ജെയ്സൻ അവള് ആസ്വദിച്ച് ഭക്ഷണം കഴിക്കുന്നത് കൗതുകത്തോടെ നോക്കി ഇരുന്ന് ചിരിച്ചു.
” ഈ അരി നമുക്കവിടെ നാട്ടിൽ കിട്ടുന്ന പോലല്ല വേവ് കുറവാ അതാ വെന്ത് പോയത്”
“അതെങ്ങിനെ നിനക്കറിയാം , നീ പറേണ കേട്ടാൽ തോന്നുല്ലൊ നീ ഉണ്ടാക്കിയതാന്ന് ”
അവളൊരു പുച്ഛ ഭാവത്തോടെ അവനെ നോക്കി .ജെയ്സൻ ചിരിച്ചു കൊണ്ട് ഭക്ഷണം കഴിച്ചു.
” നീ എന്തിനാ ചിരിക്കുന്നത് ?”
” ഹേയ് ഒന്നൂല്ല കഴിക്ക് , കഴിക്ക് ”
അവൾ ആസ്വദിച്ച് തന്നെ ഭക്ഷണം കഴിച്ചു.
” എൻ്റെ ദൈവമേ ഇങ്ങിനെ വല്ലതും വച്ചുണ്ടാക്കാൻ കഴിവുള്ളൊരുത്തനെ നിനക്കെന്നെക്കൊണ്ട് കെട്ടിച്ചൂടായിരുന്നൊ ,…”
ജെയ്സനൊന്ന് വിക്കിപ്പോയി , പിന്നെ അവന് ചിരി അടക്കാൻ പറ്റാതെ ചുമച്ചു. സ്നേഹ എഴുന്നേറ്റ് അവൻ്റെ തലയിൽ തട്ടിക്കൊണ്ട് വെള്ളമൊഴിച്ച് കുടിക്കാൻ കൊടുത്തു. പിന്നെ ഇരുന്ന് കുറച്ചു കൂടി ചോറെടുത്തുകൊണ്ട് ചിക്കൻ പാത്രത്തിൽ നോക്കി രണ്ട് മൂന്ന് കഷ്ണം ബാക്കിയുണ്ട് പക്ഷെ അവൾ അതിനെ ഒതുക്കി വച്ചിട്ട് കുറച്ച് ഗ്രേവി എടുത്തു.
“ചിക്കൻ അത്ര ടേസ്റ്റ് ഉണ്ടെന്ന് പറഞ്ഞിട്ട് എന്താ ഇയാള് എടുക്കാത്തെ .. എന്നെക്കരുതി ആണെങ്കിൽ വേണ്ട ഞാൻ നിർത്തി ഇയാള് കഴിക്ക് ”
” ഉവ്വ അൻ്റെ സമ്മതം വേണം പോടെർക്ക ഇതെൻ്റെ ആര്യേച്ചിക്കാണ് വല്ലപ്പോഴുമാ ഇങ്ങിനെ നല്ല ടേസ്റ്റുള്ള വല്ലതുമൊക്കെ കിട്ടണത് , അപ്പൊ അതിന് കൊടുത്തില്ലേൽ പാവം കിട്ടും ”
” ഓഹ് ആര്യക്കുള്ളത് ഞാൻ മാറ്റി കിച്ചണിൽ വച്ചിട്ടുണ്ട് അതുകൊണ്ട് വല്ല്യ ഷോ ഇറക്കാതെ വേണേൽ കഴിക്ക് , ഞാനെന്തായാലും എണീക്കുവാ ”
ജെയ്സൻ മെല്ലെ പാത്രവുമെടുത്ത് കിച്ചൺ ലക്ഷ്യമാക്കി നടന്നു , തിരിഞ്ഞ് നടക്കണ ജെയ്സനെ നോക്കി അവൾ കൊഞ്ഞനം കുത്തി. പിന്നെ ഭ്രാന്തമായ ആവേശത്തോടെ ആ ചിക്കൻ പാത്രം വടിച്ചെടുത്തു ആസ്വദിച്ച് കഴിച്ചു.
” ആഹ്….. ഇനി പാത്രം കഴുകണ്ടല്ലൊ നക്കി തുടച്ചിട്ടുണ്ടല്ലോ ”
“പോയെ പോയെ…”
ജാള്യതയോടെ സ്നേഹ ജെയ്സനെ നോക്കി ചിരിച്ചു. ജെയ്സൻ ഹാളിലെത്തി സോഫയിലേക്കമർന്നു ഫോണെടുത്ത് അതിലേക്ക് കണ്ണു നട്ടു. കഴിച്ചു കഴിഞ്ഞ പ്ലേറ്റുമായി അടുക്കളയിലെത്തിയ സ്നേഹ അടുപ്പിന് മുകളിലിരിക്കുന്ന പാത്രങ്ങൾ കണ്ട് ഒന്ന് അമ്പരന്നു.
” അടുക്കളയിൽ ആരോ പണിതിട്ടുണ്ടല്ലോ ?”
അവൾ പാത്രങ്ങൾ തുറന്നു നോക്കി , കിച്ചണാകെ ചിക്കൻ കറിയുടെ മണം നിറഞ്ഞു. പിന്നെ അടുത്ത പാത്രത്തിൽ നല്ല നെയ്ച്ചോറും. അവളൊന്ന് ഞെട്ടി , വിശ്വാസം വരാതെ ഒരു നിമിഷം അവൾ അവനടുത്തേക്കോടി.
” ഡോ …..”
ജെയ്സൻ തല ഉയർത്തി സ്നേഹയെ നോക്കി
“താനാണോ ഇത് പാചകം ചെയ്തത് ”
അതേന്നവൻ തല കുലുക്കിക്കൊണ്ട് ചിരിച്ചു. അവൾ വിശ്വസിക്കാൻ പാടു പെടുന്നത് അവളുടെ മുഖത്ത് പ്രകടമായിരുന്നു.
” ഇത്രയും കളിയാക്കിയിട്ടും താൻ പിന്നെന്താ ഒന്നും മിണ്ടാതിരുന്നത് ?”
“അതിൻ്റെ ആവശ്യം ഉണ്ടെന്ന് തോന്നിയില്ല , താനത് ആസ്വദിച്ച് കഴിക്കുന്നത് കാണാൻ തന്നെ ഒരു രസമായിരുന്നു , ഞാനത് എൻജോയ് ചെയ്തു.”
“എന്നാലും ഒരു വാക്ക് പറഞ്ഞിരുന്നേൽ , എടാ ആം സോറി റിയലി സോറി”
സ്നേഹയുടെ മുഖത്ത് കുറ്റബോധം നിഴലിച്ചു ചുരുങ്ങുന്നത് അവനറിഞ്ഞു.
.
“ഹേയ് അതൊന്നും പ്രശ്നമില്ല ഞാൻ പറഞ്ഞില്ലെ ഞാനത് എൻജോയ് ചെയ്യുവായിരുന്നു.ഒരാള് നമ്മടെ കുക്കിംഗ് നല്ലതാന്ന് പറഞ്ഞ് ആസ്വദിച്ച് കഴിക്കുന്നത് കാണാൻ തന്നെ ഒരു രസമല്ലെ”
” എന്നാലും നിനക്കിതൊക്കെ എങ്ങിനറിയാം അല്ലാ…. സാധനങ്ങൾ എവിടുന്ന് കിട്ടി , ഇതൊന്നും ഇവിടുണ്ടായിരുന്നില്ല ”
” ഞാനൊന്ന് നടക്കാനിറങ്ങിയത അന്നേരമാണ് ആര്യ വിളിച്ചത് വരാൻ ലേറ്റാകും പുറത്തൂന്ന് ഫുഡ് വാങ്ങാൻ, തന്നെ വിളിച്ചിട്ട് കിട്ടുന്നുണ്ടായിരുന്നില്ലല്ലൊ , ഞാൻ അപ്പൊ ചോദിച്ചിരുന്നു എന്താ തനിക്ക് ഇഷ്ടമെന്ന് ഇയാള് നെയ്യ്ച്ചോറിൻ്റേയും ചിക്കൻ്റേയും ഫാൻ ആണെന്ന് പറഞ്ഞു പിന്നെ കുറേ റെസ്റ്റോറിൻ്റിൽ കയറി നോക്കി കിട്ടീല വേറെ വഴി ഇല്ലാതെ അടുത്ത സൂപ്പർ മാർക്കറ്റിൽ കയറി സാധനങ്ങൾ വാങ്ങി ”
Bro adipoli ayetundu eitu pola nalla length ayatu sex + love enna pola munnotu potte nice bro