പെട്ടെന്ന് ഫൈറു എന്തോ ഓർത്ത പോലെ ടാ… പ്രോട്ടക്ഷൻ ഉണ്ടായിരുന്നോ…
ഇല്ലെടാ.. ഈ അടുത്തായി ദൈവം ഒരു തരത്തിലും എന്നെ പ്രോട്ടക്ട് ചെയ്യാറില്ല…
ഏ.. നീ എന്താ ഏ പറയുന്നേ…
ആ ചാപ്റ്റർ തീർന്നു….
എന്ത് ചാപ്റ്റർ…
ഷാഹി എന്ന ചാപ്റ്റർ…
എന്തെ.. എന്ത് പറ്റി
ഞാൻ എല്ലാം പറഞ്ഞു…
ഫാരി… അവൾ ദേഷ്യം കൊണ്ട് വിറച്ചു….
നീ എന്താ ഏ കാണിച്ചേ…പാവം അവൾ എത്ര മോഹിച്ചത് ആണ് നിന്നെ
അപ്പോൾ നീയോ ഫൈറു…. എന്റെ കണ്ണും നിറയുന്നുണ്ടായിരുന്നു
അവൾ തലയിണയിലേക്ക് വീണു കൈ കൊണ്ട് കണ്ണ് മറച്ചു പിടിച് കരയാൻ തുടങ്ങി… ഞാനാ എല്ലാത്തിനും കാരണം…
ഞാൻ വിളിക്കാം അവളെ…
വേണ്ട.. വിളിക്കണ്ട…
ടാ അവൾ എങ്ങിനെ സഹിക്കും ഇത്… എപ്പോളും അവളുടെ ജീവിതത്തിൽ ഇത് ഉണ്ടാവും….
അറിയാം ഒരു സങ്കടം ആയിട്ട്…
പക്ഷെ എനിക്കോ അവളെ തൊടുന്ന ഓരോ നിമിഷവും… നീ എന്റെ മനസ്സിൽ മിന്നി മായും ഉരുകി ഉരുകി ഞാനും ഇല്ലാതെ ആവും…
ഫാരി.. മണ്ടത്തരം പറയല്ലേ എന്നെ കല്യാണം കഴിച്ചാൽ അവളെ കുറിച് നീ ഓർക്കില്ല എന്നാണോ… പറ്റില്ല നിനക്ക് അവളുടെ ആ കണ്ണും.. ചിരിയും ഒന്നും നിനക്ക് മറക്കാൻ ആവില്ല…
വേണ്ട… കല്യാണം ഞാൻ കഴിക്കുന്നില്ല….
എന്റെ ഹൃദയത്തിൽ നാല് അറകൾ ഉണ്ട് അവിടെ നിങ്ങളെ രണ്ടാളെയും ചേർത്ത് വച് ഞാൻ ജീവിക്കും അധിക കാലം ഒന്നും ഉണ്ടാവില്ല…. ഫൈറു… ഞാൻ തീരും….
ഫാരി നിർത്ത്….
ഞാൻ ഒന്നും പറയാതെ പുറത്തേക് പോയി
പാർക്കിങ്കിൽ ഇരുന്ന് ഓരോ ചിന്തകൾ കൊണ്ട് പ്രാന്ത് പിടിക്കാൻ തുടങ്ങി….
സിഗരറ്റുകൾ താഴെ വീണ് കൂഭാരമായി… ഒരു സിഗരറ്റിന്റെ അറ്റത്തെ കനൽ കെടുമ്പോളും എന്റെ നെഞ്ചിലെ കനൽ കെടാതെ ബാക്കിയായി…
രാവിലെ ഫൈറു വിനെ വീട്ടിൽ ആക്കി ഞാൻ ഉമ്മയോട് യാത്ര പോകാൻ ഉണ്ട് എന്ന് പറഞ് വീട്ടിൽ നിന്ന് ഇറങ്ങി… നേരെ കമ്പനിയിൽ പോയി അവിടെ കിടന്നു…..
രണ്ട് ദിവസം അവിടെ തന്നെ ആയിരുന്നു…. ഭക്ഷണം കഴിക്കാൻ പൊലും ശ്രമിച്ചില്ല…
പെട്ടെന്ന് എനിക്കൊരു മെസ്സേജ് വന്നു…
8600 is credited to your account
അത് ഷാഹി അയച്ചത് ആയിരുന്നു… അവളെ ഹോസ്പിറ്റലിൽ അന്ന് അടച്ച പൈസ… അതിന്റെ ഒരു സ്ക്രീൻ ഷോട്ട് അവൾ എനിക്ക് അയച് തന്നു
ഞാൻ താങ്ക്സ് എന്ന് റിപ്ലൈ ഇട്ടു… ഞാൻ എല്ലാം നഷ്ടപ്പെട്ടവനെ പോലെ അവിടെ ഇരുന്ന് ഉറക്കെ ചിരിച്ചു…
രണ്ട് ദിവസം കഴിഞ്ഞ് ഉമ്മാ വിളിച്ചു… എവിടെ നീ വരുന്നില്ലേ രണ്ട് ദിവസം ആയല്ലോ ഉമ്മാനെ ഒന്ന് ഫോൺ വിളിക്കാൻ പൊലും തോന്നിയില്ലേ….
ഞാൻ വരാം ഉമ്മാ…
ഞാൻ രാത്രി വീട്ടിലേക്ക് ചെന്നു…
ഇതെന്ത് കോലം ആണെടാ… നീ അന്ന് പോകുമ്പോൾ ഇട്ട ഷർട്ട് തന്നെ അല്ലെ ഇത്… എന്താ പറ്റിയെ മോനെ സുഖമില്ലേ വല്ലാതെ ക്ഷീണിച്ചു….
വാ വന്ന് കുളിച് ഭക്ഷണം കഴിക്ക്….
വേണ്ട ഉമ്മാ വിശപ്പില്ല…
മോൻ വാ ഇവിടെ ഇരിക്ക് എന്താ എന്റെ മോന് പറ്റിയെ
ബിസിനസ് ചെയ്യാൻ പൈസ ഇല്ലാഞ്ഞിട്ടാണോ…
ടാ അതിനല്ലേ ഉമ്മയുടെ സ്വർണ്ണം ഒരു 10 പവൻ വിറ്റതീരുന്ന പ്രശ്നം അല്ലെ ഉള്ളു…
അതൊന്നും അല്ല ഉമ്മാ
എന്നാ മോൻ ഉമ്മയോട് തുറന്ന് പറ
ഞാൻ ഉമ്മയുടെ മടിയിൽ കിടന്ന് കുറേ കരഞ്ഞു… പിന്നെ എല്ലാം പറഞ്ഞു….
യാ അല്ലാഹ്… ഉമ്മയും എന്റെ കൂടെ കരഞ്ഞു…
മോൻ അതൊന്നും ഇപ്പോൾ ഓർക്കേണ്ട എല്ലാം പടച്ചോൻ ശരിയാക്കി തരും…
വാ മോൻ ഒന്ന് ഉറങ്…
രാത്രി ഞാൻ ഉറങ്ങിയില്ല ഉറക്കം വന്നില്ല സിഗരറ്റുകൾ വലിച് വലിച് എന്റെ കണ്ണ് ഒക്കെ ചുവപ്പായി…
ഉമ്മാ രാവിലെ ഭക്ഷണം കഴിക്കാൻ വിളിച്ചപ്പോൾ ഞാൻ താഴേക്ക് ചെന്നു….
നീ സിഗരറ്റ് വലിച്ചോ…
ടാ പറ…
ഞാൻ തല കുനിച്ചു നിന്നു…
എന്താ എന്റെ മോന്റെ ഭാവം നശിക്കാൻ ആണോ… വിധിച്ചത് എന്താണോ അതെ ലഭിക്കു എന്റെ മോൻ അത് മദ്രസയിൽ പഠിച്ചത് അല്ലെ…
മോനെ നീ ഇതിൽ ആരെ കെട്ടിയാലും നിന്റെ മനസ്സ് ശാന്തം ആവില്ല…. നീ രണ്ടാളെയും മറക്ക് എന്റെ മോന്റെ മനസ്സ് ഓക്കേ ആവുമ്പോൾ നല്ലൊരു പെണ്ണിനെ ഉമ്മാ കൊണ്ട് തരും… ഇതിന് അതെ ഒരു വഴി ഉമ്മാ കാണുന്നുള്ളൂ മോനെ…. ഉമ്മാക്ക് നീ മാത്രമേ ഉള്ളു… അത് നീ മറക്കരുത് ഉമ്മാ കരഞ് കൊണ്ട് ഉള്ളിലേക്കു പോയി…