“അയ്യോ…നന്നായി നീര് വെച്ചിട്ടുണ്ടല്ലോ…ഈശ്വരാ”
“..ഇപ്പൊ ഈക്വൽ ആയില്ലേ..പിണക്കം മാറിയില്ലേ..”
“…ശോ ഒന്നടങ്ങഭീ അങ്ങനൊന്നും പറയല്ലേ…റെസ്റ്റ് വേണമെന്ന് പറഞ്ഞിട്ടിപ്പൊ നീര് വന്നിരിക്കണൂ…എന്തൊക്കെയാ ഇന്ന് കാട്ടി കുട്ടിയെ…ദേവീ എന്റെ പൊട്ടബുദ്ധിക്ക് അന്നേരം അങ്ങനൊക്കെ തോന്നിയും പോയല്ലോ..”
“..ചുമ്മാതിരിക്ക് പെണ്ണേ ഇതൊക്കെ മാറിക്കൊള്ളും..ഇതിന്റെ പേരിൽ ആ നല്ല നിമിഷങ്ങളെ കുറ്റം പറയാൻ നിക്കേണ്ട..”
“…എന്നാലും..”
“…കുന്നാലും…പോയേ പെണ്ണേ നീ…നിനക്ക് വേണ്ടി ഇങ്ങനെ കുറച്ചനുഭവിക്കുന്നതിലെനിക്കേ ഒരു വിഷമവുമില്ല..”ഞാൻ പറഞ്ഞു അപ്പോളതിന് കെട്ടി പിടിച്ചു കവിളിലൊരു മൃദു ചുംബനമായിരുന്നു സമ്മാനം
“…അതൊക്കെ പോട്ടെ …നിനക്ക് നല്ല വേദനയുണ്ടോ…?”
“..ഏയ്..വെള്ളം വീഴുമ്പോളുള്ള ചെറിയ നീറ്റൽ…പിന്നെ കാൽ അടുപ്പിച്ചു നടക്കാനും ചെറിയ പ്രയാസം അത്രേയുള്ളൂ…”നിസ്സാരമായ കാര്യമാണെന്ന് എന്നെ വിശ്വസിപ്പിച്ചപ്പോലെ അവൾ പറഞ്ഞൊപ്പിച്ചു
” .എഴുന്നേൽക്ക് ഞാനീ ബെഡ്ഷീറ്റൊന്ന് മാറ്റട്ടെ ആരെങ്കിലും കണ്ടാൽ തന്നെ മനസ്സിലാവും ഇതിലെന്തോ കാര്യായിട്ട് നടന്നിട്ടുണ്ടെന്ന്…” അതുപറഞ്ഞവൾ എനിക്ക് ബെഡ്ഡിനരികിൽ ഒരു കസേര വലിച്ചിട്ടു തന്നു
എന്നിട്ടവൾ ബെഡ്ഷീറ്റ് മാറ്റി പുതിയത് വിരിച്ചു എന്നിട്ടെന്നെ ബെഡിലേക്ക് പിടിച്ചിരുത്തിയിട്ട് അവളും എന്റെ അടുത്തിരുന്നെന്റെ കാൽ എടുത്തവളുടെ മടിയിൽ വെച്ചിട്ട് അവൾ ബെഡ്ഷീറ്റ് വിരിച്ചിട്ട് എടുത്തുകൊണ്ടുവന്ന മുറിവെണ്ണ എന്റെ കാലിൽ പുരട്ടി തന്നു…
“… അകത്ത് കളഞ്ഞത്..പണിയാവോ പെണ്ണേ…” മരുന്ന് പുരട്ടികൊണ്ടിരുന്ന അവളോട് ഞാൻ ചോദിച്ചു
“..ആയാലെന്താ.. അച്ഛൻ നീയല്ലേ…” വളരെ സ്വാഭാവികമായി അത് പറഞ്ഞപ്പോ ഞാൻ അവളുടെ മുഖത്തെക്ക് കിളിപോയ നോട്ടം നോക്കി..
“..അയ്യടാ ഇതു പറഞ്ഞ് അവരുടടുത്തോട്ട് ചെന്നെച്ചാലും മതി ഇപ്പൊ എന്നെ അച്ഛനും നിന്നെ അമ്മയുമാക്കും..എന്റെ പൊന്ന് പെണ്ണേ ജാനിയമ്മയോ എന്റമ്മയോ അറിഞ്ഞാലുള്ള കാര്യം ഓർത്തിട്ടെനിക്ക് ഒരു പിടുത്തവുമില്ലാട്ടോ..”
“…എനിക്ക് സേഫ് ആണ് ചെക്ക നീയങ്ങനെ പേടിക്കല്ലേ…അതുമല്ലെങ്കിൽ പിൽസ്സ് ഏതെങ്കിലും കഴിക്കാം…” അതു പറഞ്ഞവളെന്റെ കാലിൽ ആ പതുപതുത്ത കൈകൾ വെച്ച് ചെറുതായി തടവാൻ തുടങ്ങി
“..അല്ല ഏതെന്ന് പറഞ്ഞാ വാങ്ങാ..”
“..ആവോ അതനുവിനോട് വല്ലോം ചോദിക്കാം…”
“…എന്റെ പൊന്ന് പെണ്ണേ ഇതിനി അവളെ അറിയിക്കണോ…ശേ”
“..എന്നാ എന്റെ കൊച്ചിന്റെ അച്ഛനാവാൻ റെഡി ആയിക്കോ മോൻ..”
“…അതാ അതിലും നല്ലത്!!..”
“..അവളുടെ ഏതോ അകന്ന ഫാമിലി ഫ്രണ്ട് ഡോക്ടറുണ്ടെന്ന് പറഞ്ഞു അവരോട് ചോദിച്ച് വാങ്ങാം അഭീ…”
“..അത് നിനക്കെങ്ങനറിയാം അങ്ങനൊരു ഡോക്ടറുണ്ടെന്ന്…”
“അനു പറഞ്ഞിരുന്നു…”
“..അപ്പൊ നീയവളോട് പറഞ്ഞല്ലേ!!..”
“..ഹ്മ്…” സാധാരണ പോലെ അവളൊന്ന് മൂളിയിട്ട് എന്റെ കാലിൽ തടവിക്കൊണ്ടിരുന്നു..
“ആ പൂർണ്ണമായി!!!…..ശേ ഇനിയവളുടെ മുഖത്തു ഞാൻ എങ്ങനെ നോക്കും…”
“..നീയെന്തിനാ അവളുടെ മുഖത്ത് നോക്കണേ എന്നെ നോക്കിയ മതി!!!”
“..ദേ പെണ്ണേ തമാശ കളിക്കല്ലേ…”
പുറത്തപ്പോഴേക്ക് വണ്ടിയുടെ ഹോണടി കേട്ടു..ശ്രീ പോയി വാതിൽ തുറന്നു..
അമ്മയും ജാനിയമ്മയും റൂമിലേക്ക് കയറി വന്നു..അവർ ചെറിയൊരു പോസ് ഇട്ടിട്ട് മുറിയൊക്കെ ഒന്ന് നോക്കിയിട്ട് തമ്മിൽ തമ്മിൽ നോക്കി..
“ഇതെന്ത് കുന്തമാവോ..രണ്ടിനും വട്ടായോ!!”
“..കാലിന് നീരുണ്ടല്ലോടാ ചെറുക്കാ..നീയെന്തായിന്ന് വല്ല ഫുട്‌ബോളും കളിക്കാൻ പോയോ..?” അമ്മയുടെ വകയായിരുന്നു ചോദ്യം..ഞാനാകെ ഒന്നു പരുങ്ങി..അവർക്ക് പിറകിൽ ശ്രീയും നിൽപ്പുണ്ടായിരുന്നു..ആ ചോദ്യം വന്നതും ഒരു നിമിഷത്തേക്ക് എന്റെ നോട്ടം അവളിൽ പാളി വീണു പെട്ടന്ന് തന്നെ ഞാനത് മാറ്റുകയും ചെയ്തു…അമ്മമാരത് കണ്ടോ??ഏയ് കണ്ടുകാണില്ല!!
“ശ്രീമോളാണോ എണ്ണയിട്ടു തന്നത്…”
അമ്മയെന്നോടാണ് ചോദിച്ചതെങ്കിലും മറുപടി ശ്രീയുടെ വകയായിരുന്നു..
“..അതേ സന്ധ്യേമ്മേ ഞാനാ ഇട്ടുകൊടുത്തെ…ഇന്നവൻ എഴുന്നേറ്റ് നടന്നു ഞാൻ പറഞ്ഞതാ നടക്കല്ലേന്ന് അവൻ കേട്ടില്ലമ്മേ..”
ഇടക്ക് ജാനിയമ്മയും വന്നെന്റെ മുടിയിഴകളിലൂടെ കൈയ്യോടിച്ചു
കുറച്ചു കഴിഞ്ഞപ്പോഴേക്കും അവർ രണ്ടുപേരും റൂമിൽ നിന്ന് പുറത്തേക്ക് പോകാൻ ഒരുങ്ങിയിട്ട് പോകാതെ നിന്നു
“..എടി ജാനി നിന്റെ മോൾക്ക് കള്ളം പറയാൻ അറിയില്ലെന്നൊന്ന് പറഞ്ഞുകൊടുക്ക് കേട്ടോ..!!!”
ജാനിയമ്മ അത് കേട്ട് ചിരിച്ചു എന്നിട്ട് ശ്രീയോടായി പറഞ്ഞു
“എന്റെ മോള് മറന്നുപോയൊരു കാര്യമുണ്ട് ഞങ്ങളെ നിങ്ങടെ അമ്മമാരാ..”
“എന്തിനാ ശ്രീമോളെ അറിയാത്ത പണിക്ക് പോണേ..”ശ്രീയോടായി അമ്മ ഒരു ചിരിയോടെ ചോദിച്ചു
ശ്രീയാകെ ചൂളി നിക്കാണ്..എന്താണ് അവർ പിടിച്ചതെന്ന് മനസ്സിലാവാതെ അവൾ നിന്ന് വിരൽ കടിച്ചുകൊണ്ട് നിന്ന് വിയർക്കുകയായിരുന്നു..ഇടക്കിടക്ക് എന്നെ നോക്കുന്നുമുണ്ടവൾ
ഞാൻ പൊട്ടൻ ആട്ടം കാണുമ്പോലെ അവർ പറയുന്നതും കേട്ട് എന്താ മറുപടി പറയേണ്ടത് എന്നറിയാതെ കട്ടിലിൽ ഇരിക്കുകയാണ്
“..ഒരു കാര്യം ഞാൻ പറഞ്ഞേക്കാം രണ്ടുമിനിയീ കുട്ടിക്കളി ഒക്കെ നിർത്തിക്കൊ…”ജാനിയമ്മ പറഞ്ഞു നിർത്തിയതും ‘അമ്മ പറഞ്ഞു തുടങ്ങി
“..അഭീ എടാ ശ്രീയെ നമുക്കങ്ങു കെട്ടിച്ചു വിട്ടാലോ..എപ്പോഴും നിന്നെ നോക്കി ഇങ്ങനെ ഇരുന്നാൽ ശെരിയവില്ലലോ!! എന്താ നിന്റെ അഭിപ്രായം?”
എനിക്കാകെ ഒരു ഷോക്ക് അടിച്ച അവസ്ഥ..നെഞ്ച് പടപടാ ഇടിക്കുന്നു..ശ്രീയെ നോക്കിയപ്പോൾ അവൾക്കും എന്റെ അതേ അവസ്ഥയാണ്…മുഖമാകെ ഇരുണ്ടു പെണ്ണിന്റെ..എനിക്കുമെന്ത് ചെയ്യണമെന്നറിയാത്ത അവസ്ഥ
ഒരു ദയനീയ അവസ്ഥയിൽ ഞാൻ ജാനിയമ്മയെ നോക്കിയപ്പോ അത് കാണാത്ത മട്ടിൽ ജാനിയമ്മ പറഞ്ഞു..
“..അവനതിൽ സന്തോഷമേ കാണൂ സന്ധ്യേ…ശ്രീയേക്കാൾ അവനായിരിക്കും കൂടുതൽ സന്തോഷം!!”
ഇവരെന്തൊക്കെയാ ഈ പറയണേ ഇവർക്കറിയില്ലേ ശ്രീയെ എനിക്കിഷ്ടമാണെന്നുള്ള കാര്യം!! എനിക്കാകെ വട്ടു കയറി..
“..അമ്മേ അത് ഇങ്ങനൊക്കെ ഇപ്പൊ…”ഞാൻ പറഞ്ഞു തുടങ്ങിയതും
“..ഞങ്ങളിന്ന് പോയ വഴിക്ക് ശ്രീമോളുടെ ജാതകം ആ കണിയാരെക്കൊണ്ട് നോക്കിയിരുന്നു..അവൾക്ക് ചേരുന്നൊരു പയ്യന്റെ ജാതകം കിട്ടുവേം ചെയ്തു….
…….ശ്രീമോൾക്ക് പരിചയമുള്ളൊരു പയ്യനാണെടാ..” അമ്മ പറഞ്ഞു
അത്രയും കെട്ടപ്പോഴേക്കും ശ്രീയുടെ കണ്ണു നിറഞ്ഞൊഴുകുന്ന പരുവമായി..എന്റെ ചങ്ക് പൊട്ടിപോകുമോ എന്നുവരെ തോന്നിപ്പോയി..ബെഡിൽ നിന്നും ഞാൻ ഞൊണ്ടി എഴുന്നേറ്റു
“…പയ്യന്റെ പേര് അഭിനവ്..അച്ഛന്റെ പേര് രാജീവ്..അമ്മ ദാ ഈ നിക്കുന്നവൾ..”അമ്മയെ ചൂണ്ടി ജാനിയമ്മ അത് പറഞ്ഞപ്പോഴേക്കും ശ്രീ കരഞ്ഞു പോയിരുന്നു
