ഞു.

 

“ജിനി അറിഞ്ഞാൽ മോശമാണ്”

 

‘അവളൊന്നും ഇവിടെ ഇല്ല, താഴെയാ. ദേ ചെക്കാ, കളിക്കാതെ ട്രൈ ചെയ്യ് ”