ഈ രാവിലും കൊതി തീരില്ല 13

 

 

“അമ്മ വാ… നമുക്ക് ഇരുന്ന് സംസാരിക്കാം…”..

 

 

സോഫയിലേക്കിരുന്ന് ശ്രീനി പറഞ്ഞു..

 

 

“എന്ത് സംസാരിക്കാൻ… ?..

എനിക്കൊന്നും കേൾക്കണ്ട… “..

 

 

സത്യഭാമ വാതിലിനടുത്ത് തന്നെ നിന്നു..

ശ്രീനി എഴുന്നേറ്റ് വന്ന് സത്യഭാമയുടെ കയ്യിൽ പിടിച്ചു.. പിന്നെ അൽപം നീക്കി നിർത്തി അവൻ മുൻവാതിലടച്ച് കുറ്റിയിട്ട് അവളെ പിടിച്ച് വലിച്ച് സെറ്റിയിലേക്കിരുത്തി..തന്റെ ദേഹത്ത് തൊട്ടതൊന്നും സത്യഭാമക്ക് തീരെ ഇഷ്ടമായില്ല..

 

 

“അമ്മ ഇവിടെ ഇരിക്ക്… ഞാൻ പറയട്ടെ… “..

 

 

അടുത്തിരുന്ന് ശ്രീനി പറഞ്ഞു..

 

 

“എനിക്കൊന്നും കേക്കണ്ട… നീ നിന്റെ പണി നോക്ക്… “..

 

 

എഴുന്നേൽക്കാനൊരുങ്ങിയ സത്യഭാമയെ അവൻ കയ്യിൽ പിടിച്ച് അവിടെത്തന്നെ ഇരുത്തി..

 

 

“ കേക്കണം… എനിക്ക് പറയാനുള്ളത് അമ്മയുടെ മോന്റെ കാര്യാ… “..

 

 

“അവന്റെ കാര്യം ഇനിയെന്ത് പറയാൻ… ?..

നോക്ക് ശ്രീനീ , നീ എന്തൊക്കെപ്പറഞ്ഞാലും അവളെ ഞാനീ വീട്ടിൽ കയറ്റില്ല… മനുഷ്യനെ പറഞ്ഞ് പറ്റിച്ചിട്ട്…..”..

 

 

“എന്റമ്മേ… നമുക്കാണ് ഇങ്ങിനെ ഒരവസ്ഥ വന്നിരുന്നതെങ്കിലോ… ?..

ഇതൊക്കെ ആർക്കും വരാവുന്നതാ…”..

 

 

“ഇല്ല… എനിക്ക് വരില്ല… ഞാൻ നല്ല സമ്പത്തുള്ള തറവാട്ടിൽ പിറന്നതാ…”..

 

 

അഹങ്കാരത്തോടെ സത്യഭാമ പറഞ്ഞു..

 

 

“ഉം…രമ്യയും നല്ല തറവാട്ടിൽ പിറന്നതാ… പക്ഷേ ഇടക്ക് വെച്ച് അവളുടെ അഛന്റെ ബിസിനസൊന്ന് ഡള്ളായി… എന്നാലും അദ്ദേഹമിപ്പോ പുതിയ ബിസിനസ് തുടങ്ങാനുള്ള ശ്രമത്തിലാ… അവരുടെ പ്രശ്നങ്ങളൊക്കെ തീരും അമ്മേ…”..

 

 

“നീയെന്തിനാ ശ്രീനീ അവർക്ക് വേണ്ടി വക്കാലത്ത് പറയുന്നത്…?”..

 

 

“ഞാൻ വക്കാലത്ത് പറഞ്ഞതല്ല അമ്മേ… ഒരു തെറ്റും ചെയ്യാതെയാ രമ്യ അവളുടെ വീട്ടിൽ പോയി നിൽക്കുന്നത്…”..

 

 

“ഹും… തെറ്റ് ചെയ്യാത്തവള്… അവളും അവളുടെ വീട്ട് കാരും ചേർന്ന് നുണ പറഞ്ഞ് എന്നെ പറ്റിച്ചില്ലേ…”..

 

 

“അതൊക്കെ ക്ഷമിക്കമ്മേ… അമ്മ മുൻകൈ എടുത്ത് രമ്യയെ വിളിച്ച് കൊണ്ട് വരണം…”..

 

 

സത്യഭാമ ക്രൂദ്ധയായി ശ്രീനിയെ നോക്കി..

 

 

“ നിനക്ക് വേറൊന്നും പറയാനില്ലല്ലോ…

നീ ചെല്ല്… എന്നെ ധിക്കരിച്ച് ഇറങ്ങിപ്പോയവളെ ഞാൻ വിളിച്ച് കൊണ്ടുവരണം പോലും… നടന്നത് തന്നെ…”..

 

 

“അമ്മേ… രമ്യയെ ഗോപി ഉപേക്ഷിച്ചാൽ അവന് വേറെ പെണ്ണ് കിട്ടുമെന്ന് അമ്മക്ക് തോന്നുന്നുണ്ടോ… ?”..

 

 

“ കിട്ടും… ഒന്നല്ല,പത്തെണ്ണം കിട്ടും എന്റെ മോന്… ഈ ബന്ധമൊന്ന് വേർപിരിഞ്ഞിട്ട് വേണം നല്ല അന്തസുള്ള തറവാട്ടീന്ന് ഞാനെന്റെ മോനെ കെട്ടിക്കും… “..

 

 

അഹന്തയോടെ സത്യഭാമ പറഞ്ഞു..

 

 

“ അത് നടക്കുമെന്ന് എനിക്ക് തോന്നുന്നില്ല… “..

 

 

സംയമനത്തോടെ ശ്രീനി പറഞ്ഞു..

 

 

“എന്താ… എന്താ നടക്കാത്തേ… ?..

എന്റെ മോൻ നല്ല തറവാട്ടിൽ പിറന്നവനല്ലേ… ?.

അവൻ കാണാൻ കൊള്ളില്ലേ…?..

അവന് നല്ലൊരു ജോലിയില്ലേ… ?.

എന്തിന്റെ കുറവാ അവനുള്ളത്… ?”..

 

 

മകന്റെ ഗുണഗണങ്ങൾ സത്യഭാമ എണ്ണിപ്പറയുന്നത് കേട്ട് ശ്രീനിയൊന്ന് ചിരിച്ചു.. അതിലൊരു പുഛമില്ലേന്ന് തോന്നിയ സത്യഭാമക്ക് കലി കയറി..

 

 

“എന്തായാലും നിന്നെപ്പോലെ ഭാര്യയെ പണിക്ക് വിട്ട് ജീവിക്കേണ്ട ഗതികേടൊന്നും എന്റെ മോനില്ല… അവന് നല്ലൊന്നാന്തരം സർക്കാർ ജോലിയുണ്ട്…”..

 

 

ശ്രീനി വീണ്ടും ചിരിച്ചു..

 

 

“അമ്മേടെ മോൻ എല്ലാം കൊണ്ടും യോഗ്യനാ… നല്ല തറവാട്ടിൽ പിറന്നവനാ… നല്ല സുന്ദരനാ… നല്ല ജോലിയുമുണ്ട്… പക്ഷേ ഒന്നില്ല… ഒരു ഭാര്യക്ക് അത്യാവശ്യം വേണ്ടത് അവനില്ല…”..

 

 

ഒന്നും തുറന്ന് പറയാൻ കരുതിയില്ലെങ്കിലും സത്യഭാമയുടെ ധാർഷ്ട്യം കണ്ട് ഒരു സൂചനയെങ്കിലും കൊടുക്കാതിരുന്നാൽ ശരിയാവില്ലെന്ന് തോന്നി..