ഒരു എ സര്‍ട്ടിഫയിഡ് പ്രണയം – 2

“”അതല്ലേ ഇപ്പൊ പറഞ്ഞത്, അല്ലേ തന്നെ ഈ മിസ്സ്‌ എന്നേലും എന്റെ മുൻപിൽ നിന്നു തന്നിട്ടുണ്ടോ. പോട്ടെ ഒന്ന് ചിരിച്ചിട്ടുണ്ടോ ? “”

“”അതായിരിക്കും മിനഞ്ഞാന്ന് എന്നെ തള്ളി ഇടാൻ നോക്കിയത്. തന്റെ ആ പിടുത്തം ഇപ്പോഴും കിടപ്പുണ്ട് എന്റെ വയറ്റിൽ. “”

“”ഹായ് എവിടെ,….

എന്റെ ചോരയുടെ ചുമപ്പ് നെഞ്ചിൽ ഉണ്ടെന്നു പറഞ്ഞു ,ഇപ്പൊ പിടുത്തത്തിന്റെ തടുപ്പ് വയറ്റിൽ ഉണ്ടെന്നും. വേറെ എന്തൊക്കെ എവിടൊക്കെയുണ്ട് “”

വീണ്ടും ആ സ്ലീവച്ചന്‍ പണി പറ്റിച്ചു. ഈ കാമുകന്മാരൊക്കെ എങ്ങനെ പെണ്ണുങ്ങളോട് സംസാരിക്കുന്നു, ഹോ ഇനി പെണ്ണുങ്ങളോട് സംസാരിക്കാന്‍ എവിടേലും ട്രെയിനിംഗ് കൊടുക്കുന്നുണ്ടോ ആവോ.

“”ഇതാ പറഞ്ഞത് നീ എത്ര ശ്രെമിച്ചാലും ഉള്ളിൽ ഉള്ള ഫ്രോഡ് ഇടക്ക് വന്നൊണ്ടേ ഇരിക്കും. നിന്നെ പറഞ്ഞിട്ട് കാര്യമില്ല..എന്ത് ചെയ്യാം സഹിക്കന്നെ “”

ദേഷ്യം കാണിച്ചവൾ എനിക്ക് മുഖം തരാതെ പറഞ്ഞു

“”ഹേ… അപ്പൊ എന്നെ സഹിക്കും ല്ലേ, എല്ലാം മനസിലാവുന്നുണ്ട്. എന്നെ ഇഷ്ടമാണെന്ന് സമ്മതിച്ചാലെന്താ.””

അവൾ അത് പെട്ടെന്ന് സമ്മതിച്ചു തരില്ല എന്നെനിക്കിപ്പോ ഉറപ്പുണ്ട് എങ്കിലും ഒന്നുടെ എറിഞ്ഞു നോക്കിയതാ. എങ്ങാനും ഇഷ്ടം ആണെന്ന് പറഞ്ഞാലോ.

“”ആയിട്ടില്ല, “”

“” എന്തായിട്ടില്ല “”

ഞാൻ ചോദിച്ചു

“”ഒന്നും ആയിട്ടില്ല, താൻ ആ വയ്യാത്ത തലയും വെച്ചവിടെ അടങ്ങി കിടക്ക്””.

ഞാനും അവളും കുറച്ച്‌ നേരം മിണ്ടാതെ കിടന്നു.

“”പിന്നെ മിസ്സിന്റെ ആ ശിഷ്യ ഉണ്ടല്ലോ അവൾ എല്ലാം എന്നെ നാണം കെടുത്താൻ ചെയ്യുന്നതാ. കണ്ട അന്ന് തൊട്ട് ആ പിശാശു എനിക്കെതിരെ പല കഥകളും ഇറക്കിയിട്ടുണ്ട്, അവസാനം മിനഞ്ഞാന്നത്തെ സീനും, എല്ലാം അവളായി മനപ്പൂർവം കാട്ടികൂട്ടുന്നതാ“”

അന്ന് അവൾ എന്നോട് കാട്ടിയത് ജീനയും അറിഞ്ഞിരിക്കും, പക്ഷേ പെണ്ണല്ലേ വർഗം എന്തൊക്കെയാ ജീനയോടു പറഞ്ഞുപിടിപ്പിച്ചതെന്ന് ദൈവത്തിനു മാത്രം അറിയാം.

“”ഹ്മ്മ്, എന്നിട്ട് താൻ എന്ത് പേരാ തന്റെ കുട്ടികൾക്കിട്ടത്?
ടോ സ്വപ്നത്തിലെ വാവകൾക്ക്.””

അവൾ ആ വിഷയം മാറ്റൽ എന്നവണ്ണം ചോദിച്ചു.

ഓഹ് അവൾ ഇതാലോചിച്ചു കിടക്കുവാണോ

“”ഏയ്, അത് എനിക്ക് ഇതുവരെ കിട്ടീട്ടില്ല””

“”എങ്കിൽ ഇനി താൻ ഇനി ആ സ്വപ്നം കാണുമ്പോൾ അതിലെ എന്നോട് വന്നു ചോദിക്ക് ചിലപ്പോ അവൾ പറഞ്ഞുതരും. താൻ എന്തായാലും കൊള്ളാം കേട്ടോ, പറഞ്ഞു പറഞ്ഞു ആളെ കുപ്പിയിലാക്കാൻ അറിയാം””

ജീനക്ക് അവളുടെ ചിരി അടക്കാൻ പറ്റിയില്ല. ആഹാ അപ്പൊ ഞാന്‍ തീര്‍ത്തും പരാജയമല്ല. ചെറിയൊരു അഭിമാനം തോന്നി.

“”ഓഹോ അപ്പൊ ഈ ജീനയെ ഇനിയും സ്വപ്നങ്കണ്ടു നടക്കാനാണോ എന്റെ വധി?””

“”ജീനയോ ഞാൻ നിന്റെ ലെക്ച്ചററാണ്, മിസ്സെന്ന് തന്നെ വിളിച്ചാ മതി. പിന്നെ സ്വപ്നം കാണണോ വെണ്ടയോ അതൊന്നും ഞാൻ പറയില്ല. പക്ഷേ ആ സ്വപ്നത്തിലെ അവളും തന്നോടത് പറയാൻ എന്തൊക്കെയോ കാത്തു വെച്ചിട്ടുണ്ട്. സമയം ആവട്ടെ.

പിന്നേ അശ്വതിയില്ലേ അവൾ……””

ജീന ആ അവസാനം പറഞ്ഞത് ഞാൻ കേട്ടില്ല, മരുന്നിന്റെ എഫക്ട് ആണന്നു തോന്നുന്നു ഞാൻ പതിയെ ഉറക്കത്തില്ലേക്കു വീണു. അതിനിടയിൽ എപ്പോഴൊ രണ്ടു ചുണ്ടുകൾ എന്റെ കവിളിൽ പതിഞ്ഞത് ഞാൻ അറിഞ്ഞു. പിന്നെ ഒലിവെണ്ണ തേച്ചു മുടിഎന്റെ മുഖത്തൂടെ ഇഴഞ്ഞു. ആ ഒലിവെണ്ണയുടെ മണം എന്റെ നാസികകളിൽ നിറഞ്ഞു നിക്കുന്നുണ്ട്.

**********

ഞാൻ കണ്ണു തുറക്കുന്നത് ഒരു മുറിയിലാണ്, ചുറ്റും എന്തൊക്കെയോ ഉപകരണങ്ങൾ ഇരിക്കുന്നുണ്ട്. കണ്ടിട്ട് ഒരു ഹോസ്പിറ്റൽ റൂം പോലെയുണ്ട്. എനിക്ക് പരിജയമുള്ളതും ഇല്ലാത്തതും മായി ഒരൊത്തരെയായി എന്റെ മുൻപിൽ നിർത്തി അവരെയൊക്കെ തിരിച്ചരിയുന്നുണ്ടോ എന്ന് ഒരാൾ ചോദിച്ചു. അയാൾ ഒരു ഡോക്ടര്‍ ആണെന്നെനിക്ക് തോന്നി. ഒരു വിധം എല്ലാരേയും ഞാൻ തിരിച്ചറിഞ്ഞു. പക്ഷേ ചിലരെ എനിക്കു മനസിലായില്ല. പക്ഷേ ഞാൻ ആഗ്രഹിച്ച ആൾ അവിടെ ഇല്ലെന്ന തോന്നൽ എനിക്ക് ശക്തായി അനുഭവപ്പെട്ടു. അവളെ പറ്റി ഓർക്കുമ്പോൾ ഒലിവോയിലും ഒരു ചുടു ചുംബനവും, അതാണെന്റെ മനസ്സിൽ.
ആരണവൾ!

പിന്നയും ദിവസങ്ങൾ എടുത്തു ഞാനൊന്നു എഴുന്നേറ്റു നടക്കാൻ. അപ്പോഴേക്കും എനിക്ക് കോളജിൽ പോകണം എന്നൊക്കെയുണ്ട് കാരണം ആ ഒലിവോയിൽ മണക്കുന്ന പെണ്ണ് അവിടെ എവിടേയോ ഉണ്ടെന്നെന്റെ മനസ് പറയുന്നു, എന്റെ ഓർമ്മയിലെ ആ കോളജിന് പോലും ഇപ്പൊ ഒലിവെണ്ണയുടെ മണമാണ്.

അമ്മയോട് ഞാൻ എനിക്ക് കോളജിൽ പോണമെന്ന് പറഞ്ഞു. അവർ അത് സമ്മതിച്ചു. പിറ്റേന്ന് അമ്മതന്നെ എന്റെ കൂടെ വന്ന് കോളേജ് ബസ്സിൽ ആക്കിതന്നു. ഞാൻ ആ ഒലിവോയിൽ തേച്ച ആ സുന്ദരിയേ ഒരൊത്തരുടെ മുഖത്തും തിരിഞ്ഞുനടന്നു. പക്ഷേ എനിക്കത് ആരാണന്ന് കണ്ടെത്താൻ കഴിഞ്ഞില്ല. ഇനി ഇതെല്ലാം എന്റെ തോന്നലുകൾ മാത്രം ആവുമോ?

അമ്മ എന്നെ ഒരു പെൺകുട്ടിയുടെ അടുത്തിരുത്തി, അവൾക്ക് ഞാൻ തേടി നടന്ന ഒലിവോയിലിന്റെ മണമുണ്ട്, കൂടാതെ മറ്റേതക്കെയൊ സെന്റും അവൾ വാരിപൂശിയിട്ടുണ്ട്.

“”ഇത് നിന്റെ ക്ലാസിലെ കുട്ടിയാണ് അറിയുമോന്ന് നോക്ക് “”

അമ്മ എന്നോട് ചോദിച്ചു .

എനിക്ക് അവളുടെ മുഖം ഓർമ്മയില്ല. പക്ഷേ ഏതോ ഒരു കോണിൽ അവളോട്‌ എനിക്കെന്തോ വികാരമുള്ളപോലെ തോന്നി. ഇവൾ ആകുമോ എന്റെ സ്വപ്നത്തിലെ ആ സുന്ദരി? അറിയില്ല, പക്ഷേ അത്രയും സ്നേഹത്തോടെ ആ ദിവസം മുഴുവൻ എന്റെ കൂടെ നിന്നപ്പോൾ, എന്നോട് സ്നേഹത്തോടെ പെരുമാറിയപ്പോൾ ഇവൾ തന്നെയാകുമെന്ന് എനിക്ക് തോന്നി. അവൾക്ക് ഞാനല്ലാതെ മറ്റു കൂട്ടുകാർ ആ ക്ലാസിൽ ഇല്ലായിരുന്നു , അവൾ ആരോടും മിണ്ടുന്നത് ഞാൻ കണ്ടില്ല. അവൾ എന്നെയുംകൊണ്ട് ആളില്ലാത്ത സൈഡ് ബെഞ്ചിൽ പോയിരുന്നു. ആരേലും എന്നോട് എന്തേലും ചോദിച്ചാൽ പോലും അവൾ അതിൽ ഇടപെടും, വെറുതെ അവരോടു അവൾ വഴക്കിടും. അപ്പോഴുള്ള അവളുടെ മറുപടിയിൽ നിന്ന് അവരൊക്കെ ഇവളെ ഭയപ്പെടുന്നു എന്നെനിക്കും തോന്നി. എത്ര ഐശ്വര്യമുള്ള മുഖ, ഇത്രയും സുന്ദരിയായ ഇവൾ വഴക്കിടുന്നത് പോലും കാണാൻ വല്ലാത്ത ഭംഗിയാണ്. ഇവൾ തന്നെ ആവണേ എന്റെ അജ്ഞാത കാമുകി. വളരെ പേടിച്ചാണ് അവളുടെ പേര് ഞാൻ ചോദിക്കുന്നത് .

“”അശ്വതി ചന്ദ്രശേഖർ, എന്താ ചന്തൂസേ എന്നെ നീ ശെരിക്കും മറന്നുപോയ”“

ചന്തൂസ്…..!, അതേ അവൾ തന്നെ, അമ്മയല്ലാതെ ഇന്നേവരെ ഒരുപെണ്ണും എന്നെ ആ പേര് വിളിച്ചിട്ടില്ല, അവൾക്കാ പേരറിയാം! വേറാരും എന്നോട് ഇത്രയും സ്നേഹത്തിൽ പെരുമാറിയിട്ടില്ല, എന്നാൽ അവൾ എന്നെ ഒരുപാട് ഇഷ്ടപ്പെടുന്നു. അത് ഇതവൾ തന്നെയാകും.

ഉറപ്പാണോ?

മനസിന്റെ ഒരു കോണിൽ നിന്ന് ആരോ എന്നോട് ചോദിച്ചു എവിടോ ചെറിയ ഒരു സംശയം ബാക്കിയുള്ള പോലെ. അത് അവൾ തന്നെയാകും എന്ന് ഞാൻ മനസിനെ പറഞ്ഞു പഠിപ്പിക്കാൻ ശ്രെമിച്ചു. എങ്കിലും എന്റെ മനസ് പിന്നെയും ഒരുപാട് ചോദ്യങ്ങൾ ചോദിച്ചു

Leave a Reply

Your email address will not be published. Required fields are marked *