അവൾക്ക് അപ്പൊ എന്നോട്….. അവള് ഇഷ്ടം സമ്മതിച്ചതല്ലേ!…… അപ്പൊ ഞാൻ വെറുതെ പൊട്ടൻ ആവുവാണോ. പെട്ടെന്ന് അതാലോചിപ്പോ എനിക്കൊരു പിടിയും കിട്ടിയില്ല.
“”ഓഹ് അപ്പൊ എന്നെ ഇഷ്ടമല്ലേ? ഞാൻ ഞാൻ കരുതി…..””
“”അതിന് ഇയാള് കണ്ണു നിറക്കുന്നതെന്തിനാ, ഇത്രേ ഉള്ളോ താൻ. അവളു പറഞ്ഞപ്പോ ഞാൻ കരുതി താനൊരു കള്ളതെമ്മാടിയാണെന്ന്. അതുപോലെ ആരുന്നല്ലോ തന്റെ എല്ലാ പ്രാവൃത്തികളും.
ഞാൻ വെറുതേ കൊറേ ആശിച്ചു, ആ പോട്ടേ കരയണ്ട.
നാണക്കേടാടോ ആണ്പിള്ളേര് കരയുന്നത്, അതും ഇഷ്ടപ്പെടുന്ന പെണ്ണിന്റെ മുൻപിൽ.
ഇങ്ങനൊരു പൊട്ടൻ.
ഞാൻ എല്ലാം വിശ്വസിച്ചു പോരെ. “”
അവൾ അപ്പൊ ഏതോ ചേച്ചികഥയിലെ ചേച്ചി റോൾ കളിക്കണോന്ന് തോന്നിപ്പോയി. എന്റെ മുഖം ഒന്ന് വാടിയതിന് കണ്ണൽപ്പം നിറഞ്ഞതിന് ഒരുമാതിരി കൊച്ചു പിള്ളേർക്ക് കളിപ്പാട്ടം കിട്ടാത്തെ വഴക്കിടുമ്പോ അവരെ ആശ്വസിപ്പിക്കുന്ന പോലെ എന്നെ ച്ചേ…. , പക്ഷെ അതും എനിക്ക് ഇഷ്ടമാണ് ഏത്!
“”എന്റെ മനസ്.., ഞാൻ എത്ര നാളായി പറയാൻ വരച്ചിരുന്നതാന്നോ. “”
ഞാന് വിക്കി വിക്കി കുട്ടിയേ പോലെ പറഞ്ഞു.
“”എന്നിട്ടെന്താ അന്നൊന്നും പറയാഞ്ഞേ? “”
അവൾ ആ പഴയ ചിരിയോടെ ചോദിച്ചു.
“”അതല്ലേ ഇപ്പൊ പറഞ്ഞത്, അല്ലേ തന്നെ ഈ മിസ്സ് എന്നേലും എന്റെ മുൻപിൽ നിന്നു തന്നിട്ടുണ്ടോ. പോട്ടെ ഒന്ന് ചിരിച്ചിട്ടുണ്ടോ ? “”
“”അതായിരിക്കും മിനഞ്ഞാന്ന് എന്നെ തള്ളി ഇടാൻ നോക്കിയത്. തന്റെ ആ പിടുത്തം ഇപ്പോഴും കിടപ്പുണ്ട് എന്റെ വയറ്റിൽ. “”
“”ഹായ് എവിടെ,….
എന്റെ ചോരയുടെ ചുമപ്പ് നെഞ്ചിൽ ഉണ്ടെന്നു പറഞ്ഞു ,ഇപ്പൊ പിടുത്തത്തിന്റെ തടുപ്പ് വയറ്റിൽ ഉണ്ടെന്നും. വേറെ എന്തൊക്കെ എവിടൊക്കെയുണ്ട് “”
വീണ്ടും ആ സ്ലീവച്ചന് പണി പറ്റിച്ചു. ഈ കാമുകന്മാരൊക്കെ എങ്ങനെ പെണ്ണുങ്ങളോട് സംസാരിക്കുന്നു, ഹോ ഇനി പെണ്ണുങ്ങളോട് സംസാരിക്കാന് എവിടേലും ട്രെയിനിംഗ് കൊടുക്കുന്നുണ്ടോ ആവോ.
“”ഇതാ പറഞ്ഞത് നീ എത്ര ശ്രെമിച്ചാലും ഉള്ളിൽ ഉള്ള ഫ്രോഡ് ഇടക്ക് വന്നൊണ്ടേ ഇരിക്കും. നിന്നെ പറഞ്ഞിട്ട് കാര്യമില്ല..എന്ത് ചെയ്യാം സഹിക്കന്നെ “”
ദേഷ്യം കാണിച്ചവൾ എനിക്ക് മുഖം തരാതെ പറഞ്ഞു
“”ഹേ… അപ്പൊ എന്നെ സഹിക്കും ല്ലേ, എല്ലാം മനസിലാവുന്നുണ്ട്. എന്നെ ഇഷ്ടമാണെന്ന് സമ്മതിച്ചാലെന്താ.””
അവൾ അത് പെട്ടെന്ന് സമ്മതിച്ചു തരില്ല എന്നെനിക്കിപ്പോ ഉറപ്പുണ്ട് എങ്കിലും ഒന്നുടെ എറിഞ്ഞു നോക്കിയതാ. എങ്ങാനും ഇഷ്ടം ആണെന്ന് പറഞ്ഞാലോ.
“”ആയിട്ടില്ല, “”
“” എന്തായിട്ടില്ല “”
ഞാൻ ചോദിച്ചു
“”ഒന്നും ആയിട്ടില്ല, താൻ ആ വയ്യാത്ത തലയും വെച്ചവിടെ അടങ്ങി കിടക്ക്””.
ഞാനും അവളും കുറച്ച് നേരം മിണ്ടാതെ കിടന്നു.
“”പിന്നെ മിസ്സിന്റെ ആ ശിഷ്യ ഉണ്ടല്ലോ അവൾ എല്ലാം എന്നെ നാണം കെടുത്താൻ ചെയ്യുന്നതാ. കണ്ട അന്ന് തൊട്ട് ആ പിശാശു എനിക്കെതിരെ പല കഥകളും ഇറക്കിയിട്ടുണ്ട്, അവസാനം മിനഞ്ഞാന്നത്തെ സീനും, എല്ലാം അവളായി മനപ്പൂർവം കാട്ടികൂട്ടുന്നതാ“”
അന്ന് അവൾ എന്നോട് കാട്ടിയത് ജീനയും അറിഞ്ഞിരിക്കും, പക്ഷേ പെണ്ണല്ലേ വർഗം എന്തൊക്കെയാ ജീനയോടു പറഞ്ഞുപിടിപ്പിച്ചതെന്ന് ദൈവത്തിനു മാത്രം അറിയാം.
“”ഹ്മ്മ്, എന്നിട്ട് താൻ എന്ത് പേരാ തന്റെ കുട്ടികൾക്കിട്ടത്?
ടോ സ്വപ്നത്തിലെ വാവകൾക്ക്.””
അവൾ ആ വിഷയം മാറ്റൽ എന്നവണ്ണം ചോദിച്ചു.
ഓഹ് അവൾ ഇതാലോചിച്ചു കിടക്കുവാണോ
“”ഏയ്, അത് എനിക്ക് ഇതുവരെ കിട്ടീട്ടില്ല””
“”എങ്കിൽ ഇനി താൻ ഇനി ആ സ്വപ്നം കാണുമ്പോൾ അതിലെ എന്നോട് വന്നു ചോദിക്ക് ചിലപ്പോ അവൾ പറഞ്ഞുതരും. താൻ എന്തായാലും കൊള്ളാം കേട്ടോ, പറഞ്ഞു പറഞ്ഞു ആളെ കുപ്പിയിലാക്കാൻ അറിയാം””
ജീനക്ക് അവളുടെ ചിരി അടക്കാൻ പറ്റിയില്ല. ആഹാ അപ്പൊ ഞാന് തീര്ത്തും പരാജയമല്ല. ചെറിയൊരു അഭിമാനം തോന്നി.
“”ഓഹോ അപ്പൊ ഈ ജീനയെ ഇനിയും സ്വപ്നങ്കണ്ടു നടക്കാനാണോ എന്റെ വധി?””
“”ജീനയോ ഞാൻ നിന്റെ ലെക്ച്ചററാണ്, മിസ്സെന്ന് തന്നെ വിളിച്ചാ മതി. പിന്നെ സ്വപ്നം കാണണോ വെണ്ടയോ അതൊന്നും ഞാൻ പറയില്ല. പക്ഷേ ആ സ്വപ്നത്തിലെ അവളും തന്നോടത് പറയാൻ എന്തൊക്കെയോ കാത്തു വെച്ചിട്ടുണ്ട്. സമയം ആവട്ടെ.