മനസ്സിലെ പേടി മാറ്റി ആനി ഗൗരവത്തോടെ പാപ്പിയുടെ മുഖത്തു നോക്കി.
” ച്ചി… വാ തുറന്ന് പറയെടി പെഴച്ചവളെ… ”
കൂടുതൽ കൂടുതൽ ദേഷ്യപ്പെട്ടു.
” ഇതിന്റെ ഉത്തരവാദി ആരാണെന്ന് അറിഞ്ഞാൽ താൻ അവനെ എന്ത് ചെയ്യും…? ”
ആനി അവന്റെ മുഖത്തു നോക്കി ചോദിച്ചു.
” വേണ്ടി വന്നാൽ കൊന്നു കളയും ”
പാപ്പിയുടെ മറുപടി കെട്ട് ആനി പുച്ഛ ഭാവത്തിൽ ചിരിച്ചു.
” എന്താടി ചിരിക്കൂന്നേ..? ചിരിച്ചും, കളിച്ചും, തമാശ പറഞ്ഞും നടക്കുന്ന പാപ്പിയെ മാത്രേ നീ കണ്ടിട്ടുള്ളു. കൊണ്ടും, കൊടുത്തും അറപ്പ് തീരാത്ത വേറൊരു മുഖം കൂടിയുണ്ട് എനിക്ക്.. ”
വീണ്ടും അവൾ പുച്ഛിച്ച് മുഖം തിരിച്ചു. ഇത് കൂടിയായപ്പോൾ പാപ്പിയുടെ മുഴുവൻ കണ്ട്രോളും നഷ്ടപ്പെട്ടു. വലതു കൈ ഉയർത്തി അവളെ അടിക്കാൻ ഓങ്ങി. ആനി എങ്ങനെയൊക്കെയോ ഒഴിഞ്ഞു മാറി. പാപ്പി വീണ്ടും കൈ ഓങ്ങി. ഇത്തവണ ഉന്നം പിഴച്ചില്ല, അവളുടെ ഇടതു കവിൾ പൊളിഞ്ഞു. പാപ്പിയുടെ വിരലടയാളം അവിടെ പതിഞ്ഞു. ദേഷ്യവും വേദനയും കൊണ്ട് അവളുടെ മുഖം ചുവന്നു തുടുത്തു, കണ്ണുകളൊക്കെ കലങ്ങി.
” നിങ്ങൾ എന്നെ തല്ലി അല്ലേ…എങ്കിൽ കേട്ടോ എന്റെ വയറ്റിൽ വളരുന്ന കുഞ്ഞിന്റെ അച്ഛൻ ഞാൻ ട്യൂഷൻ പഠിപ്പിച്ച വിദ്യാർത്ഥി വിധുവാ…”
അവൾ വാശിയോടെ പറഞ്ഞു.
അവള് പറഞ്ഞത് കേട്ട് പാപ്പി ഞെട്ടി.
ഒന്നും മിണ്ടാനാവാതെ ശിലകണക്കായി.
” ഈ കാര്യം പുറത്ത് അറിഞ്ഞാൽ അതിന്റെ മാനക്കേട് നിങ്ങൾക്കാ… നാട്ടുകാരുടെയും, വീട്ടുകാരുടെയും മുൻപിൽ നാണം കെടും, പുറത്തിറങ്ങി നടക്കാൻ പറ്റാത്ത അവസ്ഥയാകും.. എന്ത് വേണമെന്ന് നിങ്ങള് തീരുമാനിക്ക്.. “
ആനി കടുപ്പിച്ചു പറഞ്ഞു.
ഇത് കൂടി കേട്ടപ്പോൾ പാപ്പി കാറ്റ് പോയ ബലൂണ് പോലായി. എനി എന്ത് ചെയ്യണമെന്ന് അറിയാതെ അവൻ മുറി വിട്ട് പോയി.
ഒറ്റപെട്ട കുന്നിൻ ചെറുവിൽ വിഷമിച്ചിരിക്കുകയാണ് പാപ്പി. പതിയെ അവന്റെ വിഷമം മാറി ദേഷ്യമായി മാറി. ആനിയോടും, വിധുവോടും കടിച്ചമർത്താൻ പറ്റാത്ത പക ഇരച്ചു കയറി. ആ വിധു അവനാണ് എല്ലാറ്റിനും കാരണം ആദ്യം അവന് പണി കൊടുക്കണം, എന്നിട്ട് ആനിയുടെ വയറ്റിൽ വളരുന്ന അവന്റെ കുഞ്ഞിനെ എങ്ങനെയെങ്കിലും വകവരുത്തണം. പാപ്പിയുടെ മനസ്സിൽ ദുഷ്ട ചിന്തകൾ മിന്നി മറിഞ്ഞു.
വൈകുന്നേരം സ്കൂൾ പിള്ളേരെ വായിനോക്കാൻ ഇറങ്ങിയതാണ് ആൽഫിയും, മനുവും. ഈ നേരം സോഫി ടീച്ചർ അവരുടെ അടുത്തെത്തി.
ടീച്ചറെ കണ്ടയുടനെ രണ്ടുപേരും ഒന്ന് പരുങ്ങി. അവര് വായി നോക്കാൻ വന്നതാണെന്ന് സോഫിക് മനസ്സിലായി.
” എന്താ രണ്ട് പേരും ഈ സമയത്ത് ഇവിടെ..? ”
സോഫി ചോദിച്ചു.
” അത് പിന്നെ ടീച്ചറെ… ഇവിടെ അടുത്ത് ഒരു ഫ്രണ്ടിനെ കാണാൻ വന്നതാ… ”
ആൽഫി മനസ്സിൽ തോന്നിയ കള്ളം തട്ടിവിട്ടു.
” എന്നിട്ട് ഫ്രണ്ടിനെ കണ്ടോ ? ”
സോഫി കുസൃതിയോടെ ചോദിച്ചു.
” അത്.. അത്.. ഇല്ല.. അവൻ ഇപ്പൊ വരുവായിരികും… ”
അൽഫി വിക്കിക്കൊണ്ട് പറഞ്ഞു.
സോഫി ഇരുവരുടെയും മുഖത്ത് നോക്കി ചിരിച്ചു. ടീച്ചർ എന്തിനാണ് ചിരിക്കുന്നതെന്ന് മനസ്സിലാകാതെ അവർ പരസ്പരം നോക്കി.
” എന്റെ പിള്ളേരെ എന്തിനാ വെറുതെ എന്നോട് കള്ളം പറയാൻ നോക്കുന്നെ ? ഒന്നുമില്ലേലും 3,4 വർഷം നിങ്ങളെ പഠിപ്പിച്ച ടീച്ചർ അല്ലെ ഞാൻ. നിങ്ങളിവിടെ വന്നതിന്റെ ഉദ്ദേശം എനിക്ക് മനസിലായി. സ്കൂള് വിട്ട് പോകുന്ന പിള്ളേരെ വായി നോക്കാനല്ലേ.. ”
സോഫി കളിയാക്കികൊണ്ട് പറഞ്ഞു.
” അങ്ങനൊന്നും ഇല്ല ടീച്ചറെ ”
ഇരുവരും ചമ്മിക്കൊണ്ട് പറഞ്ഞു.
” ഉവ്വ്.. ”
ടീച്ചർ വീണ്ടും കളിയാക്കി.
എനി ഇവിടെ നിന്നാൽ ടീച്ചറുടെ മുൻപിൽ നാണംകെട്ട് തൊലി ഉരിയുമെന്ന് അവർക്ക് മനസ്സിലായി.
” ഞങ്ങള് പൊക്കോട്ടെ ടീച്ചറെ… സമയം ഇത്രയും വൈകിയ സ്ഥിതിക്ക് ഫ്രണ്ട് എനി വരുമെന്ന് തോന്നുന്നില്ല.. ”
അതും പറഞ്ഞ് അവർ പോകാൻ ഒരുങ്ങി.
” അവിടെ നിൽക്ക്.. ”
സോഫി പറഞ്ഞു.
” എന്താ ടീച്ചറെ…? ”
” വിധു എവിടെ..? അവൻ നിങ്ങടെ കൂടല്ലേ ഉണ്ടാവാറ്.. അവനെ ഇപ്പൊ കാണാറേ ഇല്ലല്ലോ…”
സോഫി ചോദിച്ചു.