അമ്മയുടെയും മോളുടെയും അവസ്ഥ ഒന്ന് തന്നെയാന്ന് പറഞ്ഞതിൽ ചില സംഗതികൾ ശ്രീനി ഊഹിച്ചെടുത്തു..
“സാരമില്ലമ്മേ… എല്ലാം ശരിയാകും…
ഞാനവനോട് ഒന്നുകൂടി സംസാരിക്കാം… രമ്യയെ അമ്മ പറഞ്ഞ് മനസിലാക്കിയാ മതി…”.
ശ്രീനി പോകാനായി എഴുന്നേറ്റു..
“നീ ഇടക്കിങ്ങോട്ട് വരണേ ശ്രീനീ… നീ വരുമ്പോഴാ എന്റെ മോളൊന്ന് ചിരിച്ച് കാണുന്നത്…”..
“ വരാം അമ്മേ… ഞാനിടക്ക് വരാം… “..
ശ്രീനി മുറ്റത്തേക്കിറങ്ങി ബൈക്കിൽ കയറി..ആ വണ്ടി മുറ്റം കടന്ന് റോഡിലേക്കിറങ്ങി കണ്ണിൽ നിന്ന് മറയുന്നത് വരെ ചിത്ര നോക്കി നിന്നു..എന്തിനെന്നറിയാത്ത ഒരു നിരാശ അവൾക്ക് തോന്നി.. മുറിയിലെ ജനലിലൂടെ ശ്രീനി പോകുന്നത് നോക്കി നിന്ന രമ്യക്കും ആ നിരാശയുണ്ടായി..
✍️…” അമ്മ സമ്മതിക്കില്ല
അളിയാ..”.
ഗോപി പിന്നെയും പറഞ്ഞത് തന്നെ പറഞ്ഞു..
“എന്റെ അളിയാ… അളിയന് നല്ലൊരു ജോലിയില്ലേ… ?..
ഒരു പെണ്ണിനെ പോറ്റാനുള്ള
കഴിവില്ലേ… ?..
പിന്നെന്തിനാ അളിയാ ഇനിയും ഈ അമ്മയെ പേടിച്ചിരിക്കുന്നത്… നിന്റെ ജീവിതമല്ലേ… അത് നിനക്ക് തീരുമാനിച്ചൂടെ… ?”..
ഗോപി ജോലി കഴിഞ്ഞ് വരുന്ന വഴിക്ക് അവനോട് സംസാരിക്കുകയാണ് ശ്രീനി.. അവനെല്ലാരോടും ഒരു ഒത്തുതീർപ്പിനായി മാറി മാറി സംസാരിക്കാൻ കാരണം രാധികയാണ്.. അവൾ ഭർത്താവിന് കൊടുത്ത ടാസ്കാണ് ആങ്ങളെയേയും നാത്തൂനേയും ഒരുമിപ്പിക്കണമെന്ന്..ഖത്തറിലിരുന്ന് അവളും പരമാവധി ശ്രമിക്കുന്നുണ്ട്.. രമ്യയെ അവൾ നേരിട്ട് കണ്ടിട്ടില്ലെങ്കിലും അവർ തമ്മിലിപ്പോ നല്ല ബന്ധമാണ്..എന്നും അവർ തമ്മിൽ ഫോണിൽ സംസാരിക്കും..
“എനിക്ക് രമ്യയെ കൂട്ടിക്കൊണ്ട് വരണമെന്നൊക്കെ ഉണ്ടളിയാ…”..
“പിന്നെന്താ തടസം… ?”..
“അത്… അമ്മ…”..
“എന്റളിയാ… അളിയനിത് ഏത് ലോകത്താ… ?..
ഇങ്ങിനെയുണ്ടോ ഒരു
അമ്മയെപ്പേടി… ?”..
“ പേടിയല്ല അളിയാ…എനിക്കമ്മയെ ധിക്കരിക്കാൻ കഴിയില്ല…”..
എന്ത് പറഞ്ഞിട്ടും ഗോപി അടുക്കുന്നില്ല..
“നിനക്ക് രമ്യയോടൊപ്പം ജീവിക്കണമെന്നുണ്ടോ…?”..
“ഉം… അതൊക്കെയുണ്ട്… “..
“എന്നാ അമ്മയെ ഞാനെങ്ങനേലും പറഞ്ഞ് സമ്മതിപ്പിച്ചോളാം… പക്ഷേ,
നീ രമ്യയെ ഒന്ന് കാണാൻ പോണം… പറ്റിയാ നാളെത്തന്നെ… “..
“അയ്യോ അളിയാ, അമ്മ
അറിഞ്ഞാ… “..
“അമ്മ അറിഞ്ഞാ ഒലക്ക… നീ നാളെത്തന്നെ പോയി രമ്യയെ കാണണം… പറ്റിയാ ഒരു ദിവസം അവിടെ താമസിക്കണം…”..
അത് കേട്ട് ഭീതിയോടെ ഗോപി, ശ്രീനിയെ നോക്കി..
“എന്തേ… ?.. അവളുടെ വീട്ടിൽ ഒരു ദിവസം താമസിക്കാൻ വയ്യേ
നിനക്ക്… ?”..
“ അതല്ലളിയാ… അമ്മ അറിഞ്ഞാ…?”..
“അമ്മ അറിഞ്ഞാലല്ലേ… അമ്മ അറിയാതെ നിൽക്കാനുള്ള വഴി ഞാൻ പറഞ്ഞ് തരാം… നിനക്കവിടെ നിൽക്കുന്നതിൽ എന്തേലും എതിർപ്പുണ്ടോ… ?”..
ഗോപി ഇല്ലെന്ന് തലയാട്ടി…
✍️…” നാളെ രാത്രി നല്ല സൽക്കാരം ഒരുക്കണം ട്ടോ അമ്മേ… മരുമോൻ വിരുന്നിന് വരുന്നുണ്ട്… “..
ഫോണിലൂടെ ചിത്രയോട് സംസാരിക്കുകയാണ് ശ്രീനി.. നേരം രാത്രി പത്ത് മണിയായിട്ടുണ്ട്..രമ്യയുടെ അഛൻ ഇനിയും വീട്ടിലെത്തിയിട്ടില്ല.. പൊട്ടിപ്പോയ ബിസിനസ് രണ്ടാമത് തുടങ്ങാനായുള്ള ഓട്ടത്തിലാണയാൾ.. പാതിരാത്രി എപ്പഴേലുമാണ് വീട്ടിലെത്തുക.. രമ്യയും,ചിത്രയും ഭക്ഷണം കഴിച്ചിട്ട് കിടക്കുകയാണ്..
“ അത് വേണോ ശ്രീനീ… മോളത് സമ്മതിക്കുംന്ന് തോന്നുന്നില്ല…”..
“ അതമ്മ പറഞ്ഞ് സമ്മതിപ്പിച്ചാ
മതി… ഗോപിയെ ഞാൻ പറഞ്ഞ് സമ്മതിപ്പിച്ചില്ലേ… അത് പോലെ രമ്യയെ അമ്മയും പറഞ്ഞ് സമ്മതിപ്പിക്ക്… അവര് രാത്രി ഒന്നിച്ച് കഴിയട്ടെ..”..
“ ഇത് വാടക വീടല്ലേ ശ്രീനീ… മരുമോന് വന്ന് താമസിക്കാനുള്ള സൗകര്യമൊന്നും ഇവിടില്ല… “..
Valare mikacha kadhayanu,ithu continue cheythu pokuka…. Othiri kalangalkku sesham aanu feel ulla oru kadha vaayichathu.