അവറാച്ചനെ കട്ടിലിലേക്ക് മലർത്തി കിടത്തി മേരി അയാളുടെ വസ്ത്രങ്ങൾ ഓരോന്നായി അഴിച്ചെടുത്ത് അവറാച്ചനെ ഉപ്പൂറ്റി മുതൽ നെറുകംതല വരെ ഉഴിഞ്ഞു….
………/………../………/………
ഒരു 11 മണിയായിക്കാണും….ലാല ഗ്രൂപ്പ് ഓഫ് കമ്പനീസിന്റെ കൊച്ചിയിലുള്ള ഓഫീസ് ഗേറ്റ് കടന്ന് ഉള്ളിലേക്ക് വന്ന ആഡംബരകാറിലേക്ക് നോക്കി സല്യൂട്ട് ചെയ്തു നിൽക്കുന്ന സെക്യൂരിറ്റിക്കാരന് സലാം പറഞ്ഞുകൊണ്ട് അയാൾ മുന്നോട്ട് നീങ്ങി. വണ്ടി പാർക്ക് ചെയ്തത് കയ്യിലൊരു ബാഗുമായി പുറത്തിറങ്ങിയ അയാൾ തന്റെ കറുത്ത കണ്ണട അഴിച്ച് തൂവെള്ള ഷർട്ടിനിടയിൽ തൂക്കിയിട്ടു. പോളിഷ് ചെയ്ത് തിളങ്ങുന്ന ബ്രൗൺ ഷൂസുകൾ മുന്നോട്ട് ചലിച്ചു. നടക്കുന്നതിനിടയിൽ തന്റെ വലതുകൈയിലെ വാച്ചിൽ നോക്കിയശേഷം അയാൾ ഓഫിസിനകത്തേക്ക് പ്രവേശിച്ചു. വിശാലമായ ഫ്രണ്ട് ഡെസ്ക്. അതിഥികൾക്ക് ഇരിക്കുവാൻ പ്രത്യേകം ഇടം. റിസപ്ഷനിൽ അതി സുന്ദരിയായ ഒരു പെൺകുട്ടി ഫോണിൽ ആരോടോ സംസാരിക്കുകയാണ്. അതിനിടയിൽ അവളുടെ ഇളം ചുണ്ടുകൾ പുഞ്ചിരി തൂകാൻ മറന്നില്ല. ആ പെൺകുട്ടിയെ നോക്കി ചിരിച്ചുകൊണ്ട് അയാൾ മുന്നോട്ട് നടന്നു.. ഫോൺ കട്ട് ചെയ്ത അവൾ അയാളുടെ ശ്രദ്ധക്ഷണിച്ചു..
: എസ്ക്യൂസ് മി…. സർ
യെസ്… എന്നും പറഞ്ഞ് തിരിഞ്ഞുനിന്ന് അയാൾ അവളുടെ കണ്ണുകളിലേക്ക് നോക്കി. നേരത്തെ ഉണ്ടായിരുന്ന പുഞ്ചിരിയൊക്കെ മാഞ്ഞു. അവളുടെ മുഖത്ത് ഇപ്പോൾ ഗൗരവ ഭാവമാണ്. അയാൾ ആ പെൺകുട്ടിയുടെ അടുത്തേക്ക് നടന്നു നീങ്ങി.
: ഗുഡ് മോർണിംഗ്…
: ഗുഡ് മോർണിംഗ്. അല്ല ഇങ്ങനെ ഒരാൾ ഇവിടെ ഇരിക്കുന്നത്ത് സാർ കണ്ടില്ലേ. ഒരു ഓഫീസിൽ കയറി ചെല്ലുമ്പോൾ ചില മര്യാദ ഒക്കെ ഇല്ലേ..
: ഓഹ്…I’m sorry..
: It’s Ok. സാറിന് എന്താണ് വേണ്ടത്. ഞാൻ സഹായിക്കാം
: എനിക്ക് നിങ്ങളുടെ ജനറൽ മാനേജരെ ഒന്ന് കാണണം.
: അപ്പോയിന്മെന്റ് എടുത്തതാണോ…
: ഹേയ്.. അതൊന്നും ഇല്ല
: സോറി സാർ… അപ്പോയിന്മെന്റ് ഇല്ലാതെ ആരെയും അകത്തേക്ക് കടത്തി വിടാൻ അനുവാദമില്ല. ധാ.. ഈ കാർഡ് വച്ചോളു. ആ കാണുന്ന നമ്പറിൽ വിളിച്ച് ബുക്ക് ചെയ്ത ശേഷം വന്നാൽ നന്നായിരിക്കും
: എന്റെ കൊച്ചേ… എനിക്ക് ഇന്ന് പുള്ളിക്കാരനെ കണ്ടേ പറ്റൂ.
: കൊച്ചോ…ഉം… സാറെ, ഇതാണ് ഇവിടത്തെ നിയമം. ഞങ്ങളുടെ MD ആള് ഇച്ചിരി സ്ട്രിക്ട് ആണ്. വെറുതേ എന്റെ ജോലി കളയല്ലേ. സാർ ഇപ്പൊ പോവാൻ നോക്ക്
: ഓക്കേ.. ഞാൻ പോവാം. വിരോധമില്ലെങ്കിൽ മാനേജറെ ഒന്ന് വിളിച്ച് ചോദിച്ചൂടെ. മുട്ടുവിൻ തുറക്കപെടുമെന്നാണല്ലോ….
: നിങ്ങൾ എന്നെ വഴക്ക് കേൾപ്പിച്ചേ അടങ്ങു അല്ലെ…
: ഒന്ന് വിളിക്കെടോ… ഞാൻ ദേ അവിടെ ഇരിക്കാം
: സാറിന്റെ പേരെന്താ…
: ഹരി… ഹരിലാൽ
: ഓക്കേ..
ഉടനെ പെൺകുട്ടി ഫോണെടുത്ത് ഡയൽ ചെയ്തു. നടന്ന കാര്യങ്ങളൊക്കെ മാനേജർ രാമചന്ദ്രനുമായി സംസാരിച്ചു.
: ആളുടെ പേരെന്താ പറഞ്ഞത്
: ഹരി.. അല്ല ഹരിലാൽ…
ഉടനെ മാനേജർ കാമറ സ്ക്രീൻ ഓൺ ചെയ്തത് നോക്കിയതും കസേരയിൽ നിന്നും ചാടിയെഴുന്നേറ്റു.
: എന്റെ കുട്ടീ… നീയെന്ത് പണിയാ ഈ കാണിച്ചേ…
ഉടനെ ഫോൺ താഴെവച്ച് രാമചന്ദ്രൻ തന്റെ ക്യാബിനിൽ നിന്നും വെപ്രാളം പിടിച്ച് പുറത്തേക്ക് നടന്നു. റിസെപ്ഷനിലേക്ക് കിതച്ചുകൊണ്ട് വരുന്ന മാനേജരെ കണ്ട് അവളൊന്ന് പേടിച്ചു.. രാമചന്ദ്രൻ ഓടിച്ചെന്ന് അയാളുടെ കയ്യിൽ നിന്നും ബാഗ് വാങ്ങി ആളെ അകത്തേക്ക് ആനയിച്ചു. അയാളുടെ പിറകെ നടക്കുന്ന രാമചന്ദ്രന്റെ തുറിച്ചു നോട്ടം പോയത് അവളിലേക്കാണ്. പെണ്ണൊന്ന് വിരണ്ടു.
: രാമേട്ടാ…
: സാറെ…
: എന്റെ രാമേട്ടാ.. നിങ്ങളോട് ഞാൻ പല പ്രാവശ്യം പറഞ്ഞിട്ടുണ്ട് ഈ സാറേ വിളി നിർത്തണമെന്ന്.
: നിർത്തി… ഇനി ഹരിയെന്നേ വിളിക്കൂ…
: ഇതുതന്നെ അല്ലെ മുന്നേ കണ്ടപ്പോഴും പറഞ്ഞത്.. അത് വിട്. അതേതാ ആ കുട്ടി
: ഞാൻ പറഞ്ഞില്ലേ പുതുതായി ഒരാളെ വച്ചിട്ടുണ്ടെന്ന്… സ്വപ്ന. അവൾക്ക് ആളെ മനസിലായില്ല. ഇത്തവണത്തേക്ക് ഒന്ന് ക്ഷമിച്ചേക്ക്. അവൾക്ക് ഞാൻ കൊടുത്തോളാം..
: എന്ന പോയി കൊടുത്തിട്ട് വാ… ഞാൻ ഓഫിസിൽ ഉണ്ടാവും..