ഇങ്ങനെ ഓരോന്നാലോചിച്ചു അവൾ ഉറങ്ങി പോയി. അന്ന് രാത്രി അന്ന സ്വപ്നത്തിൽ അർജ്ജുവിനെ കണ്ടു.
“അന്ന് പുറകിലോട്ട് വളച്ചു ചുംബിക്കാൻ പോയത് പോലെ തന്നെ അർജ്ജുവിൻ്റെ കൈകളിൽ ആണ് ഞാൻ…. അവൻ ഇടതു കൈ കൊണ്ട് അരയിലൂടെ എന്നെ കെട്ടി പിടിച്ചിരിക്കുകയാണ്…… അവൻ്റെ വലതു കൈ എൻ്റെ മാറിടത്തിൽ എൻ്റെ ഹൃദയ തുടുപ്പു അളക്കുകയാണ്. അവൻ്റെ ചൂട് നിശ്വാസം എൻ്റെ മുഖത്തുകൂടി തഴുകി പോകുന്നുണ്ട്…. ആഫ്റ്റർ ഷേവ് ലോഷൻ്റെ മണം എൻ്റെ സിരകളിൽ പടർന്നു കയറുന്നു…. ഞാൻ അവനെ തടയുന്നില്ല എന്ന് മാത്രമല്ല എൻ്റെ രണ്ടു കൈകളും അവൻ്റെ ഇരു കവിളുകളും ചേർത്ത് പിടിച്ചു ചുംബനം സ്വീകരിക്കാനായി കണ്ണടച്ച് നില്ക്കുകയാണ് ഞാൻ….. പക്ഷേ അവൻ എന്തുകൊണ്ടോ എന്നെ ചുംബിക്കുന്നില്ല….. എന്നെ നോക്കി ചിരിക്കുക മാത്രമാണ്……..”
“ഡി അന്നേ എന്താ ഡി ഉറക്കത്തിൽ കിടന്നു ചിരിക്കൂന്നേ. വല്ല സ്വപ്നവും ആണെങ്കിൽ ഞങ്ങളോട് കൂടി പറ“
സ്വപ്നത്തിനു ഭംഗം വരുത്തിയതിന് ഞാൻ അമൃതയോട് ചൂടായി. എന്നിട്ട് വീണ്ടും കട്ടിലിൽ കിടന്നു അന്ന് അവൻ ചെയ്‌ത്‌ കാര്യങ്ങൾ ആലോചിച്ചു. ഞാൻ കണ്ണ് തുറന്നപ്പോൾ എൻ്റെ കണ്ണിലേക്ക് നോക്കി നിൽക്കുന്ന അർജ്ജു. അപ്പോഴാണ് അന്നത്തെ സംഭവത്തിൻ്റെ സി.സി.ടി.വി വീഡിയോ അപ്പച്ചിയുടെ കൈയിൽ ഉണ്ടെന്ന് മീര മാം പറഞ്ഞ കാര്യം ഓർമ്മ വന്നത്. അത് എങ്ങനെയെങ്ങിലും അപ്പച്ചിയുടെ കൈയിൽ നിന്ന് അടിച്ചു മാറ്റി കാണണം. അവൾ തീരുമാനിച്ചുറപ്പിച്ചു.
ആ വീകെൻഡ് തന്നെ അന്ന അപ്പച്ചിയുടെ അടുത്തക്കു പോയി. ശനിയാഴ്ച്ച അപ്പച്ചി ഓഫീസിൽ പോയതും അവൾ അപ്പച്ചിയുടെ ബെഡ് റൂമിൽ കയറി പെൻഡ്രൈവ് തപ്പാൻ തുടങ്ങി. അപ്പച്ചി വെക്കാൻ സാധ്യതയുള്ള ഒരു സ്ഥലം അൽമാരിയിലെ ലോക്കറാണ്. പക്ഷേ അതിൻ്റെ നം. ലോക്ക് അവൾക്ക് അറിയില്ല. പിന്നെ ചാൻസുള്ള സ്ഥലം മേശ വലിപ്പിൻ്റെ ഡ്രോയറി ഉള്ളിൽ ആണ്. എല്ലാ ഡ്രോയറുകൾക്കും ലോക്ക് ഉണ്ട്. ഒഫീഷ്യൽ ഫയൽസ് ഒക്കെ സൂക്ഷിക്കുന്നിടം അവിടെ ആണെങ്കിൽ നോ രക്ഷ വേറെ വഴി ഇല്ലാത്തത് കൊണ്ട് റൂമിലെ ബാക്കി ഇടങ്ങളിൽ അവൾ തിരയാൻ തുടങ്ങി. അപ്പച്ചിക്ക് സംശയം തോന്നാതിരിക്കാൻ എടുക്കുന്ന ഓരോ സാധനങ്ങളും സ്ഥാനം മാറി പോകാതിരിക്കാൻ അവൾ പ്രത്യകം ശ്രദ്ധിച്ച വളരെ സാവധാനം ആണ് തിരച്ചിൽ. കുറെ നോക്കി കഴിഞ്ഞിട്ടും പെൻഡ്രൈവ് കണ്ടെത്താനായില്ല. അപ്പച്ചിയാണെങ്കിൽ എപ്പോൾ വേണെമെങ്കിലും ഓഫീസിൽ നിന്ന് വരാം ലോക്കർ എങ്ങനെ തുറക്കുമെന്നായി അന്നയുടെ ചിന്ത.
എന്നാലും ലോക്കറിലും കൂടി നോക്കാതെ എങ്ങനെയാണ്. അന്നക്ക് ഒരു ഐഡിയ തോന്നി അവൾ ഫോൺ എടുത്തു അപ്പച്ചിയെ വിളിച്ചു
“ഹലോ അപ്പച്ചി,
അപ്പച്ചി എപ്പോൾ തിരിച്ചെത്തും?”
ധനകാര്യാ മന്ത്രിക്ക് ഒരു സമ്മേളനം ഉണ്ട് അത് കൊണ്ട് എങ്ങനെ പോയാലും ആറു മണി കഴിയും.
മോൾ എന്താ വിളിച്ചത്?”
“അത് അപ്പച്ചി ജോണിച്ചായൻ കഫേയിൽ വരുമോ എന്ന് ചോദിച്ചിട്ടുണ്ട്. എനിക്ക് ഡ്രെസ്സിനു മാച്ചിങ് ആയി ഒരു കമ്മൽ വേണമായിരുന്നു. അപ്പച്ചിയുടെ ആ എമറാൾഡ് പതിച്ച ആ കമ്മൽ ഇവിടെ ഉണ്ടെങ്കിൽ ഞാൻ എടുത്തോട്ടെ”
“അത് അലമാരയിലെ ലോക്കറിനകത്തുണ്ട് 3 6 5 1 2 4 അതാണ് പാസ്സ് കോഡ് മോൾ തുറന്ന് എടുത്തോളൂ “
3 6 5 1 2 4 ശരി അപ്പച്ചി താങ്ക്സ് “
അവൾ വേഗം തന്നെ ലോക്കർ തുറന്നു പരിശോദിച്ചു. പക്ഷെ ലോക്കറിൽ പെൻഡ്രൈവ് ഇല്ല. ഒന്ന് രണ്ട് ജ്വല്ലറി ബോക്സ്കൾ മാത്രം. പിന്നെ ഒന്ന് രണ്ട് FD ഡെപ്പോസിറ്റ കുറച്ചു പണവും . അപ്പച്ചിക്ക് സംശയം തോന്നാതിരിക്കാൻ അന്ന നേരത്തെ ചോദിച്ച കമ്മൽ എടുത്തണിഞ്ഞു. ആഭരണ പെട്ടി തിരിച്ചു വെക്കാൻ നേരം ഒന്നും കൂടി പരിശോധിക്കണം എന്നവൾക്ക് തോന്നി. ലോക്കറിനകത്തു ഒരു വെൽവെറ്റ് പാഡിങ് ഉണ്ട് അത് ഇളക്കാൻ പറ്റുമോ എന്ന് നോക്കി പക്ഷേ സാധിക്കുന്നില്ല മുഴുവനായി ഒട്ടിച്ചു വെച്ചിരിക്കുകയാണ്. അന്ന വെറുതെ കൈകൊണ്ട് മൊത്തം ഒന്ന് പരതി നോക്കി. ലോക്കറിനുള്ളിൽ മുകളിൽ എന്ധോ ടേപ്പ് വെച് ഒട്ടിച്ചു വെച്ചേക്കുന്നത് അന്ന ശ്രദ്ധിക്കുന്നത്. തപ്പി നോക്കിയപ്പോൾ ഒരു പെൻഡ്രൈവ് ആണെന്ന് അവൾക്ക് മനസ്സിലായി. അന്ന വേഗം തന്നെ ടേപ്പ് അടർത്തി പെൻഡ്രൈവ് എടുത്ത് അവളുടെ ലാപ്ടോപ്പിൽ കണക്ട് ചെയ്‌തു. പെൻഡ്രൈവിൽ ഒരു വീഡിയോ ഫയൽ മാത്രമാണ് അതിനുള്ളിൽ ഉള്ളത്.
അവൾ വേഗം തന്നെ വീഡിയോ ഫയൽ പ്ലെയ് ചെയ്‌തു. അത് ആ വീഡിയോ തന്നെ, അന്ന് ക്ലാസ്സിൽ നടന്ന സംഭവത്തിൻ്റെ സിസിടീവി വീഡിയോ.
“അവനെ കളിയാക്കാനായി ഞാൻ ഷാൾ കൊണ്ട് കോപ്രായം കാണിക്കുന്നു. അർജ്ജുൻ എൻ്റെ അടുത്തേക്ക് വന്നു. ഞാൻ കരാട്ടെ ഡിഫെൻസിവ് പൊസിഷനിലേക്ക് മാറി പക്ഷേ അവൻ എന്നെ നിസാരമായി കൈക്കുള്ളിലാക്കി പിന്നിലോട്ട് വളച്ചു. എന്നെ ചുംബിക്കാനെന്ന പോലെ അവൻ മുന്നോട്ട് ആയെന്നു. എൻ്റെ പിടച്ചിൽ ഒക്കെ വിഫലമാണ. . ഞാൻ അവൻ്റെ കൈയിൽ തളർന്നു കിടക്കുകയാണ് അവൻ്റെ മുഖത്തു ഒരു ചിരി മാത്രം. താൻ നിശ്ചലമായിട്ടു 20 സെക്കൻഡോളം കഴിഞ്ഞിട്ടാണ് എന്നെ അവൻ തറയിലോട്ട് ഇട്ടത്. അത്രയും നേരം അവൻ എൻ്റെ കണ്ണിലോട്ട് തന്നയാണ് നോക്കിയത്”
അന്ന ഒന്നിലധികം തവണ ആ വീഡിയോ പ്ലേയ് ചെയ്‌തു അവളുടെ മനസ്സിൽ കൂടി പല തരം വികാരങ്ങൾ കടന്നു പോയി. അർജ്ജുവിനോട് ഉള്ള സ്നേഹം, ദേഷ്യം, നാണം എല്ലവരുടെയും മുൻപിൽ അവൾ തോറ്റതിൽ ഉള്ള സങ്കടം അങ്ങനെ പലതും. എപ്പോഴോ കണ്ണുകൾ നിറഞ്ഞു ദൃശ്യങ്ങൾ കാണാൻ പറ്റാതെയപ്പോൾ ആണ് അവൾ സുബോധത്തിലേക്ക് തിരികെ വന്നത്. വേഗം തന്നെ വീഡിയോ ഫയൽ അവളുടെ ലാപ്ടോപ്പിൽ പെട്ടന്ന് ആർക്കും കണ്ടെത്താൻ കഴിയാത്ത ലൊക്കേഷനിൽ കോപ്പി ചെയ്തിട്ടിട്ട് പെൻഡ്രൈവ് അപ്പച്ചിയുടെ ലോക്കറിൻ്റെ ഉള്ളിൽ മുകൾ ഭാഗത്തായി പഴയതു പോലെ തന്നെ ഒട്ടിച്ചു വെച്ചു ലോക്കർ പൂട്ടി.
അവൾ ലാപ്ടോപ്പും എടുത്ത് ഒരു കഫെയിൽ പോയിരുന്നു. കുറെ നേരം കഴിഞ്ഞപ്പോൾ ഹോസ്റ്റലിൽ പോകുന്നു എന്ന് അപ്പച്ചിയെ വിളിച്ചു പറഞ്ഞിട്ട് ഒരു യൂബെറും വിളിച്ചു ഹോസ്റ്റലിൽ പോയി. അവിടെ ചെന്നതും വീഡിയോ അവളുടെ ഗൂഗിൾ ഡ്രൈവിലേക്കും ഫോണിലേക്കുമായി മാറ്റി. ഒരു എക്സ്ട്രാ പ്രൊട്ടക്ഷന് വേണ്ടി ഫോണിൽ ഫയൽ ലോക്ക് ഇട്ട്. എന്നിട്ട് ലാപ്ടോപ്പിലെ കോപ്പി ഡിലീറ്റ് ചെയ്‌തു കളഞ്ഞു.
അന്നയിപ്പോൾ കീർത്തനയുടെ അടുത്തേക്ക് മാറിയിരിക്കാൻ തുടങ്ങി.
അന്നെ ഈ അർജ്ജു ആളെങ്ങനെ? നിങ്ങൾ തമ്മിലുണ്ടായ പ്രശനം ചെറിയമ്മ പറഞ്ഞായിരുന്നു. പിന്നെ ചെറിയമ്മക്കും അവനെ പേടി ആണെന്ന് തോന്നുന്നു.
പെട്ടന്നുള്ള ചോദ്യത്തിൽ ഞാൻ ഒന്ന് പതറി പോയി എങ്കിലും അവൻ കുഴപ്പമില്ല എന്ന് തോന്നുന്നു എന്ന് ഒഴുക്കൻ മട്ടിൽ പറഞ്ഞു. അവൾ കൂടുതലൊന്നും ചോദിച്ചില്ല.
