നക്ഷത്രങ്ങൾ തമ്മിൽ ചേരില്ല, നമുക്ക് പിരിയാം എന്ന്. എനിക്ക് തലക്ക് അടി കിട്ടിയ അവസ്ഥയായി. ആദ്യം വല്ലാതെ വിഷമിച്ചെങ്കിലും, അവൾ എന്നെ തേച്ചതാണെന്ന് മനസ്സിലായപ്പോൾ ഞാൻ പതിയെ നോർമൽ അവസ്ഥയിലേക്ക് വന്നു. പിന്നെ ഞാനും ജിതിയെ അവളെപ്പറ്റി അന്വേഷിച്ചപ്പോഴാണ്, അവൾ ഒരു
കളിക്കാരി ആയിരുന്നെന്നും, ബോയ്സിന്റെ ഫീലിംഗ്സ് വച്ചു കളിച്ചു, അവരെ തേക്കുന്നത് അവളുടെ സ്ഥിരം പരിപാടിയാണെന്നും അറിഞ്ഞത്.
എനിക്കുള്ള പ്രണയം എന്നെ തേടി വരുമ്പോൾ സ്വീകരിക്കാം എന്നുള്ള വിചാരവുമായി ഞാൻ ജീവിക്കാൻ തുടങ്ങി.
നവ്യ :അവളോട് പോകാൻ പറ, ശരിക്കും നീ രക്ഷപ്പെട്ടതല്ലേടാ….
നിനക്കായ് നല്ലൊരു പെണ്ണ് എവിടെയെങ്കിലും ഉണ്ടാകും.
ഞാൻ: ആ… എന്തേലും ആകട്ടെ. തനിക്ക് പ്രേമം ഒന്നും ഇല്ലായിരുന്നോ?
നവ്യ :ഉണ്ടായിരുന്നു.അത് പറയാൻ തുടങ്ങിയാൽ ഒരുപാട് ഉണ്ട് പറയാൻ. ഞാൻ നേരിട്ട് പറയാം. നാളെ നീ ഫ്രീയാണോ?
ഞാൻ: അതെ, നാളെ പരിപാടി ഒന്നുമില്ല.
നവ്യ :നാളെ ഞാൻ ലീവാണ്. നിനക്ക് രാവിലെ 10 മണിക്ക് ടൗണിലെ പുഴയോരത്തുള്ള പാർക്കിൽ വരാൻ പറ്റുമോ?
ഞാൻ: വരാലോ…
നവ്യ :എന്നാൽ ശരി, നമുക്ക് നാളെ സംസാരിക്കാം. ഗുഡ് നൈറ്റ്.
ഞാൻ:ok, ഗുഡ് നൈറ്റ്.
പിറ്റെ ദിവസം രാവിലെ ഞാൻ 10 മണിക്ക് പാർക്കിൽ എത്തി, അവൾ മുമ്പേ എത്തിയിരുന്നു. ഒരു തൂവെള്ള ഫുൾ സ്ലീവ്ചൂരിദാർ ആയിരുന്നു അവൾ ഇട്ടിരുന്നത്.അതിൽ അവളെ എനിക്ക് മാലാഖയെപ്പോലെ തോന്നി.
എന്നെ കണ്ടതും അവൾ ചിരിച്ചു കൊണ്ട് അടുത്തു വന്നു.
നവ്യ :നീ
കറക്ട് ടൈമിനാണല്ലോ?
ഞാൻ: അങ്ങനെയല്ലേ വേണ്ടത്? നല്ല മൊഞ്ചത്തിയായിട്ടുണ്ട്.
നവ്യ : താങ്ക്യൂ….. താങ്കൂ…..
വാ നമുക്ക് ആ മരത്തിന്റെ തണലിൽ ഇരിക്കാം.
അവിടെ ഇരുന്നു കൊണ്ട് അവൾ അവളുടെ കഥ പറഞ്ഞു.
“ഞാൻ മെഡിക്കൽ കോളേജിൽ പഠിക്കുന്ന സമയം എനിക്ക് ഒരു പ്രണയം ഉണ്ടായിരുന്നു, മിഥുൻ എന്നായിരുന്നു പേര് ,എന്റെ സീനിയറായിരുന്നു.കോളേജിലെ അറിയപ്പെടുന്ന പ്രണയ ജോഡികളായിരുന്നു ഞങ്ങൾ. ഞങ്ങൾ തമ്മിലുള്ള പ്രണയം അത്രക്ക് ഡീപ് ആയിരുന്നു. ഞങ്ങൾ മനസ്സും ശരീരവും പങ്കു വെച്ചു. ഞാൻ ഹൗസ് സർജൻസി ചെയ്യുന്ന സമയം. അവൻ ഒരു ദിവസം എന്നെ കാണാൻ വന്നു. അവന്റെ വിവാഹം നിശ്ചയിച്ചു എന്നു പറയാൻ. അവന്റെ ഫാമിലി ഫ്രണ്ടിന്റെ മകളുമായി.ഞാൻ ആകെ ഷോക്കായി. നീ എന്താ പറയുന്നത് എന്നൊക്കെ ചോദിച്ചു. അവരുടെ വിവാഹം മുൻപെ ഉറപ്പിച്ചതാണെന്നും, കോളേജ് ലൈഫ് എൻജോയ് ചെയ്യാൻ വേണ്ടിയാണ് ഞാനുമായി റിലേഷൻ ഉണ്ടാക്കിയതെന്നും പറഞ്ഞു. ഞാൻ ആകെ തകർന്നു.അവനോട് ചൂടായി, എന്തൊക്കെയോ പറഞ്ഞു ബഹളമായി.കോളേജ് മൊത്തം അറിഞ്ഞു. എല്ലാരും എന്നെ കുറ്റപ്പെടുത്തി, ഞാൻ ഒറ്റപ്പെട്ടു. ഞാൻ ഫ്രണ്ട്സ് എന്നു കരുതിയവരുടെ തനിനിറം
എനിക്ക് മനസ്സിലായി. എന്റെ ചെറുപ്പം മുതലുള്ള ഫ്രണ്ടായ റുബീനയുടെ പ്രസവ സമയവും ആയിരുന്നു. ഞാൻ അവളോടു ഒന്നും പറഞ്ഞില്ല. എല്ലാവരോടും എനിക്ക് വെറുപ്പായി, എനിക്ക് എന്നോട് തന്നെ വെറുപ്പായി. എങ്ങനെയോ ഞാൻ കോഴ്സ് കംപ്ലീറ്റ് ചെയ്തു.
കാര്യങ്ങൾ അറിഞ്ഞ റുബീന എന്നെ നിർബന്ധിച്ച് അവളുടെ ഒരു ബന്ധുവിന്റെ ഹോസ്പിറ്റലിൽ ജോലിക്ക് ചേർത്തു. അവിടെ ഞാൻ ആരുമായും കൂട്ടുകൂടിയില്ല. ജോലി ചെയ്യും വരും. ആരോടും ചിരിക്കില്ല, ദേഷ്യം ഇതൊക്കെയായിരുന്നു അവസ്ഥ. അപ്പോളാണ് അരുണിനെ കണ്ടുമുട്ടുന്നത്. ഒരു ഉടക്കിലൂടെയാണ് കണ്ടു മുട്ടിയത്.പിന്നെ അവൻ എന്നോട് കമ്പനിയാകാൻ വന്നു. ഞാനാണെങ്കിൽ ദേഷ്യത്തോടെ പെരുമാറി. പക്ഷെ അവന് നല്ല ക്ഷമയായിരുന്നു. അവൻ പതിയെ എന്നോട് സംസാരിച്ച് കമ്പനിയായി. എനിക്ക് ഒഴിവാക്കാൻ പറ്റാത്ത വിധം നല്ല പെരുമാറ്റത്തിലുടെ അവൻ എന്റെ ഫ്രണ്ടായി. എന്റെ എല്ലാ കാര്യങ്ങളും ചോദിച്ചറിഞ്ഞ് പതിയെ അവൻ എന്റെ സ്വഭാവം മാറ്റി. ഞാൻ പതിയെ പഴയ
അവസ്ഥയിലേക്ക് വന്നു. അരുണിന്റെ അവന്റെ കൂടെ PG ക്ക് പ്രിപ്പയർ ചെയ്യാൻ തുടങ്ങി. അവൻ MBBS ആയിരുന്നു. അങ്ങനെ രണ്ടാളും എൻട്രൻസ്
പാസായി.രണ്ടാൾക്കും ഒരേ കോളേജിൽ കിട്ടി. അവൻ ഡർമ്മറ്റോളജിയും ഞാൻ ഡന്റൽ PG യും. ആ സമയത്തൊക്കെ യഥാർത്ഥ ഫ്രണ്ട് ഷിപ്പ് എന്താണെന്ന് അവൻ മനസ്സിലാക്കി തന്നു.ഞാൻ നന്നായി പഠിച്ചു. അവൻ എന്റെ ജീവിതത്തിന്റെ ഒരു ഭാഗമായി മാറിയിരുന്നു. ഒടുവിൽ കോഴ്സ് കഴിഞ്ഞ് നല്ല മാർക്കോടു കൂടി രണ്ടാളും പാസായി. ഡന്റിസ്റ്റിന്റെ PSC നോട്ടിഫിക്കേഷൻ കണ്ട അവൻ എന്നെ നിർബന്ധിച്ച് അത് എഴുതിച്ചു. അവൻ തൽക്കാലം ഒരു പ്രൈവറ്റ് ഹോസ്പിറ്റലിൽ കയറി. എനിക്ക് PSC കിട്ടി ഞാൻ ജോലിക്ക് കയറി. അവൻ ജോലിക്കിടെ PSC യും നോക്കുന്ന ണ്ടായിരുന്നു.
അങ്ങനെ ഒന്നര വർഷം കഴിഞ്ഞപ്പോൾ അവനും ജോലി കിട്ടി. അപ്പോയ്മെന്റ് ലെറ്റർ കിട്ടിയപ്പോൾ അവൻ എന്നെ വിളിച്ചു. എന്നെ നേരിട്ടു കാണണം എന്നും പ്രധാനപ്പെട്ട ഒരു കാര്യം പറയാനുണ്ടെന്നും പറഞ്ഞു, ഇവിടെ ഈ പാർക്കിൽ കാത്തു നിൽക്കാനാ പറഞ്ഞത്. ഞാൻ കുറേ കാത്തു നിന്നെങ്കിലും അവൻ വന്നില്ല….. അവനെ വിളിച്ചപ്പോൾ കിട്ടിയില്ല. കുറച്ചു കഴിഞ്ഞപ്പോൾ അവന്റെ ഫ്രണ്ട് വിളിച്ചു. അവന് ആക്സിഡന്റ് പറ്റി.
എന്നും കോ.ഓപ്പറേറ്റീവ് ഹോസ്പിറ്റലിൽ അഡ്മിറ്റ് ആണെന്നും പറഞ്ഞു. അവിടെ
പാഞ്ഞെത്തിയ ഞാൻ കണ്ടത് അവന്റെ വെള്ള പുതപ്പിച്ച ശവശരീരമാണ്. ഞാൻ അവിടെ കുഴഞ്ഞു വീണു. അവന്റെ മരണത്തോടെ ഞാൻ ഡിപ്രഷനിലായി. പിന്നെ ചികിത്സകളും കൗൺസിലിംഗും കൊണ്ട് ഞാൻ തിരിച്ചു വന്നു.പക്ഷെ പഴയതു പോലെയായില്ല.ഞാൻ ഒറ്റക്ക് ജീവിക്കാൻ ആഗ്രഹിച്ചു. വീട്ടുകാർ വിവാഹത്തിനു നിർബന്ധിച്ചെങ്കിലും ഞാൻ സമ്മതിച്ചില്ല. കേരളത്തിൽ പല ജില്ലകളിൽ ജോലി ചെയ്തു. മൂന്നു മാസം മുമ്പ് സ്വന്തം ജില്ലയിലേക്ക് സ്ഥലംമാറ്റം കിട്ടി. ഇവിടെയെത്തിയപ്പോൾ സമയം കളയാനും കുറഞ്ഞ പൈസക്ക് സേവനം നൽകാനുമായാണ് ഞാൻ തന്റെ നാട്ടിൽ ക്ലിനിക്ക് തുടങ്ങിയത്.
ഒടുവിൽ എനിക്ക് അതു വഴി ഒരു നല്ല ഫ്രണ്ടിനെയും കിട്ടി.”
പറഞ്ഞു നിർത്തിയ അവളുടെ കണ്ണുകൾ നിറഞ്ഞിരുന്നു. ഇതൊക്കെ കേട്ടതോടെ എനിക്ക് അവളോട് വല്ലാത്ത സഹതാപവും ഇഷ്ടവും എല്ലാം തോന്നി. അവളെ ആ മൂഡിൽ നിന്ന് മാറ്റാതായി ഞാൻ വേറെ ഒരോന്നു ചോദിച്ചു, ചില തമാശകൾ പറഞ്ഞു. പതിയെ അവളുടെ മൂഡ് മാറ്റി. അവൾക്ക് ഞാൻ ഐസ്ക്രീം വാങ്ങിക്കൊടുത്തു.
നവ്യ :ഡാ, എന്റെ കഥകൾ നിന്നോടു പറഞ്ഞപ്പോൾ മനസ്സിന് നല്ല സമാധാനം.
ഞാൻ: അതാണ്…. സമാധാനം കിട്ടിയല്ലോ?ഇനി അത് കളയരുത്.
തനിക്ക് നല്ല ജോലി ഉണ്ട്. ആരോഗ്യം ഉണ്ട്, കുടുംബം ഉണ്ട്. ജീവിതത്തിൽ ഇതൊന്നും ഇല്ലാത്ത എത്രയോ പേരുണ്ട്. അത് കൊണ്ട് ജീവിതത്തെ സ്നേഹിക്കുക, സന്തോഷമായി ജീവിക്കുക. എന്തിനും ഞാനും കൂടെയുണ്ടാകും.
നവ്യ :നീ നല്ലൊരു ഫ്രണ്ടാണെന്നു തോന്നിയത് കൊണ്ടാണ് ഞാൻ എല്ലാം തുറന്നു പറഞ്ഞത്.
ഞാൻ: ഞാൻ എപ്പോഴും തന്റെ നല്ല ഫ്രണ്ടായിരിക്കും. ഇനി നവ്യ മോൾ മനോഹരമായ ആ ചിരി ചിരിച്ചേ….
അതു കേട്ട അവൾ മനോഹരമായി പുഞ്ചിരിച്ചു….
കുറച്ചു സമയം കൂടി ഇരുന്ന് സംസാരിച്ച് ഞങ്ങൾ തിരിച്ചു പോയി.
വീട്ടിലെത്തിയതായി അവൾ മെസ്സേജ് അയച്ചു.
സന്ധ്യയായപ്പോൾ ഞാൻ അവൾക്ക് മെസ്സേജ് അയച്ചു.
ഞാൻ: ഹലോ. ഗുഡ് ഈവനിംഗ്..
കുറച്ചു കഴിഞ്ഞപ്പോൾ അവളുടെ റിപ്ലൈ വന്നു.
നവ്യ :ഹായ് വിച്ചൂ, ഗുഡ് ഈവനിംഗ്…
ഞാൻ: എന്തു ചെയ്യുവാ?
നവ്യാ :കടക്കുവാടാ ?
ഞാൻ: എന്തു പറ്റി ഈ സമയത്ത് കിടക്കാൻ?
നവ്യ :വയറു വേദനയാടാ….
ഞാൻ: അയ്യോ എന്തു പറ്റി, ഐസ്ക്രീം പണി തന്നതാണോ?
