“ഡാ, സുമേഷേ നീ എന്താ ഇപ്പോൾ എന്നോട് സംസാരിക്കാത്തെ..”
“അത് പിന്നെ എൻ്റെ തീരുമാനമല്ല അന്ന, ഹോസ്റ്റലിൽ എല്ലാവരും കൂടി അങ്ങനെ തീരുമാനിച്ചപ്പോൾ ഞാനും കൂടി എന്നേ ഉള്ളു”
“എൻ്റെ നല്ലൊരു ഫ്രണ്ട് ആയിട്ടു കൂടി നീ സംസാരിക്കാതെ ആയപ്പോൾ എനിക്ക് വിഷമമായടാ “
അവൾ സങ്കടം നടിച്ചു കൊണ്ട് പറഞ്ഞു.
“അത് പിന്നെ അന്ന അന്ന് അർജ്ജു ചേട്ടൻ്റെ അടുത്ത് അങ്ങനെ ചെയ്തത് കൊണ്ടല്ലേ ഞങ്ങൾ “
“ശരിയടാ എൻ്റെ തെറ്റാണ് പക്ഷേ അതിനുള്ള ശിക്ഷയും എനിക്കവൻ തന്നെ തന്നില്ലേ പിന്നെ നിങ്ങളും”
അവൾ കണ്ണീരിൽ ചാലിച്ചു മറുപടി നൽകി. അതോടെ ലോല ഹൃദയനായ സുമേഷ് ഫ്ലാറ്റ്
“ഇനി ഞാൻ അന്നയോട് പഴയതു പോലെ തന്നെ കൂട്ടായിക്കോളാം”
“അപ്പൊ ഫ്രണ്ട്സ” അന്ന കണ്ണുനീർ തുടച്ചിട്ട് ചിരിച്ചു കൊണ്ട് കൈ കൊടുത്തു സുമേഷ് തിരിച്ചും.
“ഡാ ഈ ശനിയാഴ്ച്ച എൻ്റെ വക ട്രീറ്റ്..”
അന്ന ഫ്രണ്ട്ഷിപ്പ് ഊട്ടി ഉറപ്പിക്കാനായി പറഞ്ഞു.
“അയ്യോ ശനിയാഴ്ച്ച പറ്റത്തില്ല അന്നേ, അന്ന് ഞങ്ങൾക്ക് അർജ്ജുവിൻ്റെ പുതിയ ഫ്ലാറ്റിൽ പാർട്ടി ഉണ്ട്.”
അവൻ ആവേശത്തിൽ പറഞ്ഞു. അന്നയുടെ കണ്ണുകൾ ഒരു നിമിഷം തിളങ്ങി യത് സുമേഷ് അത് കണ്ടില്ല
“അത് കുഴപ്പമില്ല എന്നാൽ പിന്നെ സൺഡേ വൈകിട്ട് ആയാലോ?”
അതിന് അവൻ ഒക്കെ അടിച്ചു
അർജ്ജുൻ എല്ലാ ദിവസവും ക്യാഷവൽസ് ധരിച്ചാണ് വരവ്. പക്ഷേ മാനജ്മൻറ്റ് ഭാഗത്തു നിന്ന് യാതൊരു നടപടിയും ഇല്ല. പലരും അത് അവൻ്റെ അടുത്ത് ചോദിക്കുന്നുണ്ടെങ്കിലും ഒരു പുഞ്ചിരി മാത്രമാണ് ഉത്തരം. അർജ്ജുനെ എന്തിനാണ് ഉന്നതങ്ങളിൽ പിടിപാടുള്ള കോളേജ് മാനജ്മൻറ്റ് പേടിക്കുന്നത്. പലരുടെയും മനസ്സിൽ ആ ചോദ്യം ഉയർന്നു.. പക്ഷേ രാഹുലിൻ്റെ അടുത്ത് ചോദിച്ചാൽ അവൻ അർജ്ജുവിനോട് ചോദിക്കാൻ പറയും. അർജ്ജുവിൻ്റെ അടുത്ത് ചോദിച്ചാൽ അവൻ ചിരിച്ചു കാണിക്കും. പക്ഷേ ദീപു ശനിയാഴ്ച്ചത്തെ പാർട്ടിയിൽ വെച്ചു എങ്ങനെയെങ്കിലും ഇവന്മാരുടെ രഹസ്യങ്ങൾ കണ്ടുപിടിക്കണം എന്നുറപ്പിച്ച.
പരീക്ഷയുടെ തിരക്കുകൾക്കിടെ ദിവസങ്ങൾ പെട്ടന്ന് കടന്നു പോയി. വെള്ളിയാഴ്ച്ച വൈകിട്ട് തന്നെ തന്നെ കുപ്പി മൂന്നെണ്ണം എത്തി രണ്ട് JD യും ഒരു ബ്ലാക്ക് ലേബലും. ബ്ലാക്ക് ലേബൽ ജേക്കബ് അച്ചായൻ വരുമ്പോൾ പൊട്ടിക്കാനായി മാറ്റി വെച്ചു കുറച്ചു ചിക്കനും ബീഫും ഒക്കെ വാങ്ങി മണി ചേട്ടന് ഏൽപ്പിച്ചു, പിറ്റേ ദിവസത്തേക്ക് എല്ലാം സെറ്റാക്കി.
ശനിയാഴ്ച്ച ഉച്ചയോടെ എല്ലാവരും അർജ്ജുവിൻ്റെ ഫ്ലാറ്റിൽ എത്തി ചേർന്നു. ഫ്ലാറ്റ് കണ്ട് എല്ലാവരുടെയും ഞെട്ടി.
സുമേഷ്: “ഇത് അടിപൊളി സെറ്റപ്പ് ആണെല്ലോ ചുമ്മാതല്ല നിങ്ങൾ ഹോസ്റ്റൽ വിട്ടു ഇങ്ങോട്ട് വന്നത്, നമ്മൾ എല്ലാവർക്കും താമസിക്കാനുള്ള സ്ഥലം ഉണ്ടല്ലോ. ഫുൾ AC യും സംഭവം പൊളി ആണെല്ലോ.”
ടോണി: “വൈകിട്ട് ഈ ബാൽക്കണിയി ഐസ് ഒക്കെ ഇട്ട ഒരു പെഗും പിടിച്ചു അറബിക്കടലില്ലെ സൂര്യസ്തമയവും കണ്ടിരിക്കാൻ നല്ല രസമായിരിക്കും. ചിക്സ് ഒക്കെ ഉണ്ടോ രാഹുൽ?”
ദീപു:” ഡാ ഇതാരുടെ ഫ്ലാറ്റ് ആണ്?”
അർജ്ജു: “എൻ്റെ ഒരു അങ്കിൾ എംഡി യായിട്ടുള്ള കമ്പനി വക ഗസ്റ്റ് ഹൗസണ് ഈ ഫ്ലാറ്റ്. “
ദീപു: “എന്തിൻ്റെ കമ്പനി ആട. നമുക്കൊക്കെ MBA പഠിച്ചു കഴിഞ്ഞാൽ വല്ല ജോലിയും കിട്ടുമോ ?”
അർജ്ജു:”എന്ധോ സ്പൈസ് എക്സ്ട്രാക്ട് ചെയ്ത് എക്സ്പോർട്ട് ചെയുന്ന പരിപാടി ആണ് “
അല്പം റിലാക്സ്ഡ് ആയതും അവന്മാർ ഫോട്ടോ സെഷൻ ആരംഭിച്ചു ബാൽക്കണിയലും സ്വീകരണ മുറിയിലുമൊക്കയായി സെൽഫിയും ഗ്രൂപ്പ് ഫോട്ടോയും ഒക്കെ എടുക്കൻ തുടങ്ങി. ഞാനും രാഹുലും ടച്ചിങ്സ് ഒക്കെ റെഡിയാക്കാനാണ് എന്ന ഭാവത്തിൽ കിച്ചൻ ഭാഗത്തേക്ക് വലിഞ്ഞു. മണി ചേട്ടൻ അവിടെ ബീഫ് ഫ്രൈ ഉണ്ടാക്കുന്ന തിരക്കിലാണ്. പുള്ളിയെ സഹായിക്കാൻ ആണെന്ന് രീതിയിൽ അവിടെ ചുറ്റി പറ്റി നിന്നു. കുറച്ചു കഴിഞ്ഞിട്ടും ഫോട്ടോ സെഷൻ തീരുന്നില്ല. അത് അവസാനിക്കണമെങ്കിൽ കുപ്പി ഇറങ്ങണം
“ഡാ ടോണി നീ ഇങ്ങു വന്നേ”
അർജ്ജു കിച്ചണിൽ നിന്ന് വിളിച്ചു