ഞാൻ ക്ലാസ്സിലേക്ക് വന്നതും കൂട്ടുകാർ എൻ്റെ ചുറ്റും കൂടി. അർജ്ജു എന്തെങ്കിലും പ്രശ്‍നം നീ എങ്ങോട്ടാ പെട്ടന്ന് ഇറങ്ങി പോയത്.? രാഹുലാണ് എന്നോട് ചോദിച്ചത്. ഞാൻ എമർജൻസി നം എന്ന് വിരലുകൾ പൊക്കി ആംഗ്യം കാണിച്ചു. അതിനായിരുന്നോ ഇത്ര ബിൽഡ്അപ്പ് എന്ന് സുമേഷ് പറഞ്ഞതും ചുറ്റും കൂടി നിന്ന എല്ലാവരും പൊട്ടി ചിരിച്ചു. മാത്യവിനും ദീപുവിനും അത് വിശ്വാസമായിട്ടില്ല. രാഹുൽ കഷ്ടപ്പെട്ടു ചിരിക്കുന്നുണ്ട്.
ബ്രേക്ക് ടൈം കഴിഞ്ഞപ്പോൾ മെറ്റമോർഫിസ് കാർ ട്രെയിനിങ് പുനരാരംഭിച്ചു ഒന്നും സംഭവിക്കാത്ത പോലെ ആണ് സാറയും ടീമും പെരുമാറുന്നത്. വളരെ ആക്റ്റീവ് ആണ് അവർ. അതിൻ്റെ ഗുണം ക്ലാസ്സിലും പ്രതിഫലിച്ചു. ഒതുങ്ങി കൂടി ഇരുന്ന് പഠിപ്പിക്കൽ അടക്കം എല്ലാവരും വളരെ ആക്റ്റീവ്. സാറയുടെ ടീമിൻ്റെ വക പല പരിപാടികൾ ഉണ്ട് ഗ്രൂപ്പായും ഒറ്റക്കും, നാടകം മുതൽ പബ്ലിക് സ്‌പീക്കിങ് വരെ. പല തരം കളികൾ കലാ പരിപാടികൾ അങ്ങനെ പലതും. പലർക്കും അത് ഒരു പുതിയ അനുഭവം ആയിരുന്നു. എല്ലാവരുടെയും പോലെ ഞാനും എല്ലാ ആക്ടിവിറ്റികളിലും പങ്കെടുത്തു. സാറയും ടീമും എൻ്റെ അടുത്ത് വിഭിന്നമായി പെരുമാറിയ തും ഇല്ല. സാറയും ടീമും എല്ലാവരുടെയും അടുത്തു ഭയങ്കര കമ്പനിയായി. അവരിൽ നിറഞ്ഞിരിക്കുന്ന ആ പോസിറ്റിവിറ്റിയാണ് അതിന് കാരണം.
രണ്ടാമത്തെ ദിവസം പെയർ ആയി ചെയ്യേണ്ട ഒരു ആക്ടിവിറ്റി ഉണ്ടായിരുന്നു. റാൻഡം ആയി തിരഞ്ഞെടുക്കുന്ന രണ്ട് പേരുടെ ഒരു ടീം അങ്ങനെ മൊത്തം ക്ലാസ്സിൽ 28 ടീം. ഓരോ ടീമും ഒരു സാങ്കൽപ്പിക ഉൽപന്നം ഒരു മിനിറ്റു കൊണ്ട് അവതരിപ്പിക്കണം. ഞാനും പുതിയ കുട്ടി കീർത്തനയുമാണ് പെയർ ആയി വന്നത്. അവളാണെങ്കിൽ എൻ്റെ അടുത്ത് സംസാരിക്കാറെ ഇല്ല പോരാത്തതിന് മീര മാമിൻ്റെ നീസും (മരുമകൾ). എങ്കിലും അന്നവൾ ആദ്യമായി സംസാരിക്കുന്നതിൻ്റെ ബുദ്ധിമൊട്ടൊന്നും കാണിച്ചില്ലന്ന് മാത്രമല്ല ഞങ്ങൾ രണ്ട് പേരും നല്ല പോലെ സിങ്ക്‌ ആയി പ്രവർത്തിച്ച വിജയകരമായി പ്രോഡക്റ്റ് അവതരിപ്പിച്ചു. എല്ലാവരും ഞങ്ങളുടെ അവതരണത്തെ പ്രശംസിക്കുകയും ചെയ്‌തു.
ദീപവിൻ്റെ നെഞ്ചിൽ അത് ഒരു തീ ആയി മാറി, എങ്കിലും അത് അവൻ ഉള്ളിൽ ഒതുക്കി, അവന് അർജ്ജുവിൻ്റെ അടുത്ത് അസൂയയും ദേഷ്യവും തോന്നി.
അതെ സമയം അന്നക്ക് പ്രത്യേകിച്ച് ഒന്നും തോന്നിയില്ല. എങ്കിലും കീർത്തനയുടെ സ്ഥാനത്തു താനായിരുന്നെങ്കിൽ എന്ന് അവൾ ആഗ്രഹിച്ചു.
അവസാന ദിവസം മുഴുവൻ ഒറ്റ പരിപാടി മാത്രം, 360 ഡിഗ്രീ ഇവാലുവേഷൻ. ഓരോരുത്തരെയായി സ്റ്റേജിൽ വിളിച്ചിരുത്തി അയാളുടെ/ അവളുടെ നല്ല ഗുണങ്ങളും പോരായ്മകളും അവ മറികടക്കാനുള്ള നിർദേശങ്ങളും ഒരു ചെറിയ ചിറ്റിൽ എഴുതി ഇരിക്കുന്നവർക്കിടയിൽ മ്യൂസിക്ക് നിർത്തുന്നത് വരെ പാസ്സ് ചെയ്തുകൊണ്ടിരിക്കും. മ്യൂസിക്ക് നിർത്തുമ്പോൾ അതിൽ നിന്ന് തിരഞ്ഞെടുക്കപ്പെട്ട കുറച്ചു പേർ അവരുടെ കയ്യിൽ അപ്പോൾ ഉള്ള ചിറ്റ് വായിക്കും. ഓരോരുത്തരെ പറ്റി മറ്റുള്ളവർ എങ്ങനെ വിലയിരുത്തുന്നു എന്നറിയാ നുള്ള ഒരു അവസരം.
എല്ലാവർക്കും വയറു നിറയെ സഹപാഠികളുടെ വക കിട്ടുന്നുണ്ട്. പേരു വെളിപ്പെടില്ലാത്തത് കൊണ്ട് എനിക്കെതിരെ കുറെ വിമർശനം ഞാൻ പ്രതീക്ഷിച്ചിരുന്നു. ഏതാണ്ട് അത് പോലെ തന്നെ സംഭവിച്ചു. പലരും ഞാൻ കുറെ കൂടി ഫ്രണ്ട്‌ലി ആകണം മസ്സിൽ പിടിത്തം വിടണം എന്നൊക്കെ എഴുതിയിട്ടുണ്ട്. ആണുങ്ങൾ മാത്രം ഞാൻ അടി പൊളിയാണെന്ന് രീതിയിൽ എഴുതിയിട്ടുണ്ട്. ചിലർ തമാശ രൂപത്തിൽ എനിക്കെങ്ങനെ ഇത്ര മാർക്ക് കിട്ടുന്നു എന്ന് ചോദിക്കാൻ ആണ് അവസരം ഉപയോഗിച്ചിരിക്കുന്നത്. ഏതെങ്കിലും പഠിപ്പിക്കൾ അവനാണ് ചാൻസ്. പക്ഷേ എല്ലാത്തിൽ നിന്ന് വ്യത്യസ്തമായി ഒരു കുറിപ്പ് വന്നു അതിൽ എന്നെ കുറിച്ച് എഴുതിയത് ടോണി വായിച്ചു “Arjun is a gem of a person, no words can describe him” ക്ലാസ്സിലെ ആണുങ്ങൾ എല്ലാവരും കളിയാക്കി ശബ്‌ദം ഉണ്ടാക്കി .
“It seems arjun has a secret admirer ആർജ്ജുനന് ഒരു രഹസ്യ ആരാധകൻ ഉണ്ടെന്നു തോന്നുന്നു.” സാറ അത് പറഞ്ഞതും ക്ലാസ്സിൽ കുറെ പേർ കൈയ്യടിച്ചു.
അത് അന്നയായിരുന്നെങ്കിൽ എന്ന് ഒരു നിമിഷത്തേക്ക് ഞാൻ ആഗ്രഹിച്ചു.
അത് ആരായിരിക്കും എന്ന് അന്നയും ആലോചിച്ചു. അവൾക്ക് ഉള്ളിൻ്റെ ഉള്ളിൽ ഒരു ഒരു നോവനുഭവപ്പെട്ടു.
അത് കീർത്തനയാണ് എന്ന് വേദനയോടെ ദീപു ഉറപ്പിച്ചു.
ആരായിരിക്കും എന്ന് ആലോചിചലിച്ചിച്ചു അന്നയുടെ വിഷമം കൂടി കൂടി വന്നു. അവൾ ഹോസ്റ്റലിൽ ചെന്നതും ആരും കാണാതെ അവളുടെയും അർജ്ജുവിൻ്റെയും വീഡിയോ മൊബൈലിൽ പ്ലേയ് ചെയ്‌തു കണ്ടു. അതോടെ അവളുടെ വിഷമം എങ്ങോ പോയി മറഞ്ഞു മുഖത്തു ഒരു പുഞ്ചിരി വിടർന്നു.
“അർജ്ജു നീ എൻ്റെ മാത്രമാണ് എൻ്റെ മാത്രം നിന്നെ ഞാൻ സ്വന്തമാക്കിയിരിക്കും”
ഹോസ്റ്റലിൽ പല പേരുകളും ഊഹിച്ചു പറയുന്നുണ്ടങ്കിലും അന്നയുടെ പേരാരും തന്നെ പറഞ്ഞില്ല. ആണുങ്ങൾ വല്ലവരും അർജ്ജുവിനെ പറ്റിക്കാൻ ചെയ്തതാകാം എന്നാണ് മിക്കവരും കരുതിയിരിക്കുന്നത്. കാരണം അവരുടെ അറിവിൽ അർജ്ജുനെ സ്നേഹിക്കാൻ ധൈര്യം ഉള്ള ഒരു പെണ്ണ് അവരുടെ ക്ലാസ്സിൽ പോയിട്ട് കോളേജിൽ തന്നെ ഇല്ല.
അതേ സമയം മീരാ മാമിൻ്റെ വീട്ടിൽ എത്തിയ കീർത്തന വളരെ സന്തോഷത്തിലാണ്. അവസരം കിട്ടിയപ്പോൾ അത് ഉപയോഗിക്കാൻ സാധിച്ചതിൽ അവൾ അഭിമാനിച്ചു. എല്ലാവരുടെയും സംസാരത്തിൽ നിന്ന് കീർത്തനക്ക് അർജ്ജുവിനെ ആദ്യം പേടിയായിരുന്നു. ചെറിയമ്മയാണെങ്കിൽ സംസാരിക്കുക പോലും ചെയ്യരുത് എന്നാണ് പറഞ്ഞിരിക്കുന്നത്. പക്ഷേ ഒന്ന് രണ്ടു ഗ്രൂപ്പ് ആക്ടിവിറ്റി കഴിഞ്ഞതോടെ അർജ്ജുനെ കുറിച്ച് ബാക്കി ഉള്ളവർ പറയുന്നത് എല്ലാം തെറ്റാണെന്ന് മനസ്സിലായി. അർജ്ജുൻ എല്ലാവരുടെ അടുത്തും നല്ല പോലെയാണ് പെരുമാറുക ആര് എന്തു സഹായം ചോദിച്ചാലും ചെയ്‌തു കൊടുക്കും. പിന്നെ പെണ്ണുങ്ങളെ കണ്ടാൽ ചിരിച്ചു കാണിക്കാറില്ല.
അർജ്ജുവിനെ കുറിച്ച് കൂടുതൽ അറിയാൻ വേണ്ടിയാണ് ഞാൻ ജെന്നിയും അന്നയുമായി സൗഹൃദം സ്ഥാപിച്ചത്. പക്ഷേ എല്ലാവർക്കും അറിയുന്ന കാര്യങ്ങളെ അവർക്കും അറിയൂ. അർജ്ജുവിനെ കുറിച്ച് കൂടുതൽ അറിയുന്നത് ചെറിയമ്മക്കാണ്. പക്ഷേ ചെറിയമ്മ എങ്ങാനും അറിഞ്ഞാൽ അതോടെ എൻ്റെ പഠനം വരെ അവസാനിക്കും.
പിറ്റേ ദിവസം മുതൽ സാറയും ടീമും രണ്ടാമത്തെ ബാച്ചിന് ട്രെയിനിങ് ആരംഭിച്ചു. അന്നക്കാണെങ്കിൽ സാറയെ പേർസണൽ ആയി കണ്ട് അർജ്ജുവിനെകുറിച്ചു ചോദിക്കണം എന്നുണ്ട്. പക്ഷേ അവരെങ്ങാനും മീര മാമിൻ്റെ അടുത്ത് ഈ കാര്യം പറഞ്ഞാൽ വലിയ പ്രശ്നമാകും. അതു കൊണ്ട് നേരിട്ട് വേണ്ട ഫോണിൽ കൂടി ചോദിക്കാം എന്നവൾ തീരുമാനിച്ചു.
അന്ന് തന്നെ അന്ന മീര മാമിൻ്റെ പേർസണൽ സെക്രട്ടറിയെ സോപ്പിട്ടു ഹെഡ് ട്രെയിനർ സാറയുടെ ഫോൺ നം ഒപ്പിച്ചെടുത്തു, സന്ധ്യയയോടെ ഹോസ്റ്റലിൽ നിന്നിറങ്ങി കോളേജിൻ്റെ വെളിയിൽ തന്നെ ഉള്ള ഒരു കോയിൻ ഫോണിൽ നിന്ന് അവരെ വിളിച്ചു.
