അങ്ങനെ ഒരാഴ്ച്ച കഴിഞ്ഞപ്പോൾ ആ ദിവസം എത്തി… അവളുടെ അച്ഛൻ ഇന്ന് വരികയാണ്.. 10 മണിക്ക് ഫ്ളൈറ്റ് ലാൻഡ് ചെയ്യും ..
അവൾ രാവിലെ അവനെയും കുത്തി പൊക്കി അവർ അന്ന് വാങ്ങിയതിലെ കിടിലൻ മുണ്ടും ഷർട്ടും ഒക്കെ ഇടീപിച്ചു അവൾക് അതിന് മാച് ആവുന്ന സാരിയും ഉടുത്തു . ആ രൂപത്തിൽ അവളെ കണ്ടപ്പോൾ തന്നെ അവൻ അന്തം വിട്ട് നിന്നു.
“നോക്കി നിൽക്കാതെ വാ ഏട്ട 9 മണി ആവുന്നു..”
അവൾ അവന്റെ തലക്കിട് ഒരു കൊട്ടു കൊടുത്തു
അവർ രണ്ടും കൂടെ എയർ പോർട്ടിൽ എത്തി. ഫ്ളൈറ്റ് ലാൻഡ് ചെയ്ത് കുറച്ചു കഴിഞ്ഞപ്പോൾ ആളുകൾ എല്ലാം ഇറങ്ങി വരുന്നത് അവൻ കണ്ടു ..
അവൾ തുള്ളി ചാടാൻ തുടങ്ങിയപ്പോൾ ആണ് അവൻ അവിടെ നിന്നും ഒരു സ്യൂട്ട് ധരിച്ച് നടന്നു വരുന്ന സുമുഖനായ ഒരു മധ്യവയസ്കനെ കണ്ടത്
പുള്ളി പുറത്തേക്ക് ഇറങ്ങിയപ്പോൾ തന്നെ അവൾ ഓടി ചെന്നു പുള്ളിയെ കെട്ടി പിടിച്ചു
“അച്ഛാ…. ദേ…. അച്ചുവേട്ടൻ”
അവൾ അവനെ ചൂണ്ടിക്കാട്ടി …
അവൻ പുള്ളിയുടെ അടുത്തേക്ക് നടന്ന് ചെന്നു.
“ഹായ് മൈഡിയർ മരുമകൻ ”
പുള്ളി അവനു നേരെ കൈ നീട്ടി . അവൻ പുള്ളിക്ക് ഒരു ഷേക്ക് ഹാൻഡ് കൊടുത്തു.
” ചന്ദ്രശേഖരൻ ”
പുള്ളി അവനെ പരിചയപ്പെടുത്തി . അവനും തിരികെ അവന്റെ പേര് പറയാൻ പോയി
“അച്ചു.. അല്ല അർജുൻ അല്ലെ??”
അവർ രണ്ടുപേരും പുഞ്ചിരിച്ചു
“തന്റെ പേര് ഞാൻ എങ്ങനെ മറക്കാൻ ആഡോ”
“മതി മതി കാറിൽ കേറു രണ്ടും വീട്ടിൽ ചെന്നിട്ട് സംസാരിക്കാം ”
അവൻ അച്ചന്റെ ബാഗ് ഒക്കെ എടുത്ത് ഡിക്കി യിൽ ആക്കി
അവളുടെ ബഹളത്തിൽ അവസാനം അവർ വണ്ടിയിൽ കയറി ..
ഫ്ലാറ്റ് എത്തുന്ന വരെ അവൾ അച്ചനോട് വാ തോരാതെ സംസാരം ആണ് … അച്ചു അതൊകെ കൗതുകത്തോടെ നോക്കി ഇരുന്നു.
ഫ്ലാറ്റിൽ കേറി കഴിഞ്ഞു അച്ചനെ ഫ്രഷ് അപ്പ് ആവാൻ വേണ്ടി റൂമിൽ ആക്കി , അവൾ പാചകം തുടങ്ങി. അവൻ അവളെ സഹായിച്ചു കൊണ്ട് അടുക്കളയിൽ തന്നെ നിന്നു.
“അച്ചുവേട്ട പോയി അച്ചന് കമ്പനി കൊടുക്ക്” .
“അച്ഛൻ കുളിച്ചു വന്നില്ല ടി “
“ആം..അച്ഛൻ വരട്ടെ ന്നിട്ട് വേണം നമ്മുടെ ഡേറ്റ് ഫിക്സ് ചെയ്യാൻ”
“ഹോ… എന്തുവാടി പുള്ളി ഇങ് വന്നേ ല്ലേ ഉള്ളൂ”
“ഒ പിന്നെ ഈ കാര്യം തീരുമാനിക്കാൻ വേണ്ടിയാ അച്ഛൻ വന്നത് തന്നെ അപ്പോഴ”
“ഹോ പൊന്നോ നിന്നെ നമിച്ചു ഞാൻ”
“പോയ്‌ ഹാളിൽ ഇരിക്ക് മനുഷ്യ അച്ഛൻ ഇപോ വരും ”
അവൾ അവനെ ഉന്തി തള്ളി അടുക്കളയിൽ നിന്ന് വെളിയിൽ ആക്കി.
അവൻ ഹാളിൽ സോഫയിൽ പോയി ഇരുന്നു. കുറച്ചു കഴിഞ്ഞപ്പോൾ അച്ഛൻ കുളിച്ചു ഫ്രഷ് ആയി വന്നു അവന്റെ കൂടെ ഇരുന്നു.
“ഹോ.. എന്ന ചൂടാ ല്ലേ….
എങ്ങനെ ഉണ്ട് ഇവളെ സഹിക്കാൻ പറ്റുന്നുണ്ടോ??”
അവൻ പുള്ളിയെ നോക്കി ഒന്ന് ചിരിച്ചു.
“ആ വന്നോ… അച്ഛാ അപ്പോ എന്ന തീയതി.. അത് റെഡി ആക്ക് ”
അവൾ ദോശ ചുടുന്ന ഇടക്ക് ചട്ടുകവും ആയി ഓടി വന്നു
“അത് നമുക്ക് ഫിക്സ് ചെയ്യാം മോളെ… നീ ധൃതി വെക്കാതെ… പോയി അത് നോക്ക് കരിഞ്ഞ മണം വരുന്നുണ്ട് ”
“അയ്യോ…”
അവൾ തലയിൽ കൈ വച്ചു അടുക്കളയിലേക്ക് ഓടി.
അവൻ അതൊക്കെ കണ്ടു ചിരിച്ചു ഇരിക്കുകയാണ്.
” അച്ചു.. എനിക്ക് തന്നോട് കുറച്ചു കാര്യങ്ങൾ സംസാരിക്കാൻ ഉണ്ട്”
അച്ചന്റെ മുഖവും ശബ്ദവും ഒക്കെ മാറിയത് അവൻ ശ്രദ്ധിച്ചു.
“എ… എന്താച?”
“ഞാൻ ഇപോ പറയാൻ പോകുന്ന കാര്യം നീ സംയമനം പാലിച്ചു കേൾക്കണം”
പുള്ളി അടുക്കളയിലേക്ക് നോക്കി കൊണ്ട് പറഞ്ഞു
“എ… എന്തായാലും… പറഞ്ഞോ അച്ഛാ .”
അവൻ തെല്ല് പതറി..
“ടാ… അത്…. അത്…”
“ധൈര്യമായി പറഞ്ഞോ… അച്ഛാ”
“എടാ അവൾ ഇപോ പറഞ്ഞ ആ കല്യാണം… അത് നടക്കാൻ പാടില്ല”
പുള്ളി പറഞ്ഞത് കേട്ട് അവൻ അങ്കലാപ്പോടെ അയാളുടെ മുഖത്തേക്ക് നോക്കി..
(തുടരും)
