ഇടതു വശത്തേക്ക് കാലുകളിട്ട് വലതു കാലിൽ ആണവൾ ഇരുന്നത് പക്ഷെ എന്നിലധികം ഭാരം വരാതിരിക്കാൻ അവൾ കഷ്ടപ്പെടുന്നത് എനിക്ക് മനസ്സിലായി
എന്റെ ഒരു കൈ അപ്പോഴും അവളുടെ വയറിനെ ചുറ്റി ഇരിപ്പുണ്ടായിരുന്നു..എന്റെ കഴുത്തിന് ഒപ്പം പൊക്കം മാത്രം ഉള്ളത് കൊണ്ടവളുടെ മുഖം എന്റെ മുഖത്തിനോട് അടുത്താണിപ്പോൾ
ചോദിക്കേണ്ടിയിരുന്നില്ല എന്നൊരു ഭവമായിരുന്നില്ലേ അവളുടെ മുഖത്ത് എന്നെനിക്ക് തോന്നി
“…ഓർമ്മവെച്ചകാലം മുതൽ കൈകൾ കോർത്തുപിടിച്ച് നടന്നതും, ഒരുമിച്ചിരുന്നു ചിരിച്ചതും സന്തോഷിച്ചതും, ഞാൻ ഒരിക്കൽ പോലും വിഷമിച്ചിരിക്കാൻ വിടാതെ എന്നെ ചേർത്തു നിർത്തിയൊരു പെണ്ണേ ഉള്ളു…എന്റെയീ ജീവൻ പോലുമാ ഒരുത്തിക്ക് വേണ്ടിയുള്ളതാ. അവളാണ് എന്റെയെല്ലാം….അതെന്റെ മടിയിലിരിക്കുന്ന എന്റെ പെണ്ണാണെന്നെവിടെ പോയി പറയാനും ഞാൻ തയ്യാറാ…പക്ഷെ ഇപ്പഴുമെന്റെ പെണ്ണിനത് മനസ്സിലാക്കാൻ കഴിയാതെ ഓരോ ചോദ്യോം ചോദിച്ചോണ്ടിരിക്കും…”
അത് മുഴുവനവളുടെ കണ്ണുകളിൽ നോക്കിയാണ് ഞാൻ പറഞ്ഞത്..
പറഞ്ഞു കഴിഞ്ഞപ്പോൾ ആ മിഴികളിൽ ചെറിയ ഈറണനിയുന്നത് ഞാൻ ശ്രദ്ധിച്ചു
എന്നിലേക്ക് അവൾ ചുരുണ്ടുകൂടിയെന്നെ കെട്ടി പിടിച്ചിരുന്നു
“സോറിയഭീ…”
“നീ തന്നെ അല്ലെ പെണ്ണേ പറഞ്ഞത് നമ്മൾക്കിടയിലിതുവരെ ഇല്ലാതിരുന്നത് ഒന്നും ഇനിയും വേണ്ടെന്ന്…ന്നിട്ടിപ്പൊ നീ തന്നെ അത് പറയാ…?”
“ഹ്മ്….”
“എന്ത് കും…വായിതോന്നണത് എന്തേലും അങ്ങു വിളിച്ച് പറയാ എന്നിട്ടെന്റെ വായീന്ന് ന്തേലും കേട്ടിട്ട് ഉടനേയിങ്ങനെ ചുരുണ്ട് കേറിയ മതീലോ പെണ്ണിന്…”
“ഹ്മ്…ഹ്മ്…പോടാ…ഞാൻ പിന്നെ വേറെ എവിടേലും പോവോ..എനിക്കെന്റെ ചെക്കന്റെ നെഞ്ചിലെ ചൂടുപറ്റിയിരിക്കാൻ അരുടേം അനുവാദം വേണ്ട!!…”
“…ഹ്..ശെരിയെന്ന..” ഞാൻ ഒന്ന് ചിരിച്ചു പറഞ്ഞു
“..എടി മണുക്കൂസെ…”
” ആഹ്മ്…”
“കാല് ചെറുതായി വേദനിക്കുന്നുണ്ട് ട്ടോ…”
“അയ്യോ…” അവൾ പിടഞ്ഞെണീറ്റു
എന്നെ നോക്കിയവൾ നഖം കടിച്ചു നിക്കുന്നു…ഒരു പേടി ആ മുഖത്തുണ്ട്…
“നോവുണ്ടോടാ….”
“ഏയ്…വിഷമിക്കണ്ട ഒന്നുല്ല പെണ്ണേ…”
“എന്നാലും….”
“..നിന്റെയീ പഞ്ഞികെട്ട് കുറച്ചുനേരം കൂടെ ഇരുന്നിരുന്നേൽ കൊള്ളാരുന്നു പക്ഷെ ചെറിയൊരു വേദന വന്നോണ്ടാ…ഇല്ലേ നിന്നെ ഞാൻ പൊക്കി വിടുവൊ…” ഞാനത് പറഞ്ഞു ചിരിച്ചു
പെണ്ണിന്റെ മുഖത്തൊരു തെളിച്ചം വന്നു…ഒരു നാണം കലർന്ന പുഞ്ചിരി തന്നവൾ തിരിഞ്ഞു മറ്റെന്തോ ചെയ്യാൻ പോയി..
അങ്ങനെ അന്നത്തെ ദിവസവും സാധാരണ പോലെ പോയി..ഇങ്ങനെ കുറച്ച് ദിവസങ്ങൾ കൂടെ ആ ആശുപത്രിയിൽ കഴിയേണ്ടി വന്നു…ഇടക്കൊരു ദിവസം കയ്യിലെയും മറ്റ് കെട്ടുകളുമഴിച്ചു..അതുകാരണം ആ കൈയ്യൊന്നു ഫ്രീയായി…
ഈ ദിവസങ്ങളിലെല്ലാം ശ്രീ എന്റെയൊപ്പം തന്നെ ഉണ്ടായിരുന്നു…ഇടക്ക് അമ്മയും ജാനിയമ്മയും അച്ഛനും ചാച്ചനും വന്നു നിൽക്കാറുണ്ടായിരുന്നു…
അപ്പോഴൊക്കെ അവരുടെ മുഖത്ത് ആകെയൊരു മൂടൽ ഞാൻ ശ്രദ്ധിച്ചിരുന്നു
എന്താണ് കാരണമെന്ന് മാത്രം മനസ്സിലായില്ല!!
എന്നെ കാണാൻ ആയി പലപ്പോഴായി അനുവും വന്നിരുന്നു..
അങ്ങനെ ഒരു ദിവസം അനു ഞങ്ങളുടെ കുറച്ചു കൂട്ടുകാരുമായി വന്നു
ഒരു ചെറിയ പടതന്നെ റൂമിലേക്ക് കയറി വന്നു..അനു കയറി വന്നതും എന്റെ അടുത്തുണ്ടായിരുന്ന ശ്രീയെ ചേർത്ത് പിടിച്ചു നിർത്തി…ഇത് കണ്ടുനിന്ന മറ്റുപിള്ളേർക്കരല്ലാം ആകെ ഒരു അത്ഭുദമായിരുന്നു.
“..എടി നീയെന്നെയൊന്ന് നുള്ളിയെ…” അവിടെ കൂട്ടത്തിൽ നിന്ന ഒരുത്തൻ കൂടെ നിന്നയൊരു പെണ്ണിനോട് പറഞ്ഞതും അവൾ അവന്റെ തൊലിയുരിഞ്ഞു പോകുന്നപോലൊരു പിച്ചു വെച്ചുകൊടുത്തു
“..നാറി പിച്ചാൻ പറഞ്ഞാൽ പിച്ചികീറിയെടുക്കാനല്ല പറഞ്ഞേ..ഔഫ്…ഓ”
“നിനക്ക് അല്ലേലും നല്ലയൊരു നുള്ളു തരണമെന്ന് നല്ല ആഗ്രഹമായിരുന്നു അതെന്തായാലും നടന്നു……അല്ല നീയെന്തിനാ പിച്ചാൻ പറഞ്ഞേ” ആ നുള്ളിയവൾ പറഞ്ഞു
“…അതുപിന്നെ കണ്ണികണ്ടാൽ കൊല്ലാൻ നടന്നിരുന്നവള് ഇപ്പൊ ദേ അവളെ ചേർന്ന് നിക്കുന്നു…അത് വിശ്വാസം വരാഞ്ഞിട്ടാവും നിന്നോടത് പറഞ്ഞത്…”വേറൊരുത്തിയുടെ മറുപടി
“എന്നാലും എന്റളിയാ ഇവരെങ്ങനെ ഒന്നിച്ചട..”നുള്ള് കിട്ടിയിവൻ എന്നോട് ചോദിച്ചു
“..ഡെയ് നീയൊക്കെ എന്നെ കാണാൻ തന്നെയാ വന്നേ???…”
“..സോറിയടാ മച്ചമ്പി…ഇതുവരെ കാണാത്ത കാഴ്ചകൾ കാണുമ്പോ പലതും മറന്നുപോയതാ…നിനക്കിപ്പോ എങ്ങനെ ഉണ്ടടാ…”
“…വേദന ഒക്കെ കുറവുണ്ടടാ…കുറച്ച് ദിവസം കൂടെയിവിടെ ഇങ്ങനെ കിടക്കണമെന്ന തോന്നുന്നെ…”
“..എന്തായാലും നീ റെസ്റ്റ് എടുക്ക് ക്ലാസ്സിന്റെ കാര്യവൊന്നും നീ മൈന്റ് ആക്കണ്ട അതെല്ലാം നമ്മക്ക് എച്ച് ഓ ഡിയോട് പറഞ്ഞ് സെറ്റ് ആക്കാം..!!”
അങ്ങനെ കുറച്ചു നേരം സംസാരവും ചിരിയും ഒക്കെ കഴിഞ്ഞവർ പോകാനിറങ്ങിയപ്പോ കൂട്ടത്തിലെയൊരുത്തി പറഞ്ഞു
“അഭിനവേ ഇതിന് നീ എന്തായാലുമൊരു ചെറിയ പാർട്ടി തന്നെ തരണം കേട്ടോ..!!”
ശ്രീയെയും അനുവിനെയും നോക്കിയാണവളത് പറഞ്ഞത്..
“എടി അവരടെ വഴക്ക് തീർന്നതിന് ഞാനെന്തിനാടി ചെലവ് ചെയ്യണേ..വേണേ അവര് തന്നെ തരട്ടെ…”ഞാൻ ചോദിച്ചു
“…പൊക്കെ പെണ്ണേ ചെലവൊക്കെ പിന്നെ..ചെയ്യാം അവനൊന്നാത് വയ്യാണ്ടിരിക്കാ അപ്പഴാ…”അനുവിന്റെ മറുപടി
“…ചെലവൊക്കെ ഞങ്ങള് തന്നേക്കാം ഇപ്പൊ അവനെ നിങ്ങള് വെറുതെ വിട്ടേക്ക്!!”..പിറകെ ശ്രീയുടെ മറുപടി
“..എനിക്കിതൊന്നും കാണാൻ മേലെ..” എന്നു പറഞ്ഞുകൊണ്ട് ചിലവ് ചെയ്യാൻ പറഞ്ഞവൾ ബാക്കിയുള്ളവരെയും തള്ളി പുറത്തേക്കിറങ്ങി..”
അവർ പോയിട്ട് കുറച്ച് സമയത്തിന് ശേഷം എന്തൊക്കെയോ ചിന്തിച്ചിരിക്കുന്ന അനുവിനെ കണ്ട ശ്രീ അവളെ വിളിച്ചു
“..അനൂ..ഡി..എന്തന്നാ ഈ ആലോചിച്ചു കൂട്ടണേ..?”
“അല്ല ശ്രീ…അഭിയുടെ അമ്മയ്ക്കും അച്ഛനും എന്നെ എന്തോ ഇഷ്ടമല്ലാത്ത പോലെയാണിപ്പോ…”
“..ഏഹ് അതെന്താ ഇപ്പൊ അങ്ങനെ തോന്നാൻ..അതൊക്കെ നിന്റെ വെറും തോന്നലാവുമനൂ…അമ്മയ്ക്ക് നിന്നെ വല്യ കാര്യമാണല്ലോ” അമ്മയന്ന് അനുവിനോട് സംസാരിച്ചതൊക്കെ വെച്ചു നോക്കുമ്പോ അങ്ങനെയൊക്കെ അവൾക്ക് വെറുതെ തോന്നുവാനെ വഴിയുള്ളൂ!!
“..അല്ലഭീ ഞാനും ശ്രദ്ധിച്ചിരുന്നു..മുന്നത്തെ പോലെയല്ലിപ്പൊ…സന്ധ്യമ്മയുടെ മനസ്സിലെന്തോ ഉണ്ട്ടാ…” ശ്രീ പറഞ്ഞു
“..ടാ അന്ന് എന്റെ കൂടെ എന്റെ ആക്സിഡന്റ് പറ്റി കിടക്കുന്ന കസിനെ കാണാൻ ആയിട്ടവർ വന്നുകഴിഞ്ഞാണിങ്ങനൊക്കെ…”
എന്താവും കാരണമെന്നറിയാൻ തലപുകഞ്ഞിരുന്ന് ആലോചിച്ചു ഒരെത്തും പിടിയും കിട്ടിയില്ലെനിക്ക്!!..എന്നാലുമെന്താവും കാരണം…കണ്ടുപിടിക്കാം…
പിന്നീട് പലപ്പോഴും അനു വന്നപ്പോ ഞാൻ അമ്മയെ ശ്രദ്ധിച്ചിരുന്നു അച്ഛൻ പിന്നെ പകൽ ഹോസ്പിറ്റലിലേക്ക് വരാത്തതിനാൽ അവിടുന്ന് കാര്യമെന്താന്ന് അറിയാൻ കഴിയില്ലെന്നറിയാവുന്നത് കൊണ്ട് ആ വഴിക്ക് പോയില്ല!!..
